比賽前夕

2013年11月30日(星期六)

明天就會完成我2013年參加長跑嘅心願。

一直都好明白如果要達成心願…要好努力…甚至備眾人孤立。喺呢啲情况下當時人都會喺家人同心願之間爭取個平行共識，而我爭取到嘅結果…屋企人唔讚成、唔支持…到最尾〝冇意見〞...

講真我本身因為健康問題…家人認為「馬拉松」極限運動係唔適合我…甚至對身體及生命構成威脅…

毛爸 : 呢個只係開始...

賽車期間交通非常塞車...

2013年11月29日（星期五）

噚日聽收音機主持人講⋯代表澳門形象嘅大型活動⋯對市內交通都好大影響⋯我有啲咁嘅經歷⋯

2013年11月15日（星期五）呢日係好特別嘅日子「澳門六十週年大賽車」…由於放假有啲時間就過香港散吓心，問題嚟喇⋯賽車期間到處改路，所有去碼頭方向嘅路都嚴重塞車，揸咗30分鐘車先到碼頭附近停車場，但停車場又爆滿要排隊等位（我等咗一個鐘）。行去碼頭又要兜路（啲警察哥哥會趕你行，唔俾停留）⋯花咗15分鐘先行到碼頭售票處，但售票處又要排隊仲排長龍，我足足花咗兩個幾鐘先落到船⋯過程同走難差不多⋯

毛爸 : 一年一度為澳門大眾...塞車？...要包容吓...

星期日，行山呀！

2013年11月27日(星期三）

對上一個星期日(11月17日)全家去行山⋯快速咁行咗50分鐘（行咗約3．5公里），毛媽同毛毛都應付自如⋯令我驚訝（其實我怕毛媽話辛苦、怕毛毛會扭抱）。

啱啱過去嘅禮拜日(11月24日)再帶毛媽同毛毛去行山晨運，今次雖然行慢咗毛媽同毛毛一樣咁開心⋯仲發現咗好多平時忽略嘅靚景...

原來好多人都有過咁嘅經驗⋯自己嘅人生、工作、生活向前行得太快⋯令自己錯過好多美好嘅事、成功機會、開心快樂…或者我哋適當咁放慢腳步，了解清楚自己嘅目標、價值觀⋯咁⋯可能會有更多得著。

毛爸 : 睇唔睇到毛媽同毛毛呀？

毛爸 : 以前行過都知有個亭...睇落咁靚...而家先發覺...

毛爸 : 啲石牆都好有趣...

毛爸 : 冬天到喇...

毛毛 : 毛爸，行快啲啦喂 ~

毛爸 : 行過好多次都唔覺有呢個石景...好似呀...

毛爸 : 留心睇...呢啲大野花好靚...行行吓就見到一大片...越來越多...

毛爸 : 呢啲銅象公園有好多...細心睇...發覺佢哋神情非常生動...

街霸，毛毛

2013年11月27日（星期三）

喺我哋住嘅附近一帶毛毛都好出名⋯毛毛以外形靚仔、行為飛仔而聞名。

格離屋啲人都唔敢同毛毛一齊搭電梯，大堂管理員、收垃圾嘅阿姨一見我帶住毛毛就唔會同我哋打招呼（佢哋驚毛毛狂吠佢哋），巴士站等車啲阿叔一見毛毛就會左閃左避。

出到街嘅毛毛見到狗就會向對方挑戰永不退縮⋯附近好多狗無論大形、小形一見毛毛⋯有啲就會驚到避開（見到毛毛好似見鬼咁），有啲就連吠都費事吠(當毛毛吠係唱歌）⋯

今朝遇到一隻大金毛狗、一隻臘腸狗（我哋大家相識咖）⋯見到毛毛扎行馬⋯佢哋冇出聲咁慢慢行開（好彩，唔係打交都有份）。

毛毛 : 乜 ~ 「飛仔」有樣睇咖咩？我似「惡狗」？

毛爸 : 你似「爛仔」失禮你阿媽同我呀...

宜蘭地道料理

2013年10月31日（星期四）

民宿女主人全家係宜蘭原居民所以對於宜蘭地道菜非常熟悉同執著，今次介紹我哋去嘅食店同食嘅地道菜都十分精彩⋯

民宿提供嘅早餐其中兩味豬肝同腐乳係家傳秘制，由其嗰味豬肝係好出名嘅手工菜，電視台幾度彩訪主人家嘅製作過程。至於腐乳亦都係限定（每年端午前後釀製），今次食嘅宜蘭菜式⋯道道都好有代表性，講唔晒咁多...

