毛爸毛媽毛毛豬: 8月 2015

2015年8月23日星期日

336日嘅外孫女祉喬

2015年8月23日(星期日)

好多人經常咁講 “時間過得真係快，件事好以昨日先發生咁” 我唔認同都唔得，下個月20號就係祉喬一歲生日。

三百幾日嘅人仔十分活潑，十分討太公、太婆歡心，一對圓圓嘅眼睛…有一種攝人嘅能力，令人憐愛。

祉喬呢個年紀開始有好強嘅認人嘅能力…除咗媽咪、太公、太婆、工人外…我呢個外公佢就當陌生人…

呢個小朋友表情多多古靈精怪...好可愛

祉喬BB嗰陣抱住佢就會握實我隻手...今日非常唔願意...因為小朋友當我係陌生人...

2015年8月19日星期三

值得讚毛毛嘅好行為…唔喺街執野食

2015年8月19日(星期三)

以前毛毛有個惡習…散步嗰陣除街執野食，當時除咗對毛毛嚴厲聲斥責之外仲用獎勵方法改善毛毛嘅行為，現今都經常留意毛毛有冇犯規。

今日我要對毛毛改觀仲要讚佢叻....

今日傍晚帶毛毛散步行經電訊大樓旁邊嘅行人路…毛毛喺某地方來回咁聞咗好耐仲坐低唔肯行，當我了解之後…先發現地面有好多麵包粒(毛毛最鍾意食，由其係毛媽出品) ，令我嚇一跳…之後我當冇事咁指令毛毛繼續行…毛毛亦聞多一聞跟我離開…

毛毛：毛爸讚我叻呀...我唔周街執野食讚我乖仔呀！

毛爸：毛毛嘅行為表現...令我感動...

2015年8月18日星期二

單車日誌...約騎

2015年8月16日(星期日) 5:30 睛天微風 28度

好耐冇同勤兄踩單車…今早約咗勤兄一齊踩車操練…實在令我興奮到瞓唔著，凌晨 4:30己經醒咗做準備，由於噚日一直都落雨…擔心路面有績水。

檢查好裝備就出車同勤兄會合…落到街…果然路面仲未乾透，濕路對單車運動係有某程度嘅危險性，前排勤兄就自炒車意外，好彩人冇乜大外只係擦損小腿（面績2寸 × 4寸，都幾傷）。

實情…喜歡踩單車嘅朋友都明白…騎上單車就要面對意想唔到嘅 “意外”

毛爸：全段路程...吹水多過操練...

毛爸：我同勤兄...興趣一致...攝影、旅行、踩單車、行山、品茶....

2015年8月16日星期日

毛毛心聲⋯ "搵金"

2015年8月15日（星期六）

呢排一到散步時間個天就開始落雨⋯咁嘅情況實在令我興奮，可惜毛爸唔俾我出去玩水散步，只係行停車場了事。

今日又係落停車場散步⋯兜咗幾圈⋯尿尿咗3次⋯便便咗2次⋯就返上屋企。當毛爸喺袋度攞鎖匙嗰陣⋯突然神色緊張仲要搭電梯落返停車場，毛爸話唔見咗包嘢要去搵，好彩喺地層電梯口搵番，最後尾先知毛爸搵嗰包嘢係我啲便便⋯嘔心。

毛毛：等電梯返落停車場搵 "金"（便便）呀！(O咀)...

毛爸：包便便俾人唔小心踩爆咗泌晒啲便便出嚟...整倒行人又唔衛生...都係你啦...屙咁多...

