毛毛心聲…5星級

2014年4月5日（星期六）

早晨！早晨！今朝陽光普照微風天氣好到不得了，出街⋯

每年呢個時候毛爸一定帶我去消防局嗰條街度散步，呢條街種咗好多棵大樹⋯呢啲時間就會一齊開花，成條街都充滿花香（冇晒啲便便同尿尿味），好似入咗森林咁。

今日天氣好、空氣好、氣溫好、條街好（成條街冇人）、心情好⋯喺度散步、尿尿、便便⋯爽到爆⋯5星級環境呀！

 

毛毛：好香好靜好舒服呀...

 

毛爸：毛仔，咁就...快啲辦「大事」啦...

 

毛毛：毛爸，你睇...我包咗條街咖，幾時辦「大事」都得啦，你使唔使辦？

 

毛爸：知你犀利喇...我要返去整餐俾你食同煮早餐俾你媽咪食呀！快...快快快