毛毛嘅身體檢查報告

2014年6月8日（星期日）

 

 

個幾星期前已經同毛毛嘅主診吳醫生約定6月7日（星期六）⋯幫毛毛做個全身檢查，結果毛毛⋯

體重～7.3Kg（16.06磅）呢個磅數對毛毛係極限，係變肥仔嘅臨界點，亦算健康正常。

血液～濃度過高（飲水唔夠會有咁嘅情況），長期會有心臟病危險，要想方法令毛毛飲多啲水。

由於同心臟健康有關⋯要毛毛加強運動。

手、腳、關節～健康正常。

牙齒、耳仔、PatPat～非常清潔健康（毛媽功勞）。

眼睛～好乾淨但有開始退化績象，會形成白內障，呢啲狗狗年紀大必會產生嘅問題，情況係正常。

皮膚～毛毛由於先天性遺傳同抗敏能力低⋯最近都係有過啲細細粒嘅脂肪粒，情況屬於健康。

最後吳醫生對毛毛健康嘅評語：毛毛好健康好Fit。

 

毛毛：唉～吳醫生同媽咪咁多野講...可能係大件事...

 

吳醫生：毛毛好健康好Fit...但係要飲多啲水同做多啲運動...

 

毛毛：係咁咋？醫生，俾你嚇死呀！我不嬲都咁Fit啦，份報告冇啲新意...

 

毛爸：嘩～你都好串喎...肥毛...