毛毛接受「忍食30秒」挑戰...失敗了

2014年8月31日（星期日）

 

 

上星期三⋯好朋友Christy Liu向毛毛下戰書「忍食30秒」，毛毛接受挑戰了。

經過十幾次嘅嘗試⋯結果⋯最耐時間嗰兩次係 29 秒，最快時間 5 秒，最後都要承認接受挑戰失敗。

毛媽狂鬧毛毛「為食豬」，但毛毛就反而好開心⋯仲想繼續試...

 

毛爸：毛毛呢個為食豬...鬥快食就最叻...

 

毛毛：乜唔係要快啲食晒咩？

 

 

毛爸：特登過香港找數咖 (其實係順便啫)...

 

 

毛毛：毛爸、毛媽我會繼續練習咖...我會努力咖...

 

毛爸：嘩～毛仔好有理由蠱惑喎...為食毛...激死。

單車日誌…好日

2014年8月30日（星期六）5：45 少陽光 大風 27度

 

 

長輩話「立秋」後天氣會轉變⋯乾爽⋯涼快。

唔知係唔係時代轉變咗連天氣都轉變埋，就算快到「中秋」天氣都勁熱又落雨⋯好反常（睇嚟都係我哋呢一代破壞環境氣候做成，連個天都頂唔順要投降）。

今朝個天好早就有度好靚嘅紅色陽光普照，令人心情極好加上有風清涼⋯係踩單車嘅「好日」。

 

毛毛：咁靚嘅大自然...我哋應該珍惜...要做番啲野...

 

毛爸：太陽先生唔發威嗰陣...永遠都係咁靚...

開⋯床

2014年8月30日（星期六）

 

 

以往入夜毛媽就會鋪定床（大咕臣）俾毛毛瞓⋯毛毛就等大家瞓先入房，其間一直陪住毛媽。

近日親子時間完咗之後毛毛就返入房攤喺我哋床尾等⋯奇怪⋯呢排都係咁，噚日⋯我終於明白點解，原來毛毛係等我哋幫佢鋪床，當我鋪好床毛毛就斯斯然走上咕臣擺好姿勢覺覺豬仲好快瞓着⋯啲鼻韓大聲到好似行雷咁，毛毛真係講究同時好有個性。

 

毛毛：嗰個毛爸仲唔入嚟開床咖...吞卜？

 

毛毛：阿四（毛爸）咁耐咖，好眼瞓呀！爽啲手啦...

 

毛爸：毛仔，你都好有性格喎...忍你。

令人憂心嘅毛毛…有所發現

2014年8月27日（星期三）

 

 

呢排晚飯後親子時間⋯毛媽將毛毛全身作地氈式搜尋，「蚤」已經不見蹤跡⋯但發現另一個棘手嘅問題出現，喺毛毛條尾尖發現「腫瘤」⋯令家人更震驚。

即時約時間（啱啱嘅星期日傍晚六點）見主診吳醫生，經醫生診斷⋯証實係毛毛曾經患過嘅「腫瘤」但現時所生嘅位置冇急切性做手術切除。

但以家長嘅心態生喺毛毛身上無論大、細、位置邊度嘅「腫瘤」⋯都對毛毛靠成危機，或者好快毛毛小朋友又一次要面對辛苦嘅治療⋯實在令家人痛心⋯好無助同無奈。

 

毛毛：毛爸、毛媽，唔使擔心我喎...我唔驚咖！

 

毛爸、毛媽：係喇，知你叻...知你勇敢...

 

毛爸：雖然位置咁高難度...喺尾尖...都令家人十分擔心...

單車日誌…小心中暑

2014年8月26日（星期二）16：00 陽光猛烈 微風 32度

 

 

自從放棄長跑訓練同跑「馬拉松」之後就開始計劃進軍踩單車呢種運動，宗旨係⋯輕輕鬆鬆咁享受踩單車樂趣，目標係臺灣環島遊。

我一直都有踩單車嘅習慣⋯但踩車時段多數都喺凌晨或者傍晚...

