不一樣的「馬」

2014年2月28日（星期五）

 

 

馬年⋯喺馬嘅身上⋯用天馬行空嘅想像⋯令馬成為精彩嘅藝術品。

位於觀光塔前地嘅西灣湖廣場由新年開始擺放咗 36 匹由本地藝術家創作嘅馬形藝術品，喺澳門用當年生肖動物主題嚟做一個大形戶外藝術品展覽⋯實在少有...

 

毛爸 : 咁靚嘅馬少有...

 

毛爸 : 神獸？

 

毛爸 : 名副其實嘅「馬車」

 

毛爸：呀~呀~我要飛往天上...

 

馬仔：今年係馬年...我哋大晒咖...哈哈哈

 

毛爸：群馬出動...大塲面呀~

毛爸：日日經過呢個廣塲...都冇留意到...

毛爸：廣場則邊個石台...原來喺度影相...個畫面係好靚咖...

 

 

毛爸：每匹馬嘅著色都十分精彩...

 

毛爸：以上嘅作品全部都係出自澳門本地一班好有才華嘅藝術家...

毛毛傻更更嘅堅持⋯感動

2014年2月27日（星期四）

好耐以前⋯工人姐姐向我告狀⋯當我唔喺屋企嗰陣毛毛變得好百厭⋯由其係我哋出門旅行毛毛更難搞，毛毛會唔肯食餐、唔肯返入房瞓、成日坐喺大㕔望住大門。

前一排太太亦向我告狀⋯話每次凌晨出去踩單車⋯毛毛一定要喺㕔等到我踩完單車返屋企為止，太太因為唔知毛毛喺廳搞乜擔心到瞓唔到⋯大吐苦水。

有一次我操練完返屋企⋯入到大廳⋯只見毛毛坐喺廳中間眼光光咁望實我⋯見到我返嚟勁開心，狗狗對主人忠心係肯定嘅⋯而毛毛對呢份忠心儍更更嘅堅持⋯我已經感受到⋯

毛爸 : 之前有好多新聞報道...狗狗好硬頸咁等主人返屋企...原來係事實...唔到我唔信...

毛爸 : 我知到凌晨 3~4點係最好瞓嘅時候...毛毛都起身陪我裝身...

毛爸 : 唔知毛毛點解咁堅持...好眼瞓儍更更嘅毛毛...令我非常感動...

屋企多咗批住客「水族」

2014年2月26日（星期三）

最近太太迷上「水族」⋯

「水族」對於我嚟講亦都有段古仔，我由小朋友對周圍嘅事物發生好奇開始就接觸「水族」⋯同屋表哥、大姨丈、姑媽⋯佢哋屋企都養咗一缸靚魚，當時對於魚點解要喺水中生活感到謎惑，曾經對水底世界非常响往，讀書嗰陣屋企就養咗一缸錦鯉魚⋯

接毛毛返嚟屋企住之前太太都一直有養魚，毛毛出現後太太全力照顧毛毛⋯就放棄咗養魚，到而家⋯由我接手照顧毛毛，毛毛變得百厭又開心⋯太太就更放心又多咗時間，咁⋯轉行搞「水族」

毛爸 : 個魚缸喺香港寵物展買咖...一套有打氣機、濾水器、大燈、夜燈....

毛爸 : 歡迎你哋呀！魚仔...

珍惜每一次玩樂

2014年2月24日（星期一）

過去嘅幾個星期六、日⋯由於天氣同工作關係毛毛都冇得出去玩。

噚日下晝終於有時間帶毛毛去大潭山旁邊嘅小廣場玩，毛毛小朋友開心到有啲失控⋯好難怪⋯毛毛係寵物所有起居、生活、行動⋯都非常倚賴我哋（家長）同非常被動。

我哋會忘記狗狗生命係短暫嘅⋯我哋都好自然好習慣性咁用人類嘅時間觀念去計算⋯「來日方長」⋯但以狗狗十幾年嘅生命⋯家長們應該珍惜每一次嘅相敘耍樂⋯

毛爸 : 毛毛狂玩新玩具...

毛爸 : 夕陽無限好...

