毛毛心聲…新年喇

我聽風 水 老師講2009年係艱辛嘅一年，要好努力同唔怕辛苦先會捱得過架。

我毛毛喺呢度祝各位auntie、uncle、哥哥、姐姐同佢地啲乖狗狗喺2009年事事如意、順順利利、身體健康、新嘅一年更加幸福快樂…新年進步…

除夕日

我地奔奔波波...行到2008年嘅最後一日...開心嘅，要記住；傷心嘅，要忘記。全部都已成過去...聽日就係一個新開始...要定下一個新計劃...等自己有個目標去努力 (出盡力) ...你呢???...

黎緊嘅一年我祝各位心想事成。

玩雨水

太太唔知係唔係俾我傳染左，尋日開始咳同喉嚨痛，我好擔心…

今朝好凍仲落緊雨，同毛毛落到街先發覺地下嚴重積水。毛毛就掙扎落地，可能好奇走落啲水氹度玩，玩到啲腳仔手仔肚仔都濕晒，連便便同尿尿都唔正經，玩到唔肯返屋企。

返到屋企洗腳又搞到洗手間全部都係腳印…個百厭仔最鍾意搞搞震。

擔襪仔

毛毛呢期鐘意玩擔襪仔…因為毛媽買俾毛毛玩嘅玩具全部都俾毛毛咬爛晒，毛毛一有機會就入睡房或洗手間擔隻襪仔出黎玩。如果要捉佢，佢就圍住張飯枱兜圈同捐凳底。

毛毛身手靈活敏捷，左穿右插…我就追到氣咳，毛媽見到就笑到合唔埋個咀…哈哈哈…

咦...對腳係邊個嘅呢？

 

哦...原來係曳曳豬毛毛嘅...

睇風水

今朝瞓到好晏先起身，仲係唔舒服（唔知係唔係年紀大左，身體就唔聽話）。

今日返到公司都係不停咁咳，班同事同我講：Peter公司啲柯打我地搞得掂…你返屋企休息吓啦。好多謝班同事咁關心我… “好多謝你地呀”…

返到屋企咁啱遇到風 水 老師黎睇風水，原來太太特登請番黎同屋企改吓運…等大家順順利利，健健康康，開開心心…

要請假

前幾日可能喺公司做野時候唔小心攝親又開始咳番，一直係咁咳夜晚唔知點瞓喇。一定又俾太太閙：肥仔你梗係又唔戒口食埋啲辣野，又飲凍野又飲冰水…點會好架…

咁…嗰晚就咳到天光（嘈到太太同毛毛冇覺好瞓），太太就“則…則…”聲，連毛毛都“un…un…”聲。

到第二朝成身啲骨都好似斷晒咁，喉嚨好似爆炸…結果要請假去見李醫生…

---

• 留言者: 毛爸毛媽毛毛豬
• Email: peterchee1012@yahoo.com.hk
• 網址:
• 日期: 2008-12-30 15:24:00

有心喇! 毛爸逐漸康復中, 希望唔好再番發. 不過宜家輪到毛媽開始唔舒服 .
by mo媽

---

• 留言者: 圓咕碌
• Email: bottle312@yahoo.com.hk
• 網址:
• 日期: 2008-12-29 16:49:00

毛爸請保重身體呢 ~!!

毛毛心聲…拆禮物

聖誕節之後最開心嘅日子，今日有毛爸同毛媽陪我，拆禮物喇…

我收到好多禮物呀…毛爸送左零食俾我，毛媽就送骨骨玩具，仲有美姐送真皮頸帶俾我做禮物…仲有…

好多謝你地咁錫我毛毛…多多多謝謝謝…

毛毛：嘩...好多禮物啊...

 

毛毛：好心急啊...唔好掛住影相啦...拆得未呀？

 

毛毛：好嘢！拆哂喇...有3份禮物係我架...yeah...

---

• 留言者: 圓咕碌
• Email: bottle312@yahoo.com.hk
• 網址:
• 日期: 2008-12-29 16:48:00

毛毛咁多聖誕禮物一定好開心呢 ~!! 祝毛爸早日康復呢 ~!!

聖誕2008

今個聖誕節毛媽放成個星期假陪我同毛毛，毛毛一定好開心因為可以喺屋企自由行，自己就唔爭氣病左…

無論點樣，能夠同家人一齊過聖誕係好幸福嘅事…我祝各位有個 “幸福快樂嘅聖誕”…

---

• 留言者: 圓咕碌
• Email: bottle312@yahoo.com.hk
• 網址:
• 日期: 2008-12-29 16:46:00

Merry Christmas ~!!