啱啱嘅星期日我就嘗試下晝 16：00～18：00嗰段時間踩單，感覺⋯陽光非常刺眼、氣溫非常高、連風都非常熱、體力消耗得非常快⋯雖然輕鬆踩20公里但非常吃力，結論係「好容易中暑」⋯

毛爸：俾太陽曬到濕透...1 小時 20 公里 700CC 水(如果係踩單車臺灣環島其中係要喺烈日下踩)

 

毛爸：天空藍到...幾乎冇雲..

 

毛爸：以前不毛之地...而家非常煩忙...

 

 

容易滿足嘅毛毛小朋友

2014年8月25日（星期一）

 

 

過去嘅星期日⋯一早帶咗毛毛去海邊散步，往年夏天都會帶毛毛去游水（毛毛鍾意玩水），而家已經入秋又搵唔地方俾毛毛游水，以前去開游水嘅舖頭全部都結業。

其實我可以帶毛毛去海灘游水⋯但因為毛毛健康關係毛媽有意見，由於咁⋯當毛毛沖涼當日我都會帶毛毛去海邊玩⋯滿足下佢。

 

毛毛：好耐冇嚟過喇...好靚呀...

 

毛毛：陪著你...走...走到...這世界邊端...

 

毛毛：今日好大浪呀...

長跑準備...跑向黑夜

2014年8月23日（星期六）

 

最近太太愛上做運動⋯減肥？興趣？熱潮？唔係好明佢為咗乜野目的...

八月又係開始備戰年終「國際馬拉松」大賽嘅時候⋯我建議太太同我一齊參加「迷你馬拉松」賽( 4.2K)，今晚我哋就去氹仔單車徑試行4.45公里嘅拒離，今次我哋急行只係用咗47分鐘，成績十分理想。

 

毛爸 : 急行前做足熱身準備...對於太太第一次長程急行我唔敢大意...

 

毛爸：黑夜...有一種講唔出嘅吸引力...能激發身體內在能量...

 

 

毛爸：黑夜亦都令人放下日常煩擾嘅事...輕輕鬆鬆跑一跑...

 

毛爸：有妳陪伴我的長跑路不再孤獨...多謝...

原本嘅Coffee乖女

2014年8月21日（星期四）

 

 

今朝去探Coffee⋯一㩒門鐘就聽到Coffee急急腳嚟應門仲猛R度大門，過咗一陣就好明顯聽到Coffee走番入大廳狂吠（好心急走去叫工人開門）。

今朝Coffee超乖⋯除咗我入門口吠咗兩聲之後就坐低，我行埋佢度嗰陣就瞓喺度等我抱佢，之後⋯就跳上梳化好乖咁等我幫佢梳洗，跟住同佢玩咗一陣我就返工⋯

Coffee今日表現令我對佢另眼相看，佢冇狐叫擴議、冇咬人、聽指令、開心⋯Coffee咁出色嘅表現⋯梗係一定要獎勵啦⋯

 

毛爸：COFFEE係一等一嘅乖女...

滿懷心事嘅毛毛

2014年8月21日（星期四）

 

 

呢排因為太忙少咗帶毛毛出去玩⋯毛毛呢排越來越沉默，由其係落雨，毛毛噚晚行完停車場後一啲都唔開心。

毛毛今朝就完全唔同晒⋯開心到震，仲扭計要落街散步⋯睇嚟雨天會令毛毛情緒低落⋯全日都冇心機。

 

 

毛毛：日日行停車場...慘...

 

 

 

毛爸：毛毛一有街去就即時開心番...小朋友好單純咁活在當下...

地獄（開工）見闐...雨先生

2014年8月21日（星期四）

 

 

由於工程要交場剎科⋯好多濕碎工作要跟進，呢兩日又一直落雨⋯工作進度又受影響。今季每單工程非常吃力⋯無論好天、雨天開工都令人全身濕透。

噚日⋯雨先生十分無情⋯全日都不停落雨，全因時間緊迫⋯唯有雨中工作，天氣變壞⋯太熱、太濕、太冷⋯而你又需要奮力工作⋯你身體就會向你反影「非常辛苦」…

 

毛爸：我哋嘅工作會接觸到電箱...雨中工作有一定嘅難度...

