單車日誌...2月份最後一次操練

2015年3月1日（星期日）9：35 陰天 強風 19度

星期五⋯今朝比較特別，我載咗架單車過西灣湖操練，呢條環湖路缐大約長2·5公里以前我經常載架單車過嚟踩，但路線有兩段路面好窄又係巴士必經之路⋯所以時時有交通意外發生，最嚴重嗰次交通意外係有位單車友死亡。

今日次因為約咗弟弟同阿妹飲茶⋯就地方就時間嘅方便所以⋯喺西灣湖操一課。

毛爸：今朝有濃霧...空氣好濕...

毛爸：今朝風勢好強...由其轉彎位...踩得非常吃力...

令人憂心嘅毛毛...準備毛毛嘅常餐

2015年3月1日（星期日）

腸胃功能差嘅毛毛每日餐食都要家人特別煮仲要外加保健藥粉同藥丸，方法、份量同種類新工人冇經驗做好。

少爺脾氣嘅毛毛有個壞習慣⋯每次餐後都唔鍾意清潔咀咀，佢會發惡咬人（連毛媽都怕咗毛毛），新工人無從入手。

雖然毛毛試過咬工人⋯但工人從未備毛毛咬傷（由於唔可以體罰同鬧毛毛工人只有強忍），而呢兩樣日常問題足以令我擔心新工人能否勝任，現階段為有盡量做好準備⋯

毛爸：呢幾日毛毛要涯"快餐"...住家菜要等我返嚟先有得食喇...忍耐下喇毛仔...

令人憂心嘅毛毛...同吳醫生拜年

2015年2月28日（星期六）

星期五⋯經過東望洋咁啱有車位⋯咁⋯泊好車行過診所⋯搵毛毛主診吳醫生拜年，順便通知吳醫生毛毛屙紅色啫哩便便⋯咨詢醫生意見，毛毛是否要即時進行療程。

吳醫生分析結果⋯建議毛毛食乳酪平衡腸胃，毛毛食得、瞓得、玩得健康應該唔會有問題。

聽到吳醫生嘅説話自己心情都放鬆番⋯但我擔心嘅事只係解決咗一半，另一半...

毛爸：真係托賴毛毛為食又百厭...另一半擔心...新工人可唔可以照顧好毛毛呢？

開年飯局...毛毛表現異常

2015年2月28日（星期六)

大年初七嗰晚去阿妹屋企食開年飯，每年阿妹都請咗好多朋友返屋企開年飯局非常熱鬧。

其中兩位最受歡迎嘅主角係Coffee同毛毛，佢哋嘅一舉一動都引起在場人仕嘅注意帶俾大家歡樂，個個都輪流咁抱毛毛⋯仲讚毛毛好乖，而Coffee就冇人敢抱⋯因為佢會咬人，入夜⋯毛毛開始表現焦慮不安、坐唔定、吠人仲兇人⋯到離開嗰陣毛毛仲狐叫抗議非常不爽...

我估可能現場陌生人多又嘈雜活動空間不足...

毛毛：姑姐又唔得閒獎我零食...又唔得閒同我玩...悶爆...發狂...

等你（妳）一生

2015年2月26日（星期五）

多年前睇過嘅電影「秋田犬八千」噚日喺電視明珠台播，內容係講述忠心嘅日本秋田犬等主人回家嘅故事（係真人真事改編），片中秋田犬望住到站嘅火車非常焦急⋯而吾見主人火車又離開⋯狗狗等唔到主人嗰種無奈、失望、傷心嘅眼神⋯令人心碎流涙。

有人講⋯狗狗嘅一生都係喺度等主人⋯佢哋對主人嘅信任、堅決同恆心值得我哋學習。

毛毛：毛爸毛媽佢哋唔知幾時先返嚟呢？

毛爸：屋企有毛毛等緊我哋...雖然毛毛越來越曳但家人就越來越錫毛毛...

