比我一更固執嘅毛毛小朋友

2014年8月1日（星期五）

 

 

太太出門旅行已經兩日⋯毛毛行為亦都奇奇怪怪，經常都會走入書房、睡房、廚房、洗手間巡邏⋯好似喺度搵嘢咁。

噚晚⋯到瞓覺時間毛毛仲坐喺梳化度⋯我氹咗佢好耐都唔肯入房瞓，唯有抱佢入房⋯但毛毛非常唔願意⋯仲開始發脾氣＂狐叫＂最尾仲咬我一啖，毛毛呢個小朋友認真硬頸。

 

毛爸：真係好明白...毛毛小朋友嘅心情...

 

毛毛：我要等媽咪...

毛毛自發嘅行為

2014年7月31日（星期四）

 

 

見過網上分享、聽過好多傳說⋯狗狗好忠誠咁等主人返嚟，仲會非常有毅力咁堅持一直咁等。

已往我同太太去完旅行返到屋企⋯工人第一時間同我哋講：毛毛日日都瞓喺大門口等你哋返呀，到夜晚大門口一有啲聲音就會望住大門。(我有啲唔信百厭星毛毛係咁生性)

平日晚飯後毛毛就陪毛媽追劇同親子時間⋯今晚毛毛食咗生果之後⋯喺大㕔兜圈周不時同我眼神接觸⋯仲好少有 "面向大門口"咁瞓低，我估毛毛係喺度等毛媽。(喺我眼前毛毛咁嘅行為唔信都唔得)

我好相信狗狗忠心嘅行為⋯今次我親眼見到毛毛嘅表現⋯好感動。

 

毛爸：毛毛喺度等咗好耐，真係理解唔到...狗狗有會啲咁忠心既行為...

 

毛毛：媽咪仲未返呀！

 

毛毛：咦～門口有聲...係唔係媽咪返？

我係二打六

2014年7月30日（星期三）

 

 

太太每年都會自己同朋友或者小姨一齊出門旅行⋯照慣例我要照顧毛毛、水族、花草、環保酵素⋯工人就照顧家居衛生清潔，講到照顧毛毛⋯毛媽列咗份詳細守則要我跟進，原來毛媽最關心嗰個係毛毛⋯反而我就乜都唔使限制，講得好聽啲就係「自由人」但...諗真啲自己只係「二打六」

 

毛毛：毛爸話媽咪去旅行好快就返....但...好快...即係幾耐？

 

毛爸：毛毛小朋友次次都係問呢個問題...

 

毛爸：好奇怪...毛仔出奇哋安靜...

 

毛毛：梗係啦...仲有毛爸陪呀...

地獄（開工）見聞…樣貌識別

2014年7月22日（星期二）

政府立例嚴厲規管工業安全⋯但好不幸亦都周不時有工業意外發生，現時進入地盤工地開工嘅工友都要有「職安卡」仲要經所屬單位事前申請登記通知。

自從外資進駐⋯好多地盤工地都採用科學化管理，對入地盤工作嘅工友用「手掌紋識別」技術嚟確定身份，現時某大公司地盤工地已經採用更先進快捷嘅「樣貌識別」技術作為入閘保安，而家我哋入地盤開工就好似做「特工」咁⋯

 

毛爸：個人裝備...安全帽、安全鞋、安全帶、反光衣、手套、入閘卡、安全標籤紙...返地盤工地開工俾我感覺就好似去打「化學戰」咁...

大紅班點

2014年7月28日（星期一）

前幾日開始毛毛周不時咁Lam隻後腳，咁就幫毛毛檢查⋯初初冇發現只係有一點粉紅色粒粒，只係過咗兩日⋯嗰小點粉紅色就變成大紅點，毛毛亦都Lam到腳仔甩晒毛。

由於「蚤患」前科呢段時間毛毛一有小小事都令屋企人擔心可能係由「蚤」引起，有好多人講「蚤」除咗引起皮膚病之外⋯仲會令狗狗感染「傳染病」...

 

毛毛：慘喇～又要帶喇叭...

 

毛爸：Lam到腳仔損晒...

周圍都修路

2014年7月28日(星期一)

由上星期開始平日用作過馬路嘅天橋突然進行維修返新而封閉，施工時間長達 90 天…未來嘅三個月帶毛毛散步就會好唔方便。

 

實情…可以用附近班馬線過馬路，喺屋企出門口左手邊 100公尺就係班馬線…但要行經一個地盤停車場、回收場同大地盤(有地盤狗），向右手邊條班馬線就離我哋 250 公尺咁遠(有死敵唐狗)，其中有一半路程路面都係正在維修，行經呢啲路都令毛毛不安….

