2012年6月30日(星期六)
早晨早晨!3號風球陽光普照,返工喇。清晨除下8號風球…對於某啲人嚟講係會有啲失望,但8號風球對於某啲單位帶黎好大嘅壓力警察、消防員、醫護人員…佢地都要嚴陣以待,仲有啲路宿者、流浪狗、貓…佢地…慘
毛毛 : 打風都出黎行?
- 留言者: 壽壽, 悠悠, 灰灰
- Email: makmona96@yahoo.com.hk
- 網址:
- 日期: 2012-07-03 15:03:48
[版主回覆07/04/2012 06:39:10]有啲人淨係諗打風可以放假咋...By毛爸
2012年6月30日(星期六)
早晨早晨!3號風球陽光普照,返工喇。清晨除下8號風球…對於某啲人嚟講係會有啲失望,但8號風球對於某啲單位帶黎好大嘅壓力警察、消防員、醫護人員…佢地都要嚴陣以待,仲有啲路宿者、流浪狗、貓…佢地…慘
2012年6月28日(星期四)
仲有2日就返晒 “癲人時間”又可以放假抖抖。毛媽又投訴毛毛 “籟皮”喇,原來呢幾日毛毛朝早發脾氣 “蝦”毛媽,唔肯落街散步,呢喺個籠度唔出嚟…毛媽獎佢零食都無動於衷,就算出動至愛嘅風乾羊肉毛毛都唔行出嚟,毛媽諗住抱毛毛出黎嗰陣…毛毛居然狐..狐聲仲想咬毛媽添,毛媽大發啷厲…咁…毛毛先死死氣跟毛媽落街,都唔知毛少佢想點?真係估佢唔到…激死
2012年6月27日(星期三)
毛毛轉咗食狗糧已經第三日,但毛毛仲係好似好唔習慣…食相都幾特別一粒粒擔出嚟食,呢兩日啲便便都好正常但份量偏多。毛毛Fing頭少咗,即係耳仔發炎情況好轉,前日我抱毛毛摩佢左耳嗰陣佢會唔鍾意仲會狐我,我諗應該隻耳仔好唔舒服。醫生叫留意毛毛轉糧後嘅健康情況………
2012年6月26日(星期二)
上個月做手術嗰陣體重6.05kg,醫生話非常之標準(6kg)但已經係極限。上星期日見梁醫生我體重升到6.6kg(14.3磅),嘩~短短一個月就超重磅幾,梁醫生同媽咪講 : 毛毛要轉食狗糧喇…好處除咗減磅之外仲加強毛毛嘅抗敏能力,唔知點解媽咪好似俾梁醫生吹眠咁乜都話好…好…好,咁…由前日開始我就冇住家飯食喇…好慘呀!
2012年6月25日(星期一)
父親節收到囡囡嘅祝福短信真係甜在心頭。喺現今嘅社會後生仔女都有佢地自已嘅生活方式、自己工作、自已朋友唔鍾意父母管佢地,怕啲長輩問佢地呢樣問嗰樣,而家啲後生都希望父母放佢地出去闖…最好係不聞不問。天下嘅父母都會好掛住好關心自己啲仔女咖啦。我對囡囡嘅態度係默默支持,其實我係好驚打亂佢嘅生活…我愛妳囡囡。
2012年6月24日(星期日)
我本人對蕃茄又愛又恨,愛 ~ 我煮嘅好多款餸都係用蕃茄做材料,今晚我煮咗意式蕃茄飯俾屋企人食(食過都大讚)。恨 ~ 蕃茄嘅天然酸味好難掌握,蕃茄本身嘅生味我好擴拒(我好少食生蕃茄),要花啲時間去煮先除去嗰種生味。尋日太太用咗盒車里茄、話梅、冰做咗兜餐前小食雪入雪櫃,今晚攞俾我試…
2012年6月24日(星期日)
近日毛毛經常R左耳,唔係好密…所以我梳忽咗,尋日幫毛毛冲凉洗耳仔証實發炎,仲發出臭味。今日帶咗毛毛去見梁醫生,做咗一連串檢測(驗血、驗尿、照片)…梁醫生睇完報告同毛媽講 : 毛毛除咗耳仔發炎之外皮膚擴敏能力弱.,建議從食物入手先轉食狗糧、維他命同5日消炎藥療程…,今次好大轉變唔知毛毛食唔食得慣啲狗糧呢…