單車日誌…大自然交響樂

2015年2月24日（星期二）大年初六 5：45 雨粉粉 微風 18度

今朝落到街見⋯路面有績水空氣好濕雨粉粉，單車裝備要加防水膠套⋯某設備要從新安裝。

踩經單車徑聽到好多聲音⋯呱呱、吱吱、喳喳、咕咕、沙沙、擦擦⋯好動聽⋯好熱鬧，我好奇⋯停車行到紅樹林睇睇⋯原來有一群野鳥喺度食早餐，大自然真係好奇妙⋯呢啲動聽嘅聲音係要靜落嚟⋯靜心先聽到。

毛爸：雖然雨粉粉...己經足夠令人、車盡濕...

毛爸：原來清晨有好多野鳥喺度食早餐咖...

毛爸：群鳥一齊飛係好壯觀咖...可惜我影唔到...

人人生日

2015年2月25日（星期三）大年初七

中國傳統曆法農曆年大年初七為「人日」，簡單講今日係人類生日。

有啲人因為今日而感動，原因係全家人一齊慶祝生日，各位又係唔係呢？祝各位生日快樂！

祝各位...生日快樂、身體健康、羊年行運...

令人憂心嘅毛毛...臨時家務助理

2015年2月24日（星期二）大年初六

原來嘅家務助理因為証件問題請假⋯前後已經2個月，打理家務照顧家人一直都由我主理⋯雖然辛苦但一切順利。

現階段請咗個臨時家務助理幫手搞清潔、學照顧毛毛，我好快要面對一個擔心嘅問題，新工人本身冇養過狗，雖然毛毛都好鍾意個新工人，但位新工人對住毛毛無從入手，毛毛亦都因為咁所以＂蝦＂工人，下星期我哋就要出門去旅行⋯新工人有冇信心照顧好毛毛呢？

毛毛：我係毛家大少爺...你唔好諗住蝦我呀，我叫毛爸炒妳魷魚咖...

毛爸：嘩～未見過啲靚仔咁惡咖...

開工大吉

2015年2月23日（星期一）大年初五

今日農曆正月大年初五，好多行業都今日開工⋯

祝各位佬闆萬事勝意、一本萬利，祝各位打工仔事事順景、升職加薪⋯開工大吉！

祝各位...羊年行大運、樣樣順利、開工大吉...

單車日誌⋯霧中乘騎

2015年2月22日（星期日）大年初四 5：45 超大霧 冇風 17度

落到街先知好大霧，能見度約60公尺⋯而且路面濕雨粉粉，印象中好少咁嘅情況下踩單車。

今早行人及行車非常少⋯由於能見度問題好气車同大車駛近我單車20公尺先減速，可能啲司機駛近先睇到我，雖然我部單車同安全頭盔一共安裝咗7支行車燈⋯仍然感覺安全有限非常危險⋯

毛爸：路上一片白茫茫...

毛爸：霧大到建築物頂都睇唔見...

毛爸：啲气車駛到好近先減速...危險

令人憂心嘅毛毛...好似一切正常

2015年2月22日（星期日）大年初四

毛毛朝早肚仔仲係發出＂古古＂聲⋯已經冇屙紅色便便，雖然係咁屋企人都好擔心，呢兩日毛媽親自帶毛毛落街散步⋯目的係要留意毛毛啲便便係唔係正常。

毛毛呢兩日嘅行為表現都冇乜嘢特別⋯一切都好正常，屋企人都係覺得毛毛嘅情況係一種隱患、係身體發出嘅一種警告，毛媽好心急帶毛毛去見吳醫生，因為⋯下星期我哋就出門去旅行⋯擔心工人唔識照顧毛毛⋯

毛毛：毛爸用椂柚葉幫我洗白白...洗走晒啲衰氣...我冇事咖喇...多謝各位關心呀！

毛爸：毛仔，但願如此...都係抽時間見下吳醫生好啲...

大年初三⋯赤口

2015年2月21日（星期六）大年初三

民間傳說中⋯大年初三亦叫「赤狗日」而赤狗係「熛怒之神」農曆正月大年初三係凶日，根據傳統講法⋯大年初三當日人人都好容易「發脾氣」同人開戰「鬧交」。

現代社會大部份人都「利」字行先，極之唔信任身邊嘅人，所以好容易同人發生磨擦、口角...

