2012年10月1日(星期一)
渡完假返嚟嗰陣又係另一種期待…我哋一出…就聽到毛毛狂吠,到開門嗰陣毛毛開心到失常…唔知歡迎邊個好,走嚟走去又出又入,我哋嘅所有指令都聽唔入耳…最後仲失禁添。聽工人講毛毛呢幾日都鍾意瞓喺大門口,一聽到小小聲就起身吠,而且夜晚吾瞓經常行出大廳,工人話毛毛成日揾我哋,真係好錫佢哋思想咁忠誠咁簡單,唔知我哋人類幾時先會….
毛毛 : 有媽咪陪我行街街真係好開心咖...
毛爸 : 衣
2012年10月1日(星期一)
渡完假返嚟嗰陣又係另一種期待…我哋一出…就聽到毛毛狂吠,到開門嗰陣毛毛開心到失常…唔知歡迎邊個好,走嚟走去又出又入,我哋嘅所有指令都聽唔入耳…最後仲失禁添。聽工人講毛毛呢幾日都鍾意瞓喺大門口,一聽到小小聲就起身吠,而且夜晚吾瞓經常行出大廳,工人話毛毛成日揾我哋,真係好錫佢哋思想咁忠誠咁簡單,唔知我哋人類幾時先會….
2012年9月30日(星期日)
中秋節喇!我毛少祝各位家長、阿Sir、師兄弟、狗狗粉絲…毛爸毛媽 “中秋節快樂”…
毛毛 : 今年媽咪自家制兩個月餅俾我過節...真係起開心...
2012年9月25日(星期二)
今次假期有種奇怪嘅感覺…工作上安排星期二做晒,傷患希望星期二前好番,到期嘅食材星期二前食晒…好事、壞事、希望、失望…等等,自己檔咗呢個假期係生活上嘅 “小結”,當假期完咗就係生活另一個新段落嘅開始。唯一擔心嘅係毛毛呢個群腳仔唔見我哋幾日會唔會有啲唔習慣呢?
2012年9月24日(星期一)
我哋一出世就對自己父母同身邊嘅人帶嚟一種無形壓力…爸爸媽媽擔心你嘅身體健康(怕你養唔大)…到你入學就擔心你將來考唔倒名牌大學(怕你夠分數都唔夠人爭)…到出黎社會做事就擔心你揾唔倒份好工(想你做份工時少又高薪嘅工)…到你拍拖(你係男仔)就擔心你會唔鍾意女仔(你係女仔)就擔心你會唔鍾意BB(怕你冇繼後怕妳虐兒)…一直擔心到老。上天嘅安排係好巧妙咖…當你有仔仔囡囡嗰陣你就會不知不覺咁行上呢條無形壓力嘅路…
毛毛 : 我喺屋企係大紅狗嚟咖...個個對我愛護有加...
毛爸 : 有時真係好唔底得毛少喺屋想點就點毫無任何壓力...我唔知幾時先可以...
2012年9月24日(星期一)
由於中秋期間要出門所以提早去生果檔入貨,同往年一樣…生果檔佬闆娘花姐靜雞雞執咗兩個梨皇送俾我哋過中秋節。我借呢度多謝好客氣嘅花姐,順便祝佢全家中秋節快樂。講起上嚟呢啲時候食梨係最適宜,清心潤肺,仲可以攞嚟放湯或者整甜品…係一種好食又非常有益嘅食材。
2012年9月23日(星期日)
今日係洗白白嘅日子…又係狗權俾人打沉嘅日子,因為要清潔耳仔…俾媽咪強迫我要帶口罩,我層經有次洗耳仔嗰陣咬傷媽咪(其實嗰次媽咪唔小心整痛我…咬…係我自然反應),所以每個星期日都要帶口罩一次,雖然宜家洗耳仔冇咬媽咪但…都唔可以回服媽咪嘅信心…
2012年9月23日(星期日)
出動喇!宜家都係時候執行李喇,今次帶部大機7D同機仔G12同相機防水箱,本身呢個旅程安排會去影風景同潛水,但…由於手傷未好…可能最消某啲活動,或者要全程以吃喝養傷為主,所以器材都要輕便簡單為主。前幾日睇倒一個電視節目係講國家地理雜誌2011年十大相片同得獎攝影師,相片同內容都非常精彩,講有位攝影師為完成一個專輯花咗兩年時,又有位攝影師要追求最好效果用咗總重量兩噸嘅攝影器材…小弟真係要向呢班攝影大師們…至敬。
毛爸 : 係咁以....
