毛爸毛媽毛毛豬: 9月 2014

2014年9月30日星期二

家長心情輕鬆小朋友會感覺到

2014年10月1日（星期三）

經過幾日嘅忙碌⋯今日可以靜落嚟休息一下。

可能係自己心理作用⋯放鬆咗心情就覺得毛毛小朋友特別開心，由我煮早餐到去廁所毛毛都寸步不離咁跟到實，好似知道我今日會放假咁，毛毛今日超開心。

毛爸：毛毛小朋友眼神充滿期待...

地獄(開工)見聞...為國慶趕工程

2014年9月30日（星期二）

往年⋯每逢國慶前後我哋全組人都會放一個悠長假期...

今年公司接咗一單⋯澳門政府為國慶舉辦嘅演唱會澳門蛋場地起一個臨時通訊機站，工程分兩個部分⋯安裝同清拆，第一個部分搬運器材、物枓、放缐、安裝機組⋯雖然係臨時但要花兩日先完成及通過檢查收貨，工作量密集趕時間⋯開工非常辛苦，國慶前夕完成工程⋯

不過國慶過後又要趕住清拆同運走器材⋯真係忙爆...

毛爸：幾間通訊公司要一齊安裝一個滿足全場嘅通訊網絡...

去執「雞蛋花」做晨運

2014年9月30日（星期二）

星期日⋯毛媽一改已往習慣一早起身去晨運，目的地係觀光塔前地廣場，其實主要係去執「雞蛋花」。

毛毛即時非常興奮，睇嚟毛毛都唔會理我哋有乜野目的⋯講真小朋友有得出去玩一定係好開心。

毛爸：小徑太近馬路...毛媽唔啤毛毛落地...

毛爸：毛毛有得玩...就會連自已姓乜都唔記得...

毛毛：今朝勁爽...好索氣呀...

毛毛：玩夠...梗係要嘆一嘆喇...

2014年9月28日星期日

煙花會演2014…葡國、澳洲、法國

2014年9月28日（星期日）

九月二十七日（星期六）九點、九點半、十點嘅煙花會演係由⋯葡國、澳洲、法國參與演出。

可以咁樣形容⋯葡國煙花色彩豐富、澳洲煙花大形華麗、法國煙花令人失望⋯。

今晚影煙花嘅地方非常熱鬧⋯有位攝影大師領導一班學員影煙花做練習，而我就有機會喺旁邊偷師⋯真係獲益良多。

2014年9月27日星期六

賴床嘅毛毛

2014年9月23日（星期二）

天氣開始轉涼⋯毛毛就越來越籟，星期日機本上係「家庭日」以往毛媽、毛毛都好期待呢一日，啱啱嘅星期日⋯毛媽同毛毛都化身成「爛瞓豬」，瞓到日上三竿都唔願起床。

講到毛媽⋯平日要返工⋯到放假要瞓晏啲無可口非，但毛毛⋯到時間裝身出街都仲要瞓到唔肯出嚟⋯真係有啲過份…

毛爸：爛瞓豬毛毛瞓到「且鼻寒」同「揪晒根」我又點忍心叫醒佢丫...

毛毛：噢～放假瞓到自然醒...勁舒服...零舍醒神...

毛爸：真係俾毛仔「吹漲」...激死...

2014年9月26日星期五

幫助吸收維他命

2014年9月27日(星期六)

呢輪發覺毛毛周不時走出騎摟…瞓喺度曬太陽，雖然係秋天…但溫度都去到30度，其實感覺都好熱…何況喺太陽下曬。

我喺度諗…傻仔毛毛係唔係因為全身短毛唔夠暖？或者要幫助吸收維他命而曬太陽？

毛毛：暖粒粒...好舒服...

毛爸：傻仔毛...你快啲返入嚟...會中暑咖...