毛爸 : 毛毛小朋友我哋走喇...你夠鐘食餐喇...Go Go Go..

毛毛 : 好開心可以同毛爸毛媽一齊玩...以後可以多啲一齊出黎玩就好喇...

單車日誌…不歸路

2014年2月23日（星期日）

近年踩單車熱潮越來越烈⋯睇報紙訪問報道⋯香港有人擁有4部名牌單車價值超過百萬，其中「環法單車賽」冠軍單車「公路車版」價值 20 幾萬⋯嗰位仁兄對單車熱愛簡直係⋯超超級發燒友。

而我就熱愛踩單車嗰種⋯自由（鍾意踩到邊度，幾時停車都得又唔怕抄牌）、清靜（可以避開嘈雜人群細聽自己嘅心跳聲）、孤獨（呢樣感覺好個人嘅）⋯呢啲因素令我不能放棄單車⋯走上不歸路。

毛爸 :你「孤獨」嘅時候影子就係你嘅朋友...

毛爸 : 呢種「清靜」同「孤獨」係喺深夜或者凌晨先至感覺到...

地獄（開工）見聞…霧中拼搏

2014年2月23日（星期日）

上星期某日⋯嗰朝好大霧⋯直到中午啲濃霧都唔散，最大霧嗰陣能見度只有 20 米。

今日喺 30 樓天台工作⋯喺戶外濃霧中工作我咁大個仔都係第一次，雖然天氣唔凍又冇風⋯但感覺周圍白雪雪、好光好光好「查眼」。

到下晝又吹大北風仲不時落雨，天氣咁大變化令工作進度援慢⋯非常辛苦⋯

毛爸  : 喺三十樓望落街...白蒙蒙...

毛爸 : 到下晝返大北風仲有微微雨...好快就天清番...

毛毛唔聽指令「坐低」嘅原因

2014年2月19日（星期三）

而家諗起前一排氣溫跌到 10度以下開始⋯毛毛落到街唔肯聽指令「坐低」，毛毛對指令「坐低」嘅服從性非常之強，無論吠人、吠狗狗或者想打交，只要指令一出毛毛好唔願意都會服從⋯真係奇怪⋯唔知點解毛毛嘅行為會咁様，原來⋯

毛毛 : 毛爸，你知唔知地下係好「冰冰凍」咖？凍到 Pat Pat痛你知唔知咖？

毛爸 :係咩？原來係咁咖...

毛毛 : 毛爸 ，你有冇試過坐喺地下丫？

毛爸 : 唔....對唔住囉...

進入魔幻街道

2014年2月18日（星期二）

今早一起床行出大廳發覺周圍濕立立⋯喺騎樓望過對面街⋯只係見白雪雪 ，啲建築物全部失蹤。

同毛毛落到街⋯條街冷冷清清⋯大霧到行好近先睇到人，變咗...啲行人會突然間喺你面前出咁，毛毛一見人就吠，我估毛毛俾行人嚇嚫...難怪毛毛。

毛毛 : 毛爸，出面白濛濛喎...對面啲野全部唔見晒呀！

毛爸 : 我哋行行吓⋯啲建築物先慢慢現番出嚟⋯非常魔幻神奇。

地獄(開工)見聞...神秘工程任務

2014年2月17日（星期一）

前幾日⋯接到一個神秘工程任務⋯工作人員要係澳門人、要受過工業安全訓練、要準備⋯安全帽、反光衣、安全鞋⋯工程項目係落到隧道做放線安裝天線工作⋯工作環境係一條空間約 2米 X 2米，長超過1000米嘅隧道。

落隧道工作係有一套嚴格嘅安全守則⋯除咗要安全主任帶領入場之外、仲要登記身份、岀入井口時間同留低張個人工作証喺入口報告板上⋯

毛爸 : 睇唔到盡頭嘅隧道...空氣質數...麻麻...