 

 

毛毛：行唔到過對面散步喇...點算？

 

毛爸：毛仔，唔驚喎...我抱你過馬路...

 

繼續滅蚤行動

2014年7月21日（星期一）

 

 

全面進行滅蚤已經有三個幾星期⋯因為蚤患毛毛剪短晒全身嘅毛，雖然話涼爽又易整理⋯但睇見毛毛嘅「短毛裝」真係有啲難過...

而全家人為滅蚤增加好多工作量，工人吸塵、洗毛巾、洗地氈、洗咕臣袋、放防蚤粉⋯一星期一次增加到兩次，我幫毛毛沖涼隔一個星期一次改為每星期沖一次涼，而每次都要用防蚤洗毛液「醃」十幾分鐘，毛媽平日追電視劇集時間改為為毛毛全身檢查，毛毛小朋友俾我哋咁搞法其實都好辛苦⋯

 

毛毛：蚤患千其唔好輕視...

 

毛爸：小小嘅蚤令毛毛經常發脾氣...

 

毛爸：帶毛毛去做防蚤水療...

 

毛爸：落咗防蚤沖涼液要等十五分鐘先至可以過水...

 

毛爸：最後全家都決定毛毛剪個「短毛裝」...

 

毛毛：唷～唔使擔心喎，我兩個月後又變番靚仔咖喇...

膠水樽重複裝水使用可能道至生癌咖

2014年7月20日（星期日）

 

 

前幾日喺網上睇見報道⋯某女士為咗響應環保重複使用「膠水樽」裝水用作日常飲用，十八個月後身體出毛病驗出患癌，亦都有報道「膠水樽」受熱會釋放毒素令身體至癌，原來呢啲個案好耐之前已經有專家著手研究，聽講某電視台都有專題報道。

毛媽一早已經有戒心⋯經常更換毛毛裝食水嘅「膠水樽」同從來都唔用「膠兜」裝熱湯俾毛毛飲。

我就後知後覺⋯我可以做嘅係即時將毛毛啲裝食水器具「膠水樽」換晒「玻璃樽」。

 

毛毛：我用緊呢啲膠水撙裝水飲咖，媽咪周不時幫我更換咖...

 

毛毛：毛爸，不當咁重複使用膠水樽裝水食用係可能至癌咖，咁都唔知？你好 OUT喎...

 

毛毛：嘩～雖然換晒玻璃樽...但係個撙咁細咖...唔夠水飲咖...

 

毛爸：毛仔，放心放心，我仲揾緊咖...大形樽個樽身太重...適中形樽「鑼絲牙」又唔啱....呢個樽裝半杯水咖...你有 3 個位飲水...唔驚唔夠水飲喎...

毛毛心聲⋯等齊人出去玩⋯

2014年7月20日（星期日）

 

 

等等等⋯好心急呀，毛爸出咗去踩單車未返，我同毛媽都等緊毛爸返屋企帶我哋出去玩。

唉～但係又就快落雨喇⋯唔知毛爸趕唔趕到返嚟呢？

好嘢⋯返嚟喇！返嚟喇！大家出發⋯

 

毛毛：咦～出到嚟...陽光普照喎...

 

毛毛：嘩～嗰邊個天又黑晒喇，真係「天有不側之風雲，狗會拾時一身痕」

 

 

毛爸：好強嘅陣風呀...

 

毛爸：毛仔玩得太攰...陪毛媽睇電視嗰陣瞓著咗...孝順仔...

單車日誌…晨騎

2014年7月20日（星期日）時睛時陰 微風微雨 28 度

 

 

騎上單車就好似侍爆發嘅一束強光、劃破寂靜又冷清嘅馬路、孤獨嘅晨騎只有我嘅心跳同呼吸聲⋯人車合一在速度中釋放自我嘅獸性⋯。

由於趕工程⋯辛苦又冇時間，咁嘅情況根本冇操練條件，今日放假⋯放棄操練嘅心態⋯輕鬆出去踩單車⋯

 

毛爸：冇操練咗個幾月...週圍都修路增加踩單車嘅危險...

 

毛爸：踩 20公里就攰到...機乎唔識行...唉～狀態低谷...

