大阪早晨…

2016年10月22日(星期日)

早晨呀！大阪。

晚上熱鬧嘅商業區…到清晨之後就完全改變，街上變得冷清好似戒嚴。大阪呢個城市早上同晚上都有無比嘅活力…今早天氣變化好大一時陽光普照、一時密雲陰天，尋日只係啱啱到步…各成員己經開始行動…仲有豐富嘅收獲，

日本大阪隱藏住一種可怕嘅吸引力，令人不可抗拒。

代表大阪購物嘅地標...心齋橋

朝聖地...

我哋出發了！

2016年10月22日（星期六）

每次去旅行都會有一個艱難時刻，交毛毛俾工人照顧，由其係今次，因為我同太太都擔心工人管唔住百厭嘅毛毛失控周圍跳跑，再度令啱啱好番嘅腰椎舊患受傷，現在只有相信毛毛已經百分百復原，亦都要相信工人能夠細心照顧好毛毛，真係一切都⋯⋯隨緣。

毛毛年紀長了，身體健康問題令我哋更關注...

十月之星去日本

2016年10月22日（星期六）

對上一次十月之星3家人一齊去旅行已經係好多年前嘅事，每年生日飯局大家都有同一樣嘅目標＂搞一次大家一齊去旅行＂但好奇怪咁多年來未試過成事，今年年初飯局大家只係＂講一講提一提＂就成功約定今年十月一齊去旅行，緣呢樣野就係咁奇妙，期待。

起飛了...

相敍時刻係人生幸福嘅事...飲勝

單車日誌...迎接颱風 “海馬”

2016年10月20日(星期四) 15 : 30陽光普照 一號風球 30度

十日前先打完風…宜家又開始打風，今次颱風嘅名叫 “海馬”… 仲來勢洶洶，個個朋友話聽日一定掛八號風球。

嚟緊幾日可能天氣會轉壞，今日下晝就抽咗時間出去單車徑踩單車，奇怪…風都未打全條單車徑都係黃葉同落花，平日熱鬧嘅租單車區今日非常冷清，除咗少人之外仲冇風…

今日嘅日落景色好靚...

月亮都出來了...

令人憂心嘅毛毛...引發另一種問題

2016年10月17日（星期一）

兩星期前⋯毛毛再度受傷⋯在康復期間⋯由於毛毛有跳梳化、跳凳、跳床嘅習慣，我將梳化改為＂坐地下 "將按摩椅" 封存" 毛毛除咗亱晚瞓覺之㚈其餘時間唔可以入睡房。

現在毛毛雖然康復⋯但又有另一種問題 "過度活躍症" 好百厭，家人經常都好勞氣咁鬧毛毛 "唔準企"  "唔準跳 " "唔準跑"，毛媽同工人⋯妳一句我一句令家嘈屋閉，可以形容為 "另一種熱鬧 "。

毛毛宜家變得更百厭更蠱惑...令我擔心...

十月之星旅遊會議

2016年10月17日（星期一）

人生⋯期中必須要做一次嘅事⋯係同一班十月之星嘅老友一齊去旅行，終於噚日喺氹仔開會。

三個家庭一共七名成員今次係由旅遊達人左小姐策劃及領軍，行程極精彩，包括⋯自駕、喪拼、運動及美食⋯。可以同一班老友們相聚一齊去玩係極開心嘅事，心裡面有一種筆墨難以形容嘅幸福⋯⋯感動了。

今次嘅目的地......

毛毛要停止一切活動

2016年10月12日（星期二）

自從毛毛覆診⋯醫生話唔使食藥建議困籠之後，家人對毛毛出外活動全部停止，為防毛毛用雙後企高同跳上梳化⋯大廳梳化作出嚴密改動部署，毛毛已經冇落街散步，便便同尿尿都係喺騎樓解決，假日又冇得去行山去玩，冇得玩追波波...，毛毛嘅生活行為亦都出現好大嘅變化⋯⋯對毛毛嘅限制家人覺得好狠心...

屋企所有會令毛毛企高、跳嘅地方都加以阻攔，而大廳嘅改變令家人十分唔方便...

