2017年8月25日（星期五）
自己都遇過十號颱風，今次「天鴿」十號颱風可以用「災難」嚟形容，短短幾個小時就令澳門重創，史無前例。無水、無電、主要道路封閉、到處都係倒塌嘅樹木同垃圾、消防車及救護車不停奉召出動、前線人員日以繼夜執勤、所有食市都關門、市民到處搵飲用水⋯⋯今次親自體驗大自然嘅力量感覺非常慘烈同震撼，大家都覺得好悲慘。
平日我哋按個鍵就可以方便日常生活所需⋯Call車、搭𨋢（唔使行樓梯）、食水、食物、照明（我有啲怕黑）⋯通通都覺得係必然嘅，今次嘅經驗話俾我哋知⋯原來我哋一直生活喺幸福、方便、快樂之中⋯⋯
幾小時嘅暴風令澳門變成死城...
小朋友嘅浪漫晩餐...
消防車及救護車不斷奉召出動...
