令人憂心嘅毛毛...帶毛毛去覆診

2016年9月25日（星期日）

呢兩日⋯毛毛精神咗好多，開始用雙後腳企起身，又跳上梳化⋯，屋企又開始熱鬧番（全日都係毛媽鬧毛毛⋯阿仔你唔好再企喺度同跳上梳化喇，再受傷就行唔到咖喇。）...

毛毛下晝四點半見李醫生覆診，結果係⋯毛毛基本上已經康復，但腰椎患處要完全唔痛一般要兩個星期，腰椎問題⋯狗狗年紀大就會越來越容易出事，冇得根治⋯現在只有唔俾毛毛企同跳⋯⋯

睇李醫生嘅表情...今次好大劑...

好緊張好緊張...好似好消息喎...

嘩～好嘢呀...醫生話我好返晒喇...

令人憂心嘅毛毛...哭笑不得

2016年9月25日（星期日）

大廈管理員：早晨，毛毛今朝好乖喎⋯。每朝我同管理員打招乎毛毛就會狂吠佢。

清潔阿姐：毛毛今朝唔吠我⋯咁叻⋯。毛毛聽到阿姐每朝收垃圾啲雜聲⋯毛毛就會吠到拆天。

街口轉角遇到史立沙狗女⋯毛毛冇兇佢⋯。每朝早毛毛出街散步見到啲唔順眼嘅狗狗就會兇佢地⋯狂吠，嚇到對方主人拉狗狗走開為止，所以我同各家長有默契哋定好散步路線。

毛毛今朝散步斯斯文文、好快便便同尿尿完，唯一最難睇嘅係⋯毛毛全程都冇晒眼神、垂低條尾、行路又慢，失去往日嘅霸氣。

我哋人嘅思維真茅盾，以前經常話毛毛百厭唔聽話...討厭，宜家毛毛變得咁乖又斯文...反而擔心到不得了⋯⋯

毛毛精神狀態低落...連玩玩具都冇心機...

唯一令毛毛精神一振嗰一殺那嘅時間係...毛媽收工返屋企開門嗰陣...

令人憂心嘅毛毛...實在太痛

2016年9月22日（星期三）

醫生幫毛毛撿查完腰椎之後⋯建議幫毛毛照X光片，以便確認受傷部位（我同意了）。

X光片結果毛毛腰椎第二節位置空間受到壓迫令軟骨壓迫神經引起痛楚，毛毛可能患處太痛令行動失常...

醫生幫毛毛注射止痛針藥⋯令毛毛舒援安靜，可憐嘅毛毛對所有嘅事物都失去興趣⋯喺大㕔陪咗毛媽一陣之後就返入睡房瞓覺⋯⋯

呢幾日毛毛都要做"照燈"治療...瞓喺度二十分鐘唔郁對毛毛係有難度。

毛毛平日冇咁正經瞓覺咖...想象到佢係好唔舒服...快啲好番喇小朋友。

令人憂心嘅毛毛...緊急狀態

2016年10月21日（星期三）

今日好晚先放工⋯一反到屋企只見毛毛日訓喺地板咕𠱸冇過來大門口歡迎我，工人就講：Sir，毛毛好唔精神，使唔使帶佢睇醫生？

我幫毛毛裝好身帶佢出街散步，毛毛行得慢便便同尿尿都好似好辛苦⋯用唔到力咁，全身打冷顫，返到屋企食餐嗰陣仲單起一隻後腳。

最後決定⋯即時帶毛毛去寵物醫院，由於醫院就嚟關門我只好抱著毛毛競步15分鐘內到達醫院⋯⋯

毛毛單起一隻腳全身打冷顫咁食餐...我都係第一次見...痛心

令人憂心嘅毛毛...醫生的話

2016年10月21日（星期三）

李醫生：毛毛腰椎受傷，病曆顯示對上一次都受傷過，今次好彩傷患比較輕⋯但亦有個警告，腰椎呢個部分再受傷就會好大件事，會有機會下身冇知覺...行唔到路。

因為傷患痛⋯毛毛會行得好慢、經常都會坐低⋯如果好痛行路可能單起一隻腳，毛毛要食５日藥觀察，假如覺得毛毛病情惡化就即時帶佢過來覆診⋯⋯

毛毛差唔多全日都保持瞓覺嘅姿勢...

