2013年10月30日（星期三）
每年總有一、兩次出門旅行，今次去臺灣。每次出門毛毛都好似知道咁，而且無所不用其技搞搞震…阻止我哋執行李，今次仲用「狗仔隊政策」死跟⋯毛毛咁嘅行為令我好震驚⋯原來佢哋有啲咁嘅特異功能咖⋯神奇。
毛毛 : 睇吓有冇位做偷渡客先...
毛爸 : 毛仔緊張到我去洗手間都要喺門口守住...誇張...
2013年10月29日 星期二
試新榨汁機，毛毛「執死雞」
2013年10月30日（星期三）
每星期有一兩日嘅朝早我都會榨橙汁俾屋企人做早餐飲品，但已經有一段時間冇做過⋯因為部榨汁機壞咗，直到幾日前喺電器舖遇到舊同事（家俊），介紹之下買咗部新榨汁機⋯部機非常合用仲有折扣優惠，要多謝家俊。
噚日朝準備試機嗰陣⋯毛毛已經坐定定等執死雞。
之前用開嗰部舊機榨汁嘅時候會飛好多果汁落地⋯毛毛就會把握時機⋯係咁Lam地下啲果汁⋯
毛毛 : 毛爸你開始榨橙汁未呀？好心急呀...
毛爸 : 毛仔，你又入嚟搞搞搞震？...榨完橙汁喇...
毛毛 : 吓 ~唔係呀...
地獄（地盤）開工見聞「電梯槽」獄中獄
2013年10月28日（星期一）
呢大半個月都係返地獄（地盤）開工，仲係喺備譽為＂獄中獄＂嘅電梯糟開工，每度電梯槽嘅工程要做半日，簡單啲講朝早入去開工⋯放飯先至出返嚟…工作環境漆黑、悶焗、惡臭、多蚊、手提電話冇信訊號…喺入面開工等於 "喺世界上消失咗"…
雖然做足開工前準備帶食水、電筒、著長就衫…但其中最辛苦最難解決嘅問題…冇地方尿尿，要強忍…
毛爸 : 真係夠運...今日嘅「電梯槽」唔怕有蚊又好光，技師仲放我出電梯口「去水口」尿尿(當眾就地解決)....
2013年10月27日 星期日
毛媽、毛毛都未試過咁盡情玩
2013年10月27日（星期日）
今日毛毛要洗白白…所以今朝清早就帶毛毛去海灘玩，但唔記得帶防蚤劑⋯所以只有去格離平地玩執波波，真係好奇怪⋯毛毛玩得特別投入（比平日開心興奮），連毛媽都玩得好盡情（平日都未試過將個波波拋咁遠），跟住海邊散步⋯一家人玩到攰先返屋企⋯
毛毛 : 有得出街玩喇...媽咪妳準備好未？
毛爸 : 唉 ~ 比個袞仔...得程添...
毛毛 : 玩得好爽呀...坐低抖吓先...
2013年10月26日 星期六
2013年10月23日 星期三
毛毛令人憂心嘅事…毛毛百厭咗好多
2013年10月23日（星期三）
毛毛近排鍾意亂搞嘢，毛媽話毛毛好唔聽話，連工人姐姐都話毛毛曳咗，所以一到出門去旅行(月尾同太太去幾日臺灣)⋯硬係唔放心個少爺仔毛毛。
太太寫咗一份祥細照顧毛毛嘅工作指引俾工人姐姐執行…其中為咗飲食上避免出問題…我哋出門期間毛毛正餐改食罐頭、飲用水要早上及傍晚換一次、每日要幫毛毛梳毛同洗眼、報告毛毛每日嘅生活情況等等⋯雖然工人姐姐好有信心咁答我地＂冇問題＂但我對工人姐姐同毛毛佢哋相處始終有啲擔心，因為毛毛近排好百厭（工人都咁講）會"蝦"工人姐姐，怕工人姐姐冇咁嘅耐性同忍耐力照顧毛毛⋯
毛爸 : 毛毛你越大越唔聽話喇...真係令我哋擔心...
毛毛 : 唔係呀！我只係做多咗啲運動啫...
毛爸 : 連工人姐姐都話你百厭咗...生性啦...大少...
毛毛 : 你哋全部人都砌我「生豬肉」...我嬲你哋...
毛爸毛媽 : 小氣...