毛毛心聲…吓～媽咪又生日？

2014年2月16日（星期日）

今日⋯一早毛爸就係廚房好忙⋯煮特別早餐（我都有份咖），仲話俾我知毛媽今日生日⋯吓⋯又生日？

聽毛爸講中國人生日係計「農曆」咖⋯「潤月」仲會多一次生日咖⋯計埋「大年初七人日」、「西曆」有成 4 次生日咖。

唔緊要啦⋯毛毛再祝媽咪⋯生日快樂、身體健康、事事如意⋯

毛毛 : 祝媽咪...生日快樂。毛爸話我未拆「利是」所以唔使買禮物喎...

毛毛 : 毛爸話媽咪今朝早餐食嘅「糖心蛋」係我哋屋企「最高規格料理」生日先有得食咖...

連我早餐都升咗級...有三文魚餐食...媽咪生日我都有者著數...但...我想食「糖心蛋」...

我結婚的第一個十九週年

2014年2月14日（星期五）

傳聞今日係十九年一次中、西情人節同一日嘅日子，十九年前嘅今日⋯嗰朝早好暖⋯我同心兒喺主禮官、兩位來觀禮嘅朋友面前簽名注冊結婚，從此我同太太就一齊開始經營一個「幸福家庭」。

一轉眼⋯已經一個循環十九年⋯原來「守業」係好唔簡單咖，其間我放棄好多野、改變自己對事情、物質、得失⋯嘅睇法，甚至改變自己作風⋯嚟配合業務發展。

太太我承諾以後會更耐心聽妳嘅心聲、更支持妳所有嘅決定、更包容妳所做嘅一切、我會更努力同妳一齊經營好呢個「幸福家庭」賺取更多嘅幸福，心兒我愛妳。

毛爸 : 第二個十九年，第三個...我一直會...陪著妳走...走到這世界邊邊...

毛爸 : 結婚週年禮物...

太太祝妳（舊曆）生日快樂呀！

2014年2月14（星期五）

今日係太太農曆生⋯我係記得咖，雖然今日冇準備乜野禮物，因為糧尾（冇錢買禮物），仲有趕工程（冇時間買禮物），但今日會我提早收工⋯親自下廚煮一餐素食同妳慶祝生日⋯

祝妳生日快樂、身體健康、事事如意。

毛爸 : 太太，生日快樂呀！我幾時都咁愛妳...

毛毛 : 媽咪，生日快樂呀！媽咪「艾凹 U」...

十九年一次嘅中、西情人節

2014年2月14日（星期五）

今日好多情侶都會同對方講：在天願作比翼鳥，在地願為連理枝。

祝願各位能夠實現承諾：愛你、妳一生一世⋯

毛爸 : 祝各位...元宵節、情人節...心想事成...

毛毛嘅安樂窩

2014年2月13日（星期四）

呢幾日咁凍⋯我哋都好擔心喺屋企怕凍嘅毛毛，一日樓樓長⋯咁凍點過呀？

毛媽就諗咗個快捷嘅方法⋯喺梳化圍個窩俾毛毛，等毛毛好暖咁瞓喺中間，呢個方法好掂。

我哋一出咗門毛毛就跳咗入去瞓一直到我哋放工⋯聽毛媽講毛毛機符冇轉過身（屋企裝咗天眼，喺天眼睇見毛毛瞓到隻豬仔咁⋯）。

毛毛 : 雖然好簡單求其...但效果好正...

毛毛 : 媽咪話我瞓到好似「麻甩佬」咁...真係抹黑我「大少爺」形象...

毛毛 : 講真...真係「巧C服」...媽咪我錫晒妳...

一百八十度轉變嘅毛毛

2014年2月12日（星期三）

天氣凍持續⋯噚日收工返到屋企⋯毛毛已經將行動速度較慢⋯絲絲然喺梳化跳落嚟「係咁以」應酬吓我，到旁晚出街散步⋯毛毛直頭玩「失蹤」。

今早毛毛唔願離開睡房⋯好難怪毛毛小朋友唔績極出街散步運動⋯聽天文台報道氣溫得 5 度，唔好講毛毛怕凍⋯自己都覺得非常凍。

毛毛 : 毛爸，好凍呀！唔落街得唔得呀？

毛爸 : 阿仔，你話呢？為你健康好咋，乖啦...