 

毛爸：雨生先發難...雨勢太大...唯有停一停、等一等...

毛毛心聲…雨⋯仲要落到幾時呀？

2014年8月20日（星期三）

 

 

由噚日（下午）瞓醒開始外面就一直落大雨，到今早我起身都仲落緊雨⋯開心緊屋企對開行人天橋下面開咗條臨時班馬線可以去對面公園散步，只係行咗幾日，但⋯呢兩日又遇落雨，睇嚟今朝又要行停車場喇⋯

 

毛毛：毛爸，今朝係唔係行停車場呀？唔去得唔得呀？

 

毛爸：係呀...小朋友唔可以咁扭計咖...乖啦...

 

毛毛：慘........

當佢明白你係可靠嘅人

2014年8月19日（星期二）

 

 

由上星期五開始每日都會上阿妹屋企睇Coffee（同佢玩一陣順便幫佢梳洗），一直到今日Coffee對我嘅態度有所改變⋯由狂吠、咬、避開到而家自動親近我，其實Coffee本身係好聰明好乖⋯只係俾阿妹過份縱壞。

今朝我㯲門鐘⋯屋內好安靜當工人開門嗰陣Coffee只係吠咗兩聲（開心嗰種表現）⋯之後主動跟實我⋯

 

毛爸：呢張唔清嘅相好有代表性...COFFEE好聽我話坐定定俾我幫佢清潔眼仔、梳毛...

 

咁乖...係唔係要用零食獎勵呢？

不滿情緒嘅產生

2014年8月9日（星期六）

 

 

自從屋企附近天橋、左邊、前面、右邊⋯圍上鐡馬維修道路，屋企人就產生不滿情緒⋯呢種壞情緒仲越來越高漲。

原因係要去公園散步好唔方便，附近地盤狗、野狗全天候不分任何時間空群出洞，毛毛一見地盤狗就會發癲咁狂吠⋯引起群狗走嚟圍攻毛毛，咁嘅情況會令毛媽毛毛面對想唔到嘅危險，帶毛毛出街散步係一個大難題...

近日經常帶毛毛散步行行停車場就了事⋯壞情緒就不知不覺咁產生，我係有必要花多少時間帶毛媽毛毛出去兜兜風吹散啲悶氣⋯

 

毛爸：啲鐵欄杆欄到出馬路中心...人車爭路由其係巴士埋站...

 

毛毛：我哋過唔到對面呀！

 

毛毛：晚晚都係行停車場...好黑好靜好得人驚呀！

 

毛爸：毛仔，等我放假帶你出去玩到夠...好唔好？

 

毛毛：毛爸，乜你有假放咩？你唔好吹水喇...

 

毛爸：唉～無奈...

建立「信任」係需要啲耐心

2014年8月19日（星期二）

 

 

喺寵物世界「信任」係一種非常重要嘅行為關係。

Coffee對陌生人極度仇視（連我都唔例外），其中原因係俾屋企人寵壞、好少同陌生人接觸、Coffee好細膽、經常受到驚嚇（時常俾上嚟屋企食飯班朋友嚇佢），對外來人豪無好感及信任。

Coffee一直都當我係陌生人，我要同佢建立「信任」關係就要多啲耐性⋯

 

COFFEE：你唔好埋嚟呀...我＂趙＂你咖...

 

毛爸：COFFEE喺陌生環境好驚青...成身震晒...

Coffee變乖咗？

2014年8月17日（星期日）

 

 

今早七點幾去接coffee⋯因為工人放假，上到屋企coffee冇吠過⋯好乖。

返到我屋企情況都好特別，毛毛都冇吠⋯雖然冇專登歡迎coffee大家表現冷靜仲當對方係透明。

聽阿妹講coffee有時候食餐好唔正經，唔鍾意食餅乾，但今朝食「雞餐」就好乖⋯全部食晒之外連肉湯都差不多飲晒...

coffee仲有樣最令我哋驚訝嘅行為⋯斯斯文文咁行入睡房走入毛毛個籠度便便⋯真係俾佢激死同笑死⋯

 

毛爸：COFFEE食「雞餐」食得好開心...

