毛爸毛媽毛毛豬: 7月 2015

2015年7月27日星期一

外面落雨啦！

2015年7月26日（星期日）

世界第一流嘅訓狗師都建議⋯狗狗每日應該有40分鐘嘅運動或外出散步。但有時落雨只有行停車場，毛毛對喺停車場散步十分討厭⋯都唔知點解毛毛小朋友會係有咁強烈嘅反應⋯

毛毛：我毛少真係好討厭行停車場咖...點解？我自己都唔知咖....

執雞蛋花俾毛媽

2015年7月26日（星期日）

清晨五點⋯檢查好裝備出去踩單車，準備出門嘅時候就落雨⋯斷斷續續咁啲雨一直落到六點，最後放棄踩單車轉帶毛毛去西環湖邊散步，雖然放假都冇得踩單車而非常失望，但有另一種得益補賞⋯我同毛毛去到湖邊見好多水氹仲有滿地雞蛋花，毛毛第一時間走落水氹玩得好開心⋯我就執花⋯執到忘晒形...仲過晒鐘返屋企。

毛毛：毛爸，有好多水氹呀...啲水好凍冰冰呀！

毛爸：毛仔，好多雞蛋花呀！要執晒佢帶返去俾毛媽...

毛媽：嘩～咁多花...啱晒用嚟做環保用品...

地獄(開工)見聞...手停口停

2015年7月22日（星期二）

呢排早上返工時間都落大雨，上班十分不便⋯前幾日黑雨（暴雨）又暴風，公司通知放假一日，好多人都會好羨慕我哋有假放，我哋嘅行業受天氣影響而唔可以開工係好平常事。

其實⋯天氣影響施工地方不能開工而放假經常都會有，冇工開對於班同事嚟講係有一定嘅壓力，因為我哋班同事係日薪工資制⋯手停口停...

實情...有時我有個心態...工作太辛苦...想唔要錢...要放假...

2015年7月21日星期二

毛毛的太陽墨鏡

2015年7月21日(星期二)

對上一次星期日朝早…去咗黑沙海灘玩，毛媽、毛毛玩到癲…毛毛仲曬到眼仔紅晒，毛媽第二日就…買咗對太陽眼鏡俾毛毛保護對眼仔。

啱啱嗰個星期日一家人去咗星星公園玩，雖然當日冇猛烈太陽…毛媽都幫毛毛帶定太陽眼鏡。

毛爸：毛毛小朋友帶咗墨鏡...好靚仔...

毛毛：有好多人望住晒...好唔慣...

毛爸：毛仔，你好似明星喎...

毛爸：毛仔玩到唔肯走...

2015年7月20日星期一

單車日誌...原來自己都係自私嘅人

2015年7月19日（星期日）5: 30 啱啱天光微風 29度

曾經有經驗約朋友、囡囡⋯飯局或去街⋯對方都話抽唔出時間（當時自己想⋯飯⋯日日都要食，真係忙到食飯時間都冇？），到對方約我（由其係呢幾個月），我都話自己好忙而推約（實情係自己好疲累），原來自已都有借口。

星期日⋯雖然放假⋯但好累好累要恷息，吾知點解⋯凌晨自己又可以起床去踩單車⋯仲要俾平時踩得遠⋯

幾攰幾忙如果係...自己嘅興趣活動...就抽到時間...（自私）

2015年7月18日星期六

毛毛突然嘅反應⋯驚慌

2015年7月19日（星期日）

毛毛近排有㮔奇異嘅行為⋯瞓瞓下覺突然衝出騎樓狂吠，大門口有人聲亦都衝出去吠一偏，甚至食餐時候食具相撞嘅金屬聲都令毛毛好大反應咁垂尾走開，毛毛神經質嘅行為都經常令家人受驚同擔心，毛毛情況就好似受到好大嘅驚嚇而對事物同環境產生驚慌⋯點解？

毛毛：咦～好似有怪聲？？？？

孤獨

2015年7月16日（星期四）

經常見⋯對面屋嘅小朋友喺屋企好孤獨咁自己同自己玩（我敢講大部份嘅小朋友都係咁），回想細個嗰陣父母為養家一樣咁忙碌⋯而幸運地自己就可以日日同隔離屋班朋友仔通街走⋯渡過自由難忘嘅童年。

毛毛小朋友平日亦都獨自留喺屋企面對孤獨，我身為家長嘅感覺無言以對⋯難過。

毛爸：我哋出門嗰陣...毛毛個樣就充滿心事...

