毛爸毛媽毛毛豬
你好嗎?好想寫低日常嘅生活點滴,開心、傷心、溫馨...做個實錄,作為日後寶貴嘅精神食糧...
2014年12月31日 星期三
2015新年快樂!
2015
年
1
月
1
日
(
星期四
)
新年快樂!
新一年新景象,多謝各位親友、老友、朋友、好友、朋友仔、粉絲
…
嘅關心、支持、分享
…
祝各位新一年事事如意、身體健康、活得精彩
…
毛家祝各位新年進步、健康幸福...
毛毛心聲…新年快樂呀!2015
2015
年
1
月
1
日
(
星期四
)
新年快樂呀!新年快樂呀!
毛毛祝各位姨姨、叔叔、哥哥、姐姐、阿
Sir
、師兄、師弟同朋友仔
…
新一年活得精彩、身體健康、事事如意、豐衣足食
…
毛毛:我代毛爸毛媽祝各位新年快樂!
2014年⋯除夕
2014年12月31日(星期三)
令人心情覆雜嘅日子「除夕」⋯有人會當今日係自己所定目標嘅最後限期,有人期待今日盡快過去,有人計劃新一年嘅方向,有人準備今晚去倒數狂歡。
今日會勾起好多人心中嘅回憶⋯我自己覺得又回到起跑線...願我朋友忘記今年所有唔如意嘅事,新一年生活得更開心...
毛家:祝各位有個...狂歡嘅2014年除夕夜...
2014年12月29日 星期一
凍冰冰
2014
年
12
月
30
日
(
星期二
)
呢兩日氣溫都保持
9
度低溫
…
朝早毛毛遲遲都唔起床,落街散步亦都「急急腳」趕住返屋企,街上行人極少,連平日毛毛啲朋友仔都遇唔到,低溫除咗我哋唔願一早起床之外連狗狗都賴床
…
毛毛:快啲便便尿尿完返屋企陪媽咪覺覺豬...
毛爸:呢期毛仔變咗「爛瞓豬」...
2014年12月28日 星期日
2014年難忘記
2014年12月28日(星期日)
近日喺電視經常聽到年終大事回顧⋯勾起我年內心中一啲事。
傷痛嘅事-外父年初因病入醫院兩個月後離世,契爺年初因感冒引發病變年中離世,小姪兒亦都年中離世,呢啲事令我極度心痛⋯亦改變對家人嘅態度,以後我要主動關心、愛、多啲包容家人。
幸福嘅事-外孫女年中出世,令我激動。
開心嘅事-外甥女嘅音樂演奏會比賽得獎及成功演出,太太同我一齊參加國際馬拉松(迷馬賽)跑完全程,呢啲事令我難忘⋯亦令我深信用心努力係會有回報。
時間靜靜咁流走⋯所有傷心事同開心事令我難忘⋯但終會過去⋯
毛爸:時間終會喺身體留下流走嘅記號...提醒我哋光陰寶貴...
祝願各位朋友2014年留下嘅全部都係開心難忘嘅事...新一年珍惜當下...新年快樂!
2014年12月27日 星期六
特別嘅聖誕禮物
2014
年
12
月
27
日
(
星期六
)
噚日收到一份特別嘅聖誕禮物
…
肥寶細寶由香港寄過來嘅精美節日賀卡同年曆卡。
12
月
26
日係小朋友開心嘅日子,拆聖誕禮物,後生嗰陣聖誕節都會收到好多禮物
…
一直到年紀大
…
對於節日收禮物感覺上係必然,而對於我嚟講禮物令我「驚喜」嘅感覺
…
慢慢減退。年紀大咗反而重視禮物背後代表嘅心意,一句簡單問候、短信、賀卡
…
已經令我十分感動
…
毛爸毛媽毛毛:多謝肥寶同細寶,更多謝肥寶細寶嘅家長咁有毛家心...
祝肥寶細寶全家節日快樂、新年進步、肥寶細寶健康幸福、家長心想事成...
毛毛無比開心
2014
年
12
月
27
日
(
星期六
)
今朝帶毛毛落街散步
…
街外雨溦溦,毛毛當時好興奮
…
但覺得好奇怪
…
點解落雨都可以出街?傻仔毛仲專登走去啲水氹度行,行到啲腳仔同肚腩都濕晒
…
俾毛媽知到實鬧死。
實情係大廈公共地方唔可以放狗,今後都唔可以帶毛毛行大廈車場,除非廹不得意
…
不過咁都好
...
毛毛以後唔使見落雨就冇晒心機
…
毛毛:我有得去玩水?毛爸梗係傻咗...
毛爸:毛毛,落雨濕濕你唔好亂來呀...你媽咪實鬧死你咖...
2014年12月26日 星期五
害群之馬,不附責任嘅狗主
2014
年
12
月
27
日
(
星期六
)
月初開始大廈大堂帖出告示不能在大廈公共地方放狗,應該係業主同住客投訴。
毛毛由
bb
到六歲逢打風落雨都落大廈停車場散步
…
從未有人投訴。
唔記得幾時開始喺大廈停車場經常有發現「狗屎」冇人清理
(
有幾次我順便幫手執埋
)
,家人經常帶毛毛行停車場
…
咁
…
等於我好大機會係唔責任嘅狗主人
…
俾人白眼。
毛爸:我哋俾不附責任嘅狗主所害咖...慘呀!
