2012年12月1日(星期六)
每兩個星期都會幫毛毛修剪腳底板毛，而每次都擔心毛毛腳仔會染皮膚病(由菌引起剪咗毛先至會發現)。
由於毛毛每日兩次出街散步感染機會比較高…每次出完街都會洗腳吹乾，平時都會好勤咁做檢查…但始終都中招真令人費解。
毛爸 : 每次毛少唔鍾意俾我檢查腳仔...咁即係出事喇...
2012年11月30日 星期五
好想去影聖誕燈飾同布景
2012年11月30日(星期五)
聽日就係12月嘅開始…即係有好多大節日喺緊，聖誕、除夕…好多朋友報料邊度啲聖誕燈飾靚、邊度啲布景靚、邊度啲節日大餐正…，嚟緊嘅12月我相信身邊啲朋友一定忙到爆。但天宮不做美呢個星期一直都落雨…想約班老友出去影夜景…個個都耍手…
毛爸 : 嘩~有冇咁大隻腳呀？
毛爸 : 某大酒店嘅聖誕布景...特別....
績極揾食
2012年11月30日(星期五)
毛毛自從轉糧之後好似食唔飽咁，但體重就反而增加咗8%。
而醫生嘅分式係毛毛食嘅狗糧營養平均同吸收…但要控制住毛毛嘅體重唔可以再加落去，唔知係唔係份量定胃口嘅問題…毛毛硬係唔夠食咁，或者咁樣令毛毛會喺街執野食….
毛爸 : 每日我哋食早餐、晚餐、食生果...毛毛就會咁坐喺度望實我哋...
毛毛 : 媽咪...嗱...整啲嚟食得唔得？
毛毛 : 媽咪...嗱...整啲嚟食得唔得？
- 留言者: yan
- Email: jessieyyt@yahoo.com.hk
- 網址:
- 日期: 2012-11-30 22:15:33
[版主回覆12/01/2012 06:38:45]為食到扮可憐豬就真...By毛爸
2012年11月28日 星期三
另類的飯局(十月之星)
2012年11月28日(星期三)
話說上星期日「十月之星」飯局，大家約咗喺某大酒店日式餐廳中午食自助餐，咁嘅安排都係第一次。
我同太太到步嗰陣班老友已經到齊仲開始出去攞野食，唔知點解今日呢啲時間(12 :30)特別肚餓(呢餐狂食咗好多野)，食物唔算係好多種類選擇，但勝在地方舒原零靜…大家講吓近况、八卦新聞、約吓一齊去旅行、約下次食飯…突然有位服務員同我哋講要埋單，原來我哋坐咗3個鐘。
快樂不知時間過…係真咖…
毛爸 : 令人回味嘅大蝦沙律
毛爸 : 令人瘋狂嘅甜品...由其係麵包布甸...
毛爸 : 令人瘋狂嘅甜品...由其係麵包布甸...
2012年11月26日 星期一
11.8度氣温一切都慢落嚟
2012年11月27日(星期二)
呢兩日氣温一直下降…身體嘅活動都慢落嚟，户外工作非常吃力。
屋企…毛媽己啟動暖暖計劃，要毛毛著衫瞓覺，吾知係唔係由於天氣凍毛毛連「歡迎你(妳)回家」嘅指定動作都求其咗…當我或者毛媽開門入屋嗰陣…毛毛只係瞓喺梳化度搖下尾然後申吓腰起身坐正就當完成…
毛毛 : 毛爸(毛媽)歡迎歡迎...
毛爸 : 嘩~毛仔好求其吓喎...
毛毛 : 睇開啲啦毛爸...
