毛毛歎冷氣

2013年5月31日（星期五）

呢幾日少咗落雨但多咗猛烈陽光...過去嘅一星期都係喺天台工作，先雨後太陽...辛苦到人都癲，喺屋企嘅毛毛由於太熱都唔好過。
屋企有個習慣...食晚飯先開大廳冷氣，每日夜晚開飯毛毛就興奮，有生果食同有冷氣歎，到我哋入房瞓...毛毛一聽到開冷氣機「咇」一聲就會即刻走入房...瞓喺冷氣口個位，毛毛好識歎。

毛毛 : 毛爸你仲唔入房開冷氣瞓...早睡早起身體好呀！
毛爸 : 毛毛你想歎冷氣就叫我入房瞓...衰仔你都蠱惑喇...