毛爸 : 秘制豬肝非常美味...有啲擔心製作失傳...

毛爸 : 用心做係食得出味道咖...聽講端午前後嘅天氣先適合釀製...限定版...

毛爸 : 秘汁鴨肉...主人家唔肯講秘方...

毛爸 : 呢啲都係地道食品...又特別又美味...

毛爸 : 呢啲係臺灣人嘅家庭餸...蒸肉餅、味雞、蝦炒勝瓜、地瓜粥...

毛爸 : 特色涼伴小食...冬枯、毛豆、黑毛豬...

毛爸 : 舊式打邊爐...淨係個爐已經夠特色...湯底用咸菜做非常野味...

毛毛擦牙仔

2013年11月26日（星期二）

毛毛由BB開始已經習慣每日朝早梳毛、洗眼，旁晚梳毛、擦牙仔⋯但毛毛對擦牙同抹咀都非常不合作，由其係食飽餐之後要擦牙⋯毛毛會好惡咁＂狐＂人仲會作狀咬人，但喺我同毛媽強權、獎勵之下毛毛只有屈服。

一直以來我哋用兒童牙擦幫毛毛擦牙⋯直到有次我哋去旅行將擦牙嘅責任交俾工人，之後⋯毛毛對擦牙非常反感（我估工人太用力整痛毛毛啲牙肉）⋯一幫佢擦牙就會咬人，只有我出馬毛毛先會合作…

毛爸 : 而家我哋己經改用 "手套"幫毛毛擦牙...

荒廢咗嘅氹仔舊單車徑

2013年11月25日（星期一）

上星期五（踩單車）操練經過氹仔舊單車徑⋯前一排聽網友講：周圍環境同衛生情況都好差。

今次仲發覺嗰度冇入口俾單車入，人煙稀少、雜草叢生、單車徑另一邊封咗，路邊放滿建築材料同做緊工程⋯。

實情嗰度日落景色好靚咖，夜晚有壯觀嘅大酒店啲燈飾⋯而酒店仲會隨大節日而改變燈飾佈置非常華麗，而家單車徑好似荒廢咗咁⋯非常可惜。

毛爸 : 今日好似包咗成條單車徑咁...揾個人睇吓都冇...

毛爸 : 新單車徑嘅夜景都一流...我有個想法...新、舊單車徑接通就好囉...

毛毛玩失縱？

2013年11月22日（星期六）

噚日工作勁忙仲唔小心令左腳踝受傷（好彩唔係好嚴重，希望唔會影響到我比賽啦），心情跌到谷底咁收工返屋企。

咦～有啲野唔係好正常⋯點解唔見毛毛歡迎我？我見工人喺廚房做緊野，咁就奇怪？？毛毛病咗？毛毛嚫工人倒垃圾走咗出去？（我唔知點解會向"負面"咁諗嘢）⋯

最後問工人⋯工人：太太頭先帶咗少爺毛落街散步，就返。原來太太一早收咗工，自己諗多咗⋯（自己咁驚⋯應該係受唔理智嘅壞情緒影響）。

毛毛 : 毛爸，嚇嚫呀？有冇流 "馬尿"(眼淚)呀？

毛爸 : 衰仔，你毛爸整嚫你唔關心...仲寸寸貢...

毛爸 : 有時人真係能力有限...點樣小心都避免唔到 "意外"，腳傷令我好愁...

自己真係咁心軟？

2013年11月22日（星期六）

由於毛毛喺我哋食晚飯（食午飯毛毛好乖咁瞓喺梳化度）嗰陣搞搞震⋯呢排一到食飯就會將毛毛上繩，毛毛亦都安靜落嚟⋯噚日我一邊食飯一邊望住毛毛就發覺佢好乖咁坐到直一直眼神好可憐咁望住我哋，直到我哋食飽飯都保持咁嘅姿勢。

今日我見毛毛表現都係咁⋯突然間覺得毛毛好慘⋯我仲諗住食食吓飯放毛毛⋯

毛媽：肥仔，你唔可以咁縱毛毛咖⋯你太心軟喇…

毛爸 : 毛毛眼神好似同我講 : 毛爸，我咁可憐咁乖可唔可以放咗我？

毛毛 : 媽咪，妳最錫我，不如放咗我啦...好唔好呀？

毛媽 : 衰仔，扮野你叻...

