2012年9月1日(星期六)
尋日旁晚帶毛毛落街散步…行行吓身傍有位帶眼鏡先生同我地平排咁行，一齊行到街口見到有三位阿Sir企正路口…其中一位講 : 先生，唔該身份証。當時我地嘅反應…四眼先生望住阿Sir(應該係唔識聽廣東話)、我就喺個袋度揾証、毛毛就狂吠阿Sir(佢以為我地打交)，原來阿Sir係 查四眼 先生個証，一場吾會…但毛毛仲不停咁吠。阿Sir笑笑口咁講 : 狗仔你好惡喎，你有冇証咖…冇証就拉你咖………..
2012年8月30日(星期四)
太太呢排埋頭苦幹計劃九月尾到泰國旅行，今次目的地係 曼谷 同 巴提雅 休息之旅。原本計劃十二月份長假期旅行散心，但呢大半年嚟實在太忙…除咗趕工程又工傷太攰太辛苦…，太太有意安排一個旅行等我停一停…有個輕鬆假期…小休息…
2012年8月29日(星期三)
毛毛由於要改善體質同健康問題…醫生建議轉食狗糧(毛少以前食自家菜咖)，轉眼已經食咗3個月。為咗加強腸胃嘅健康毛毛除咗狗糧仲要加益生菌同營養素一齊食，毛毛嘅飲食習慣都改變咗…飲多咗水、便便多咗、停咗食宵夜…但咁反而肥咗0.5Kg，狗糧廠方建議每3個月轉口味一次，等狗狗更平均咁吸收多種類嘅營養…
2012年8月28日(星期二)
唔經唔覺毛毛做咗腫瘤切除手術己經一段時間…擔心嘅事可以放低。但由於手術位置產過毛所以身上變成一撻撻，喺街行人睇見毛毛都指指點點，手術嘅位置宜家長番啲毛，係時候帶毛毛去剪裝，毛媽就頭痛緊毛毛剪乜野裝…同去邊度剪…
2012年8月26日(星期日)
呢倫由於工作超忙又工傷…搞到嗰人好攰，我完全忘記今年暑假好快就過去。以往我會喺暑假揪時間帶鉻銘、銅銅出去玩，人真係好奇怪當你上咗年紀時候…你就會後悔過去自己好少花時間陪屋企人、陪小朋友一齊成長，以前銅銅一見我就嗲我要我抱佢(有時都搞到我吃不消)，宜家倫到我一見到佢就好想抱吓佢…但銅銅已經大個女…身邊嘅一切都喺度轉變，件事又提醒我珍惜眼前…
2012年8月26日(星期日)
今朝太太一上車就咦咦哦哦講…蜜瓜、無花果、法包(諗緊西班牙火腿配乜野食)…，原來太太今日會整「下午茶」，我又有好野食啦！今次决定整 “香草炒蛋伴西班牙火腿法包”，我梗係要幫手啦…切法包、炒蛋…，太太就做最後最簡單嘅程序…放啲蛋同火腿喺法包上面…完成。
2012年8月25日(星期六)
最近毛毛喺屋企有個新朵叫 “為食豬”…因為毛毛嘅體重己經升到14磅。醫生建議毛毛最佳體重6Kg(13磅)， “肥”會對毛毛健康上帶嚟另一種壓力。手術後1個零月就重咗1磅…可能係新狗糧加縱容嘅結果，宜家毛毛零食用狗糧代替咗，取消咗K9宵夜…限制生果嘅份量同種類….
2012年8月23日(星期四)
零晨三點幾我Lam醒毛爸開房門俾我出去騎樓尿尿…唔知係唔係毛爸小器定記仇呢？零晨五點幾倫到毛爸叫醒我話帶我落街散步喎(使唔使咁早呀？毛爸，咁大整蠱？)。後尾先知…實情係毛爸要六點開工(加班喎)，媽咪又唔係好夠時間帶我出去行街街，毛爸怕媽咪太趕返工會遲到…毛爸諗得真係週到…
毛毛身上啲毛有奇怪嘅現象出現，就係每個皮膚傷口如手術、R傷、瘡瘡…當好番嗰陣就會生番啲深色毛出嚟，初初都以為咁啱啫，依家毛毛每個手術傷口都會有一撻仔深色毛真係唔知點解…但係…毛毛身上咁多傷口遲啲會唔會變成班點狗呢？ 
毛爸 : 毛毛後頸位近博頭(上次手術傷口)嗰撻深灰色係最近先發現...
2012年8月21日(星期二)
旁晚帶毛毛落街散步經過回收場…我冇留意場內有狗，但毛毛就好高警覺…扎行馬狂吠，場內有三隻唐狗標出嚟露齒咁同毛毛對吠，當時好似大打出手咁，而毛毛不甘示弱唔怕人地 “曬馬”衝前同班唐狗 “群揪”…突然間女場主大嗌 : 你哋幾隻嘢快啲返黎。嗰幾隻唐狗即刻走返入場，毛毛梗係好兇猛咁乘勝追擊…佢露齒嗰個兇樣……好可怕… 
毛毛 : 嗰三隻蛋散...濕濕碎啦...我都未驚過...
毛爸 : 毛仔你打交個樣真係好得人驚呀~你幾時變成咁咖...
