毛爸毛媽毛毛豬
你好嗎?好想寫低日常嘅生活點滴,開心、傷心、溫馨...做個實錄,作為日後寶貴嘅精神食糧...
2017年3月21日 星期二
腰傷後第12日
2017年3月21日(星期二)
腰部傷痛係最難搞嘅問題,因為平日駕駛、搬運、工作都受到極大影響。雖然見過幾位醫生,但康復進度緩慢⋯令我無奈。
醫生建議:宜家唔好搬重嘢住,你平日唔好坐咁耐、唔好企咁耐、最好瞓喺度......
即係話...瞓定定喺度、乜都唔使做。咁即係等於...廢柴...
今早嘅慢慢
援跑...
都令腰部刺痛...
2017年3月16日 星期四
雞蛋
2017年3月16日(星期四)
雞蛋⋯係一種普通食材,但雞蛋對於我就有另一種情意。
半個世紀之前,物資短缺嘅年代⋯雞蛋係名物⋯屋企每逢家庭成員生日媽媽就會當日早上煮雞蛋俾佢食,當時俾我一種錯覺(生日先有雞蛋食)⋯有雞蛋食係"生日"、"幸運"...
細個嗰陣 有一次我問媽媽⋯點解生日要食雞蛋?媽媽笑笑口咁答我⋯食雞蛋有益健康、快高長大,生日食雞蛋⋯第日會特別聰明咖⋯⋯我一直對媽媽嘅說話深信不疑⋯⋯
毛毛:真係唔公平...毛媽隔日就有雞蛋食...
毛爸:呢隻雞蛋煮俾你食咖...生日快樂呀!毛仔
2017年3月15日 星期三
生日快樂呀!毛毛小朋友
2017年3月16日(星期四)
毛爸、毛媽:毛毛,祝你生日快樂、身體健康、快樂成長⋯⋯
九年前嘅今日⋯一隻灰色貴賓狗狗喺北京出世⋯三個月後離開親生媽媽隻身帶著歡樂加入我哋家庭,成為我哋嘅寵兒成員⋯佢就係⋯毛毛。
毛爸、毛媽:毛毛今日你大晒...生日快樂!
2017年3月13日 星期一
毛毛挑起衝突
2017年3月13日(星期一)
話說⋯今日傍晚帶毛毛落街散步,行經一條黑巷⋯我目測只係一條巷仔,但毛毛好似見到有嘢咁...激動哋狂吠,起初我只係覺得奇怪⋯拉住毛毛慢慢走開...一剎那,巷內某處走出4隻大唐狗(3黑1白)兇神惡煞⋯衝著毛毛方向跑過來,而毛毛亦勇猛迎戰,我即時抱起毛毛步行離開(毛毛唔甘心搏命爭扎繼續狂吠),令現場環境大轉變⋯我變成4狗嘅目標⋯窮追不捨,當時但我唔知點解會有咁嘅反應⋯我企定、另轉面、望住群狗狗目露兇光、攞起水壺⋯⋯啲狗狗就冇再追我。
毛爸:可能
毛毛
嘅
行為
過火引起衝突...
但毛毛不失為勇敢嘅小朋友...
2017年3月11日 星期六
今朝毛毛叫醒我
2017年3月12日(星期日)
呢兩日腰痛令我難以入睡⋯雖然有藥物幫助⋯康復進度好慢。
今日星期日習慣上會帶毛毛行山,但今早要毛毛叫醒我(瞓過龍),由於天氣唔好加上自己身體狀況差⋯所以取消上山晨運,望住毛毛嘅眼神睇得出佢好失望。
身體健康真係好重要咖,身體健康未必擁有一切,但冇健康就失去一切⋯⋯
毛毛:毛爸爛瞓豬...快啲起床呀!
毛爸:毛毛係一個醒目嘅小朋友...讚!