毛毛活躍度...0%，條腰一定勁痛，可憐嘅小朋友...(家人勁擔心)

令人憂心嘅毛毛...掛號睇醫生

2016年9月20日（星期二）

今朝⋯毛毛瞓到好晏，我入睡房叫佢先肯行出嚟，垂晒尾好慢咁行出來。

落到街便便同尿尿都正常，正實唔關腸胃消化不良嘅事，返到屋企食餐同飲湯到正常，咁⋯我哋就開始擔心。

毛媽即時打電話安排見醫生，原來即日約指定時間係有難度咖，約咗下晝6：00姑娘提示一定要準時⋯⋯

醫生話毛毛腰椎受傷，診斷為第一级，要食５日藥及觀察...

希望用藥物控制病情...

令人憂心嘅毛毛...毛毛唔玩波波

2016年9月20日（星期二）

噚日下晝⋯德斯突然同我講：Sir，毛毛冇興趣玩波波呀。

我覺得好奇怪⋯點解？我換咗毛毛最鍾意玩嘅＂網球＂俾佢玩，結果⋯冇反應。到食餐時間⋯糧同湯都食清，但⋯毛毛嘅活動表現開始慢落嚟仲冇晒心機。當時我估好大可能中午毛毛食咗啲新零食令腸胃唔舒服，咁⋯毛媽就抱毛毛上梳化等佢好好休息。

毛爸：毛毛連網球都冇興趣...唔知有乜野問題？擔心...

心理關口

2016年9月17日（星期六）

每年出門旅行就會出現呢種憂慮⋯家務助理（工人）識唔識照顧好毛毛呢？

德斯好耐之前已經一直照顧毛毛，但⋯最近我發現原來德斯好驚毛毛會咬佢，而毛毛都會經常 "蝦＂德斯，而每日嘅餐後清㓗口部、早上清潔眼睛嘅日常工作就會為德斯帶來好大嘅壓力。

我估工人當咗毛毛係"反叛少爺"唔可以夾硬嚟，睇嚟我要寫份工作流程同照顧好毛毛嘅指引作為增強徳斯嘅信心⋯⋯

屋企之中皇者...

識分別地位嘅毛毛

2016年9月17日（星期六）

徳斯係為我哋服務咗一年嘅家務助理(工人)，做家務同照顧毛毛都表現出色。

毛毛亦都好鍾意德斯，但⋯德斯同毛毛相處只限到一個底線，德斯所發出嘅指令⋯毛毛全部都反抗指令什至覺得侵犯就會咬人還撃，唔知毛毛點解會係咁，亦都好難相信毛毛會識分別主人或工人，所以到幫毛毛搞清潔嗰陣...德斯就辛苦喇，要毛毛合作就好似氹BB咁...

我哋好有性格嘅...毛毛少爺

炎熱的初秋

2016年9月13日(星期二)

近年天氣異常…到咗秋天仲係好熱，讀書嗰陣書入面講 “秋高氣爽” 天氣乾爽令人舒適，又話落葉片片、處處红葉…令人感覺似初戀，仲係浪漫嘅季節。

到今時...中秋節快到…天氣熱到令人生病，落雨落到又濕又悶令人討厭…

呢個秋天仲未見到落葉...落花就有...

落葉...呢度有少少...

红葉...葉得少少...

部份红...

雨水太多...搞到路面多咗青苔...

最正常係呢啲...無花果...

帶齊裝備去探險

2016年9月13日(星期二)

上星期日天氣好轉、又有陽光…毛媽一早起床為毛毛裝好身準備好出發去行山。

過去嘅個幾星期都落大雨，雖然有番太陽…毛媽都為毛毛做足準備，涼涼衣、太陽眼鏡、行山狗帶、噴水壺、飲用水…好似去探險咁…

衝、衝、衝...

出發前影番張相先...

煙霧迷漫....

嘩～好神秘呀.............

毛毛與QQ

2016年9月4日（星期日)

睇過好多報導⋯狗狗同新家庭成員（QQ）相處融洽更成為佢哋嘅近身保標。

噚日⋯阿女帶同外孫女QQ嚟屋企食飯，毛毛就盡表現大哥哥同好朋友本色，毛毛見到家姐同QQ入屋⋯只係開心高興咁吠咗一兩聲之後就和平相處，雖然毛毛表現冇特別關心QQ同家姐⋯但對呢位QQ小妹妹就充滿好奇⋯⋯

我都有啲好奇，QQ唔怕毛毛，毛毛都冇"蝦"QQ...

經典之作...小朋友望住我...