- 留言者: 壽壽, 悠悠, 灰灰
- Email: makmona96@yahoo.com.hk
- 網址:
- 日期: 2012-11-28 17:55:40
[版主回覆11/29/2012 08:29:42]多謝讚~件衫俾個百厭星咬爛左喇,我屋企個小朋友已經變左隻爛瞓豬喇[img](sad)[/im...............By毛爸
- 留言者: 毛之家
- Email: leungmomobaby@yahoo.com.hk
- 網址:
- 日期: 2012-11-28 12:43:58
[版主回覆11/29/2012 08:24:14]小朋友係咁咖喇,咁先可愛...By毛家
2012年11月24日 星期六
有包叫得毛聽話
2012年11月25日(星期日)
前日朝帶毛毛散步行過回收場…遇到唐姨(回收場唐狗嘅主人毛毛嘅仇家)咬住麵包行過，毛毛一見就狂吠佢。
唐姨 : 喂~唔好吠啦我請你食麵包。
咁…唐姨就攞咗一嚿仔麵包喺手，講起嚟真羞家，毛毛即時由狂吠到唔吠跟住好乖咁坐低…食咗唐姨俾嘅麵包仲同人做埋朋友，都唔知幾時毛毛變得咁除便食人哋啲野…食咗仲Lam Lam脷…嗰個寸樣…見倒就激心。
毛毛 : 做狗同做人一樣要識時務先有得上位...有好野食，毛爸你都想我做隻醒目狗啦係唔係？
毛爸 : 醒你個頭...亂咁食人哋啲野分分鐘俾人迷魂你...捉你個儍仔去賣呀~仲扮醒目...
- 留言者: 壽壽, 悠悠, 灰灰
- Email: makmona96@yahoo.com.hk
- 網址:
- 日期: 2012-11-28 17:57:42
[版主回覆11/30/2012 06:06:47]毛毛小朋友e+得寵就亂咁黎有時真係俾佢吹脹...By毛爸
- 留言者: 毛之家
- Email: leungmomobaby@yahoo.com.hk
- 網址:
- 日期: 2012-11-27 11:54:07
[版主回覆11/27/2012 18:14:30]喺屋企毛毛已經俾家人當左隻豬咁看代...By毛爸
遲了一個月的「十月之星」飯局
2012年11月25日(星期日)
都唔記得幾時開始喇…每年嘅十月份都會約埋身邊(十月份生日)幾個老友(三個家庭)一齊相敘食飯，今年大家都各有各忙…所以飯局都改期到十一月。
現今社會生活節奏超快超忙…冇乜人能夠咁有閒情又可以約齊班老友飯局、談心同開懷大笑，我對於呢種感覺嘅平價係 “好幸福好富貴呀~”，如果各位能夠有同我一樣嘅機會就要診惜喇。
毛爸 : 好希望呢種幸福同富貴一直咁持續落去...
2012年11月22日 星期四
毛毛心聲…前兩天悶爆了
2012年11月22日(星期四)
前兩日個天較正時間…一早就落雨、旁晚又落雨…搞到冇得落街散步。
落雨天媽咪超緊張…大雨(梗係唔可以出街喇)、微雨(都唔可以出街唔知點解)、地下濕(濕啫都唔俾出街？好似過份咗少少喎)都唔可以出街散步，只可以行停車場，真係難為咗毛爸…嗰度空氣又唔好又嗅，好彩今日陽光普照啫…。
毛爸 : 毛毛你今朝零舍醒神播，眼仔圓咕碌...
毛毛 : 梗係啦有得落街玩播...仲有呀我冇帶大眼仔咖...
- 留言者: 壽壽, 悠悠, 灰灰
- Email: makmona96@yahoo.com.hk
- 網址:
- 日期: 2012-11-23 14:17:52
[版主回覆11/24/2012 06:52:19]我聽天文台講好快會好天,但會凍,落街要著番件衫播...By毛毛
2012年11月20日 星期二
坐梳化要留神
2012年11月20日(星期二)
毛少有佢自己嘅 “皇座”我哋坐嘅梳化毛毛係唔可以走上去坐咖。
自從大廳換咗新梳化又對毛少放寬限制(因為夜晚毛毛會陪毛媽喺梳化度睇電視、打機)，咁…平日毛少會覇晒張梳化嚟坐。
今朝有個咁嘅經驗當我坐落梳化…而位置又太近毛少隻腳仔…由於座嘅位置向下凹撼…咁…就夾住毛少隻腳，冇情力可大可小，如果唔留神大力坐落去…毛少一定會斷腳。
毛爸 : 如果屋企嘅小朋友係咁自由行嘅...各位家長就要留意喇...次次小心...