2014年9月25日星期四

毛毛呢種行為一定要表揚

2014年9月25日（星期四）

話說⋯今日下晝五點幾六點帶毛毛出街散步，毛毛一入到電梯就周圍聞，而且對嚿「黃色海棉」好有興趣⋯但只係聞，電梯好快就到大堂⋯我哋跟住出電梯去散步。

散完步⋯返屋企我哋搭同一部電梯，毛毛又去聞嗰嚿「黃色海棉」⋯今次仲擔嚟我面前放低望住我，當我細心睇清楚毛毛放低嗰嚿「黃色海棉」⋯原來係半件「蛋糕」，我即時讚毛毛叻仔唔亂咁執野食⋯

令我驚訝嘅係毛毛點解可以忍住唔食件蛋糕呢？

毛爸：毛毛，你唔隨便喺街執野食...真係好叻仔...要勁讚..

毛毛：毛爸，我不嬲都咁醒咖啦，讚到我咁叻又唔識做...靜係齋講...零食、生果都冇...

2014年9月24日星期三

圈套

2014年9月25日(星期四)

毛毛每日…早晚出街散步、玩執波波、擔襪仔同食餐…都會流露開心興奮嘅眼神。

但…到屋企人食餐、食生果時間…毛毛就表現好慘咁坐正喺檯下面用好可憐同好渴求嘅眼神望著我哋，毛毛呢種眼神一次又一次成功咁令大家分食物俾佢食...

我迷惑…問自己點解每次都會中毛毛嘅「圈套」。

毛毛：毛爸毛媽，可憐下啦...唔該...

毛毛：嘻嘻...又得咗...

毛爸：激死...又中招...

2014年9月22日星期一

煙花會演2014…韓國、波蘭、克羅地亞

2014年9月20日（星期六）

啱啱嘅星期六煙花會演⋯一共有三場，由亞洲同歐洲國家一齊演出，令睇煙花嘅人十分滿足。

今年有一個特別現象⋯攝影「發燒友」好多，由其係香港人同國內人⋯幾乎霸晒有利位置，當日下晝五點幾我經過西灣橋已經見好多「龍友」喺度棟起腳架準備，佢哋對煙花會演咁重視同咁有耐性⋯低佢哋霸到靚位⋯

告一段落

2014年9月21日（星期日）

屋企經過個幾兩個月嘅「滅蚤行動」之後⋯毛毛身上再冇「蚤」發現，毛毛一直保持「全身短毛」⋯經過一段時間毛毛又要剪裝，但毛媽仲係要毛毛剪短全身嘅毛⋯毛媽話⋯除咗慢慢留長啲毛過冬之外⋯現階段要容易打理⋯

毛爸：留番個「包包咀」感覺毛毛個樣好開心...

毛爸：毛仔個裝好醒神...

2014年9月20日星期六

單車日誌...沙沙聲

2014年9月20日（星期六）5：50 晴天有風 29度

雖然天氣仲係好熱⋯過咗中秋大自然同周圍慢慢咁轉。

凌晨5點氣溫涼快一遍清靜⋯連毛毛都唔肯起身陪我⋯感覺有啲孤獨⋯檢查好裝備出去踩單車。

街上冷清清⋯全程都係呼呼嘅逆風踩得好吃力⋯太陽好遲先出嚟但陽光一啲都唔覺得熱⋯單車徑滿地都係黃色嘅落葉令人傷感⋯單車喺黃葉上經過發出奇怪嘅聲音⋯

毛爸：每到深秋就會有啲咁奇怪嘅感覺...喺黃地氈上踩單車...重會發出迷人嘅沙沙聲...

毛爸：深秋...日出嘅位置都有少少吾同...

2014年9月18日星期四

地獄(開工)見聞...搶修

2014年9月18日（星期四）

颱風「海燕」嘅強流令澳門懸掛八號強風信號，對打工一族就多咗半日假期，對於我哋「電訊」行業就係辛苦搏命嘅開始。

一除下八號風球⋯就接到「柯打」有兩個天台機站啲發射天缐被強風吹倒要搶修，傍晚七點緊急出動⋯喺強風、閃電、微雨下趕工非常吃力，跟住就要做加固趕工工程⋯喺高溫烈日下花咗兩日先完成。（我做到中暑，人都癲）