2014年12月25日 星期四
地獄(開工)見聞...體驗工作
2014
年
12
月
26
日
(
星期五
)
外甥仔銘銘呢排學校放假
…
跟我落工地體驗工作揾外快,銘銘以前亦都跟過我
(
售貨員
)
做暑期工。
呢位青年人對我哋嘅工作充滿好奇、投入、積極、唔怕寒冷、污糟、辛苦
…
咁嘅工作態度值得一讚,工作上爬高爬低、抬抬搬搬嘅體力勞動對銘銘嚟講係應付有餘,但以我咁錫佢嘅心態
…
咁嘅體力工作係非常辛苦...
我認對銘銘存有過份保護,因為咁我亦都擔心銘銘將來會成為「皇子病」嘅一份子
…
毛爸:好奇嘅銘銘...
平安夜大餐
2014
年
12
月
25
日
(
星期四
)
往年聖誕節太太都會親自下廚煮一餐豐富嘅聖誕節大餐,今年因為我要開工
…
聖誕大餐就改咗平安夜大餐,今年太太落足心機煮出三餸一湯一甜品嘅工夫菜。
成品色、香、味樣樣滿分
…
更勝職業水準,回想當年連即食麵都唔識煮嘅太太
…
如今廚藝出神入化
…
我真係有口福...
湯...薯溶西洋菜(湯底用蝦煮成)、主菜...蜜糖雞、青酒大蜆蒸蛋、沙律...豬頸肉黑醋汁...
甜品...
煉奶布丁
、水果...
巨形櫻桃
,平安夜大餐令家人十分滿足...多謝太太嘅辛勞....感恩...
2014年12月24日 星期三
聖誕節,又到聖誕…又到聖誕
2014
年
12
月
25
日
(
星期四
)
毛家祝福各位
…
聖誕節快樂!
今係普天同慶、大眾歡騰嘅大日子「聖誕節」,願各位放下內心嘅煩憂同家人過一個開心又快樂嘅聖誕
…
毛爸毛媽毛毛:祝親朋好友及粉絲...聖誕節有個愉快難忘嘅假期...聖誕快樂呀!
2014年12月23日 星期二
平安夜
2014年12月24日(星期三)
今日經過某廣場聽到好多人大合唱⋯平安夜、聖善夜⋯原來係詩歌班為報佳音正在作最後彩排⋯
今日係平安夜根據《聖經》記載呢一晚耶穌就會來到人間⋯而呢一晚亦都係眾人內心充滿喜悅、感恩、平安嘅一夜。
毛家祝願各位同家人安享一個平安快樂嘅平安夜。
毛爸毛媽:祝各位「平安夜」快樂!
毛毛:祝各位朋友仔「平安夜」快樂!我今晚有大餐食(媽咪下廚),你哋呢?
霸位
2014年12月23日(星期二)
呢幾日持續咁寒冷⋯毛毛就更主動親近我哋,平日毛毛會喺地板咕𠱸或者梳化休息(灘喺度),最近只要我座喺梳化、按摩椅毛毛就會走近我身邊瞓喺度。
令我驚嚇嘅事⋯當我喺按摩椅休息或者瞓覺嘅時候⋯毛毛會揾機會跳上按摩椅瞓上我肚腩,毛毛突然嘅行動⋯經常令我膽顫心驚(又唔可以怪毛毛),當我起身去廁所、攞野飲、聽電話⋯而離開按摩椅⋯毛毛就會唔放過機會極速「霸位」⋯
毛毛:毛爸,唔該順便攞啲零食過嚟啦...
毛毛:霸番個靚位先...得左...好C服呀...
毛爸:衰仔...除咗嚇我仲霸我個位...你冇義氣...
2014年12月21日 星期日
龍環葡韻…花之海
2014年12月22日(星期一)
位於氹仔嘅龍環葡韻⋯每年都舉行好多個唔同主題嘅花展,今次嘅主題係「花之海」,用好大形色彩美麗嘅「海底皇宮」做場景、同主角「金魚草」連同多種花建成,今次一定要勁讚主辦單位⋯因為今次花展內容比以往豐富,展覽場比以往大⋯多姿多彩...
龍環葡韻...入口嘅主題廣告坂「花之海」...
龍環葡韻入口左邊場景...
正面
入口場景全部用百合花裝飾...散發花香...
入口右邊用鮮花砌成嘅卡通魚...好得意呀!
澳門地標燈塔...
星星公園嘅魚池...季節性有睡蓮花...好靚咖...
新擴建嘅展場...
代表澳門嘅另一個標誌...風帆
場景主題海底皇宮
海中寶藏...
航海人士嘅摽記
有冇見過咁靚咁大隻嘅花水母?