- 留言者: 壽壽, 悠悠, 灰灰
- Email: makmona96@yahoo.com.hk
- 網址:
- 日期: 2012-11-23 14:19:13
[版主回覆11/24/2012 06:55:01]多謝你哋關心呀...By毛爸
- 留言者: 毛之家
- Email: leungmomobaby@yahoo.com.hk
- 網址:
- 日期: 2012-11-22 13:58:32
[版主回覆11/22/2012 19:29:40]小朋友活潑好動,日常家居,家長就要留神啲喇...By毛爸
2012年11月19日 星期一
天氣轉涼了！
2012年11月19日(星期一)
踏入11月中天氣明顯轉涼…係時候一早起身做吓運動。
尋日朝早氣溫20度…最舒服係做户外活動或者喺張床度覺覺豬(對於某啲人嚟講好難决擇)，毛毛就好心急出街，但可能夜晚落過雨地下濕都唔知去邊…最後去咗單車徑。
毛毛 : 雖然落過雨...但地下唔怕濕仲好舒服呀~
毛毛 : 仲有排行呀~
- 留言者: 毛之家
- Email: leungmomobaby@yahoo.com.hk
- 網址:
- 日期: 2012-11-22 13:59:49
[版主回覆11/22/2012 19:38:16]單車徑由馬場嗰邊入口到橋頭呢邊己經鋪晒立青,E+橋頭嗰邊仲係黃坭路...By毛爸
- 留言者: iwkw
- Email: ivy_wongkw@yahoo.com.hk
- 網址:
- 日期: 2012-11-19 22:09:23
[版主回覆11/20/2012 08:33:29]先多謝iwkw支持.毛毛隻眼原本係咁咖.好多朋友都話毛毛對眼又圓又大嚫得個樣好bb...By毛爸
2012年11月18日 星期日
毛毛隨街執野食
2012年11月18日(星期日)
俾我發現咗毛毛隨街執野食，毛少染上呢種惡習…麻凡喇。我哋住嘅地方樓下就係食市，街角係垃圾站…所以街邊少不免會有廚餘…豬骨、雞骨、牛肉…，平日有位阿姐做掃街清潔，但有時我哋太早落街連阿姐都未開工。
今次毛毛靜雞雞執咗嚿豬軟骨喺度食…我即時喝停佢…好彩仲趕得切攞番出嚟。
狗狗通街執野食嘅行為可大可小，輕則腸胃有事、重則…命仔凍過水…
毛毛 : 毛爸你鬧咗我好耐喇，好眼瞓呀...不如等我瞓醒先再鬧喇...好唔好...
毛爸 : 嘩~毛仔你乜野態度呀？
- 留言者: 壽壽, 悠悠, 灰灰
- Email: makmona96@yahoo.com.hk
- 網址:
- 日期: 2012-11-19 16:16:53
[版主回覆11/19/2012 17:24:31]咦~連你哋d朋友都有咁嘅經驗,唔夠飽係好大可能...By毛爸
- 留言者: yan
- Email: jessieyyt@yahoo.com.hk
- 網址:
- 日期: 2012-11-19 00:10:06
[版主回覆11/19/2012 06:03:18]先多謝Yan對毛毛嘅關心...仲有多謝你嘅溫馨提議，毛毛不嬲冇執野食嘅行為，應該同毛毛轉糧有啲關系，毛毛以前食鮮肉因為健康問題轉食狗糧...所以....By毛爸
2012年11月16日 星期五
毛毛跳上床挑戰我哋嘅底線
2011年11月17日(星期六)
一睇標題就知屋企人包括工人係幾咁縱毛毛少爺，毛毛BB受訓嗰陣己經知到自己係唔可以上我哋張睡床。
所以毛毛就嚟5歲都未試過上我哋張睡床，直到尋晚…我臨瞓前同毛毛玩…，跟住我番房瞓嗰陣…毛毛好似玩到失控咁衝入睡房跳上張床…我即時喝住毛毛趕佢落床。
到今朝我起床毛毛就跟咗我出廳…但冇耐就走番入房跳上張床…仲嚇醒咗毛媽 ，唔使講梗係俾毛媽狂鬧啦。
我哋都係時候整冶個百厭星毛毛喇…
毛毛 : 同你玩吓咋，我諗住 "呢"埋被豆等你揾我唔到...我冇咋帝咖...
