地獄(開工)見聞...轉職五年

2015年2月28日（星期日）

不知不覺咁就過咗 5 年，3月份自己張「職安卡」到期⋯要到勞工局報名再重新考試合格⋯先獲發新証，我好彩過關攞到新証。

我係做電訊行業嘅建站工程，工程施工 "技術性"只係佔工作嘅 2 成其餘嘅係 "體力勞動"，由於我視力、記憶力差⋯所以技術方面難以掌握只識皮毛⋯唯有用勞力補助⋯自問全力以赴。

講真我老闆對我不薄⋯工時短、OT補水、請假唔扣糧⋯，但我發覺我體能都開始走下坡⋯到有朝一日 "冇表現"嘅時候⋯我都要自動自覺⋯作出選擇 "引退"⋯

要上半日課程同考試合格先有証書...

行山⋯滿山新氣象

2016年2月28日（星期日）

幸福開心嘅時刻⋯全家一齊去晨運，今朝毛媽一早就起床等我踩完單車返屋企⋯然後一齊去行山，毛毛裝身時候已經好心急咁狐叫，大潭山行山徑全程路面已經鋪設＂立青＂，帶狗狗行山安全又舒服，今早行山天氣特別好仲有好多新發現，草、樹發新芽，花蕾開始開花⋯好舒服啊！心情都好番！

毛爸：毛毛等出發...等到有啲唔耐煩...

毛毛：毛爸毛媽行得未？

毛毛：開始喇...

毛毛：等埋毛媽先...

蚊形小花

流水...

新芽

青松

紅葉...充滿生命力...

單車日誌...風聲⋯呼呼

2016年2月28日（星期日）5:05 未天光 強冷風 氣溫11度

呢排工作安排密集⋯除咗好好休息之外⋯根本無法抽時間操練。

機會來了⋯今日放假一早（凌晨四點）起床出街踩單車。

人真係奇怪嘅動物⋯當自己工作好忙嘅時候就會麻怨抽唔到時間操練，今早出去踩單車嘅時候又感覺自己好孤獨而情緒不佳⋯⋯

孤身走我路...

日出....又有新希望...

親愛的，生日快樂

2016年2月16日（星期二）

今日係結婚紀念日同太太生日，首先祝福太太身體健康、生日快樂同結婚紀念日快樂。

回想妳同我一齊行過順境、逆境嘅路真係唔簡單，好多謝妳伴我同行。

我會努力令妳更幸福⋯我愛妳。

毛爸：太太，生日快樂呀！我愛妳。(太太最愛嘅紫色)

行左三萬幾步買嘅禮物....

情人節快樂！2016

2016年2月14日（星期日）

祝各位有情人心想事成，情人節快樂！

每年嘅「情人節」對於我自己嚟講⋯係一個考驗，係時候回顧探討過去一年與家人嘅相處同改善關係。

中國人有句說話「相見好，同住難」，原來極愛對方要開心相處係一門極深嘅學問，專家講：互相要包容、有溝通、有共識、相處冇壓力就等於幸福家庭。

今年我要更加努力⋯

心愛的情人節快樂呀！

毛毛心聲…「利是」豆來

2014年2月12日（星期五）

每年大年初一都會第一時間收到毛爸派俾我第一封大利是，我到目前為止只係收到毛爸封利是，因為姑姐去咗旅行，毛爸毛媽仲放緊假所以⋯但我知到收到利是係一件好幸福嘅事。

毛毛：毛毛祝各位朋友仔新年狂收「利是」...

單車日誌...勤奮操練

2016年2月11日（星期四）

農曆大年初四⋯祝大家開工大吉、事事如意。

農曆新年期間天氣非常好，所以⋯增加踩單車操練，準備三月份過臺灣踩單車。

呢幾日氣溫約 10～11攝氏度⋯只係有時候有強風，至於路面交通就比較麻煩，有好多段路因為新年假期期間特別安排而改道或者封路。

咁嘅道路交通安排對踩單車人事有危險（路面闊度只能夠緊緊俾巴士通過），要放心盡情踩單車⋯最好係去單車徑⋯

今早本來約咗勤兄一齊踩單車開年...可惜...落雨了...

猴年，恭賀新禧

2016年2月8日（星期一）

恭賀新禧、恭喜發財...

祝願各位猴年大吉、身體健康、事事圓滿、家庭幸福、猴年行大運⋯恭喜恭喜⋯