2012年9月22日(星期六)
清晨四點幾因為手痛醒咗…碌嚟碌去都瞓唔番,毛毛都起身走嚟床邊Lam我…不過佢好快就番埋位再瞓覺,等咗好耐…好耐先至到六點,起身準備裝身出街散步…但毛毛好似應綢吓我咁出嚟廳兜個圈又返番入房瞓覺。一直到就嚟七點先行出房同我落街,落到街當毛毛便便緊嗰陣…落好大雨,但藍天白雲有太陽…都會落大雨?
2012年9月21日(星期五)
近排愛上玩互動嘅毛毛…連玩執波波都要互動,我碌個波出去…毛毛火速去執番,但唔係執番俾我…而係望住我個眼神好似同我講 : 毛爸,過嚟執波波啦Goodboy。到我去追個波嗰陣,毛毛就左閃右備身手不凡…我追佢唔到…真係有啲唔份氣,到我迫到毛毛冇地方走嗰陣,毛毛就會走入房個籠度呢埋。
2012年9月19日(星期三)
雞肉同雞蛋係我最愛嘅食材,記得細生日嗰陣媽媽就會整炸子雞俾我做生日大餐。至於平日就經常煎荷包蛋俾我做餸,而我就最鍾意將荷包蛋放喺飯面督爛加豉油…等蛋黃豉油熱飯撈埋一齊食,嗰種美味一試難忘。後來報低報道生雞蛋多數都有菌...呢種食法就俾太太禁咗。前日我喺超市入貨嗰陣發現 “低温消毒”嘅雞蛋…咁…今朝就煎咗兩隻太陽蛋整 “ 雞蛋撈飯”做早餐…
2012年9月19日(星期三)
過去幾日都俾傷痛困擾令人情緒低落…尋日再次見醫生同做物理治療,結果醫生講 :宜家傷處服原進展情況良好…但患處咁痛就有啲唔正常。醫生决定再幫我再做一次物理冶療,呢種冶療會令患處相當痛。由於冶療要忍痛搞到個人好攰…番咗屋企休息。呢個時候毛毛好似知到發生咗啲事咁…主動走黎身邊陪我,當時毛毛嘅行為真係一服 “心靈良藥”,感動。
2012年9月18日(星期二)
經常聽長輩講 : 要人對你好,你就要先對人好。呢番說話係我座右銘,喺狗狗世界呢句話好應驗,以Coffee為例…我地去到阿妹屋企Coffee就會吠爆我哋(仲會咬人),但Coffee嚟我哋屋企渡假嗰陣起居飲食都係我細心照顧佢…咁…佢就成日都痴住我,跟出跟入,同時就對毛毛有少少冷落,搞到少爺毛都有醋意非常之不滿。宜家我哋生活喺咁現實嘅社會…人人都利益行先,太計較得失…好多人對嗰番說話都有所保留。
2012年9月17日(星期一)
星期六太太要整海鮮比薩…就到魚檔買蝦…但當太太見到啲靚大蝦就忍唔住要買一斤返屋企,要我煮佢最愛食小小辣嘅 “酸辣大蝦”。記得二十幾年前 仲同 太太拍緊拖嗰陣,第一次請太太黎屋企食飯親自下廚煮嘅餸,當時啲蝦大隻又新鮮味道酸酸辣辣,太太對呢味餸大讚…自己就飄飄然,後尾先知太太唔食得辣…
2012年9月16日(星期六)
每年一度嘅煙花會演自己都有個衝動去影相…有時情況唔許可…為有失場,今次因右手受傷本來要望煙花輕嘆,好彩有太太幫手先至有得去影。今次臺灣隊嘅演出有幾幕都令拍友們汗顏…就係有幾個煙花飛得特別好高爆得特別大仲好靚,好多拍友(連我在內)都話 “煙花出界”而錯過完美嘅構圖。由於右手 “搖卡”不靈…呢輯相唔係佳作…
2012年9月15日(星期六)
今朝陪太太去街市買咗好多整餅材料,太太話整鮮蝦比薩做午餐黑糖香蕉蛋糕做下午茶。今日太太有排忙喇…但事實又唔係咁,原來呢款比薩好易整…搓好麵團整好批底再加茄醬、芝士、蕃茄、黃椒、鮮蝦放入焗爐焗15分鐘就完成…但第一批唔知點解失敗咗…好彩第二個非常成功。…………………..待續…
2012年9月15日(星期六)