單車日誌...一號颱風戒備信號

2016年10月10日（星期日）4：30 晴朗 一號風球 氣温26度

唔記得上次係幾時出去踩單車，今日凌晨檢查好裝備出動，毛毛由我起床開始一直跟著我（呢樣令我好安心），出到馬路有強烈逆風迎面而來，雖然全程都吃力⋯但回程嗰陣不知不覺⋯原來自己已經踩咗30幾公里，辛苦到一個點，回想⋯原來一部份路段已經維修好加上自己心情好所以⋯⋯踩多咗。

逆風而上，應該人人都要有嘅決心...

先兆

2016年10月6日（星期四）

相信兩個幾月前⋯毛毛已經浮現有腰痛即象(我哋冇留意到)，由其係長程散歩，例如...每當假日行山毛毛行咗一半路程就唔肯再行，而平日落街散上、下午相加總時間約40分鐘，近日因自己遲放工⋯所以將毛毛早上散步時間加長，但到回程嗰陣毛毛都有唔願行嘅情況，而傍晚只落街尿尿同便便就返家。

估唔到我哋大意之下引發毛毛舊患腰椎痛復發⋯"大意"呢樣野可大可小...自己真失敗...

我哋都怪毛毛唔肯行係...毛毛"咋嬌"要抱抱，實情係"腰椎痛"...

呢個大吾會...十分抱歉，對唔住呀毛毛...

令人憂心嘅毛毛...要見范醫生．急

2016年10月2日（星期日）

毛毛今朝開始冇晒心機又唔願郁，我哋出街唔歡送我哋、我哋返屋企冇出嚟歡迎我哋，我自己心諗毛毛傷得好犀利、好痛？好彩仲有胃口食餐...

打電話去診所掛號⋯李醫生放大假連相熟嘅醫生都放晒假。我哋經小姨約到范醫生（范醫生係一位出色嘅動物外科醫生），范醫生提早一小時為毛毛診症⋯醫生檢查毛毛腰椎、後腳⋯。

結果⋯醫生讚毛毛後腳關節、腰椎都好正常、實情毛毛腰椎未完全康復同時再觸動舊患產生痛楚所以情緒低落，醫生建議醫冶方法好簡單⋯將毛毛困籠4星期就會好番。

毛毛：困籠？我由BB開始已經唔使困籠喇...醫生，你唔好開玩笑啦...

令人憂心嘅毛毛...腰痛又再度發生

2016年10月2日（星期日）

凌晨⋯我本來出去操練，發生咗特別嘅事～點解毛毛唔出大廳陪我？我擔心嘅事又發生，毛毛又腰痛行動好慢又垂晒尾仲好冇精神，相信痛咗一個夜晚，呢幾日已經加倍照顧好毛毛，好唔明白點解佢腰痛又再發生。

回想⋯只有一個可能⋯噚日下晝同毛毛散步嗰陣⋯毛毛曾經有幾次強力搶繩向前衝，我估係最大可能⋯⋯

毛毛病况時好時壞...令家人心情就好似坐過山車...

毛毛呢两日都好冇心機...

令我極端困或的⋯智能手機

2016年10月3日（星期一）

人人都一機在手⋯智能電話，除咗打電話外仲可以做工作報告⋯打機、影相、搖控⋯仲可以喺網上做好多嘢，可以話係你手上嘅超級皇牌"攞你命三千"。

噚日開工嗰陣⋯唔小心將手機跌落地面（只係離地40公分），部電話嘅畫面就出現好多直線完全不受控制，我電話內嘅工作報告、相片、朋友電話號碼、單收據⋯等等，全部都不能存取，我今次中正"攞你命三千"真係大獲。

我手提電話啲資料好似喺走廊盡頭咁...但走廊就一直都行吾到盡頭...

十月一日國慶煙花2016

2016年10月1日（星期六）

今年煙花節⋯每逢放煙花嗰晚就天氣不佳，所以我一直等到最後國慶煙花先出去拍攝煙花表演。

當晚天氣可以接受，我去到現場安裝準備好嘅器材⋯開始拍攝⋯只係試機影咗4張⋯我身後邊有位阿姨行到我旁邊，舉起手機拍短片，而手機一直開著電筒照明功能⋯之後我影嘅煙花相全部"走光"⋯⋯

毛爸：阿姨，可吾可以閂咗支燈呀？

阿姨：啊？支燈唔係你著嘅咩？

阿姨：呢個位好正呀...

毛爸：真係俾佢激死...

毛爸：我無可奈何...

收工...