令人憂心嘅毛毛...毛毛唔玩波波

2016年9月20日（星期二）

噚日下晝⋯德斯突然同我講：Sir，毛毛冇興趣玩波波呀。

我覺得好奇怪⋯點解？我換咗毛毛最鍾意玩嘅＂網球＂俾佢玩，結果⋯冇反應。到食餐時間⋯糧同湯都食清，但⋯毛毛嘅活動表現開始慢落嚟仲冇晒心機。當時我估好大可能中午毛毛食咗啲新零食令腸胃唔舒服，咁⋯毛媽就抱毛毛上梳化等佢好好休息。

毛爸：毛毛連網球都冇興趣...唔知有乜野問題？擔心...