2017年3月10日 星期五
差點有家歸不得
2017年3月11日(星期六)
上星期日,話說⋯今朝凌晨出去跑步嗰陣⋯大意攞錯咗車匙當屋企鎖匙出門,當我發覺時我已經關咗門,我即時想起有後備匙人⋯太太去咗旅行,咁早又搵唔到工人姐姐,咁⋯即係冇人可以幫手開門⋯毛毛未食早餐、未落街散步⋯心開始急。
想咗好耐先想起有套後備俾咗阿妹,而阿妹為咗方便就放咗喺架車度⋯咁最後就解決咗問題⋯⋯
討厭嘅工傷
2017年3月10日(星期五)
昨日早開工⋯開始搬沙石⋯只係第一輪第一包⋯彎低身搬起袋沙⋯一剎那腰部感覺勁刺痛,當場令我連人帶沙包「卜街」,好彩身旁兩位同事出手扶實我,腰部受傷了。
傷令我彎腰,平坐都好痛,最後⋯我繼續完成將物料送到工作地後去見醫生,經過4位姑娘幫助、兩位專科醫生檢查、觀察,結果⋯腰部肌肉拉傷,幸運嘅係腰骨無事,醫生講腰傷會令我好痛⋯最少三日先減退,要食5日止痛藥。
意想不到嘅意外⋯討厭。
受傷令我放棄第一場聯賽...三個月勤力辛苦操練...白費了...
2017年3月4日 星期六
減輕痛楚的輕鬆跑跑
2017年3月5日(星期日)
過去嘅一星期因工作令身體非常勞累,盡管休息都補給唔到。由其係昨晚⋯腰、腳、膝蓋⋯酸痛難當瞓得好差⋯全晚因痛楚醒咗三次最後一次係凌晨四點三十分⋯之後都冇辦法再瞓得番,咁⋯唯有起床裝身出門去⋯跑跑。
有朋友好關心我咁問我:你咁勞累⋯仲去跑步?實情有証明顯示輕鬆運動係會令肌肉某程度上減輕痛楚咖⋯⋯
冷風...令人心景平靜...
工作時大意令膝蓋受傷...今朝跑步時痛到我拐吓拐吓...
毛毛好乖咁洗白白
2017年3月5日(星期日)
毛毛每星期沖涼都會有少少搞搞震,除咗玩水之外仲鍾意Lam "番簡(肥皂)",如果制止佢,佢會唔高興同咬人。
毛毛今次就乖乖哋咁一直沖完涼為止,我覺得好好奇⋯⋯點解?
我想咗好耐⋯先發覺應該係換咗個新淋浴花灑,呢個花灑有水療作用咖⋯啲水有花香仲防皮膚過敏咖,毛毛都好識享受喎⋯⋯
洗白白
毛毛
好乖好聽講...
新花灑...
毛毛奇怪的感覺
2017年3月4日(星期六)
毛媽呢幾日都喺書房執行李,今日出門去日本旅行,毛毛嘅反應同表現都好怪怪哋...
毛毛:點解淨係毛媽換衫裝身?點解得一個箱?毛毛望住個箱側晒頭...
過去兩年呢啲時間毛毛會幫我哋執行李⋯目送我哋出門去旅行⋯⋯
毛毛好似好無奈...但又好似知到毛爸一定留低陪佢...
2017年3月2日 星期四
沈校長的一番説話
2017年3月2日(星期四)
沈校長:跑步改變了我的人生觀,跑步鍛練係孤單嘅旅途。
訓練期間⋯係要承受住疼痛、孤獨同失敗,冇人會願意冬天清早六點幾離開暖暖嘅被竇起床跑步⋯經常披風沐雨,但「我不能放棄」。
但⋯鍛練令我堅毅不屈,無懼困難,呢個先係人生嘅重要一課...(資料來自香港中文大學沈祖堯校長綱誌)
沈校長講出我心底話...好多人都未必會明白,亦都未必了解,但好開心沈校長都係跑路上同道中人...
如果你都想改變自已嘅人生觀...請你加入"跑"嘅行列,享受疼痛、孤單...嘅鍛鍊
今天非常勞累的一天
2017年3月2日(星期四)
上個月停工嘅機站呢兩日復工,首要就係運材料⋯沙、石仔、英泥、同軸電纜、電源線、天線、機組、週邊設備、工具⋯⋯等等,實在要一車一車運送⋯續樣續件搬上天台,雖然自己體力還可以應付⋯但都感覺到勞累,今日仲受到搵食工程車收遺例泊車告票打擊,真令我情緒低落⋯除咗身體攰到一個點之外⋯仲白幹了一天⋯無奈。
今日警察哥哥好勤力...一條街辦工時間重覆 4次抄牌出告票...
較新的文章
較舊的文章
首頁
訂閱:
文章 (Atom)