毛毛心聲...萬聖節⋯祝各位朋友仔有個暖暖嘅節日

2015年年10月31日（星期六）

聽人講⋯萬聖節期間⋯係妖魔鬼怪最接近人間仲四出周圍嚇人嘅時候⋯由其係夜晚，到時各位朋友仔最緊要記住痴實爸爸媽媽⋯過一個安全又溫暖嘅萬聖節。

祝各位萬聖節個難忘愉快嘅假期。

毛毛：祝各位有個特別嘅萬聖節...

毛毛：嘩～嘩嘩嘩～快啲攞晒啲零食俾我.....

十月之星飯局2015

2015年10月24日（星期六）

每年嘅十月⋯都係非常熱鬧同忙碌嘅月份，除咗自己生日之外⋯仲有一班兄弟同死黨都係十月份生日，所以有「十月之星飯局」敘會。

後生嗰陣十月係追求刺激同追求飲飲食食嘅月份，因為好多朋友、兄弟、同事會輪流為我安排慶祝生日同飯局。

到自己年紀大咗思維都有啲改變⋯只係追求同家人、死黨簡單咁食餐便飯就滿足，每年「十月之星飯局」係我非常期待嘅敍會。

祝福十月份生日嘅十月之星...生日快樂、身體健康、事事順心....

鳴謝：太太團為我哋班十月之星安排開心又豐富嘅飯局...

坐正正喺度

2015年10月23日星期五）

狗狗係聰明嘅動物，有時候你會估計唔到狗狗係絕頂聰明，每逢星期一、二、五朝早毛毛都會好乖坐正喺廚房門口等，其他日子就唔會，我從來都冇留意到。

今朝我終於明白⋯每逢早餐食麵包炒蛋嗰日毛毛就會坐到正一正喺度等，我未開始準備毛毛已經坐定定等⋯佢點知我煮蛋同麵包？神奇...

毛爸：好難去理解狗狗係幾咁聰明...

重陽節登高

2015年10月21日（星期三） 5：45 天未光 微涼風 26度

傳統「重陽節」係一家人行山登高祭祖嘅日子，原本計劃今朝出去行山登，可惜太太作感冒而取消行程⋯改自己單獨一早出去踩單車代之。

今早街上好熱鬧⋯好多人⋯一家大小⋯咁早好少見。

毛爸：月亮交更太陽接班....呢個風景最令人感動...

毛爸：踩單車經過神秘嘅建築物入口...

黑沙水厙家樂徑

2015年10月18日（星期日）

唔知幾時開始太太話⋯佢愛上行山活動，所以近期開始每逢放假都計劃去行山，今朝嘅目的地係氹仔「黑沙水厙家樂徑」行程大約一小時。

黑沙水厙家樂徑...入口指示唔多清色....

水厙風景好靚....

山路平坦....

路面有好多小石粒...最好選著深坑花紋嘅越野鞋...

呢段路好多石級...有少少危險...

毛毛喺大廳便便

2015年10月18日（星期日）

兩日前放工返到屋企⋯毛毛比平日更開心咁歡迎我（異常興奮，我估佢三急，仲係好急），又不斷咁要我抱抱，又不斷喺大㕔巡邏⋯當我換好衫出廳嘅時候⋯就發覺毛毛喺㕔幾度地方便便咗，咁嘅情況除咗毛毛BB嗰陣之後未發生過。

過去嘅兩日我好遲先放工 19：20（平日呢個時間係食晚飯），毛毛食餐之後先返到屋企⋯⋯

毛爸：平日16:30 ～17:30會帶毛毛落街散步...尿尿同便便。

呢兩日過晒鐘落街，難怪毛毛佢喺大廳度...

毛毛：喺大街度便便...舒暢無比...正

愛的實習生

2015年10月12日（星期一）

有人話狗狗係小天使，係天上派落人間嘅愛的實習生，派到你家⋯佢會盡全力愛你同守護你嘅心靈，呢樣係幸運同幸福嘅事。

但狗狗始終有日會實習期滿而離開，呢樣係我哋最難過最難面對嘅事，我哋或者咁睇⋯佢返上天畢業走向另一個世界從新開始⋯我哋應該鄧佢高興。

如果你屋企都有狗狗天使請你珍惜⋯唔好錯過幸福的愛。

毛爸：我家嘅實習生...百厭星毛毛

生日祝福

2015年10月12日（星期一）

呢幾日收到好多親友、朋友、老友傳來嘅生日祝福令我非常感動，雖然每個信息我都一一回覆，但工作關係非第一時間回覆，請原諒。

喺我人生中有你哋陪伴係我嘅福氣，十分感謝大家嘅生日祝福，多謝大家，祝福大家身體健康、愉快幸福。

濛濛細雨，打亂行程

2015年10月11日（星期日）

凌晨…準備出門踩單車，天就落起毛毛雨。

睇嚟…百厭星毛毛亦都冇得出去玩，原本今日放假計劃全家出去行山晨運。

今朝只有帶毛毛喺附近散步…雖然毛毛好開心唔介意…但浪費咗一個假期…實在可惜。

毛爸：毛毛今朝落雨濕濕...要留喺屋企玩唔出街喇...

毛爸：毛毛小朋友...好意滿足...

高雄⋯佛光山

2015年10月11日（星期日）

2015年9月20日（星期日）今日太太照原定計劃包車到景點旅遊，第一站佛光山，整個建築群占地好廣要到大雄寶殿參觀要行好多斜路同石級先到逹，大殿內供奉三專大佛象非常壯觀，而原途經過嘅周圍都有好多佛像，環境靈淨清憂令人心境平和安靜，呢個地方被佛教眾視為聖地。

大雄寶殿前廣場

壯觀嘅大雄寶殿

大佛城

許願池

觀音放生池

靈山勝境

朝山會館

後山

佛光山導覧圖...............待續

颱風「彩虹」

2015年10月5日（星期一）

星期日…大風大雨，原本打算帶家人出去行山晨運，實情…星期五晚己經擔心週末週日打風，所以星期六朝早帶毛毛出去玩。

星期日下午約咗時間帶毛毛去診所見醫生打年度防疫針…好彩嗰段時間停風停雨…行運。

毛爸：醒目嘅毛毛自己坐前座就會貼實座位，平日會有毛媽抱住好安全...

單車日誌...國慶日踩單車

2015年10月3日（星期六）

2015年10月1日（星期四）17：00 陽光燦爛 微風 29度。近期身體狀況唔太好，但比賽迫近⋯所以一直保持操練，今日踩單車發生了一個嚴重問題⋯右手腕至各手指不知不覺發麻失去控制能力（冬天有發生過，當時溫度好低，但未麻到失控），控制唔剎車及變速系統，剎那間令我驚怕及不知所措⋯唯有停車休息，過後回復正常。

毛爸：手麻痺發生得咁突然...實情係好危險...要揾醫生做個長細檢查...

毛毛給雷電交加嚇倒了…

2013年10月3日（星期六）

國慶晚上…突然落起大雨，而且仲強閃電勁雷響。毛毛急急腳走返入睡房…瞓埋牆角，毛媽去了解情況…毛毛就狐吠回敬，到我去抱毛毛…突然雷響，好大聲…毛毛失控發狂咬我…仲全身發震，最後我抱毛毛入籠…情況慢慢好轉…可憐嘅毛毛小朋友俾打雷嚇嚫…

毛毛：細膽嘅百厭星毛毛...