- 留言者: 壽壽, 悠悠, 灰灰
- Email: makmona96@yahoo.com.hk
- 網址:
- 日期: 2012-11-19 16:18:52
[版主回覆11/19/2012 17:34:40]d小朋友好鍾意痴住我哋啫,有時唔忍心趕開佢哋...咁...佢哋得米,我哋都係因心軟...By毛爸
毛毛心聲…我俾毛爸勁 “趙”
2012年11月17日(星期六)
咦 ~ 正 ~ 今次係豬軟骨，唔 ~ 又俾毛爸捉到正…真係唔底，上次仲有雞翼添…。
呢啲都係我同毛爸出街散步嗰陣喺街邊執嚟食嘅野，今次嚿骨俾毛爸喺口度攞番出嚟…我 “斷正”。
毛爸好嬲…仲當街要我罰坐，兜口兜面鬧咗我好耐，仲俾巴士站啲人笑…真羞家，第日我都唔知點出嚟行…
毛毛 : 毛爸...俾番幾分薄面好喎...唔使谷行晒咁鬧我嘅...
毛爸 : 你個衰仔都唔知錯...使乜俾面你呀...
2012年11月15日 星期四
2012年11月13日 星期二
寵物狗會唔會真係咬人？
2012年11月13日(星期二)
一般人對狗狗咬人嘅認知…先吠再衝埋身跟住就咬，呢個係行為過程但唔一定會咁。
真正攻擊咬人嘅狗…先會露齒狐叫警告再攻擊目標咬實向後拖然後大力Fing令目標至命(呢啲係狗嘅獵殺本性)，而家嘅寵物狗都會有呢啲本性但大多數都品性純良識分攻擊同玩耍。
平時同毛毛玩爭奪遊戲…佢會咬我隻手，但我身體其他部位就唔會咬，有時毛毛都會過度興奮亂咬但我從未受傷，你會問狗狗連主人都咬？我講唔出點解…如果你養狗狗做寵物…自然就會明白。
毛爸 : 毛毛好叻咖如果我著長袖衫佢淨係咬我隻袖(我瞓覺啲長袖衫隻袖多數都...)
- 留言者: O媽
- Email: ruby_hoi@yahoo.com
- 網址:
- 日期: 2012-11-14 13:50:23
[版主回覆11/14/2012 18:43:12]毛毛都係呀,佢哋練習緊大自然求生本能，擁有呢d本能先似番隻狗狗...By毛爸
2012年11月12日 星期一
二十幾年嚟第一次入戲院睇戲
2012年11月12日(星期一)
尋日去咗銀河睇戲…係我二十年嚟第一次再返入戲院睇戲，除咗(007)部戲精彩之外仲有屋企人陪住笑、開心、緊張…心情好特別感覺非常好。
過去嘅工作係做消售及安裝家庭影音視聽器材、CD、影碟，接觸高級家庭影院音響、頂級高解像大電視，由於工作關係好多大型制作、勁音響效果嘅電影都會喺公司睇…咁…就二十幾年…我錯過咗好多特別感覺。
毛爸 : 精彩...
毛爸 : 一套靚聲靚畫嘅影碟...貴過睇一套戲...
2012年11月11日 星期日
約前同事去影相
2012年11月11日（星期日）
今朝約咗啲舊同事去媽祖文化村影相，其實真正嘅目的係聯繫感情，交流影相心得。
平時多數因為工作而上去，亦冇閒情去因賞風景，今朝帶住高興嘅心情上山，原來風景係咁靚，我哋城市人平時實在錯過好多好嘢喇。
毛爸 : 慈祥嘅媽祖象...
毛爸 : UFO呀~
今朝約咗啲舊同事去媽祖文化村影相，其實真正嘅目的係聯繫感情，交流影相心得。
平時多數因為工作而上去，亦冇閒情去因賞風景，今朝帶住高興嘅心情上山，原來風景係咁靚，我哋城市人平時實在錯過好多好嘢喇。
毛爸 : 慈祥嘅媽祖象...