毛爸：每日毛毛用呢個最可愛嘅表情歡迎我哋回家....令我哋感動。

2015年7月14日星期二

啱啱落雨

2015年7月15日(星期三)

今早同平日一樣帶毛毛出門散步…突然間由天睛變成落雨，由小雨點變成大雨點，毛毛亦突然間好興奮…搶繩周圍走，我差啲拉唔住呢個百厭星，其實毛仔好鍾意玩水係事實….

毛毛：真係有運喇...啱啱線趕到落雨...有得玩水...

毛爸：激死...

有好多朋友講笑咁同我講⋯介紹佢哋入行，雖然我係做「電訊業」實情有一部份時間喺地盤工地開工，我份工係辛苦同有風險嘅工作加上工地惡劣環境⋯本地人同後生仔都唔願意入行同做唔長，所以我從來都冇介紹人入行，因為...分分鐘俾人麻怨。

我哋做呢行班同事每個人背後都有一個堅持嘅原因⋯養家丶自己學歷低、年紀大咗轉唔到行、為咗可以留喺澳門工作嘅工作証，而我就挑戰自己嘅極限，由於咁我哋行業嘅形象都俾人哋覺得我哋班人都係粗魯嘅人⋯

毛爸：生活現實...揾食難...

2015年7月12日星期日

毛毛下水禮

2015年7月12日（星期日）

上星期日⋯帶毛媽同毛毛去黑沙海灘晨運，一早望住無邊嘅大海吹住海風心情特別好。

毛毛就對海邊啲浪好有興趣，陽光、海沙、海浪⋯令全家都好興奮，毛毛就由沙灘玩到落海⋯四隻腳、咀仔、肚仔全部都係黑沙，全家都玩得盡情⋯

毛媽：毛仔點睇呀？

毛毛：一個字 "正"

毛毛：行 "下水禮 " 喇...

毛爸：睇下毛仔就知佢幾開心...

毛爸：毛仔自細就鍾意玩水...

毛爸：走嗰陣..我同毛媽手丶腳都係沙...毛毛仲成身都海水同黑沙...

2015年7月11日星期六

單車日誌…心引發作

2015年7月12日（星期日）5：50 大煙霞微風 30度

呢兩個幾月由於工作勞累停止咗所有嘅體能操練…因為日常工作已經消耗我全部嘅體力，好多時都好有衝動出去踩單車或者跑步...但力不從心...

我主診醫生同我講：我唔應該太操勞，咁…會對我肝臟做成好大嘅壓力，建議我如果份工作辛苦…不如考慮轉行。凌晨…心血來潮…裝身出去踩單車…

毛爸：現在氹仔好多地方都做緊基建...踩單車有一定嘅危險...

毛爸：氹仔近小形賽車塲迴旋處..開滿好靚荷花係中途休息嘅好地方...

2015年7月6日星期一

祝岳母大人生日快樂

2015年7月6日（星期一）

噚晚⋯我、太太、姨仔一家同岳母到百老匯食晚飯，為岳母大人慶祝生日，老人家雖然行動有少少不便，但精神好好而胃口就同我哋班後生嘅食量有過之而無不及，呢個情況令人感恩⋯

祝岳母大人身體健康、事事如意、生日快樂！

2015年7月5日星期日

非禮毛毛

2015年7月4日（星期六）

有名嘅訓狗師示範⋯當狗狗咬住物件或者玩具唔肯放口⋯只要撫摸狗狗肚仔（近後腳大脾），咁⋯狗狗就會放口（我試過呢個方法好得），我教識工人。

最近我發現工人同毛毛玩互動遊戲嗰陣⋯工人為咗要毛毛放囗⋯居然係去摸毛毛嘅「何B仔」⋯但呢個辦法又有效令毛毛放口，我估工人應該唔會咗我教佢嘅方法同部位，我睇要即時制止同更正工人嘅方法。