毛毛 : 毛爸乜我露齒嘅樣好得人驚咩？
2012年8月21日(星期二)
呢倫身邊啲朋友見面都講「牛蜱」…但發現狗狗身有牛蜱就冇經驗處理，醫生建議用濕滿酒精嘅棉花球撻實牛蜱一陣等佢醉死…然後輕輕清走。但始終遇防係最好方法，狗狗定期滴蚤水、出去草地玩一定要噴蚤水、落完雨之後出街散步要特別留意、平時要經常幫狗狗檢查耳背手指腳指…
2012年8月20日(星期一)昨天 29度 陽光普照 徵風
藍藍的天…白白的雲，好難信係啱啱打完風，啟德呢個颱風天文台都掛八號風球喺打風同打完風都冇風冇雨，連毛毛喺打風期間都好安靜，路邊都乾淨吾同上次打風咁滿地都係垃圾，如果次次打風掛八號風球(唔使返工)又冇風冇雨(可以出去玩)就好喇….
2012年8月17日(星期五)
今朝抱起毛毛嗰陣嚤到佢膊頭有粒肉粒，我冇細心睇清楚…只係見到肉粒結咗焦。旁晚毛媽幫毛毛檢查嗰陣…大叫…肥仔呀~嗰粒焦會旭咖，係牛蜱呀…今次麻煩喇。
2011年8月12日(星期日)
由於毛毛手術後要帶住喇叭頸圈養傷…又唔可以做強烈運動，冇得出街玩…好多時都表現情緒低落同冇晒心機，屋企人就非常縱容毛毛。個百厭星宜家食咗餐唔會自動自覺去洗手間等抹咀同梳毛，工人都冇晒辦法唯有就晒毛毛，有好多時走入廚房籟皮咁坐喺度 “NO”佢都唔肯走，仲經常發脾氣咬人…連毛媽都會咬…
2012年8月12日(星期日)
毛毛覆診後…話咁快過咗幾日，毛毛身上嘅傷口連結焦嘅部份都好番晒，可以唔使帶喇叭頸圈喇，毛毛成個生猛番晒，屋企人仲打算星期日安排帶毛毛出街玩同冲凉…
2012年8月11日(星期六)
落雨喇！諗返起幾日前嘅夜晚落大雨仲行雷閃電，當晚毛毛三番四次咁走嚟床邊叫醒我，但我只係叫佢返埋位瞓 (當晚個籠推咗出廳，毛毛瞓嘅地方換咗個咕臣) ，我知到每馮行雷閃電毛毛都走返入籠 ，嗰晚多數都係冇地方喱向我求救，而我就掛住瞓…真咁大意…受驚嘅毛毛好係可憐呀…
2012年8月9日(星期四)
前日開始太太有幾聲咳…直到今朝情況轉壞感冒、發燒了，不能上班。為咗 解决 太太食嘅問題…今朝一早起身煲粥，準備兩份咸瘦肉一份淆湯一份蒸，肉湯用嚟煲粥蒸肉切成肉丁用嚟送粥，大熱天時感冒係特別辛苦…祝太太快啲康服…
2012年8月8日(星期三)
前日毛爸帶咗我去見醫生…醫生祥細檢查後拆線，醫生講 : 毛毛啲傷口全部都結焦埋口冇問題咖喇，仲同毛爸傾咗一陣…毛爸好開心猛咁點頭，但返到屋企都仲要帶番個喇叭頸圈…乜…唔係話唔使帶喇咩…
2012年8月5日(星期日)
時間好快咁過咗十日…聽日下晝要帶毛毛去診所折線同覆診，照宜家嘅情況嚟睇毛毛傷口服原進度算係滿意，唯一係條尾嗰個傷口未完全好番晒，要覆診見醫生同聽專業建議，希望又係一個好消息啦…………..
2012年8月4日(星期六) 7 :30 陰天 30度 微風
今早踩單車經過…位於氹仔西提馬路野生自然保護區旁邊嘅蓮花單車徑，車道由銀河渡假村側邊(車道入口)至蓮花橋，全長大約一千三佰公尺(雙行線)，緣途一大片濕地非常翠綠仲經常會見到好多雀鳥飛嚟飛去…令人心情平靜舒服，但好可惜…現在蓮花橋嗰一段正進行緊道路工程，所以車道只係去到迴旋處，由於地方比較偏遠成段路都冷冷清清…
2012年8月3日(星期五)
自從毛毛做咗第二次以來…對屋企人嚟講產生最多負面情緒嘅一段時間，今次手術割出嚟嘅肉粒己經送咗去化驗…等緊出報告、毛毛帶咗喇叭頸圈後…情緒低落，令全家人都好緊張。前日收到診所嘅報告結果係…化驗樣本冇腫瘤細胞，呢個係好消息，毛毛仲要涯幾日…到時拆線唔使喇叭頸帶…一切回服正常….
2012年8月2日(星期四)
今日中午返屋企食飯…一開大門，嘩~通地都係毛…發生乜事？毛毛好似平時咁歡迎我，但好明顯條尾一邊無晒毛，條尾嘅傷口流晒血，睇清楚毛毛…喇叭頸圈、Pat Pat、耳仔都染滿血跡，我即時定一定神…抱毛毛去見醫生。結果條尾同左邊Pat Pat傷口爆左線…醫生用釘書機釘番埋個傷口…
毛爸 : 真係大劑，毛毛梗係感覺傷口又痕又痛先搞成咁...2012年8月1日(星期三)
過咗嗰星期日朝出去踩單車經過東亞運大馬路…睇到氹仔第一條興建緊嘅單車徑(第一期)馬會後面(入口)嗰段至友宜橋嗰段已經機本完工，近海嗰邊開始種大樹近馬路嗰邊開始加建鐵欄。第二期友宜橋底嗰段工程正在開緊工，應該好快會完工，單車徑嘅路面喺立青路同闊落，海邊風景平靜，友宜橋嗰段睇日落非常之靚，相信係優閑嘅好去處….