毛爸 : UFO呀~
毛爸 : 媽祖文化付...
毛爸 : 內殿...
毛爸 : 內殿...
2012年11月10日 星期六
我都會 “望子成龍”
2012年11月10日(星期六)
無論古今世上大多數嘅父母都會有個心願 “望子成龍”，而我嘅心願令身邊嘅朋友覺得我好貪心…我唔使仔女出人頭地、唔使佢哋成為天才…，只係想佢哋將來生活得比我更開心、更健康、更好，所擁有比我更多、更豐富。
現今嘅父母怕自己仔女落後人哋…就要仔女花好多時間去進修、學習、補習、覆習、練習…連玩嘅時間都冇。
講起小朋友我已經好耐冇帶銅銅出去鬆一鬆…
毛爸 : 銅銅忙住練琴同表演...對上一次見佢係Coffee生日會，掛住佢呀~
單車日誌…氹仔單車徑大橋路段
2012年11月10日(星期六) 16 :30 陽光普照 23度 微風
晏晝出咗去踩單車…雖然太陽勁曬但有風算係好舒服，期實以前都有提過晏晝呢啲時間交通比較忙大車多，所以近排都鍾意去氹仔單車徑踩車。單車徑大橋路段宜家仲趕緊工…嗰段路係橋頭公園經大橋底連接單車徑….
毛爸 : 單車徑中途交會處非常闊落唔怕人車爭路...
毛爸 : 立青路宜家鋪到近大橋迴旋處...
毛爸 : 橋底嗰段路宜家仲係黃坭路...
毛爸 : 橋底嗰段路宜家仲係黃坭路...
2012年11月8日 星期四
一定要讚毛毛
2012年11月9日(星期五)
六點幾毛毛已經扭計要落街…但落到街就好似未瞓醒咁好安靜(平時會搶繩) ，行到天橋底遇到隻臘腸狗BB…毛毛好輕鬆咁行過(平時會狂吠)，毛毛好快就便便完…但尿尿嗰陣有巴士經過毛毛只係望一望(平時會吠爆)，之後就好精神咁行返屋企，今朝玩頂波波仲連續14下破晒之前嘅記錄…毛毛狀態好Fit，日日咁就好啦！
毛毛 : 呢啲係我嘅真正過性...平時我唔表現出嚟咖...
- 留言者: 壽壽, 悠悠, 灰灰
- Email: makmona96@yahoo.com.hk
- 網址:
- 日期: 2012-11-09 11:44:54
[版主回覆11/10/2012 20:01:31]多謝多謝,有人讚好開心呀...By毛毛
2012年11月7日 星期三
2012年11月6日 星期二
2012年11月5日 星期一
極端差異嘅文化及態度
2012年11月5日(星期一)
尋日去接毛毛嗰陣經過某處遇到班強國人(約十人)同班外籍人(四人其中一係小朋友)，佢哋一齊向住我哋嘅方向行緊過嚟。
咁啱毛毛便便緊，之後我用紙巾執起啲便便用報紙包好攞去狗糞收集箱。
呢個過程…班強國人用好睇起人嘅語氣講 : 你們看文明成市的人要撿狗糞的…哈哈(國語)。
個外 籍 女士同個小朋友講 : 你睇…唔可以亂咁丟垃圾咖連狗狗都唔可以(英語)。
點解啲強國人唔識學習吓人哋啲好態度呢？失禮死阿爺…
毛毛 : 啲強國人歧視我毛爸...佢哋低能咖...