令人洩氣嘅情況

2013年11月22日（星期五）

離「銀河國際馬拉松」比賽仲有十日⋯我花咗十個月時間爭取（年紀同健康問題屋企人反對我參加）同操練（跟醫生建議練習），但近期受感冒、工作忙、天氣嘅因素⋯影響操練令狀態跌落谷底。

應醫生指示呢排都係輕鬆咁練呼吸同步伐節奏（踩單車），不過又遇雨天⋯

毛爸 : 要完成心願係要經過流好多汗、花好多時間，有時感覺非常孤獨同辛苦到想放棄...

毛毛對我有啲不滿

2013年11月21日（星期四）

由於噚日單車20公里操練今朝晏咗起身⋯朝早嘅工作為屋企人、毛毛準備早餐、換水、洗尿版⋯今朝仲要煲湯。

不知不覺原來毛毛一直都跟住我行出行入，都最尾毛毛就座喺廚房門口 "怒乂"住我⋯咁我先發覺原來已經好晏⋯仲未帶毛毛出門散步。

毛毛 : 毛爸，今朝你係唔係有啲事未做呀？行得未呀？佬細...

毛爸 : 毛毛小朋好以好嬲咁喎(好認真呀)...

毛毛 : 我好懷疑毛爸有「認知障礙」...唉...乜都話唔記得...

令我極之反感嘅指示牌

2013年11月18日(星期一)

政府喺電視台、報紙、海報宣傳…「寵物公眾地方規章」建議可以訓練狗狗喺屋企便便尿尿，公眾地方狗狗要上繩同帶口罩。

以我嘅睇法…我家嘅狗狗都識得去喺屋企指定嘅地方解决三急(其實帶狗狗外出係俾佢哋有適當運動)...

上繩係一種主人同狗狗溝通嘅方式(其實係防止狗狗走失同發生意外)...

至於帶口罩…只係俾公眾安心狗狗唔會攻擊佢哋(其實狗主更驚週圍啲人嚇嚫狗狗)…

以上方法...對愛狗人士嚟講...係佢哋對狗狗日常生活嘅態度同方式。

政府用罰嘅方法要狗主同狗狗喺公眾地方守呢啲規矩…但有好多公眾地方都唔準狗狗入去玩…

無奈…失望…

毛爸 : 令所有狗主討厭嘅指示牌...

毛爸 : 新開嘅氹仔單車徑...狗狗冇份...

毛毛心聲…今朝玩到夠皮

2013年11月19日（星期二）

禮拜嗰日毛爸踩完單車就⋯帶毛媽同我去大潭山健康徑行山，由於時間關係毛爸話帶埋波波去玩同帶埋早餐去野餐（嘩～有得玩有得食⋯今次肥仔）。

今朝好涼爽行起上嚟好舒服，但今次好奇怪行咗好耐好耐都未到終點⋯

毛毛 : 行山...開始喇...開始喇...

毛毛 : 行咗一陣就見到好多野花...

毛毛 : 毛爸話呢種花咁大朵同咁多喺山上都係第一次見...好靚...

毛爸，我未飲湯呀！

2013年11月18日（星期一）

話說⋯今晚我好晏先收工，第一時間帶毛毛落街散步⋯返到屋企梳洗完就食餐。

但毛毛食飽餐之後唔肯去洗手間抹咀（平日會自動自覺去等抹咀）⋯奇怪？今日發生乜事？我夾硬抱毛毛去抹咀⋯毛毛除咗反擴外仲 "狐"我，我放番毛毛落地佢即時走出廳喺「狗兜」旁邊坐低望住我⋯

最終我想起今日毛毛食雞餐⋯毛仔未飲湯⋯

毛毛 : 毛爸，你係唔係失憶呀？我仲未飲湯呀 ~

毛毛 : 哈哈 ~有湯飲喇...

毛爸 : 毛毛小朋友好認真...我忘到冇晒記性...

單車日誌…冷天凌晨

2013年11月17日（星期日） 5：30 凌晨 大冷風 17度

呢個星期受唔舒服困憂⋯停咗操練，但離開「馬拉松賽」重有兩星期⋯呢啲時間應該加強練習。

今朝心思思⋯終於決定裝身出去踩單車（練氣），今朝有強風、氣溫涼令我有番啲狀態，由天色漆黑⋯踩到出太陽⋯唔覺唔覺咁踩咗42公里…

毛爸 : 今朝好輕輕鬆鬆咁踩咗42公里...

