毛爸毛媽毛毛豬: 4月 2009

2009年4月30日星期四

毛毛心聲…上戰場

今日毛爸幫我帶左條黃色頸圈 (有狗牌架) 同迷彩頸巾，毛爸就換晒迷彩衫揹住一袋二袋帶埋我出街，毛爸話今朝天氣咁好帶埋我一齊去打War Game喎。

去到嗰度見到好多帶住面具嘅人…個個都走過黎同毛爸打招呼，仲猛咁撩我玩…不過嗰啲人嘅面具好得人驚架。跟住就見到佢地喺草林度走黎走去…我都有跟住毛爸走入草林…後尾毛爸派左我去做卧底…

毛毛 : 我話你知啦，我準備同毛爸一齊落場 "殺敵"

毛毛 : 毛爸我有發現呀...Over Over...

毛毛 : 毛爸，喺前面有好多 "敵人"呀...我冇眼睇喇...

毛爸 : 毛毛你仲唔撤退...

毛毛 : 毛爸我唔驚架，我有 "保護色" 敵人見唔到我架

毛爸 :

豬流感H1N1

最近 "豬流感"哩個名越黎越紅，今日“世界衛生組織 (WHO)”將流感大流行警戒級別升為“第5級”(最高6級)，代表病毒人傳人好快就會喺社區爆發，咁大家好快就要打一場硬仗，情况一啲都唔樂觀。第一個受害者係同“豬”有間關嘅行業、產品。其實“豬流感”同“豬”一啲關係都冇架…

2009年4月28日星期二

有啲出奇

依家夜晚一熄廳燈，毛毛就自動入房返入個籠度瞓覺。

今朝一開房門，毛毛就衝出騎樓尿尿。

落到街散步，見到隻黑唐狗瞓喺馬路邊，毛毛掂行掂過好似當人透明咁冇吠人地。

返到屋企就纏住我玩執波波....玩到唔肯停...

我發覺毛毛嘅行為有啲奇怪...真R頭。

毛毛：哈~又係玩執波波時間~~

毛毛：完成任務...又有零食獎na~~

留言者: Heidi
Email: heidihychan@yahoo.com.hk
網址:
日期: 2009-04-30 17:22:00

又會咁既?
[版主回覆04/30/2009 19:28:00]我都唔知點反應...唔知好定唔好... By毛爸

過份放縱

最近因為工作忙同搞電腦…少左時間陪毛毛玩。毛毛嘅生活行為就非常極端，一時就點搞佢都唔肯同你玩，一時就纏住你玩到唔肯瞓。毛媽就經常大聲咁鬧 : 肥仔夜喇、要瞓喇唔好同毛毛玩到咁癲啦…。平時工人阿美會同毛毛練習Sit、Stay.阿美話毛毛好叻，過有時毛毛對住我就唔係好服從，我可能過份放縱毛毛…

毛毛: 毛爸哩排挂住玩電腦都唔理我GA...

2009年4月27日星期一

要買部新電腦

舊年年中開始，書房部電腦 (用左4年) 有啲唔正常，用用下死機、又試過開唔着部機，令到太太好煩惱。

一直到年尾…攞去俾助手跟進維修，檢查報告係主板老化、硬盤中毒，不能再修復。損失14000張珍貴相、無數生活短片及歌曲…結果部機要攞去“填海”。

由於咁我就買部手提電腦俾太太用，但近排我接管“肥仔日誌”，用電腦時間多左，太太投訴我經常霸用電腦。經過考慮我決定買部電腦俾太太…

2009年4月26日星期日

文文遊學

上個禮拜文文黎公司揾我，話有事同我商量...

文文：Daddy我六月份参加 “遊學”去英國...要去成個月架...你唔反對Ga呵...

肥仔：“吓” 遊學...要洗幾錢架...使唔使贊助妳？

文文：我搞得掂...你唔使擔心，至於贊助有梗係好啦...到時會参觀劍橋、哈佛大

學，去埋法國...

肥仔：文文，妳好似已經决定左先話我知Ga呵...咁我做好人贊成妳啦...

呢張相係囡囡大約五歲時影架，係我最鍾意嘅其中一張相...