可愛嘅巨形花雞泡魚...
開心到爆嘅小「毛豆」毛毛...
毛毛:媽咪我做「毛豆」做到好攰...有冇得獎勵呀?
黃百合花
攝影大師(毛媽)
今次嘅主角金黃色「金魚草」
白金魚草...
血紅色金魚草...
冬至
2014年12月22日(星期一)
噚日提早做節⋯廣東人將「冬至」又稱為「冬節」,台灣人就叫「入冬」,長輩經常講「冬大過年」⋯當日全家會一齊食一餐豐富嘅晚飯,象徵一家人齊整齊心年終大豐收,老人家對「冬至」十分重視。
到自己年紀大先明白「簡單一家人食晚飯」係最幸福嘅事⋯所以忙碌咁準備大餐⋯
祝各位...「冬至」一家團圓、豐衣足食...
毛爸:湯、海鮮、豬手...都係家人喜愛嘅美食...
毛爸:當然唔少得生果同飲品喇...
毛家祝願大家冬節「豐衣足食」...
2014年12月20日 星期六
令人憂心嘅毛毛...毛毛突然發難咬人
2014年12月21日(星期日)
上星期日⋯幫毛毛例行修剪全身同手腳板底毛,發現右後腳掌底有一撻紅班⋯仲發出臭味。
以往都有發現過腳底紅班,但毛毛行動正常又冇Lam腳⋯修剪完清潔乾淨就冇事。
今次有啲唔正常⋯毛毛一直Lam腳⋯除咗紅班仲全腳掌都Lam濕晒,毛媽用強權執行洗腳、搽藥、帶喇叭頸圈,經過幾日⋯期間毛毛表現好唔合作,有次搽藥仲咬毛媽。
毛毛:帶喇叭頸圈係好慘咖...
毛爸:毛毛咬人可能患處好唔舒服,但...點解剪咗毛就不停咁Lam ?會唔會電剪有細菌?
小寶寶梁祉喬百日宴
2014年12月20日(星期六)
今日係值得好開心嘅日子⋯外孫女祉喬滿百日,好多謝親友、長輩丶朋友到賀,場面溫馨熱鬧。
冇見祉喬一段時間⋯真係女大十八變,同之前完全唔同咗,小朋友成長變化之大令人難已想像,祉喬雙眼圓圓精緻表情多多⋯似足囡囡細個嗰陣,現在先相信小朋友嘅成長係咁極速,你會覺得小朋友成長嘅速度之快⋯你估都估唔到。
毛爸:外孫女非常可愛...眼仔碌碌...
毛爸:今晚好多親友、長輩、朋友到賀...非常感謝...感動...
毛爸:小寶寶祉喬表情多多圓圓嘅面同圓圓嘅雙眼...令人對佢有寵壞嘅衝動...
祝願小寶寶...快樂成長、平安幸福、小祉喬我愛妳。
2014年12月19日 星期五
單車日誌…強風在前,未感恐懼
2014年12月20日 凌晨 5:30 非常潮濕 大強風 攝氏10度
凌晨開始⋯檢查單車裝備⋯準備出門,毛毛永遠都係忠實粉絲⋯每次凌晨冷清人靜嘅時候都陪伴我身邊令我唔會感覺孤獨。
落到街氣溫比想像中更凍又大風⋯開始熱身已經令人頭痛,睇嚟今日要同冷逆風惡鬥。
今早街上好多人⋯行人路或者路口都好熱閙,睇真啲⋯原來全部都係警察,佢哋正在換班同封路,聽啲阿Sir講佢哋噚日晏晝已經開始部署咖喇,咁多警察駐守係因為中國國家元首習主席嚟咗澳門⋯
毛爸:今朝花咗多啲時間檢查架單車...車輪打氣、安裝防沙扳...
毛毛:我同毛爸啲衫嚫晒色咖...
毛毛:嗰個毛爸又唔知去踩幾耐單車喇...唔知要等到幾時喇...等...
實情...我要等毛爸返嚟煮餐俾我食...肚餓涯唔倒凍咖...慘...
2014年12月18日 星期四
到中環銅鑼灣「鳩嗚」
2014年12月16日(星期二)
過去幾年幾乎每隔 3~4 星期都會過香港幫毛毛買零食、藥用品⋯我就要買槍械、單車部件,但我哋經常遇到「冇貨」嘅問題,自從改用網上訂購之後就唔會時時過香港。
今次為買聖誕禮物⋯到中環、銅鑼灣⋯可惜人流太多冇收獲,但感受到熱鬧濃厚嘅節日氣氛⋯令我喜出望外⋯
毛爸:有聖誕樹...就有氣氛...
毛爸:今年嘅節日場景係小社區...
毛爸:完美嘅小社區
毛爸:場景感覺上會落雪...
毛爸:嘩~潮物單車...
毛爸:流冰...
毛爸:超靚嘅古典汽車不停環繞小社區行駛...
毛爸:佳節當前...祝各位聖誕節快樂幸福降臨....
較新的文章
較舊的文章
首頁
訂閱:
文章 (Atom)