以前嘅家務助理（工人）每日朝早同晚上都會幫毛毛梳洗，毛毛對其中洗眼同抹咀都非常反感，經常會發皮氣咬人（連毛媽都會咬）。

當我發現之後...決定由我親自接手，去了解毛毛發火嘅原因，原來工人幫毛毛抹眼、抹咀係用乾布仲相當大力令毛毛感到唔舒服⋯因而毛毛有錯覺⋯梳洗係痛苦嘅事。

我請教醫生，醫生建議...夏天用凍生理鹽水冬天用暖水浸溫濕紙巾輕手由咁洗刷梳洗問題一定會有改善，毛毛現今對清潔梳洗唔再發惡咬人，但⋯毛毛只信任我一個⋯呢份差事非我莫屬。

毛爸：除咗我幫毛毛梳洗...毛媽同工人都話怕怕...

對準時間

2015年8月15日（星期六）

今朝毛毛遲遲都唔起床，最後⋯我入房抱抱⋯梳洗裝身⋯出街散步。

我哋晏咗出門天色仲越來越灰就嚟落雨，散步唔到10分鐘就開始落雨，毛毛亦都由瞓唔醒變成非常生猛仲搶繩咁向前走，急急腳咁行去天橋底，初初我以爲佢趕返屋企⋯原來真正原因係行去天橋附近露天嘅地方便便，我亦都儍更更咁陪毛毛屙屎淋雨。

毛爸：我都唔知點解同個百厭星毛毛一齊癲...

2015年8月13日星期四

留家嘆冷氣

2015年8月12日（星期三）

過去嘅星期日⋯全家都冇出街玩，因為太曬太熱，而天文報導最高氣溫有 36·6度⋯係單日溫度最高嘅一日。

毛媽、毛毛成日都喺屋企吹冷氣，我原本以為可以好好休息一日，但實情⋯係另一回事⋯毛毛發揮百厭貪玩嘅本色同毛媽玩追逐戰、玩擔紙巾⋯仲拉咗成筒廁紙出嚟⋯成個㕔都係紙碎⋯

毛爸：毛毛玩擔紙巾係強項...毛媽只有搏命追...

2015年8月11日星期二

單車日誌...我同太陽先生鬥早

2015年8月9日（星期日）5:45 晨光初現微風 30度

今日放假⋯我準備帶毛媽、毛毛出去玩，所以要同太陽先生鬥早⋯一早 5點幾就出去踩單車，心想早去早回⋯被開太陽。

當我出到街就發現⋯天已經光晒仲有一缐金紅色嘅陽光，踩咗幾公里之後太陽越來越曬⋯到我回程（7㸃）陽光非常猛烈，曬到地面熱連空氣都變得熱，今早同太陽先生惡鬥⋯我睇要承認自己失敗⋯

毛爸：太陽極速爬升...照熱大地....

2015年8月8日星期六

合拍寵物美容師…難求

2015年8月9日（星期日）

毛毛從BB開始剪裝、沖涼都係喺離島氹仔美容院由兩位日籍美容師跟進（我哋住離島），一直到兩位美容師離職。

之後...毛媽就好即極從新物色過同毛毛合得來嘅美容師，呢兩年帶住毛毛氹仔、澳門周圍咁試希望搵到一位有愛心同技術了得嘅美容師，結果……….

毛毛近期由一位多才多藝好有愛心嘅美容師接手，我哋對效果雖然滿意，但間寵物美容院係喺澳門本島離我家太遠…接送毛毛非常唔方便…

毛毛：做型同手工雖然重要，但我重點係要對毛毛有愛心...

毛爸：曾經有間美容院用嘅地板消毒藥水令毛毛引起敏感...腳仔紅腫發炎...

地獄(開工)見聞...熱到冇晒胃口

2015年8月9日（星期日）

呢兩日氣溫出奇高（噚日天文台報導氣溫最高有37度），地盤工地內溫度更高，同事們不停飲水不停出汗，衫褲盡濕透，有人講笑：有全身敷面膜嘅感覺。

由於飲太多水⋯到放飯時間同事們都食欲不振⋯大多數都扒兩啖飯就繼續開工...

有老友問我 Petre：氣溫成36度開工會好辛苦喎。

我好無奈咁答佢＂只會更辛苦、明天更更辛苦＂為搵食⋯頂硬上囉⋯哈哈哈（苦笑）。