高雄…駁二藝術區巨形藝術品

2015年9月30日(星期四)

2015年9月20日(星期日) 駁二藝術區近海邊，係由多間大形舊貨倉群組成，而建築物之間嘅通道周圍都有好多做形奇特、用多種材料 (纖維、金屬、石材、紅磚、膠料) 做成極具風格嘅巨形藝術展品，而星期日下午仲有跳蚤市場非常熱鬧....

後面睇仲以為係貓咪

力的代表...

見到呢座可愛嘅藝術品...就好想騎上去坐...

手指

守衛

會令人發惡夢嘅作品...

小朋友最鍾意嘅...機械人

大膽的小朋友...

呢座千揪夜晚有好強嘅燈光嚫托之下非常靚...睇得又玩得.........待續

高雄...老新台菜

2015年9月30日(星期二)

2015年9月21日(星期一)呢間懷舊台菜餐廳好特別，佢冇菜單俾客人點菜，佢煮乜你食乜，但每道菜都非常好味。訂枱時佢會問客人訂每位幾錢嘅菜單(分別有NTD600、800、1000)，又問我地食唔食牛肉同魚生。我地一共食左8道菜，另加生果同甜品，飽到上心口，呢餐真係抵到爛！

店內陳設非常懷舊有特色...

牆壁裝飾...

先來一杯特飲...餐前冬瓜檸檬水及鮑螺和風沙拉...醒醒胃

翠玉蚵仁羹、核桃松阪豬、炸大蝦、清蒸海鱸...

繼續...虎皮軟燒雞、大捲米粉、干貝西蘭花....之後生果及甜品...

食物精緻好味....必試食店「老新台菜」，記得先訂定位喎.....待續

高雄⋯早晨呀！駁二藝術區（塗鴉）

2015年9月28日（星期一）

2015年9月20日（星期日）今早起床⋯感覺有啲怪怪哋⋯身邊冇搞搞震嘅毛毛、唔使操練同煮早餐⋯有少少唔慣。

我地住嘅地方對面就係好出名嘅駁二藝術區藝術品展覽地，今朝帶齊全部攝影器材落街散步同影相。

呢區有好多大形嘅藝術展品、牆壁塗鴉、精品店⋯令人有強烈感覺係一班有才華嘅構思者、設計師、藝術家、畫家嘅心血⋯精彩。

早晨呀！高雄

最精彩嘅外牆 3 D塗鴉

路面作品

建築物塗鴉...佛

藝術品塗鴉

毛爸毛媽

3D作品

貨倉外牆塗鴉...

十分精彩的街角塗鴉....待續

出門了！飛高雄

2015年9月28日(星期一)

2015年9月19日（星期六）因為工作忙⋯到今日先整理好毛毛啲糧食、執好自己啲行李準備出門到臺灣高雄旅行，今日嘅行程好唔順利⋯班飛機延遲起飛喺機場等咗三個半鐘（差唔多21：00）先正式起飛，到逹目的地嗰陣寫入境表問題俾海關留難...

到步之後⋯市面上大部分舖頭都閂晒門，最後宵夜要去便利店買即食麵解決⋯無奈。

終於到達臺灣高雄機場...

平日煩忙嘅通道...靜英英

服務態度超好嘅的士司機叔叔...

我哋住嘅酒店...

好靚好大嘅客房....

露台仲可以睇到放煙花......待續

毛毛的保姆

2015年9月27日(星期日)

2015年9月19日（星期六）每逢出門旅行都會遇到令我擔心嘅問題⋯搵人照顧毛毛。

以往都係由工人（家務助理）全面照顧，但現時嘅工人對於照顧狗狗係門外漢，以為同狗狗玩同愛錫狗狗咁簡單，又自我感覺Ok，咁嘅作風...令我對佢冇信心。

太太最近遇番前工人艾美（毛毛BB嗰陣嘅保姆），呢幾日出門旅行太太請佢過來幫忙照顧毛毛，今日毛毛見到艾美上到來屋企⋯開心興奮到失禁，原來毛毛仲記得艾美姐姐⋯之後毛毛都好嗲艾美仲跟到實，毛毛咁嘅表現令我哋吃醋⋯今次可以安心去旅行啦⋯

毛爸：毛毛由細到大己經俾全家寵壞...

