2010年9月29日(星期三)
呢排毛媽帶我散完步返屋企之後....
毛媽都借啲意同毛爸講...毛毛好百厭呀...見到人狂吠、見到狗又吠 , 同啲狗狗打完招乎(互聞完)又想同人地打交...
其實我吠人喺因為我見嗰啲人兇神惡煞好似鬧毛媽咁...所以..
.至於吠狗狗我以為佢地黎踩場...咁...打交...佢地黎踩我場我梗係 "趙"佢地啦...
不過毛爸好似信晒毛媽講 , 毛爸仲話出手治我...係真就慘喇....
毛毛 : 我唔鍾意打交咖....我好斯文咖...
2010年9月29日(星期三)
呢排毛媽帶我散完步返屋企之後....
毛媽都借啲意同毛爸講...毛毛好百厭呀...見到人狂吠、見到狗又吠 , 同啲狗狗打完招乎(互聞完)又想同人地打交...
其實我吠人喺因為我見嗰啲人兇神惡煞好似鬧毛媽咁...所以..
.至於吠狗狗我以為佢地黎踩場...咁...打交...佢地黎踩我場我梗係 "趙"佢地啦...
不過毛爸好似信晒毛媽講 , 毛爸仲話出手治我...係真就慘喇....
毛毛 : 我唔鍾意打交咖....我好斯文咖...
2010年9月28日(星期二)
講番星期日...嗰日放假 , 全家都訓到好晏先起身 , 原本計劃去行山 , 但因為好猛太陽而改去星星公園散步。
毛毛就開心到搶晒繩 , 星星公園呢個時候只有睡蓮開花...所以我順便...
毛毛 : 好靚呀...
毛毛 : 好耐冇黎過玩喇...好開心呀....
毛媽 : 嘩 ~
毛爸 : 每次見到啲睡蓮都忍唔住同佢地影番幾張相...啲花今朝特別靚...
2010年9月27日(星期一)
毛毛近排行為有所改變...係變得曳左...
平時有人行過門口毛毛就狂 , 但近日格離屋裝修 , 產生躁音...毛毛好似好驚咁。
毛毛出街散步對環境好似冇乜自信 , 一有人經過身邊就吠 , 毛毛一但失控就唔可以冷靜落黎 。
喺屋企一唔開心就會走入房呢埋 , 成日都要走埋黎扭抱抱 , 仲成日都要陪佢玩搶骨骨 , 毛少越黎越唔聽話...
毛爸 : 毛毛你又扮鬧情緒呀...???
毛毛 : 冤枉呀~我呢入房涼冷氣咋....又砌我生豬肉...
2010年9月26日(星期日)
今日係毛毛兩餐主糧都轉食 "自家煮" 嘅開始...
今日係去買新洗衣機嘅日子(尋日壞左) , 下晝要安裝所以要留喺屋企...
今日係毛毛冇得跑草地嘅日子...
今日係毛媽話煮飯俾我食嘅日子...
今日晚餐三餸一湯 ...
秘制燒烤排骨...好味好食到冇朋友...
薑絲蒸梅香鹹魚...魚鹹香可以送幾碗白飯...
蒜香白菜...同鹹魚味好夾...
蘿蔔湯...好清甜...湯....
毛爸 : 有妳(毛媽)煮~開心啲~鹹魚白菜也~好好味....
毛毛 : 都唔知幾時開始 , 洗衣機壞左我就冇得跑草地...慘喇...下個星期日個洗衣機
會唔會再壞呢 ???
2010年9月26日(星期日)
由中秋節前嗰幾日開始...就不斷收到好朋友送黎月餅同生果...由其是阿妹年年都送餅俾我。
喺呢度向各位講聲 "十分多謝"...由於收禮太多...
月餅轉送俾有緣人 , 至於生果...太太將佢地切碎做 "生果撈" , 我真係有口福...
毛毛 : 嘩~呢啲只係其中一部份咋...我都有份咖......
2010年9月26日(星期日)
講番22號星期三嗰日中午就出去外勤...個天就開始落雨...仲越落越大 , 打亂晒我嘅工作行程 。
做晒野返公司我已經成身濕晒 , 好耐先等到收工 , 但個天就未停過落大雨...
我揸車返屋企嗰陣簡直係好似經過啲大瀑布咁 , 能見度 "零"...
駛上西灣大橋...橋面水浸 , 隔離線啲車經過旁邊...唧起水花潑到檔風玻璃上令視野更加乜都睇唔到 , 咁様揸車自己都覺得好危險 , 度度都水浸車...
揸左個幾鐘車先返到屋企...見番太太同毛毛先肯定自己安全...
毛爸 : 個天穿左窿...
2010年9月22日(星期三)
中秋節
每到佳節...就會想起好朋友...祝各位好朋友 "中秋節"快樂...
By 毛爸毛媽毛毛
毛毛 : 我好嚴肅咁祝各位叔叔、EE、阿Sir、師兄、師弟、師妹中秋節快樂...