實情解決方法好簡單⋯放下私心同多啲包容⋯

長跑準備...5K慢跑

2015年2月21日（星期六）大年初三

過去兩個幾月嘅趕工程，其中又腳踭受傷⋯令今年跑步操練遲遲都未能展開。

年假休息之後開始第一課嘅跑步操練，今早天氣好差仲落緊毛毛雨，雖然落雨⋯今早都能完成5K慢跑⋯但後半路程腳踭開始隱隱作痛，擔心嘅係腳踭係唔係受咗內傷呢？

毛爸：今早天氣...大霧又毛毛雨...

毛爸：今朝狀態好好全身濕透...應該係雨水同汗水都有...

令人憂心嘅毛毛...毛毛又屙紅色啫哩便便

2015年2月21日（星期六）大年初三

噚日朝早⋯毛媽投訴毛毛唔肯食餐連每餐必飲嘅肉湯都冇興趣，啲糧要逐粒咁餵毛毛食。

毛媽講朝早已經發覺毛毛肚仔發出＂古古＂聲，以為毛毛肚餓⋯但整好早餐毛毛又唔肯食，狗狗唔肯食餐係大件事⋯由其係毛毛呢個為食豬。

我帶毛毛落街散步⋯毛毛一落到街就便便同尿尿仲比平日多⋯到最尾仲屙啲血紅色啫哩，份量唔多但足以嚇壞我⋯毛仔又生蟲？

毛爸：毛毛你會唔會好唔舒服呀？醫生放年假...今次麻煩喇...

毛毛：新年流流...令媽咪、毛爸擔心...我真係冇用...

單車日誌…踩單車行大運

2015年2月20日（星期五）大年初二 5：45 天陰 微風 17度

首先喺呢同大家拜年，祝大家萬事勝意、龍馬精神、身體健康⋯

噚日大年初一經過一日時間休息之後⋯今早出去踩單車，今日係假期⋯路面好少气車同行人而天氣同氣溫都非常適合踩單車行大運，今朝踩車非常享受。

毛爸：祝各位做生意嘅朋友「貨如輪轉」...

毛爸：祝各位「羊年行大運」...

毛毛豬向各位拜年

2015年2月20日(星期五) 大年初二

恭喜發財！恭喜發財！

毛毛代表毛爸毛媽向各位親友、長輩、阿SIR、叔叔、嬸嬸、姨姨、哥哥、姐姐、粉絲及黑白道所有嘅老友、好友、朋友、小朋友…拜年

祝各位新年快樂、羊年行運、喜氣洋洋、身體健康、龍馬精神、萬事如意、笑口常開、一本萬利、豐衣足食、要咩有咩…恭喜！恭喜！

毛毛：恭賀新禧、恭喜發財...

毛毛：祝毛爸毛媽萬事如意...帶我去豆多啲利是...

恭賀新禧、恭喜發財⋯羊年

2015年2月19日（星期四）大年初一

今日係羊年大年初一

毛毛家祝各位羊年

洋洋得意、身體健康、心想事成

家庭和諧、歲歲平安丶恭喜發財⋯恭喜恭喜

祝各位...萬事如意、平安幸福....

農曆年「除夕」

2015年2月18日（星期三）年三十

今日除夕係送馬迎羊嘅日子⋯雖然今日放假⋯但另一種忙碌又開始⋯幫手整年糕。

細個嗰陣呢啲日子母親就忙到一頭煙，到現在先體驗到呢種辛勞，真係佩服母親大人嘅魄力。

長輩每逢過年都講：送舊迎新、開心過年...意思係今日之後不如意嘅會成為過去，開心迎接新嘅開始...恭賀新禧、喜氣洋洋...

毛爸：祝各位...年年有餘...

毛爸：祝各位...年年步步高陞...

行大運

2015年2月18日（星期三）年三十

今日開始放假⋯但瞓得好差⋯凌晨已經醒咗⋯瞓唔番。

近排毛毛越來越百厭，無時無刻搞破壞引起我哋注意，毛媽亦都因為毛毛曳經常大聲鬧毛毛，突然覺得屋企好嘈好熱閙。

雖然毛毛百厭咗⋯我更加開心放心，心入面覺得毛毛咁嘅表現先至係健康快樂，今早帶毛毛出去行大運送舊迎新⋯順便賣懶...