我係運動狂熱者…後生嗰陣開始…長跑、游水、攀爬、行山、探險、打羽毛球、打Wargame、踩單車…等等機符係運動都啱,少不免身體有同一部位多次受傷嘅情況。到年紀大咗呢啲部位就成為身體上嘅弱點,往往因工作而受傷而且康服得越嚟越慢,今次膊頭同手踭受傷(舊患)醫生診斷結果…因關節之間韌帶過鬆同長期疲勞績滯而形成容易受傷引起肌腱發炎,醫生建議用一種叫 “再生治療”方法治療,用針藥注射入患處引發炎症…等身體發輝自己服原能力,好處係身體會加強傷患部位嘅防護力,壞處係呢種治療法要花啲時間先會原全好番且注射部位會引起痛楚(2~3日)…。呢編日誌嘅目的唔係話俾身邊啲朋友知 “我受傷了”而為我擔心,而係提醒自已要愛惜身體免得愛錫我嘅人增加多一份付擔…
2012年9月15日(星期六)
自從我剪咗裝返嚟嗰日開始…媽咪每晚食飽飯之後就幫我全身 “馬殺雞”,由頭至身前腳後腳…仲幫我檢查全身嘅皮膚,晚晚都係咁…真係歎。尋日毛爸話我知…實情係毛媽擔心我皮膚過敏唔知係唔係好番晒?仲會唔會有其他皮膚問題…所以…
2012年9月14日(星期五)
已經踏入九月中…但每日氣溫平均都保持喺31~33度嘅高温同冇風,熱到人都癲。今朝起身就感覺清凉連毛少都顯得特別生猛,落到街更加感覺到秋風送爽…清凉舒服,原來今早得23度濕度65%仲有啲北風...秋天喇…
2012年9月12日(星期三)
每個人心中都有股原動力…日日努力生活,有啲人就多咗份推動力生活得更出色,呢種推動力有啲來自神聖嘅使命、崇高嘅理想、遠大嘅目標、一種物質追求…家庭幸福。其實每個人心中都應有份咁嘅 “推動力”,我嘅強大推動力來自嗰種追求“家庭幸福”,毛毛就簡單得多…只要有心愛嘅零食....2012年9月11日(星期二)
平常嘅家庭為咗清潔消毒家居地板…都會用上清潔劑或者漂白水。但有養寵物嘅家庭就要注意喇,按照醫生指示 強力消毒藥水、帶濃香嘅清潔劑、令地板光滑嘅潔淨劑、漂白水…等等都係有強烈嘅藥效,大多數寵物或狗狗日常活動都會長時間同地扳接觸,對於寵物或狗狗都會受到某程度影響,更加對擴敏能力弱嘅狗狗會引起皮膚敏感甚至變成皮膚病…各位家長請勿大意。
2012年9月10日(星期一)
毛毛由於皮膚病手術嗰陣剪到個身啲毛一撻撻…宜家啲毛長番長有條件剪番個靚裝,今次係全手剪,毛媽對毛毛嘅形象都好滿意…好多朋友話毛毛變番個BB樣好得意同靚仔。唯一就係毛毛剪毛之後 前左右腳掌、後腳大脾、Pat Pat都發紅,以前以為係較剪同電剪引起既敏感…但宜家冇剪嘅地方都發紅,咁…最後得兩個可能由沖涼液、地板消毒劑引起皮膚敏感…真係要上心留意至得。
2012年9月9日(星期日) 8 :30陽光普照 27度 冇風
太太唔知幾時開始决心要學踩單車…所以今朝帶埋太太去澳門蛋內圈教太太踩車。由於我架登山車車身高…就算將座位校到最低…以太太嘅高度雙腳到掂唔到地,我一次嘅梳忽同唔小心令太太失去平行跌倒…之後就唔願再繼續學,掃興而返。其實要學識踩單車話易 “唔易”話難 “唔難”但好肯定係要經過 大胆嘗試、跌倒、再試…之後先成功學識,有好多唔識踩車既人都話 : 我有學咖,仲跌到傷晒,我平行唔倒…最尾堅持唔再學踩單車…
2012年9月9日(星期日)
由尋日開始屋企就多咗一陣怪味…仲越嚟越犀利,原來係媽咪搽咗藥油就週圍行,所以成屋都係怪味…由於媽咪整嚫腳子尾…唔怪得知毛爸捉住媽咪隻腳係咁初啦,等我以為毛爸有 “戀足狂”…毛爸用藥油幫媽咪搽咗好耐,但媽咪行起上黎嚟仲係覺得腳子尾好痛連帶小腿都痛埋,嗰陣怪味就係啲藥油味…
2012年9月8日(星期六)