毛毛：我係大皇

2014年7月18日（星期五）

 

 

毛毛六歳前⋯除咗有工人照顧嘅時候當毛毛單獨留喺屋企嗰陣⋯我哋會閂晒所有房間嘅門。自從今年夏季開始我哋返工都會開定睡房門俾毛毛入去瞓（雖然停咗冷氣但係比較涼，毛毛瞓到中午先出㕔）。

近日毛毛經常無故咁跳上我哋睡床瞓（毛毛由bb開始都知我哋睡床係佢禁地）同擔毛巾仔上去玩，我理由相信毛毛嚫我哋返晒工就跳上我哋睡床玩...仲已成習慣⋯而家毛仔喺屋企係山寨皇⋯

 

毛毛：毛爸，嗱～你唔好吾會...我試下張床係唔係好彈好好瞓咋...

 

毛爸：毛仔，斷正都兜得番...我唔你信都唔得啦...

地獄（開心）多謝大家關心，感動

2014年7月17日（星期四）

 

 

呢兩日嘅日誌（火地獄、太陽先生）我冇諗到好多關心我嘅朋友、老友留言，咁多朋友支持令我十分感動，多謝大家。

喺炎熱高溫嘅環境令人唔舒服，仲要喺猛烈陽光下矖住工作更是苦上加苦，諗深一層呢種辛苦嘅工作總要有人去做。

各位關心我嘅朋友請放心我每日開工都做足準備⋯帶齊三力、三寶⋯宜家仲加多一寶「礦物鹽飲品」增加防護能力，但係⋯今日落雨又有強風⋯所以乜野寶都冇用（O咀）⋯

 

毛爸：今日陽光猛烈不過涼咗好多...但好大風同落大雨...工作又另一種辛苦...

毛毛支持毛媽做運動

2014年7月17日（星期四）

 

 

今朝毛媽一早就起床⋯裝身準備做運動，而毛毛亦都好開心興奮等毛媽一齊出門落街⋯

好多人都有一種錯覺運動等於減肥，實情運動亦都等於健康。

曾經聽學者講過⋯人類古代係靠獸獵同耕種作為生活，而勞動、消耗體力⋯令身體發展平均而健康。

而現代人生活⋯全日工作都坐喺度嘆冷氣、食精制食物⋯處存能量＂爆標＂而令身體肥胖令健康產生危機。

 

毛爸：原來太太計劃咗隔日落街運動...其他日子喺屋企跳美體舞...

 

太太，運動係要有恆心咖...加油呀！

 

毛毛：真失望...今早媽咪唔係一齊落街咖...唔緊要啦...我都支持媽咪...

 

媽咪，我撐妳...努力、加油、努力、加油...

地獄(開工)見開...太陽先生

2014年7月16日（星期三）

 

 

戶外工作⋯太陽先生係大敵，呢個時候⋯遇上天台工程真係苦不堪言，天台冇地方當太陽⋯只有硬頂，烈日下工作靠"三力"（體力、意智力、幻想力）同"三寶"（水、毛巾、帽）。

收工嗰陣行過巴士站聽到好多喺娛樂場做莊荷人士講：「嘩～熱到火爐咁，身水身汗，好辛苦呀！」，佢哋等巴士嗰時熱一陣同我地喺天台烈日下曬 7 小時嗰種熱比⋯我肯定佢哋未感受過乜野叫做真正嘅＂熱＂...

 

毛爸：今日開工嘅戰績...

毛毛成晚咳⋯

2014年7月16日（星期三）

 

 

前晚毛毛返入房瞓都冇事⋯但當晚就時不時咳...瞓得好差，唔使講我哋瞓得更差。深夜 2 點⋯ 5 點毛毛都展轉反側表現不安⋯到天光嗰陣就冇乜事只係肚仔＂咕咕＂聲，毛毛落街散完步就生猛番⋯

噚睌⋯接近凌晨 4 毛毛自己行咗出廳冇番入房，最終我要抱番佢入房，呢個時刻我都好懷疑係唔係最近用咗大量嘅滅蚤、防蚤用品有關⋯無論係點最緊要毛仔冇事⋯小朋友冇事真係要感恩。

 

毛爸：毛毛小朋友呢排特別多事幹...真係令全家擔心...

差啲做成交通意外！

2014年7月15日（星期二）

 

 

今朝揸車返工⋯跟住架白色豐田豪華 7 人車掛兩地牌⋯一直駛到西環橋入口迴旋處前一段路⋯當時我架車時速 60 公里同前車相隔 4 個車位...