花心機照顧毛毛嘅艾美

2015年9月27日(星期日)

2015年9月21日（星期一）旅行期間由前工人艾美照顧毛毛，艾美都會用短訊通知我哋毛毛日常生活情況，今朝收到艾美嘅短訊⋯毛毛已經便便同尿尿咗⋯仲話毛毛好乖⋯不過毛毛好貪食。艾美話每日佢食飯時間毛毛就會坐喺枱邊等「執死雞」，毛毛好似好開心似乎習慣咗我哋唔喺佢身邊，實情係好現象⋯証明艾美照顧得毛毛好同玩得好開心。

毛爸：毛毛有艾美陪住瞓得好安心...

越來越有紀律嘅毛毛

2015年9月27日（星期日）

毛毛細個嗰陣⋯家人麻怨毛毛百厭難搞...

現在毛毛成長了！毛毛日常生活行為變得越來越有紀律，食餐、玩玩具、玩遊戲、梳洗⋯都聽指令好聽話，到我哋食飯毛毛會好乖坐定定等獎勵，夜晚會自己返入睡房瞓覺，相比幾年前嘅毛毛簡直兩回事，結論⋯毛毛變得好乖。

但...我都係鍾意⋯好百厭搞搞震嘅毛毛⋯我係唔係有問題呢？

毛毛：世界變喇！毛爸讚我乖...呢樣係冇可能嘅事...可能毛爸真係有問題...

中秋節快樂呀！

2015年9月26日(星期六)

毛毛祝各位長輩、姨姨、叔叔、哥哥、姐姐、妹妹同各位朋友仔...開開心心、勁玩勁食...中秋節快樂！

每年呢個節日...中秋節係一個勁高興嘅日子，今年更加開心，我毛媽花咗一晚時間做咗好多愛心手工月餅俾我過中秋節，多謝毛媽。

毛毛：各位老友狗狗...中秋節快樂...

毛毛：我媽咪做嘅愛心手工月餅，除咗好多愛心之外仲超好味...要勁讚媽咪。

一年容易⋯又中秋

2015年9月26日（星期六）

時間轉眼已經嚟到秋季，傳統呢個時候係收成嘅季節，大家係唔係大收穫呢？

毛家祝各位：人月兩團圓、中秋節快樂⋯。

毛家：祝大家中秋節勁樂呀！

我內心的無奈

2015年9月19日（星期六）

呢幾個月工作雖然唔係十分緊張⋯但非常密集，加上跑步、單車…操練令我心身勞累。

好多習慣因為體力問題⋯例如每日寫日誌改變成三日一編、減少帶毛毛出去玩⋯出現變動。

今日開始放假去臺灣旅行，今朝帶毛毛出去玩，毛毛非常興奮開心，毛毛小朋友從來都冇投訴⋯點解好耐先有得出去玩，有時候自己為健康花多啲時間休息而忽略日常生活流程⋯內心充滿無奈。

毛爸：毛毛散步完就玩執波波

毛爸：今朝毛毛零舍生猛...

毛毛發惡夢

2015年9月15日（星期二）

噚晚凌晨三點⋯俾毛毛柔弱嘅狐叫聲嘈醒，我起床睇下毛毛⋯發覺佢瞓到好淋⋯但動作古怪⋯雙腳登直好似揪筋咁，冇幾耐就醒咗⋯跟住嗰 20分鐘毛毛不斷R地下不斷轉身⋯唔肯瞓。

我估毛毛發惡夢唔敢瞓⋯最終要我陪先乖乖瞓著。

毛爸：毛毛小朋友要攬實佢先安靜咁覺覺豬...