第一次接觸新鮮無花果係生果擋花姐介紹(特價咗都要18蚊1粒),當時因為咳…而且咳咗好耐,花姐極力推薦 “新鮮無花果燉川貝”話有潤肺作用。後來到日本旅行嗰陣喺超市發現仲好平(HK30蚊一盒6粒)狂食之後愛上,今次太太將新鮮無花果配西班牙火腿味道超夾…我真係有口福…
2012年9月7日(星期五)
今早帶毛毛散散吓步就落出毛毛雨仲突然好大雨…毛毛就好開心咁向前標玩水,毛少係好鍾意玩水咖…印象中有次喺澳門蛋散步,毛毛就衝咗落水池游水,搞到毛媽又擔心又好笑。我慢慢抱起毛毛腦入面閃出一隻歌~在雨中漫步…黃色街燈漸露…相對望…無聲緊擁抱著….,
太太今日放假…尋日提過想食粥做早餐。今朝見雪櫃有飯有燒鴨有生菜…咁…就諗到煲個 “生菜火鴨絲粥”,先將燒鴨起皮起肉,皮就唔要肉就用黎送粥骨就用嚟煲湯,煲好鴨湯就放入冷飯煲45分鐘再放入鴨肉滾起…完成。
2012年9月5日(星期三)
今朝毛毛又俾隻放繩嘅小蝴蝶狗女攻擊…小狗女攻擊毛毛幾次釘咗毛毛幾下,狗狗女主人帶上海口音大聲咁嗌 : 唔怕咖佢唔係真係打交咖…佢貪玩咋。毛毛就好冷靜咁備開隻小狗女,實情小狗女嘅行為係好危險咖,聽過好多個案 啲狗主見自己隻愛狗受攻擊…第一個反應係用腳或者用身上可攻擊物件反擊,人 無情嘅反擊力對狗狗嚟講可能做成不可想象嘅傷害甚至重傷死亡…
2012年9日4日(星期二)
毛毛近符失控貪玩嘅轉變…帶出咗兩個情況。1.毛毛宜家喺屋企經常同毛媽玩 “捉依茵”,佢地兩個通屋跑除咗嘈喧巴閉、笑聲震天之外仲地震,屋企充滿歡樂氣氛 。2.由於毛毛成日都以為我地同佢玩…經常得意忘形唔聽指令,令毛媽好激心令我好頭痛…工人冇所適從就晒毛毛。實情屋企人都會包容毛毛嘅行為…但我要好嚴格咁管教毛毛要佢識分…幾時係玩幾時係要聽話…
2012年9月3日(星期一)
九月尾同太太出門旅行(5日),留低毛少爺俾工人單獨照顧,照平時觀察所知工人係好錫毛毛(直頭有啲過份)…由於咁…好多要毛毛做嘅簡單指令工人都掌握唔到,可能佢覺毛毛係大少爺(受我地勁錫毛毛嘅關係影響),有時過份放縱毛毛。例如毛毛餐後抹咀 屋企有嚴格規定要毛毛坐喺廁所板上面用濕毛巾抹咀再用梳梳咀毛,但有多好時毛毛唔肯入廁所…工人就咁用濕紙巾輕輕抹吓咀仔就算…就晒個衰仔。宜家我經常教工人用正確嘅態度對代毛毛,希望工人唔好用5日我地出門嘅時間令毛毛變成 “壞孩子”
012年9月3日(星期日)
毛毛一向都貪食貪玩…但玩嘅行為慢慢改變緊,毛毛最鍾意擔拖鞋、眼鏡布、毛巾…玩,一擔到就會搞破壞。呢排發覺當毛毛擔到啲野…佢會走番埋位…然後望實你,你走埋去或者追佢…佢就會搞破壞,如果你唔理佢…佢就會唔旭等你仲好有耐性。宜家連玩執波波都係咁…有次毛毛就擔住波波走左入房好耐都唔出黎..原來毛毛娟入床下底等我追佢同佢玩…毛少玩得咁投入真係佩服….
2012年9月2日(星期日)
近日毛媽見屋企剩咗好多橙…就話今日整鮮橙班戟,準備部份梗係我去幫手做啦。先要搾橙汁、起橙肉、橙皮切絲、橙皮磨溶…當我整緊橙皮嘅時候毛毛就喺廚房門口猛打乞嗤,初初我地都冇留意…但毛毛一邊打乞嗤一邊倒後走出廳就冇事,過咗一陣再返入廚房又再開始打乞嗤,原來毛毛對輝發橙油敏感但食橙就唔怕…真奇怪…
2012年9月2日(星期日)
尋日一早就同太太過香港,第一站…銅鑼灣食早餐、IKEA訂傢俬雜物、太太買鞋再到超市買麵包材料…,第二站…旺角通菜街買毛少最鍾意食嘅芝士餅…第三站…中環360買整餅食材然後趕返澳門,晚餐去銀河食馬來西亞美食節自助餐。成日都喺度趕時間我地食飽晚飯返到屋企已經就嚟十一點…諗諗先發覺今日唔記得食中午飯…..