單車日誌…澳門，早晨！
2013年10月20日（星期日） 5：30 一線陽光 微風 24度
我以為喺氹仔住嘅人比澳門住嘅人更早起床⋯趕巴士、趕專車返工。
實情兩區嘅人係一樣⋯而星期日清晨澳門嘅市區比氹仔市區熱鬧得多，食店、花檔、街市⋯一早就開門做生意。
由於路面一早就煩忙（踩10公里要用1小時）唔係好適宜踩單車⋯除非你單車技術超凡，唔係⋯都係氹仔單車徑好啲…
毛爸 : 噚日開放日人山人海...唔知今日點呢？但清晨非常平靜...
毛爸 : 舊日嘅「燒金鍋」海上皇宮...而家要退下火線...等...
毛爸 : 原來「陽光第一線」喺氹仔同澳門都係...一樣咁靚...
2013年10月21日 星期一
2013年10月20日 星期日
2013政府總部開放日
2013年10月20日（星期日）
自從回歸之後…政府為咗增加透明度…有好多政府機關都會定期開放俾市民參觀。
而政府總部呢幾年舉辦開放日節目安排越來越精彩…樂團表演、好靚嘅園林藝術、工作人員熱情招待⋯越來越受大眾市民歡迎。
毛爸 : 表代澳門權力嘅建築物...
毛爸 : 今年嘅主題係海洋...
毛爸 : 啲水母係用大量嘅花軋成咖...好靚...
2013年10月19日 星期六
毛毛：好嘢！我揾到喇！
2013年10月19日（星期六）
噚日旁晚…我哋俾咗幾個玩具毛毛玩，到收返嗰陣發覺唔見咗個玩具（網球），全家出動去揾…毛媽更落力哋揾到反轉全屋，唔知道㸃解…硬係揾唔番個網球⋯咁就不了了之⋯。
今朝毛毛玩完執波波⋯啲行為就估估怪怪，圍住梳化R地下…最後檢查先知…原來櫈底好入好入嗰度有個網球，就係噚晚轆咗入梳化櫈底嗰個網球…毛毛搵到喇！
毛毛 : 媽咪，我揾番個波波喇...好嘢呀！
毛媽 : 毛毛，叻仔...
毛爸 : 睇毛毛瞓晒身咁爬入梳化底揾網球就知佢幾咁興奮啦...真係可愛的小朋友。
2013年10月17日 星期四
毛毛心聲…絕世好「機」
2013年10月17日（星期四）
自從改制之後…我擔嘢搞破壞…如果最後我擔番件嘢俾毛爸…就會有得獎零食。
最近我發現一樣可以不斷有得領奬嘅嘢就係「衣夾」，有次我喺騎樓擔咗個「衣夾」俾毛爸…毛爸奬我一粒餅，我再擔一個俾毛爸…又獎一粒，於是我又再擔…毛爸又再奬，今次發逹喇⋯因為騎樓仲有成大兜「衣夾」⋯。
毛毛 : 你哋睇仲有好多衣夾呀...今次肥仔...
毛爸 : 毛毛小朋友真係好醒...令全家人笑到碌地...
2013年10月15日 星期二
重陽節嗰日去咗「登高」
2013年10月16日（星期三）
星期日嗰日一早起床…準備同太太帶埋毛毛去玩、行山、登高。
記得細個嗰陣⋯重陽節放假嗰朝約定格離屋啲朋友仔上松山燈塔玩（一年開放一次），嗰時一早就起床等出發…興奮又期待。
但宜家啲後生仔女一到放假⋯朝早就唔願起床⋯莫講話運動健身。
毛毛 : 我同毛爸毛媽去咗行山登高...朋友仔們你哋呢？
毛爸 : 毛毛小朋友有得去街就零舍生猛開心...
2013年10月14日 星期一
多謝大家嘅生日祝福⋯感動
2013年10月14日（星期一）
首先多謝大家送上嘅生日祝福同咁有我心，呢兩日忙到⋯有啲支持唔住。過去咁多年嘅十月都會好忙⋯以前因工作同時間關係（朝10：00～晚10：30）啲老友排住隊請食飯、日日喺貨場等收生日禮物（真係衣食無憂）。
到我轉咗工之後（因為冇固定工作地方、時間）⋯啲朋友就改用FB、短訊、留言、通電話等等⋯約期，真係有啲「騷擾」嘅感覺，但呢種「騷擾」令我非常感動同享受，人生會有幾多個十年？⋯有一大班朋友喺我身邊關心同支持我⋯係我幸運同福氣⋯我不往此生…
毛爸 : 毛毛小朋友送俾我嘅禮物(錫錫)
毛毛 : 生日快樂呀！毛爸...