Coffee令人感動的行為

2015年9月12日（星期六）

前日⋯去阿妹屋企幫手安裝部電視機，一入屋Coffee就吠我，一直到⋯阿妹全家外出，Coffee就要安靜落來，走上梳化趴喺度，同佢玩佢冇反應，抱佢就咬我。

Coffee趴喺度嘅姿勢保持咗兩個幾小時，我細心觀察先發覺原來Coffee一直望著大門⋯等媽咪返屋企，Coffee好忠心⋯感動。

毛爸：Coffee望住大門口，一直都背住我...用零食同玩具都引唔起佢注意...忠心。

挑戰61層樓1299級樓梯級「澳門旅遊塔」

2015年9月13日（星期日）

今日係樂施競跑旅遊塔嘅日子，興奮嘅心情由一早起床（5：50）就開始燃燒。

大會安排所有參加嘅跑手9：30登記及領取號碼牌，而跑全塔賽事在11：45開始。賽前有健身會運動員帶領全場跑手做熱身拉筋，為挑戰做好準備。

毛爸：跑手們領取號碼牌非常快捷方便...讚。

毛爸：好多謝太太陪跑...多謝妳呀！

毛爸：熱身...要做到微微出汗先至叫完成咖...

我由起步點跑到20層都好輕鬆還超越兩位跑手⋯25層之後開始氣力不繼⋯反被三位跑手超越。

之後嘅36層都在大會工作人員嘅勤補水支持、鼓勵、打氣聲中完成，我挑戰成功多得太太陪跑，十分感謝所有大會工作人員⋯感激。

毛爸：太太非常利害...30分鐘內跑完全塔...勁讚。

毛爸：順利跑完全程...感激大會工作人員為我打氣...

毛爸：16分19秒呢個成績對支持我嘅阿妹、老闆同一班手足有個交代。

多謝你哋金錢同精神上嘅支持....勁多謝你哋。

令人憂心嘅毛毛...刺穿手術嘅報告：普通瘡瘡

2015年9月4日（星期五）

下晝⋯毛媽帶毛毛去見醫生，聽毛媽講毛毛去到診所⋯已經表現緊張，入到診症窒見到醫生毛毛驚到要毛媽抱抱。

醫生細心觀察檢查⋯決定用 "刺穿＂小手術喺患處取出組織化驗，結果⋯只係血水，醫生話只係普通嘅瘡瘡，只要食一星期藥就會好番⋯既然冇事真係放下心頭大石。

毛爸：毛毛見到醫生就好驚青，護士姑娘讚毛毛乖，仲讚毛毛有條好得意心形脷...

場面即時輕鬆番...

令人憂心嘅毛毛...硬塊消退

2015年9月4日（星期五）

毛毛大脾上嘅硬塊經過幾日搽藥治療⋯情況好轉⋯硬塊亦慢慢消退，對上肚仔嗰粒經驗傷口會結焦然後完全康復，但大脾呢粒雖然轉好⋯患處仲有紅脹令家人憂心，觀察傷口周圍感覺上有不良嘅變化⋯擔心，今日約咗時間帶毛毛去見醫生⋯希望結果係小問題啦⋯

毛爸：搽藥幾日...傷口都仲紅腫...擔心...

毛毛：毛爸，你打電話俾邊個？

毛爸：打去診所約時間...捉你見醫生....

毛毛：大劑....

我參加...2015樂施競跑旅遊塔

2015年9月3日（星期四）

樂施會競跑澳門旅遊塔扶貧慈善活動於9月13日（星期日）舉行，口號係＂挑戰頂峰 夥伴起歩為扶貧＂參加者由地面廣場起步跑樓梯，登上61樓觀光廊做終點，全程1298級樓梯45分鐘內完成。

上年因為腳傷只有捐錢贊助朋友參加，今年除咗自己親自上陣之外連太太都一齊參加⋯成班手足都捐錢贊助我，由其係老闆全家除咗捐錢贊助我報名費之外仲有上陣嘅全部裝備，十分感謝大家⋯令我十分感動，我會不負大家對我嘅期望努力跑完全程⋯多謝大家。

毛爸：有人講....要跑1298級樓梯...限時45分鐘內對我哋啲老野...難度幾高喎....