毛爸：毛毛，今朝我哋去行大運同賣懶呀！

毛毛：毛爸，咁即係點行？我使唔使兩隻腳企高咁行呀？...有冇零食獎咖？

毛爸：你四隻腳咁行得喇，行完返屋企就有餐食...

毛毛：毛爸經常吹牛，信佢就奇...不過我行晒喇...返屋企食餐喇...哈哈哈

毛毛心聲...賣懶！賣懶！賣到年三十晚

2015年2月18日（星期三）年三十

由我BB開始每年農曆過年前⋯經常聽到毛爸唱⋯賣懶！賣懶！賣到年三十晚...

原來嘅意思係今日之後就改晒啲壞習慣，提醒我要學乖⋯聽教聽話丶唔好食飽就瞓要做多啲運動⋯保持身體健康。

毛毛提示各位小朋友今日之後做個⋯勤力聽話、努力上進丶開心快樂嘅小朋友。

毛毛：毛爸，我會勤力同乖咖喇...但係...等我瞓醒先講啦...

毛爸：毛毛小朋友真有個性...

地獄(開工)見聞...歲晚收爐

2015年2月17日（星期二）

今年臨過農曆新年特別多工程要趕工⋯到今日仲要返工。

做我哋嘅行業有個不文明規定過農曆新年前5至8日就「執倉」同「收爐」放假，呢大半個月為咗趕工取消休假同時間家務助理又放假⋯令自己除咗工作仲要照顧家人忙上加忙由朝早8點做到晚上9點忙到不亦樂乎，期間仲因工受傷⋯令心情同狀態跌至谷底，睇嚟呢個年假要好好休息喇⋯

毛爸：終於放假喇...好嘢...

毛毛心聲…今日係我媽咪生日呀！

2015年2月16日（星期一）

今日係我毛媽生日，我祝媽咪生日快樂、身體健康...

每年嘅今日全家都為媽咪安排豐富嘅節目⋯但今年因為毛爸趕工所以無特別安排。

毛毛：媽咪，祝妳生日快樂，我愛妳呀！

冇節目都唔緊要啦...今年我豆多啲利是買禮物俾妳丫...

祝太太生日快樂

2015年2月16日（星期一）

太太，生日快樂呀！每年嘅今日係一個大日子，亦都係最頭痛嘅日子，因為…要花心思準備３份禮物，太太生日、情人節、結婚紀念日，今年太太愛上某牌子首飾…所以好容易就完成任務。

好多朋友講一次過慶祝３個紀念日好方便，有啲朋友話我準備啲禮物好行貨，我認為禮物只係一個標題內心嘅承諾先至係最好嘅禮物…

毛爸：太太，祝妳生日快樂！

毛爸：祝妳身體健康！

毛爸：太太，我盡力保持身體健康陪妳走到人生終點...

雖然好多人除口嗡「我愛妳一世」...但係呢句話亦都係我嘅心聲...

太太，祝妳生日勁樂、我愛妳...

濃霧的清晨

2015年2月15日（星期日）

今早帶毛毛去海邊散步⋯周圍一片白茫茫⋯好大霧，印象中呢一兩年大霧嘅次數越來越少⋯原來大氣候喺我哋不知不覺中一直喺度轉變緊，會唔會有朝一日變成令人類大滅絕呢？

今朝開始漲潮又落過一陣雨⋯原本毛毛可以落海灘玩沙玩水，睇嚟毛毛要等下次喇⋯

毛毛：好嘢，今朝可以落海灘玩...

毛爸：今朝落過雨又太霧又潮漲...

毛毛：唉～今朝又係失望而回喇...無奈...

毛爸：毛仔，等下次囉...