毛爸 : 雖然經常踩車經過呢度...但都係第一次影呢間酒店...

毛爸 : 廣場有棵聖誕樹...即係話聖誕節好快會到...

毛爸 : 每日日出嘅景色都唔一樣...非常迷人...

毛爸 : 毛毛一早就起身陪我裝身，但我出門嗰陣毛毛表情好似好擔心咁...令我難過...

毛毛 : 毛爸，你快啲返嚟帶我去行山呀...

天氣涼了，毛毛都變爛瞓豬了！

2013年11月15日(星期六)

天氣涼咗…人嘅感覺都舒服咗冇熱辣辣咁周身攰，亦都發覺到毛毛一早起身好醒神咁跟我出廳，唔會似喺夏天咁 “呢”埋冷氣房。

而涼天氣嘅晏晝…毛毛就好鍾意曬住太陽覺覺豬…

毛爸 : 毛毛喺太陽下瞓到好甜...好難先整醒佢同佢影相(其實係我唔底得佢咁好瞓，你哋唔好話俾毛毛知呀！)...

毛毛 : 毛爸，正經啦！唔好搞搞震啦！阻住我瞓覺！(平時毛爸就係咁大聲鬧我，今次倫到我鬧毛爸)...

 

幫毛毛修完毛先去剪裝

2013年11月14日（星期四）

每次我都幫毛毛修完腳板毛、耳仔毛、肚仔毛、何B仔…先送毛毛去寵物店剪裝。原因係毛毛啲皮膚好差、腳仔手仔容易擦傷，有時都好擔心美容師大意整傷呢啲位置。

每星期幫毛毛俢毛同檢查已經係一個程序，今次就發現毛毛右後腳有一撻損同紅嘅傷口⋯毛媽梗係即時跟進啦⋯

毛爸 : 由於毛毛成日Lam腳仔嘅傷口...毛媽就要毛帶喇叭頸圈...

毛毛 : 車~喇叭頸圈啫Ma，怕乜野喎...毛爸喺度就唔使帶咖喇...

台灣台北車站

2013年11月14日（星期四）

每次到臺灣都以台北車站做中心點，理由好簡單除咗巴士直接到台北車站外⋯走嗰陣都係喺番嗰度搭車出機場。

車站主樓面積好大四通八達⋯轉乘巴士、的士、捷運⋯都有清晰嘅路牌指示，而且車站周圍有好多百貨店、地下商場、食店⋯

今次我哋到步去「下午茶」嗰間高級甜品店、名牌蛋糕店都係喺台北車站…

毛爸 : 雖然我嚟過好多次...但每次嚟到都發覺有好多野唔同咗...

毛爸 : 火車展覽喺台北車站都係第一次見...

毛爸 : 旁邊草地有機械人陪襯...

毛爸 : 呢個機械人最有形...

毛爸 : 呢間甜品屋喺台北好出名咖，喺假日等位要排隊兩個鐘咖...

仲限定最低消費， 90分鐘就要埋單走...咁棘嘅規矩我都係第一次聽到。

台北艋舺龍山寺

2013年11月13日（星期三）

我哋每次到台北必定去龍山寺⋯除左入寺上香、上香油求家宅平安之外⋯仲喺寺內影相（好奇怪每次去到龍山寺都發覺有好多地方都好似未影過相）、去附近嘅食市食野（去太太最鍾意食嘅「香佳鯕魚米粉湯」食湯米粉）、去地下商場買茶葉、茶壺（雖然嗰度啲茶葉同茶壺係一般貨色，但佬闆好客每次都留住我請我飲茶）⋯

毛爸 : 另一個角度嘅龍山寺...

毛爸 : 令人心境激動流水...

毛爸 : 歷史見証...

毛爸 : 好多人嘅夢想...

毛爸 : 觀音大士出遊嘅座駕...

毛爸 : 另一個角度...

毛爸 : 守護者...

毛爸 : 神獸...

毛爸 : 聽店主講...店開咗超過三十年...小菜 8碟 2碗湯米只係Mop$110，消費好平...

好多星級人士都黎幫嚫過，食物地道、食材另類、味道令人回味，我哋到台北玩必到..