April 13, 2008 (星期一)
今朝我地起身梳洗完就食杯麵,之後再詳細檢查一次啲行李就落去check-out。亞妹趁我check-out嗰陣就落下面商場買麵包,諗住一陣上飛機食,我地係搭廉價航空所以冇飛機餐架。
去到機場check-in完都只係10點,離登機時間仲有成個鐘,亞妹想作最後衝刺去terminal 2買班蘭蛋糕。我地問啲服務員話應該夠時間,於是就去搭free shuttle約10分鐘去到。點知原來terminal 2係好大架,亞妹又冇睇清楚旅遊書寫間cake shop喺邊,時間一分一秒咁過,唯有求其入左間唔知咩野cake shop買左就乍乍霖走人。最後終於趕得切11點登機,真係趕到褲都甩埋。亞妹,下次唔好搵啲咁嘅野玩喇。
四日嘅行程話咁快就完左喇,聽日又要番工lu。總括黎講今次嘅旅行都算ok,只不過對呢個國家嘅人我就有啲保留,佢地冇日本人咁有禮貌,亦冇泰國人咁熱情好客。始終如果俾我揀我會prefer去日本同泰國多啲,新加坡一次就夠喇。
沒有留言:
張貼留言