2013年10月11日 星期五
2013年10月10日 星期四
毛毛心聲…多謝Mad師兄嘅爸爸媽媽幫手
2013年10月 11日（星期五）
幾年前屋企安裝咗個「視像鏡頭」，係由師兄嘅爸爸丈義幫手上門安裝。
上個月開始個鏡頭壞咗…噚晚Mad爸同Mad媽親自上嚟屋企幫我哋維修，喺呢度毛毛代表毛爸毛媽多謝Mad爸嘅熱心幫助。
其實毛爸喺屋企安裝個視像鏡頭可能用嚟監視我有冇曳曳同蝦肥姐姐(毛爸 : 睇你個衰仔有冇搞搞震)，至於師兄爸爸媽媽上嚟屋企極可能係嚟探我(毛爸 : 嘩~衰仔你都好有自信喎)…
毛毛 : 毛毛代毛爸毛媽多謝Mad爸專登上黎屋企幫手維修...好多謝...
毛毛 : 多謝Mad媽讚我乖...
毛毛 : Mad師兄好耐冇見喇...掛住你呀！
2013年10月9日 星期三
單車日誌…挑戰踩40公里
2013年10月9日（星期三）
凌晨5點已經起床裝身準備出發…過往經驗踩大車（越野車）踩20公里平均要80分鐘，今次我踩小形摺車（公路車）…除咗挑戰踩40公里之外仲要試踩吓架新單車。
今次花咗1小時53分鐘踩咗39公里（平均時速20公里）…嘩～好快呀！算係挑戰成功，但發覺後段有啲體力不繼…睇嚟年紀大喇。
毛爸 : 雖然踩得輕輕鬆鬆...但到後段都踩到索氣...真係歲月不等人...
毛毛心聲…原來姑姐好錫我咖
2013年10月9日（星期三）
我有兩次去姑姐屋企玩嘅時候…喺梳化、周圍尿尿之後…姑姐就好惡咁鬧我，仲因為我曳曳話我唔乖而唔鍾意我（我毛毛估姑姐好嬲我…）。
上個月姑姐去完旅行返嚟…通知毛爸話有好多手信叫毛爸上屋企攞，毛爸返到嚟好似有啲唔開心…原來姑姐帶返嚟嘅手信幾乎全部係俾我而毛爸只係有德國腸一條（毛毛：笑爆咀）…
原來姑姐係好錫我咖⋯
毛毛 : 好開心呀...法國頸帶同小食，全部都係姑姐送俾我咖...多謝姑姐...
毛毛 : 毛爸唔使失望咖，姑姐送俾你嗰份德國臘腸都好正咖...我唔介意你俾埋我...
毛爸 : 衰仔...我知姑姐錫你...唔使咁沙塵嘅...
2013年10月7日 星期一
毛毛心聲…有過一樣的慘痛經歷
2013年10月6日（星期一）
噚日朝毛爸踩完單車返嚟就帶我哋去小廣場玩，今次去到又見白色花海，唔使講毛爸梗係去咗影花海，但估唔到連毛媽都唔理我去咗影花。
今日小廣場好熱鬧超過十隻狗狗去嗰度玩，其中有隻班點狗行為俾較特別同我一見面就互吠，聽佢主人講佢曾經同第啲狗打交受過傷…原來同我一樣有過一啲唔開心嘅慘痛經歷，唔経得知咁仇視其他狗狗⋯
毛毛 : 飲水同食餐要自己搞掂...
毛毛 : 又真係幾靚喎...
毛毛 : 喂 ~ 我哋可唔可以做個好朋友呀？
2013年10月6日 星期日
2013年10月4日 星期五
單車日誌...太太要學踩單車
2013年10月4日（星期五）
有人講學踩單車難學...不過...有一個必定成功嘅要決...要有拼命嘅精神、要經得起跌倒同唔怕死...咁...就會學識，一經學識...你呢一生都會有呢種技術唔會忘記。
近排興起嘅踩單車熱非常犀利，連身邊嘅朋友都靜雞雞加入嘅個熱潮，我太太梗係話佢又要學踩單車啦。
咁...我就買咗一部細型單車俾太太學踩...好耐之前太太跟過我學踩單車有不愉快經歷，所以對我教踩車嘅方法極之不信任...我唯有花多啲時間慢慢教，其實太太學踩車好有潛質...只係態度太多顧慮...少咗一份唔怕死嘅拼搏精神...可能係年紀大咗。
毛爸 : 我特別訂番嚟嘅炭灰色小型單車(太太指定要呢隻色)
2013年10月3日 星期四
2013年10月2日 星期三
訂閱：
文章 (Atom)