好突然咁發生⋯前車有隻小動物喺車度跌落嚟⋯當時作出快速返應向右閃避，實情真係有運，除咗無撞倒小動物外⋯我同太太都冇事，亦都因為向右閃避車都冇事（好險呀！左後邊有來車），我定番神之後先見到⋯嗰隻係黑白色嘅小貓貓，應該係喺車底跌落嚟⋯我唔肯定之後隻小貓貓有冇事⋯但我就擔心咗成日⋯

 

毛爸：我見全車都閂晒玻璃窗，隻小貓咪係喺車底跌落嚟...

 

以前有好多人都講啲貓好鍾意呢埋喺車底，由其係冬天...

地獄(開工)見聞...火地獄

2014年7月15日（星期二）

 

 

之前我埋怨喺地盤開工，工地又黑、又臭、 又濕⋯呢排就喺新建築物頂樓 31 樓開工，環境清潔風景好嘅工地開工。

但係⋯工作一啲都唔輕鬆，陽光猛烈、地面反光、所有金屬物都好熱（差不多有40度）感覺就身處「火地獄」，呢排仲經常突然落大雨⋯要喺雨中趕工，有好多人都認為落完雨氣溫會涼快啲，事實唔係咁⋯地面蒸發嘅熱水氣令環境熱上加熱⋯令人有幻覺，極辛苦。

而上天對每一樣事安排巧妙而對個人都好公平⋯而家工作地又光、清新、乾爽⋯

 

 

毛爸：冬天開工要包晒全身...原來夏天都要咁...

 

 

毛爸：地面勁熱勁反光到...令人產生幻覺...

我哋去嘉樂庇總督橋囗散步呀！

2014年7月13日（星期日）

今日終於都可以放假⋯本來計劃凌晨出去踩單車⋯無奈累得要命。

今朝我同毛媽帶毛毛去海邊散步⋯一直行去舊大橋氹仔邊嘅入口，今早雖然落過雨但天色非常靚⋯金色陽光、藍色天空、綠色海水、黃色細沙令人心情超靚，唯一就係氣溫極高超熱⋯行咗一陣已經身水身汗，毛毛就掛住玩連水都唔正經飲⋯

 

 

毛媽、毛毛：嘩～呢個係挑戰...

 

毛爸：毛媽、毛仔...雖然慢慢長路...我會陪住你哋行到終點...

 

毛爸：鳳凰木

 

毛爸：天氣超正...

 

 

毛爸：雨後連啲草都特別靚...

 

毛爸：毛毛嘅特餐...毛仔實勁開心...

 

毛爸：毛仔玩到攰哂...除咗瞓得不雅之外仲連有生果食反應都慢吞吞...

銅銅、盈盈初中畢業喇！

2014年7月12日（星期六）

 

 

上咗年紀嘅人經常咁講：時間飛逝轉下眼就過去。

今年外娚女 銅銅 同姨娚女盈盈已經中三畢業，想起佢哋細個嗰時⋯純真、得意、可愛⋯嘅樣真係令我甜到入心。今日見佢哋亭亭玉立⋯中三畢業又令我激動流淚。

其實我好偏心⋯銅銅係我最痛錫嘅外娚，做長輩嘅錫小朋友係順理成章，阿妹就好有意見⋯話我錫銅銅錫到縱容嗰種程度。

 

毛爸：恭喜妳哋呀！祝妳哋前程萬里！銅銅(右)就嚟高過我喇而盈盈(左)就非常美白...

 

 

毛爸：銅銅(右)係「力量形」、盈盈(左)係「纖嬌形」小朋友嗰陣已經有分別咖喇...

毛毛：等媽咪

2014年7月12日（星期六）

 

 

今朝毛毛一早就起咗身⋯毛媽亦一早起床幫毛毛做出門散步前準備（搽防蚤精油、洗眼）⋯之後就返番入睡房再瞓，毛毛出大廳就跳上梳化坐⋯仲不時留意睡房門又唔肯帶頸帶⋯等咗好耐...毛毛都唔肯落街。

我估毛毛應該等埋毛媽一齊落街散步⋯

 

毛毛：我要等媽咪...媽咪咁耐都唔出嚟既？

 

毛爸：毛仔，我哋落街喇...

 

毛爸：毛毛小朋友...係硬頸一族...