留言者: 圓咕碌
Email: bottle312@yahoo.com.hk
網址:
日期: 2009-04-27 14:57:00

原來毛爸有個咁大個女呢 , 睇個樣真係好聰明 , 難怪咁細個就有得去遊學呢 ~!!
[版主回覆04/27/2009 16:23:00]我女女己經讀緊大學三年班，同婆婆一齊住因為近佢返學。

2009年4月24日星期五

老友飯局

對上一次飯局已經係舊年嘅事，我好響往三五知己飯局談心，今次全部到齊…蘭茜全家、湯氏夫婦、我同太太一行7人 (上次湯生缺席) 食中餐。

講起黎都好奇怪，我地由八點幾食到十點，大家都好似唔夠喉咁。威廉就提議去間美式餐廳繼續消夜傾計，咁好嘅提議梗係個個贊成啦…其實呢一刻大家都係想開心相聚、談心盡興…

好美式嘅餐具

任添嘅檸茶特飲

又大份又好味龍蝦仔

味道怪怪嘅蟹餅

令人難忘嘅心太軟＋vanila雪糕

2009年4月23日星期四

毛毛心聲...唔使上堂放假

我呢個星期五有堂上，晏晝毛媽毛爸準備同我返學出門...毛媽聽左個電話就講...毛毛你今日唔使返學啦。好野...唔使返學放假，毛爸講過一有時間就會陪毛媽同毛毛出去玩...由於咁毛爸就帶左我地去星星公園。

嘩...超多人呀...有啲人走埋黎同我FRIEND又同我一齊影相。我同毛爸玩執波波同毛媽玩賽跑，好開心呀，不過好快要走喇...

返到屋企，毛媽俾骨骨我食...超正~~!!!放假真係好喇~~

毛毛補假

毛媽特別攞左兩日假搞旅行証件續期，順便約班好朋友食餐飯... 我梗係要請假配合啦…毛毛無端端就多左兩日假 (真幸福囉)…

到下晝就帶毛毛去大草原玩…毛毛一到步就到處尿尿便便，而且好開心咁周圍走仲搶繩，好唔守規矩。

毛媽對往毛毛一路行就一路鬧：衰仔包…你學嗰啲野係唔係唔記得晒呀？

毛媽全程都好激心…其實毛毛好叻架，可能貪玩啫。

毛毛 : 到步喇~~~

毛毛 : 等我講俾你聽啦~~

毛毛 : 好靚呀...

毛毛 : 毛媽行快啲啦...

毛毛 : 我唔怕話俾你知嚿石好 "吉"pat pat架...

毛毛 : 今曰冇太陽晒...好舒服呀...

毛毛 :仲好大風呀...

毛毛 :咁快要走...

毛毛 : 毛媽好似好嬲喎.......

天氣好熱

呢排啲天氣明顯好濕同好熱(22度~29度)，我留意到毛毛嘅行為開始有改變...飲水飲多左、鍾意趴喺地下瞓(平時鍾意瞓梳化GA)、R身R世嘅次數多左、成日都伸條脷仔出黎、唔係好主動咁同你玩(毛毛好怕熱GA)...。宜家我地夜晚要閂睡房門開冷气瞓，由於尿扳計劃尚未成功(毛毛一時好叻柯正喺尿扳，一時就射到出晒界)...激死...所以暫時毛毛喺睡房瞓就要瞓喺個籠度喇(成個籠搬入房)...

毛毛 : 毛媽要我尿尿左...先俾我入房架...

2009年4月22日星期三

上個禮拜尾我攞部相機上阿Mi屋企...我都未入門口Coffee就喺個籠度狂吠...我放左Coffee出黎...真係好奇怪Coffee扎定個 “馬”係咁狂吠我(平時唔會架)仲好驚慌...我埋去抱左佢一陣...但Coffee瘋狂咁掙扎同好淒涼咁狐叫...我唯有放番佢入籠度...Coffee表現得好驚。第日我再上去探佢，Coffee見到我仍然狂吠同不安...連我獎零食俾佢都唔肯食，可能Coffee真係俾我嚇親...