 

COFFEE：嘩～住家菜同靚狗兜呀...

 

毛爸：COFFEE好乖好有耐性咁等食餐...

 

單車日誌…妥協

2014年8月17日（星期日）6：00 陽光普照 大風 29度

 

 

經過一段長時間密雜工作⋯精神同體力出現極度勞累，唔知乜野因數喚醒體內嘅運動細胞凌晨四點就醒，今日會好忙碌⋯要去接Coffee、毛毛沖涼、準備兩個小朋友嘅餐飲、仲要做司機載太太周圍辦貨。

左計右計只剩一小時俾我出去踩單車，已經唔記得幾時開始自己將大部分時間放晒落家人身上⋯想堅持自己嘅興趣就要作出好多妥協。

 

毛爸：今日清晨踩單車雖然好趕時間...但心情輕鬆...

 

毛爸：爽呀～

 

毛爸：太陽先生...星期日都唔休息...

Coffee嗰種令人傷感嘅眼神

2014年8月17日（星期日）

 

 

噚日早臨返工前去探coffee，一㩒門鐘coffee就狂吠（可能佢以為媽咪返）⋯見我入門口吠得仲勁，我上前抱住佢嗰陣⋯佢發惡咬我（流晒血），不過coffee好快就冷靜落嚟。

到我放工再上去睇coffee嗰陣情況完全唔同，佢冇再吠我仲主動走嚟我身邊⋯到我走嘅時候coffee用好失落悲傷嘅眼神望實我走⋯嗰種眼光非常可怕⋯

 

COFFEE：舅父你唔好走啦...

 

毛爸：小朋友非常失落...可憐...

擊弦揚琴音樂會

2014年8月13日（星期三）

 

 

今日欣賞咗一場精彩嘅揚琴表演，我仲參與其中（做搬琴義工）。

今次出席表演嘅樂手全部都係林海結老師嘅高足，全數有十幾人其中有我外娚女銅銅、世姪女穎姿⋯佢哋演出咗一場高水準又精彩嘅音樂會。

音樂會20：00先開始但天宮不做美全日一直都落雨，雖然係咁但觀眾都十分勇躍（坐滿八成座位），係一場非常成功嘅音樂會...

 

 

毛爸：今日強勁嘅陣容...

 

毛爸：四位咁靚嘅公主...穎姿、銅銅、婉儀、嘉敏，佢哋位位都獨當一面，得獎無數。

 

其中銅銅喺今年澳門青年音樂比賽揚琴初級組亞軍...

 

穎姿仲係音樂水平第五級專業等級...

 

 

毛爸：佢哋成功嘅要訣係...有位好老師同不斷咁練習...

 

真係要想信呢句名言「幸運不會持久，努力不會白費」

 

毛毛失禁呀！

2014年8月12日（星期一）

 

 

話說今朝我瞓過龍⋯到六點半先起身，唔知點解今早毛毛表現特別生猛，喺洗手間擔咗紙巾通屋跑，最尾擔住紙巾喺咕臣度玩⋯玩玩下就靜哂（好似定咗格咁），毛毛喺咕臣度籟尿（當時我哋唔知毛毛尿尿緊），由於我哋用零食獎勵指令毛毛座上梳化將紙巾交出⋯想像唔到嘅事就發生，原來毛毛未尿尿完⋯一邊行一邊尿尿⋯地下、梳化、按摩椅⋯全部都係尿。

 

毛爸：咁嘅情況狗狗感覺自己做錯事會好驚...家長反應態度非常關健...

 

毛爸：有啲家長會怪責狗狗或者罰狗狗...