毛毛心聲…平安夜

普天同慶嘅聖誕節又到喇…今日平安夜，我毛毛喺呢度祝各位uncle、auntie、哥哥、姐姐同佢地心愛嘅狗狗平安夜平平安安、聖誕節快快樂樂、新一年健健康康，仲有祝毛爸毛媽聖誕節快樂！

返工喇

健康都仲未完全復原，今日我選擇返工。

休息咗3日啲工作堆積如山又要搏命喇…

尋晚夜麻麻毛毛好不安咁狐叫，原來毛毛喺個籠度尿尿整濕晒件衫同肚仔啲毛。毛媽同我夾手夾腳同毛毛換左件衫、抹乾淨個身同吹乾啲毛、清潔好個籠，毛毛先肯瞓。個百厭仔仲瞓到今朝過晒鐘先起身…

請假日

氣溫急降令到我身體復原得更加慢，唯有繼續請假，全日都留喺屋企休息。

毛毛都好乖，出奇地安靜，而且識自己走上梳化覺覺豬。有時好難怪我咁縱毛毛…

探舅父

成晚都咳幾乎未停過，今日同公司請左一日假喺屋企休息。阿妹好緊張一早打電話黎，下晝會同埋銅銅、銘銘過黎探我同毛毛。

3點幾有人鍾…阿妹全家都黎晒，仲帶左啲湯丸俾我地…由銅銅黎到屋企開始毛毛就好忙…又要執波波、又要手手，左手、右手。又問毛毛識唔識咁…咁…咁…突然間屋企好熱鬧…

肥仔：銅銅宜家係黎探舅父定毛毛呀？

病假期

本來今日去打game，但因病情反覆取消。契媽、阿妹打電話黎問我身體情况。

一早要同太太去買餸準備聽日過節，下晝我同太太帶左毛毛去大草原散步影相，毛毛又跳又吠又跑，太太同毛毛兩個喺大空地跑來跑去，玩得好開心。

我最開心嘅就係見到姨甥女盈盈，我好耐冇見過佢，盈盈嗰個招牌童真笑容…令我好開心…好高興見到妳呀盈盈小朋友…

大感冒

呢兩日因感冒引起嘅咽喉、氣管發炎令到我夜晚咳得好犀利， 仲有 太太因為冇覺好瞓有意見，因為咁我自己都好內疚。朝早亦好晏先同毛毛出街散步，人多左車多左，毛毛一出門口就狂吠。

今日我臨返工就發現毛毛喺度猛咁lam隻腳仔，仲lam到成隻腳掌都濕晒，我同毛毛檢查但冇乜發現，最後同毛毛洗左隻腳仔同吹乾…毛毛睇黎都冇乜事喇…但我就遲晒大到喇…

六個月

同毛毛相處左半年，毛毛令到我地生活上、習慣上都有好大嘅轉變… 屋企熱鬧咗 (毛毛把聲好響亮) … 多咗啲玩具 (大部份都係毛毛嘅)… 早咗起身健康有改善 (其實係同毛毛出街散步) … 成朝起身踎低大肶有力咗 (個動作係同毛毛執便便) … 同太太溝通多咗 (為咗用乜方法教毛毛成日鬧交)… 阿美整狗狗餐做到出神入化 (經常要整大餐比毛毛食)...

總括黎講，屋企多左生氣同開心...今個月16號係毛毛9個月大嘅生日呀......

毛毛…生日快樂呀...!!!...

毛毛心聲…獎毛爸

咦…今朝咁晏都未見毛爸出黎嘅？唔知佢記唔記得16號係我生日呢？我都係入房叫醒毛爸同我出街散步。

毛爸今朝戇居居，啲反應又好慢，同毛毛玩執波仔毛爸都好冇心機。最衰我冇零食獎毛爸，如果有零食獎俾佢，佢一定會開心啲架。

後尾先知毛爸唔舒服，唔怪得知連我生日都唔記得啦…

大場面

前日喺愛犬同樂日，毛毛一到場就狂吠，其他狗狗就冇理毛毛，喺場入面自由活動。

喺會場我地見到碧咸醫生，醫生話佢認得毛毛，仲同我地講毛毛唔可以晒咁多太陽，因為哂得耐佢眼圈就紅晒喇。

我地又見到同毛毛剪毛嘅美容師同佢地隻駐場狗七彩貴婦狗（啲美容師話毛毛同佢似兩兄弟）。

 

現場仲有個日藉女美容師即場示範同狗狗剪毛。

毛毛玩到好開心仲收到好多零食添…

---

• 留言者: F
• Email: F
• 網址:
• 日期: 1970-01-01 08:00:00

F

愛犬同樂日2008/12/14

尋日我同毛媽、毛毛参加左AAPAM舉辦嘅愛犬同樂日。我地中午去到會場見到好多狗狗己經喺廣場走來走去，有芝娃娃、八哥、史納莎、貴婦、金毛、哥基、獵腸、約瑟爹利、北京狗、雪撬、松鼠仲有好多BB狗…一次過見晒咁多種狗真係難得。

好多狗主帶埋相機去同啲狗狗影靚相，見啲狗主人咁有愛心對啲狗狗，自己心想如果人人都咁有愛心…就唔會發生遺棄寵物嘅悲劇…希望少啲咁嘅事發生啦…

---

• 留言者: Honda
• Email: bt2226_car@yahoo.com.hk
• 網址:
• 日期: 2009-04-04 16:34:00

HI,我路過架JAR,你隻狗狗好得意呀!好Q!我都係一個愛狗之人,得閒去我個BLOG交流下D養狗狗心得啦HEHE^^
http://hk.myblog.yahoo.com/jw!CtQ_BUSQBEWY8Ko9b_wE_iV7