2013年5月20日（星期一）
好多旅遊書都講清邁嘅夜巿 ，仲每逢星期六、日喺舊城區有個步行街。
離我哋酒店十分鐘路程嘅夜市步行街比想象中更大更熱鬧，有賣精品、工藝品、時裝、飾物、玩具、民族衣服、有趣裝飾品、涼果小食、地道食品飲品...仲有街頭賣藝表演多不聲數。
我同太太邊行邊睇邊食...兩個幾鐘飛快咁就過咗，戰利品除咗食品飲品手信之外，仲有雙腳酸軟攰痛...要即刻走入按摩店做番個腳部按摩輕鬆下。(待續)
毛爸 : 夜市好熱鬧...人多到好似推住你行咁...
毛爸 : 呢啲用炭做熱能嘅熨斗...已經幾十年未見過...
毛爸 : 呢啲好特別嘅燈飾係中椰子做咖...(約澳門幣三十幾蚊)
毛爸 : 呢啲係「番梘花」外面用圓木盒裝住非常精緻...(約澳門幣二十蚊)
毛爸 : 夜晚...佛寺有另一種神秘...令人心景平靜...
毛爸 : 呢種紫色嘅飲品好好飲...我問阿姐飲品叫乜名？佢講咗一串好長嘅泰文...
毛爸 : 佢哋係喺夜市賣唱嘅4位視障藝人...有旅遊書介紹過佢哋咖...今次一見盧山真面...
毛爸 : 良果「龍眼乾」正氣又有益...我買咗好多做手信...
毛爸 : 名牌鎖匙扣(A貨)............................................(待續
- 留言者: Molecule
- Email: moleculekwok@yahoo.com.hk
- 網址:
- 日期: 2013-06-13 15:13:33
毛爸,
本人將於六月下旬第一次去清邁，將留五日，具體行程尚未落實。看見你所行的夜市很吸引，請問是那一個? 容易去嗎? 此外，有沒有其他提議? 謝謝幫忙!
MK
[版主回覆06/13/2013 21:11:45]首先祝你旅程順利快樂, 我哋住嗰間酒店前面就係夜市...至於步行街夜市要逢星期六,日先有,當地交通工具好方便...通街都係「爽條」當地紅色小巴（收費每程每人約20~40匹),我建議向酒店服務員問路同幫手寫地方名...咁會方便啲.....by毛爸
[版主回覆06/13/2013 21:10:06]我們去的這個夜市是位於古城區(Old Town)的週末步行街，逢週六及週日才有。另外在我們住的酒店樓下亦有由多個小型夜市組成的清邁夜市(Chiang Mai Night Bazzar)，這些夜市每晚都有營業。
