家人心目中「優異」表現嘅毛毛

2014年5月1日（星期四）

 

 

今朝對面地盤好嘈雜啲狗又狂吠⋯但毛毛表現出奇哋安靜（平日會好火爆咁衝出騎樓狂吠），落到街行過回收場⋯離遠見3隻唐狗（死對頭）瞓喺門口，毛毛只係停低腳步望咗一陣就繼續行（平日會搶繩衝過去打交咖）。

過到對面街遇到隻史納沙狗女⋯毛毛亦都同對方眼神接觸完就向前行，連狗女主人都用奇怪眼光望住我笑（平日相見會互相吠爆咖），回程毛毛好乖咁喺我左邊跟住行⋯冇周圍聞冇搶繩⋯一直返到屋企。

毛毛全程好乖、好安靜、守紀律⋯咁嘅行為表現超過100分，簡直係家人心目中嘅「乖孩子」⋯我就反而好擔心毛毛一日之間變乖⋯係其他原因⋯

 

毛爸：今朝毛毛連玩「執波波」都斯文咗好多...唔知點解。

 

毛爸：毛仔會唔會係冇心機？唔開心？唔舒服？壓力大？定係嚇親？我好擔心...

臺中．高美濕地

2014年4月29日（星期二）

 

 

續⋯今日最後嘅景點「高美濕地」⋯喺好遠已經見到海邊一座一座嘅風車，將呢個景點安排到最尾係因為睇日落景色。

但今日天氣變化好大，出發嗰陣仲出猛太陽⋯嚟到嗰陣已經開始落雨又大風，由於大強風大家好辛苦咁經木橋行到海中心，最強風個陣大家都要坐喺橋面甚至全身要貼近橋面嚟避風⋯非常刺激。

大自然嘅變化真係令人估都估唔到，到我哋走嘅時候先見到太陽⋯

今日真係夠運臨走嗰陣個天俾我機會...見到...太陽...

 

 

能夠影到呢張相仲要多謝司機大哥...專登泊好車俾我落車影呢幾張有太陽嘅相...

 

跟住木撟行出海...行到一半路程...大風強到行唔倒...

 

回頭望...一半路程...離岸都好遠喎...

 

一步一驚心...

 

 

勁強風...我咁大年紀...要扒低喺橋面避風...唔係頂唔順...

 

聽當地人講...平日近岸會有好多野鳥咖...今日天氣差所以...見唔到...

 

有告示牌証明咖...

 

呢啲風車嘅體積大到令人唔相信..感覺非常震撼...

 

原來呢度都有人踩單車咖...

 

聽講...退潮個陣會見到好多白色小螃蟹咖...

就嚟到海中心喇...

 

呢度係木橋盡頭...

 

同風搏鬥咗咁耐...要坐番一陣...

 

 

高美濕地仲係一撻自然保育區...

 

待續........

臺北．早晨呀！下次再見。

2014年4月28日（星期一）

 

 

續⋯2014年4月25日（星期五）臺北早晨呀！清晨五六點嘅臺北車站一帶已經非常熱鬧，賣本地早餐嘅舖頭已經開門做生意，呢幾日⋯朝朝都要一早起床趕車去遊覽景點，晚晚行街「喪拼」食野...

今日應該好好休息⋯然後搭傍晚班機返歸，今次嘅旅程感覺好奇怪⋯好享受開心嘅旅程，但係⋯回家又係另一種心急嘅期待，今日嘅節目：買手信。

 

臺北早晨呀！雖然開心嘅氣氛令我唔想走...但...又好掛住屋企嘅少爺仔毛毛...

 

毛毛：好嘢～毛爸毛媽好快就返嚟喇...

 

今次旅程大家可以放開心情...滿足、開心...咁...已達到我嘅目的...大家飲勝。

 

臺灣下次再見...