2010年9月19日(星期日)
經過六日辛苦嘅工作(嗰啲工作唔係人做咖...係超人做咖) , 終於放假喇...
屋企人梗係又要我入廚煮飯俾佢地食啦 , 應要求今日煮三餸一湯 , 洋蔥會大蝦、凍大眼雞魚、水煮芥蘭、靈芝雞骨草湯 , 呢餐晚飯梗係全部食清啦...
毛毛仲開心有得跑草地之外今晚仲有魚食...
毛毛 : 好嘢呀...上次我提左毛爸我要食魚...今日毛爸落廚有好野食啦...
2010年9月19日(星期日)
毛毛前幾日去左沖涼同修毛番黎之後...就經常R同Lam大俾。
咁嘅動作梗係俾毛媽狂鬧啦 , 但毛少一於少理照R同照Lam。
...到第二日早我同毛毛檢查嗰陣發現...毛毛大俾同咕咕之間有一撻仔紅斑 , 可能係摌左毛之後產生敏感...所以...
毛媽妳冤枉左毛毛喇...
毛毛 : 除左經常俾毛爸砌 "生豬肉"之外 ,今次仲俾毛媽冤枉...嗚...真慘...
2010年9月17日(星期五)
今朝天氣出奇咁好...等太太起身之後一齊帶毛毛出街散步 , 順便幫毛毛買糧 ...
我地去左西灣湖玩....有緣遇番廿幾年前嘅朋友喺湖邊釣魚 , 毛毛開心到亂咁吠人 , 我地玩左一陣就走..
.臨走毛毛行埋人地度好似對啲魚獲好有興趣...
毛毛 : 嘩~叔叔釣到好多魚呀...送啲俾我做晚餐就好喇...
2010年9月16日(星期四)
今日傍晚太太來電 : 肥仔屋企跳左電箱總制 , 宜家全屋都冇電呀...
肥仔 : 妳喺個電箱度啪番侗水氣制就得咖喇...
太太 : 啪左...冇任何反應...。
咁我唯有即刻收工趕番屋企搶修 , 經過檢查電箱個水氣制燒壞左...我本人就冇辦法修好真係無能為力 , 睇黎今晚要開蠟燭派對喇...毛少就對啲蠟燭好有興趣。
後尾急Call阿Sam過黎幫手...搞到零晨先可以臨時供電 , 真好彩...
毛爸 : 電係生活不可缺乏嘅野....
毛爸 : 偶然面對一片漆黑 , 就會發現燭光特別靚...
毛爸 : 個水氣制燒成咁...阿Sam話係好危險咖 , 我見到先知驚...
2010年9月14日(星期二)
今朝同平時一様 ,一早帶毛毛出街散步, 當回程嘅時候...途中遇到個賓賓拖住隻雪橇狗(我地相識咖) , 喺街口轉角位俾毛毛見到...毛少梗係狂吠對方啦。
估唔到嘅事就發生喇...賓賓一驚, 狗帶甩手, 隻雪橇狗就衝埋毛毛度 , 個動作好快但只係聞毛毛 , 賓賓就驚到大聲嗌 ...No No No。咁突然我都窒一窒, 就即刻抱起毛毛 ...毛毛就掙扎狂吠。當時感覺到隻雪橇狗冇攻擊嘅行為, 只係想打招呼...毛毛就吠到轉晒聲 。而咁啱雪橇條狗帶纏住我隻腳 , 賓賓好快咁過黎拉番住隻狗狗...仲猛咁向我道歉 , 佢本人就被嚇到面都青晒 , 應該係驚有意外同會走失隻狗狗 ...
我就放番低毛毛好鎮定咁帶住毛毛慢慢行開...
毛毛 : 我都俾雪橇狗狗嚇一嚇....真失敗...
2010年9月12日(星期日)
今日放假準備煮番餐飯同家人食 , 太太突然間話想食 "炒飯"...
咁今晚就整炒飯...材料我用左西洋臘腸、鹹蛋、雞蛋、芥蘭...西洋腸同芥蘭先切粒炒熟 , 鹹蛋要煮熟留蛋黃蛋白要整碎。
先將飯炒熱然後落雞蛋 , 再將西洋腸同芥蘭放入一齊炒 , 最尾落鹹蛋白兜一兜就上碟 , 放番隻鹹蛋黃喺飯面完成...
毛爸 : 好食到...太太食左兩大兜...
2010年9月12日(星期日)
等左好耐先等到星期日...今朝天氣非常好 , 擔心左好多日 "落雨"今日應該唔會發生 ,
訓定晏覺養足精神旁晚去玩...晏晝...開始落雨...仲不停咁落...天氣變幻無常 , 真係令狗狗失望...
"天有不測之風雲 , 狗會剎時周身痕"...
又要等下星期先有得跑草地喇...
毛毛 : 等...寂寞...到夜深...好失望...
2010年9月11日(星期六)
前兩日睇電視新聞話 9月11日晚揭開煙花會演 , 今個星期六係英國同臺灣出場...