毛爸 : 毛毛小朋友你唔可以咁話人咖...咁即係歧視人...咁ma同佢哋一樣囉儍仔。
- 留言者: 毛之家
- Email: leungmomobaby@yahoo.com.hk
- 網址:
- 日期: 2012-11-06 14:07:43
[版主回覆11/06/2012 18:51:16]多謝毛之家讚。d暴發户嘅文化係咁上下咖喇，下一代慘d...By毛爸、毛毛
- 留言者: water仔
- Email: cscmsm@yahoo.com.hk
- 網址:
- 日期: 2012-11-06 12:16:23
強國人,國家的公民教育落後了,幾十年。
現在連大人,細路,個個都只會向$看,真可悲！
[版主回覆11/06/2012 19:07:33]先多謝你既支持。其實係d暴發户佢哋有錢出外週圉旅行，呢d負面既形象影雖晒我哋中國人(某國家世界品牌精品店話明唔招待強國人),你睇d強國人幾楊名世界呀...真係羞家....By毛爸
2012年11月4日 星期日
毛毛心聲…剪裝
2012年11月4日(星期日)
今朝十一點毛媽又幫我裝身…去行街？唔係去玩係去剪裝啫。
今次媽咪同肥姐姐為咗我個裝商量好耐，媽咪仲叫肥姐姐將我個身啲毛剪到3mm長。
由於我個身啲毛長視覺上腰肥同有個肚腩仔…俾人叫肥毛，剪完裝之後啲人要改口喇。
毛毛 : 我身上嘅黑班...連毛爸都R晒頭...
毛毛 : 男仔身上有番啲烙印係威猛啲咖...你哋話係唔係...
毛毛 : 我嘅新Look...叫 "靚仔毛"都唔係過份丫？
- 留言者: Q-Baby
- Email: shadowcatcat@yahoo.com
- 網址:
- 日期: 2012-11-05 12:26:45
[版主回覆11/05/2012 18:28:14]先多謝Q-Baby咁關心毛毛,放心啦一達達嗰啲係毛毛手術傷口好番之後生出黎既深色毛,醫生話冇問題咖
2012年11月3日 星期六
單車日誌…清晨隨拍
2012年11月4日(星期日) 5:45 黑嘛嘛 22度 大風
今朝一早就出去踩單車舒展心身，順便玩吓部Canon EOS M相機，試吓個手持夜攝功能、HDR背光拍攝…可能我未習慣…影出嚟嘅效果一般，睇嚟我要多啲嘗試喇。
今朝臨出發前檢查車軚氣壓嗰陣整鬆咗個氣咀(自己吾知)，令後軚漏氣…好彩條軚能夠支持到返嚟屋企…唔係就要做 “老漢推(單)車”喇。
毛爸 : 手持夜攝...
毛爸 : 喺弱光之下啲相一樣咁靚...
毛爸 : 後軚漏氣...
毛爸 : 啱啱有太陽光...仲靚...
毛爸 : 日出...
毛爸 : 今朝我踩單車去(氹仔)威尼斯...係唔係以為歐洲呢？- 留言者: water仔
- Email: cscmsm@yahoo.com.hk
- 網址:
- 日期: 2012-11-06 12:24:17
D相好靚。勁.
[版主回覆11/06/2012 19:12:57]多謝你既讚，d相好普通咋...你讚到咁勁我會...By毛爸
生日快樂呀~Coffee
2012年11月3日(星期六)
先喺呢度祝Coffee生日快樂、身體健康、開心成長。
今日我準備咗生日蛋糕帶埋毛毛去參加Coffee嘅生日會。
身邊有啲朋友問我點解咁重視寵物狗狗嘅生日，喺我嚟講狗狗本身係一條生命，生命梗係有生日啦，當我接受佢成為家庭成員我就更加重視佢地嘅生日(好似你重視自己生日咁)，狗狗有樣野係好多人都學唔到 : 佢哋一生都愛你，我更加同意有人講狗狗係世上唯一愛你多過愛自已嘅動物，冇養狗嗰啲人係永遠唔會明…
毛毛 : 祝Coffee妹妹生日快樂...
毛毛 : 我有禮物帶去咖...
Coffee : 媽咪幾時切蛋糕呀~
毛爸毛媽 : 生日快樂呀~Coffee
- 留言者: O媽
- Email: ruby_hoi@yahoo.com
- 網址:
- 日期: 2012-11-05 13:58:52
[版主回覆11/05/2012 18:21:38]多謝多謝...講內心既話啫...By毛爸
訂閱：
文章 (Atom)