毛爸 : 最尾都係用強權...捉毛毛裝身...落街散步...

毛毛 : 好慘呀，捉人落街，冇陰功呀，凍冰冰...

今朝凍到...仲差小小先 6度

2014年2月11日（星期二）

天文台報道今朝氣溫6度⋯空擴地方氣溫仲會低啲（5．9度入冬以來最凍）。

毛媽特登一早起床幫毛毛加衣裝身⋯準備好毛毛出街晨運。

其實毛毛都幾怕凍，每每天氣凍啲毛毛就唔肯落行唔肯散步，今朝毛毛反應都幾特別⋯趕住落街⋯好快就尿尿便便完⋯狀態非常生猛⋯

 毛毛 : 毛爸，我哋行得未呀？Go Go Go...

毛爸 : 阿仔，外面好凍吓喎...你唔驚？

毛毛 : 唷 ~ 凍啫嗎...使乜怕喎...媽咪幫我換咗冬天衫...暖粒粒...

地獄（開工）見聞…冷風雨中工作

2014年2月10日（星期一）

呢幾日天氣轉壞⋯除咗落雨、好凍仲好大風。

今日喺30樓天台做野⋯真係嘗盡苦頭，開工前已經做足準備工夫⋯汗衫、衞衣、抓毛外套、風褸⋯仲加著保暖內衣Skin、頭巾、手套，食飽個肚。

大自然永遠都係強者⋯只係一早同中午落一陣雨同保持有強風⋯氣溫就降到得7度⋯

一開始開工感覺都Ok（其實成身有小小濕）⋯跟住有少少凍、流鼻水、手指至手臂冇感覺、腰麻、腳唔受控制、好凍好凍⋯一直硬頂到四點⋯最後投降⋯收工

毛爸 : 呢份工令我認識...乜野叫「辛苦」乜野叫「痛苦」...以前嗰啲真係「小兒科」

毛媽整餅…「日式菠蘿包」

2014年2月9日（星期日）

麵包之中「菠蘿包」係我至愛食嘅包點之一⋯由其係喺中間夾塊牛油嗰種「菠蘿油」。

太太噚日花咗成個下晝去學整「日式菠蘿包」⋯聽太太講...呢種日式菠蘿包係全人手制做咖，仲整咗紅豆、栗子餡兩款⋯唔使講梗係超好食啦，仲有陣陣嘅愛心味添。

真係俾人笑到面黃⋯而家先知菠蘿包有分港式（淨包）、日式（有餡）兩種咖。

毛爸 : 一見到就流水口...外層金黃鬆脆...內饀栗容幼滑香甜...好食到冇朋友...一食難忘...

毛爸 : 毛媽整餅技藝...出神入化...要激讚...

香港寵物節2014

2014年2月7日(星期五)

香港第九屆國際寵物用品博覽今日開幕…每年香港大形寵物展…我哋都特登花時間過去睇，目的係為毛毛買零食、糧、玩具、清潔劑同日用品…。

今年都係由美國、英國、澳洲、德國…嘅大公司包場，而佢哋嘅產品都有一個共通點…天然、無穀物、有機…帶出健康飲食嘅主流…寵物小朋友有福喇。

今次仲有另一個目標…水族…

毛爸 : 每年個廣告牌都係喺同一個位置...好行貨...

毛爸 : 大會設定嘅狗廁所兜太高...小狗唔方便。見場內搞衛生啲姨姨非常機動性同爽手...讚

毛爸 : 呢種係毛毛最鐘意玩嘅波波玩具...

毛爸 : 今年買咗另一種玩具俾毛毛玩...

毛爸 : 毛毛又係最大得益者...

毛毛 : 我係「毛大少爺」呢啲「著數」係必然咖...

毛媽 : 真係唔低得個衰仔咁「沙陳」...激心

毛爸 : 意外驚喜嘅係...「針擦梳」好掂...梳到啲毛可以有「爆毛」效果...但都幾貴...

另一個驚喜係...新「玩具」毛毛超鐘意...設計簡單實淨，聽個姐姐講仲會浮水咖...