毛毛咬嚫人呀！

2014年7月11日（星期五）

 

 

今朝帶毛毛散步嗰陣喺天橋低⋯毛毛咬嚫位喺行人路楂電單車嘅肥叔叔，好釆阿叔只係俾毛毛嘅虎牙及倒右小腿，冇明顯嘅傷痕冇流血（只係有兩劃 1 cm長箭咀嘅白色痕），雖然冇受傷⋯不景都係毛毛咬人係唔啱⋯喺呢度我同毛毛向阿叔道歉：阿叔，好對唔住，係我哋毛仔咬人唔啱。

現場情況⋯阿叔揸住架電單喺天橋底行人路上慢慢向缺口駛出馬路，我同毛毛啱啱行經嗰度⋯大家相遇⋯當時阿叔望緊馬路有冇來車所以慢駛⋯架車向住我哋方向駛過來，毛毛己經狂吠阿叔⋯而我就以心為心⋯我拖住狗狗又喺行人路⋯阿叔應該讓我先行，但阿叔繼續慢駛冇讓⋯當大家越來越接近⋯毛毛突然發爛攻擊阿叔。

事後⋯阿叔好大聲咁講：你隻狗咬嚫我呀！你打佢啦！你拉實佢啦！即時嗱高褲腳展示俾我睇⋯但又睇唔到傷痕，最終好唔份氣咁走咗。

講真我都好唔甘心，毛毛係動物會有一定嘅獸性，毛毛根本冇錯⋯如果阿叔你冇非法喺行人路泊車同揸車呢啲不愉快嘅意外⋯冇可能發生。

 

毛毛：嗰個阿叔揸車撞我同毛爸...所以...我...𡁻佢...

 

毛爸：毛仔，咬人係唔啱咖...

 

 

毛爸：就係呢個缺口人車爭路...

 

搞笑嘅相遇

2014年7月7日（星期一）

 

 

今早又係一家人出去散步嘅日子⋯我同毛毛先出門毛媽遲 15 分後落街，我哋喺公園回程嗰陣同毛媽相遇⋯

情況⋯我離十幾米已經見到毛媽一直咁向前急（向我哋嘅方向），毛毛亦都輕鬆前行，奇怪嘅係大家都冇任何反應⋯直到大家面對⋯仲差啲行過龍⋯毛媽同毛毛先激動相認⋯

 

毛毛：我個新形象好成功喎...媽咪，唔好行住啦...我喺呢度呀...

 

毛媽：毛仔，媽咪差啲認唔出你...

 

毛爸：你哋兩位使唔使咁激動呀？喺街遇到啫...

毛毛心聲…變身

2014年7月6日（星期日）

 

 

我終於變咗身⋯好多朋友見到我都唔相信我就係毛毛，講真如果唔係我認番毛爸⋯連毛爸都唔知我係「乜水」，其實都難怪⋯我係變成另一種狗⋯史納莎⋯

 

毛毛：我真係好似「史納莎」狗？

 

毛毛：毛爸話我好有條件變「史納莎」狗...

 

毛毛「厚多士」

2014年7月4日（星期五）

 

 

近期「蚤患」令家人非常煩惱⋯屋企用咗大量嘅⋯防蚤粉（牆邊用）、消毒藥水（拖地用）、醋水（噴傢俱用）、精制檸檬液（噴梳化用）、香薰（大廳用）、精制香薰精油（噴毛毛身用）⋯其他⋯防蚤水、防蚤帶、蚤鈴（毛毛身用）⋯雖然幾乎全部天然但我都好驚除咗殺蚤外⋯連自己都殺埋。

可能係心理作用毛毛近排「好多事」發生，經常另頭同流鼻水、經常R塊面（擔心係香薰影響）、柯「好多屎」（擔心係食咗防蚤粉引起）⋯

 

毛毛：滅蚤...唔知幾時先至完？...

毛毛心聲…媽咪要我暫別靚仔形象

2014年7月5日（星期六）

 

 

呢幾日毛媽同毛爸都行埋一邊⋯細細聲咁商量⋯好似有大件事要決定咁。

今朝媽咪同我講：今日帶我去剪裝，改一改個做形。

媽咪毛爸咁緊張我估⋯

 

毛毛：唔知媽咪搞乜東東...

 毛毛：希望唔好破壞我形象啦...

 

 

毛媽：毛仔，唔使擔心喎...

 

毛爸：毛仔，俾啲信心自己啦...

 

毛毛：我唔驚？講笑咩...