平凡的一天

今早天色密雲，要想下今日做d乜，泡茶、飲湯、銀行打簿、買Oggi雜誌、攞槍會會員証、開工作會議。d茶同湯好好飲。

今日同昨日差唔多，成日都好靜，生意唔好，見到老闆塊面變色，黑口黑面。

同事祖家既事已經解決，唔使請假，真好喇，工作上又度過難關。

今早係街撞見老闆娘同契媽，佢地叫我幫手做d野。

佢未買到Oggi雜誌。

今日好夜先收工，其中原因要安排工作，因我聽日休假。

好攰好攰 – 瞓覺。

吓！唔記得食靈芝丸。

 

 

 

 

 

 

 

 

 

 

 

 

香港霧之旅

晨早心兒起身唱歌，我都醒左，六點半起身，裝香，出去露台企左一陣。嘩！好大霧，不過唔係好凍，大約二十度。

今早要九點鐘去做驗身、做掃瞄，做完醫生話，你個肝膽冇乜大變化，你冇事既，放心，驗血報告會送去鄭醫生度。

我搭十點九船過香港，宜家好好太陽，好暖但好大霧。船上我幫左個唔識字既婆婆填入境表，佢好多謝我〈能幫到人自己都好開心〉。

目的地銅鑼灣、旺角。午餐紫菜墨丸河，食飽就去HMV買碟，Jesse Cook "One Night at the Metropolis"，冇貨要訂。買雜誌Oggi，揾左全香港報紙檔都冇〈可能唔係人睇既雜誌〉。去百老滙睇機頂盒，"O"字頭全線冇貨，去"三軍"買護耳罩又係冇貨。經過投注站買左兩張星期日開既六合彩，賣飛個姐姐叫我買張"三T"，佢話中左成千萬架，我都唔識落注。

係時候要走喇，返澳門重有野做。去到碼頭先知因撞船同大霧全線停航，一直到八點才重開。我落八點，十點幾先到澳門，見好多救護車在排隊。

期待明天的假期

今早天色密雲。要想下今日做d乜，泡茶、飲湯、銀行打簿、買Oggi雜誌、攞槍會會員証、開工作會議。d茶同湯好好飲。

今日同昨日差唔多，成日都好靜，生意唔好，見到老闆塊面變色，黑口黑面。

同事祖家既事已經解決左，唔使請假，真好喇，工作上又渡過難關。

今早係街撞見老闆娘同埋契媽，佢地叫幫手做d野。

仲未買到Oggi雜誌。

今日好夜先收工，其中原因要安排工作，聽日我休假。

好攰好攰 - 瞓覺。

吓記得食靈芝丸！

冇乜野好寫......

今日九點鐘就出門返工，因為要安排工作及開會。由早上十一點到晚上十點都好靜，全日都無生意。

午餐 - 蛋糕 + 麵包 + 寶礦力水特。

又買唔到Oggi雜誌，又俾人話喇。

今日成十點幾先收工。

晚餐 - 豉油雞 + 四季豆 + 紅蘿蔔粟米栗子湯 + 木瓜。

放低所有既野 - 瞓覺。

肥仔日誌開張

今日天氣暖左，約20度，陽光普照。9點鐘，又要返工。今日係農曆十二月初一，好快又到鼠年喇。年紀大左就冇乜記性，突然想寫低自己既每日係點樣過，更加唔想忘記同心兒一齊開心既生活。

聽到消息同事祖家發生大事，臨時要請一個星期假返日本，咁會影響我既假期同工作安排。公司人手唔夠，無奈心兒打電話俾我要幫同事買錄音筆，買Oggi雜誌。

晚餐食薯仔煎蛋、豉油皇蒸豆腐、枸杞菜、紫菜蕃茄豆腐湯、木瓜同埋橙。

夜喇！要上床喇！