兩個地區嘅代表喺訪問度講今年嘅煙火有特別效果 , 煙花年年都有機會睇 , 今年特別期待...到時又係攝影發燒友帶齊架生Show "哥里"嘅好機會喇...
好可惜今晚要加班唔可去影相...好失望..
毛爸 : 今晚有煙花睇就好喇...
2010年9月11日(星期六)
尋晚收工嗰陣就開始落雨...越落越大一直落到第二朝...
嗰晚毛毛差唔多成晚都冇訓過。成晚都行雷閃電 , 毛毛一見閃電就騰出廳 , 跟住返入房叫醒毛媽同我 , 聽天文台報導話成晚閃電閃左萬幾次 , 咁毛少就成晚廳、房巡黎巡去...搞到我地成晚都冇得訓。
第二早毛少就訓到唔願起身...
毛爸 : 毛少你就好喇 , 訓覺即係開工 , 我就慘喇...好眼訓呀~ ~
2010年9月10日(星期五)
前晚深夜...落大雨又行雷又閃電...
當時毛媽醒左睇吓毛毛點...我就俾第二啲聲音嘈醒...嗦...嗦...嗦聲來自毛毛個籠 , 我開燈睇清楚...原來毛毛唔知幾時出去騎樓尿尿完擔左個波波入黎玩 , 仲咬到成咀都係綠色毛 。
其實毛毛好怕行雷咖 , 可能訓唔着...玩吓波 波, 盡顯毛少本色...
毛毛 : 我好怕行雷咖...
2010年9月9日(星期四)
毛毛呢輪好貪玩 , 經常都要你同佢癲, 佢精力充沛 , 唔知係唔係同加左糧有關呢 ?
毛毛仲開始有啲壞習慣...就係食完野同佢抺咀嗰陣..."狐"人同 "咬"人 , 毛毛咁嘅行為以前未試過 , 就算BB嗰陣都唔會咁...。問過啲朋友 , 有人話咁嘅行為係叫 "護物"...會引發狗狗有攻擊性咖 , 唔知點解會係咁...
唔...又要請Sunny Sir出馬喇...
毛毛 : 我只係怕啲野食唔見左咋...我唔會咬你地咖...
2010年9月7日(星期二)
星期日嗰日帶毛毛去大草地玩 , 今次毛媽用左絛10米嘅長繩放毛毛喺草地跑...
跟住Mad Mad、荳B....黎到毛毛就同佢地一齊玩今次要讚毛毛 , 毛毛當時好似放繩咁又冇吠 , 表現好冷靜...
當大家都話毛毛OK嗰陣又有啲狗狗加入黎玩...咁...毛毛就開始吠...人同狗狗都吠 , 但感覺上毛毛好興奮開心 , 不過咁嘅行為係唔好咖...
毛毛 : 好熱鬧呀...好開心呀...
2010年9月5日(星期日)
前兩日仲成日落雨...擔心星期日會毛毛冇得去跑草地...
今日天氣非常好唯一唔好嘅就係超熱 , 原本諗住帶毛毛去行山 , 但係一上到車...實在太熱 , 毛少己經申晒利仔 , 仲猛咁飲水...幾乎熱暈 ...
後尾轉左帶毛毛去行海邊...
毛毛 : 好熱呀...毛爸你架車係唔係冇開冷氣咖...
毛爸 : 喺海邊見到浮萍開花...第一次見...好靚...
2010年9月5日(星期日)
尋日由下晝兩點幾外勤一直做到晚上九點幾...累到人都癲...食飽晚飯就上床訓覺 , 冇同毛毛玩...
今朝一早就起身(六點幾...) , 平時我起身毛毛必定會跟我出廳 , 今朝毛毛望一望我(啲眼神就好似...超...)之後又繼續訓... , 過左一陣就絲絲然行出騎樓...尿尿完跳上專用座位等攞野食 , 食左零食之後又慢慢行番入房繼續訓...嗰啲態度...
毛毛 : 鬼叫你尋晚唔陪我玩...我等成日...
2010年9月2日(星期四)
毛毛增糧都已經一段時間,但到現時為止毛毛都仲係屙軟便便...前兩日阿妹全家黎屋企探我地...
阿妹 : 嘩...毛毛點解變成咁瘦咖... ??又唔靚仔...毛毛好番未咖 ??
其實阿妹好少見過毛毛咁短毛所以覺得毛毛瘦同唔靚仔。
至於毛毛現時嘅體重來緊嘅星期日會帶毛毛去診所磅...到時就知...
毛毛 : 姑姐...有冇咁誇張呀 ? ...
2010年9月2日(星期三)
今日公司有同事攞左一盒禮品俾我 , 話係同事豐仔喺臺灣買俾我嘅手信...限量發行嘅凍頂烏龍茶 。
豐仔暑假去左臺灣做交流生 , 假期完左返番黎 , 來緊嘅星期會再返黎公司幫手。
收到啲咁 "正"嘅手信梗係開心喇 , 不過最感動都係豐仔對我好有心...好多謝你呀豐仔...
毛爸 : 多謝豐仔...