 

毛爸：正確方法係低調處理...唔知你哋又係唔係呢？

毛毛對餐後強行抹咀極度不滿

2014年8月11日（星期一）

 

 

毛毛由BB開始非常討厭家長強迫佢餐後清潔咀仔，毛毛細個嗰陣一捉佢去抹咀只會「狐叫」抗議，到大啲⋯由「抗議」進升到「咬人」，兩位前度工人都因為咁俾毛毛咬過，除非毛毛自願⋯

而每次餐後毛毛會好乖咁自動去洗手間等清潔咀仔（當然有零食獎勵啦），最近毛毛呢種行為由「自動」轉變為「要人氹」⋯就算係我或者係毛媽都照咬。

實情...以毛毛咁乖...有啲咁嘅行為反應...會唔會係童年陰影？抱佢嘅方法令佢唔舒服？或者...其他原因？....

 

毛毛：食完睡一睡好過做元帥...嗱～冇搞我呀...我𡁻你咖...老豆都冇面俾.咖...

毛毛心聲…驚喜

2014年8月10日（星期日）

 

 

星期日早⋯毛爸要返工媽咪仲覺覺豬緊，今朝都冇機會出去玩⋯又要等一個星期。

但今朝毛爸一早就踩完單車返嚟仲好趕咁帶我出去玩⋯噢～勁開心，有小小可惜係媽咪唔肯起床同我哋去⋯媽咪留喺屋企做「爛瞓豬」。

 

毛毛：毛爸，快啲啦...

 

毛毛：哈哈哈～有得出嚟玩啦...

 

毛爸：毛毛小朋友今朝開心到癲...

單車日誌...出奇地清涼

2014年8月10日（星期日）6：00 陽光普照 大風 27度

 

 

一段熟悉嘅路，一個普通嘅清晨⋯身心疲累⋯雖然只係踩咗十幾公里（40分鐘）但騎得過引。

前幾日聽電視台主持人講「立秋」之後就會轉涼，今早有強風，陽光猛烈，但出奇地清涼⋯陽光、清風、涼爽⋯係踩單車最佳天氣，可惜我狀態欠佳體力不繼⋯

 

毛爸：「孤獨」有時令人頭腦冷靜作出明智決擇，我鍾意毛毛陪我嘅感覺...

 

毛毛：毛爸，早啲返嚟帶我出去玩呀！唔該。

 

毛爸：今早有運睇見彩虹...

 

毛爸：秋天靜雞雞咁降臨...樹葉都開始變紅了...

好大壓力嘅「星期日」

2014年8月9日（星期六）

 

 

過去嘅幾個星期日都冇帶家人出去玩⋯呢排屋企就充滿不滿嘅情緒⋯因為明天就係星期日，家人都期待緊⋯我係唔係要返工或者我帶佢哋出去玩。

心中都好明白家人同小朋友嘅感受，我好難令家人相信我工作嘅重要性⋯家人更加唔接受我嘅解釋。

實情手上嘅工程要8月10日完工，但因為受到天氣唔穩定經常落雨行雷⋯進度受到好大影響，相信來緊嘅十幾日都要全力趕工。

開工、放假都成為我精神上一大壓力⋯慘

 

毛毛：毛爸，聽日星期日...睇你喇...我唔撐你𡶐...但我都會跟大隊咖...

 

毛爸：阿仔，你「牆頭草」好醒好叻啫。

 

但你唔好忘記你用緊嘅名牌頸帶、食緊嘅名牌小食...仲有巴西牛柳、北歐三文魚...

 

美國有機雞柳、進口駝鳥肉....都係我用OT錢買咖...衰仔

愛入床下底嘅毛毛

2014年8月9日（星期六）

 

 

我張睡床係由表妹夫跟我意思制作⋯床底大約7～8寸高，毛毛由細個開始好少走入去玩，到大啲嘅毛毛更恐懼床下底，最鍾意玩嘅「執波波遊戲」當波波轆入床底⋯佢會唔敢入去執...

但呢輪毛毛鑽入床下底成指定動作⋯咁嘅轉變真係估佢唔到點解⋯

 

毛毛：等我話俾大家知啦...床下底係涼陣陣咖...

 

毛爸：毛毛每朝都係好豪放咁露兩腳瞓喺床下底...