毛爸毛媽毛毛豬
你好嗎?好想寫低日常嘅生活點滴,開心、傷心、溫馨...做個實錄,作為日後寶貴嘅精神食糧...
2016年8月24日 星期三
海邊美麗的女神⋯睡蓮
2016年8月24日(星期三)
睡蓮⋯學名來自古希臘語單詞「Nymphaea」意思係「寧芙」係一種住喺森林、河邊、海邊中的最美麗女神,睡蓮係我最愛嘅花種之一,好多人誤以為睡蓮同荷花係同一類。
睡蓮⋯花型、花姿、花色有種莫名奇妙嘅吸引力令人感動而迷倒眾人⋯連法國名畫家印象派大師莫奈都愛用睡蓮做提材⋯作品多達二百幾幅⋯⋯
純潔白色加淡淡嘅黃色...令人感覺十分潔淨...
姿態優美...
與你常為伴...
红色既睡蓮特別耀眼...我最愛你藍色同粉紅色...
白色嘅睡蓮係最靚....
吸引人嘅理由....神秘又美麗...
2016年8月22日 星期一
把握時機
2016年8月22日(星期一)
已經連續好幾個星期日冇帶家人去行山散步,都因為係工作忙同咁啱天氣惡劣而不可以安排(我曾經講過我會抽時間同花時間陪伴家人)。
有人講我哋嘅人生旅程係不斷咁追求心中所想⋯同時亦都失去人生中重要嘅事、物,建議我哋把握時機同勇敢捨棄,此時此刻嘅機會錯過⋯⋯就會成為永遠失去。
我家嘅百厭星毛毛...有得玩有得食就會好開心...
毛毛:好累好累...毛爸,抱抱得唔得?
十五、二十...
地獄(開工)見聞...起貨
2016年8月22日(星期一)
過去嘅大半個月⋯老闆、顧問、手足、技師⋯都忙著搞驗收,忙得要命。
各工種單位日日趕工、加班,今日終算可以停一停,外行人未必明白,交貨時期忙到經常要加班⋯交貨後就會失業過種心情,嗰段時間食飯同去洗手間都係難題。
食飯⋯好天氣,太陽曬住食、落雨天,著雨褸坐喺馬路邊食,用時間同勞累換來一個糊口嘅飯盒⋯⋯心想⋯生活嘅壓力同生命嘅專嚴⋯邊一個重要??
工友們每日傍晚就會一齊坐係馬路邊食飯...之後...繼續開夜工...
我講放飯係幸福嘅事...大家理解幾多?多謝工友們嘅付出同努力...感謝...
單車日誌...好熱鬧
2016年8月22日(星期一)
過去嘅星期日⋯凌晨落大雨⋯到下晝先有陽光,把握機會出去踩單車,由於氹仔好多路面都做緊維修封路⋯所以去咗單車徑踩單車。
可能呢倫奧運運動熱,單車徑特別熱鬧,天氣雖然好悶熱但仲係有好多小朋友踩單車,佢哋頭髮濕晒、面仔紅晒都搏命咁踩,啲父母就情緒高漲喺旁邊大聲嗌⋯唔知佢哋係擔心定開心呢⋯⋯
見成班小朋友好努力咁學踩單車...唔識踩單車嘅大人門就要下苦工喇...
好快秋天就會來臨...又係踩單車好季節...
2016年8月19日 星期五
烙印⋯勇士深深的印記
2016年8月20日(星期五)
巴西奧運單車賽事已告一個段落,香港「牛下女車神」李慧詩(我偶像)喺凱林賽被撞炒車受傷影響⋯失落爭金機會,雖然攞唔到任何獎牌⋯但我仲係覺得李慧詩表現非常出色。
身為一位代表香港特別行政區嘅單車運動員,背付住不僅係市民嘅希望、比賽成績、場上眾對手嘅挑戰、面對意外受傷嘅風險、仲要受傷後堅強咁企返起身不流一滴眼淚⋯⋯
呢個「香港代表」嘅榮譽背後有血有淚。
(蘋果日報圖片)
勇士亦都會有失落嘅時候...有人講成功秘訣就係唔放棄,李慧詩,加油!加油!
炒車意外令李慧詩肩、膊、腿三處受傷亦衝散爭牌希望...令眾人為佢心痛失落...
2016年8月10日 星期三
義工、卧虎藏龍
2016年8月6日(星期六)
唔記得幾時開始幫佛光會做(搬運、音響、攝影)義工,永富法師對我哋呢班努力工作嘅幕後"義工"解讀為有情有義嘅工作人員。
中心每次活動都會有攝影團隊(3至5名攝影師)做拍片同影相工作,而團隊係由資深嘅攝影師組成,自從我加入攝影團隊做義工之後⋯先知自己嘅攝影技術、器材運用、現場應變⋯都係入門級(BB班),自己對攝影嘅認識非常皮毛。
原來中心攝影组係臥虎藏龍嘅團隊...我終於结緣有機會向資深攝影嘅長輩學習喇⋯⋯
十分有學識嘅道師永富法師...
中心首席攝影師 基哥 (前者),勝哥 (後者)
水族…蝸牛
2016
年
8
月
10
日
(
星期三
)
自從呢個星期開始毛媽拼命工作之後
…
屋企剩下嘅家務同寵物就由我支援照顧,其中水族
…
除咗定時定量喂食之外
…
仲要幫手捉蝸牛...
玩水族真係要專心、好眼界同有耐性
…
魚缸入面好多魚仔、蝦仔同蝸牛呀...蝸牛??有排捉喇...
2016年8月9日 星期二
等待
2016年8月10日(星期三)
毛媽近期因為工作勁忙...短期内會喺公司留宿,毛毛呢两日都周圍揾毛媽,每日出街散完步返屋企第一時間會衝入睡房、書房、厨房...睇下毛媽喺邊。
但每次都令毛毛失望,不過毛毛好有耐性,一有時間就會瞓喺大門口等...
等待...
2016年8月1日 星期一
從來沒有懷疑
2016年8月2日(星期二)
過去嘅星期日⋯凌晨出去踩單車,毛毛同平日一樣一早起床陪伴我⋯檢查單車、裝備,然後目送我出門,再走返上梳化等我回家。
我每次出門踩車都會被呢種儍更更、堅持信念、從不懷疑嘅行為感動。
我反思⋯有冇人類會做呢種行為?仲會一直堅持呢?
毛爸:毛仔,我出去喇...好快會返歸...
毛毛:咁...你慢慢啦...記得買早餐返黎...等你...
較新的文章
較舊的文章
首頁
訂閱:
文章 (Atom)