毛毛係一位兇悍嘅管工

2015年2月14日（星期六）

話說兩星期前⋯睡房原用十幾年嘅冷氣機要更換約好冷氣師傅華哥到屋企進行工程，由於工程要拆除舊機、而安裝新機⋯尺寸同位置都唔同所以工程上有難度，安裝室外主機及室內風口花咗整個下午（一般安裝工程華哥兩小時內完成）。

毛毛就忙咗成個下晝，由師傅搬機入屋開始毛毛就一直監督佢哋嘅工作⋯而且非常嚴厲，師傅們只係停手小息毛毛就狂吠佢哋⋯直到師傅開工為止⋯

華哥：Peter，毛毛好惡呀！

令人憂心嘅毛毛... 瘋狗症疫苗

2015年2月8日（星期日）

有好多人講「瘋狗症疫苗」藥力強烈會引起狗狗不適嘅副作用，毛毛主診吳醫生特別開虊俾毛毛作不時之需。

打疫苗當日8小時前毛毛食咗藥去打針，但⋯情況有少少意外，毛毛打疫苗嘅針口流血，更令針囗周圍都係血（毛媽返到屋企先發現），當日下晝⋯毛毛目光無神、非常勞累⋯咁瞓咗一個下晝，毛媽一直都陪伴毛毛。

好彩一晚過後毛毛精神番⋯

毛毛：毛爸，我好眼瞓同好攰呀...

毛爸：每次打完針毛毛就會有咁嘅反應...但要跟政府指引...毛仔，引耐下喇！

政府寵物流動服務站

2015年2月8日（星期日）

今日政府嘅寵物流動服務站移施氹仔運動場迴旋處為大眾服務，好多家長都帶狗狗去辦理申請⋯牌照丶續牌丶打疫苗⋯等服務。

現場非常熱鬧仲遇上好多舊朋友同毛毛粉絲，今年毛毛到期打「瘋狗症疫苗」⋯所以要帶毛毛去排隊登記打疫苗⋯

毛爸：政府方便市民值得一讚...

傻更更做咗全場音樂同話劇燈光監製

2015年2月7日（星期六）

今日係澳門佛光協會圍爐合家歡齋宴晚會，往年係只係付責食⋯今年就參加咗做義工，初初以為幫手抬抬搬搬⋯但最後先知係付責全程全場音樂同燈光（內容包括話劇燈光、全場背景音樂⋯）...

如果係我一人根本冇可能完成…當然仲有隊製作團隊（專業嘅音響師、燈光師）一齊工作，今次十分圓滿⋯
功勞應該歸於4位專業技師、話劇音樂君妹同製作總監法師，我只係喺控制窒行行企企嘅路人甲⋯

毛爸：做監製好威呀！

毛爸：話劇演出十分圓滿...

絕世好狗

2015年2月3日（星期二）

近期好留意某大電視台制作有關狗狗嘅節目⋯令我獲益良多。狗狗都有自己嘅個性（百厭、破壞、活躍⋯），我哋就要好好咁管教佢哋。

原來狗狗服從指令係由「名字」、「眼神接觸」開始，好多狗狗對自己嘅「名字」反感，因為主人叫狗狗嘅名多數都係⋯禁止佢哋嘅行為、責罰佢哋。

要狗狗聽話「眼神接觸」係最有效最直接嘅方法，簡單咁講⋯叫「名字」狗狗要有反應、指令要「眼神接觸」下逹⋯

毛爸：毛毛係一隻有個性嘅狗狗...百厭星...

傷感的清晨

2015年2月6日（星期五）

清早⋯帶毛毛散步行過天橋底，見回收場2隻唐狗走埋一角瞓覺⋯對毛毛嘅狂吠同挑戰都冇興趣，今早嘅天氣對狗狗嘅影響都幾大⋯睇嚟狗狗都好辛苦。

實情⋯今朝係入冬以來最凍（攝氏8．4度），寒風刺骨帶微微雨，路面盡濕⋯聯想起啲流浪狗狗⋯令人心裏不安⋯

毛爸：雖然佢哋唔係人類...都係唔係應該有個「溫暖的家」？

玩比食更重要

2014年2月3日（星期二）

近排毛毛散完步返屋企食餐之前⋯毛毛都會坐上㧧化好心急咁向騎樓望，而且會望好耐有時候會出騎樓望著窗花，一直到食餐。

我好好奇同覺得奇怪⋯點解毛毛咁有耐性坐定定？經過了解⋯原來毛毛係望住窗台上嘅波波⋯好想玩，由於清早⋯怕毛毛玩遊戲嘈到摟下住客，個幾月前將玩嘅時間改為下午，毛毛梗係認定咗朝早玩咗之後有餐食呢個生活程序⋯

毛毛：毛爸，我要玩執波波...

毛爸：下晝先玩啦小朋友...