臺中．彩虹村

2014年4月26日（星期六）

 

 

續⋯2014年4月22日（星期二)今日第四個景點「彩虹村」，呢個只係有一度好舊嘅圍牆圍住村屋嘅地方，點解咁出名？因為間村屋同圍牆周圍都畫滿好有傳統特式又色彩豐富嘅圖畫（西方人叫塗鴉）。

呢啲傳統特式圖畫係有段故咖⋯聽工作人員講畫畫嘅作者係一位高齡伯伯，位老人家每一日只係瞓4個小時（朝早5點開始畫，畫到夜晚12點）花3年時間先完成，工作人員仲講曾經有當地電視台來做「訪問」同「專題」報道⋯

 

老人家心中嘅傳統...紅色...

 

用色大膽...

 

藝力嘅表現...

 

村屋四周圍連地下都畫滿畫...

 

做形前衛...

 

內容有動物、人物、飛禽....豐富....

 

有印象派...

 

有好多吉祥語...

 

呢位人兄令人非常駑喜...俠士...

我最鍾意嘅一幅

 

 

令人想起童年夢嘅搖搖木馬...

 

另一位主角小白兔

 

喂～你地好嗎？

毛毛去咗另一間美容院剪裝

2014年4月28日（星期一）

 

 

噚日⋯帶咗毛毛去剪裝，因為新地方陌生⋯毛毛表現好緊張，今次係毛毛幾年嚟第一次去第二間美容院剪裝，美容師話毛毛好「驚青」吹頭仔丶條尾⋯都唔肯坐定定，由其係吹手仔腳仔毛毛最唔合作⋯所以修剪手掌毛嗰陣整損咗毛毛右手手指...

今次毛毛剪嘅裝同手工都麻麻（比較之後始終都係御用日籍美容師技術了得），可能係毛毛唔合作⋯

 

毛毛：剪咗個裝...醒神咗...

 

毛爸：但毛毛...返嚟嗰陣好唔開心...或者玩左成日...累了...

臺中．心之芳庭

2014年4月26日（星期六）

 

 

續⋯2014年4月22日（星期二）今日第二個景點「心之芳庭」，喺外面睇已經覺得係一個設計精致嘅莊園，經過一條小徑先去到花園。

建築群係建喺斜坡上面，建築物好簡單⋯但裝飾得非常精致華麗，花園種滿好多不知名嘅靚花靚草⋯其中有最受歡迎嘅「薰衣草」，周圍嘅建築物同佈置好「童話」令人有幸福嘅感覺⋯原來呢度係影「婚沙相」聖地⋯⋯

 

入口嘅小徑...已經...俾人覺得充滿愛...

 

呢度係花園嘅地標...

 

呢啲「飯殼」係訂情信物...真係另類...

 

 

呢度人人必到...願望井...

 

 

全景嘅感覺...好有「童話」氣氛... 

 

愛情快速車...

 

咁靚嘅「夢想之家」原來係廁所...

 

呢度係「準新人」必影相嘅景，因為左右兩本大書寫滿「承諾、幸福」嘅語句。

 

呢個古董唱機...播出嚟嘅歌一定令人覺得好浪漫啫...

 

我估呢個一定係人人嘅夢想...屋企前面有個好靚嘅小花園...

 

呢啲花靚到....

 

 

我同太太最鍾意都係呢種花.....

 

你家的狗有好好「散步」嗎？

2014年4月27日（星期日）

 

 

毛毛嘅訓導老師Sunny Sir（香港）、知名訓犬師熊爸（臺灣） 都強調帶狗狗「散步」係令狗狗乖嘅重要環節，每日3次⋯只係總共花你30～45分鐘，如果你每日抽唔到半小時陪伴狗狗⋯最好你唔好養狗，去朋友屋企玩下狗就算喇。

今日會帶毛毛去剪裝所以⋯全家一早起床陪毛毛去海邊散步同煮定羊肉俾毛毛做早餐⋯

 

毛爸：今朝毛毛一早就坐喺大廳等毛媽起床一齊出街散步...

 

毛爸：毛毛有啲唔滿意...因為全程都係齋行...

 

毛毛：毛爸，老老實實有冇「執波波」玩先？我唔行咖...

 

毛爸：毛毛小朋友扭計...要出動毛媽氹番...

 

毛爸：毛仔，睇你行到索晒氣點再玩呀？飲啲水先啦...