2012年6月24日(星期日)
話說有一次喺凍肉檔買…佬闆娘唔該駝鳥肉、鮮鴨胸、雞柳、魚柳…,佬闆娘一見我就第一時間幫我執貨。我旁 邊位 先生比我先到等得有啲燥就問我 : 啲駝鳥肉點整咖?鮮鴨胸好唔好食咖?唔知點解我會衝口而出 : 我買俾隻狗食咖。嗰位先生即時黑面,佢個表情話我知我 “好寸同沙陳”。到上星期我買駝鳥肉嗰陣遇到位先生等買肥牛打邊爐,位先生見我買咁多駝鳥肉就問 : 駝鳥肉好唔好食咖?佬闆娘答佢 : 啲肉廋啲冇肥牛咁香但幾好食咖。先生 : 咦~哥哥你買咁多好鍾食呀?我笑笑口答 : 我買俾少爺仔食咖。佬闆娘爆料大笑 : 佢少爺仔係隻狗黎咖。位先生嘩一聲之後就…
2012年6月23日(星期六)
前日工人走嗰陣唔記得閂廚房窗…落雨前有隻大曱甴飛咗入嚟,當時毛媽喺廚房冇留意以為係大飛蛾,當曱甴慢慢爬出嚟嗰陣…毛媽見到嚇到大叫,曱甴都好驚咁爬咗出廳,毛毛好奇走埋黎玩曱甴,毛媽又大叫…狂亂中…毛毛走左入睡房呢埋,曱甴就死喺拖鞋下…
2012年6月23日(星期六)
端午節係我地中國人嘅節日,係記念「屈原」、賽「龍舟」、有「糭」食嘅日子。細個嗰陣屋企人喺呢日會帶我地去竹灣海灘游龍舟水,聽講龍舟水會令人健康平安咖。「糭」雖然平時都有得食,到宜家就好心急食阿妹包嘅糭(一年包一次),唔係包得特別好食…但食嗰陣有「好渦心嘅感覺」…祝各位有個愉快開心嘅端午節假期…仲有…唔好受「屈」同俾人「屈」。
毛爸 : 今年阿妹送左好多糭過黎...肥仔喇...
2012年6月20日(星期三)
每日朝早一起身我要做嘅野…煲湯、洗廁板、換水(毛毛既)、帶毛毛散步、煮早餐、送毛媽返工之後自己返工。呢個星期由於工作場地關係我零晨兩點幾就要返工(呢啲時間要返一個星期),我只係返咗兩日啫…毛媽就投訴 : 朝早唔夠時間做野,又要趕時間搭車返工,毛毛籟床、又好唔合作…激死…趕死人喇….
毛毛 : 毛媽自己晏起身咋,又籟我...真無奈,我係受害者...
2012年6月20日(星期三)
好多人嘅心目中寵物(狗狗)要好乖好聽指令,要喺指定嘅地方便便、尿尿,唔可以亂咁咬野、亂咁吠人,行為要有規有矩…事實上各種乖嘅行為都可以嚴格訓練出黎。但我個人對 “嚴格訓練”有所保留,我覺得寵物應該有番佢地自己嘅 “個性”,我地要認同狗狗都喺貪玩貪食搞破壞引你注意,所以狗狗除咗乖之外唔應該失去百厭嘅 “個性”(過份就梗係唔可以啦),咁…佢地嘅一生會帶俾你難忘嘅回憶…
毛爸 : 毛媽口中嘅「壞孩子」毛毛係俾毛爸縱壞左。
毛毛 : 我嘅夢想係做一個「百厭又大食懶嘅大少」...
毛媽 : 佢地兩個都冇得救嘅喇...............
2012年6月17日(星期日)
今日過咗一個好充實開心嘅一日…一早有毛毛陪去星星公園賞荷花,然後去買餸,跟住太太陪食中午飯,行百貨公司買禮物…。返到屋企太太整甜品(布甸),我就煮晚餐…忙過開工…哈哈哈
2012年6月17日(星期日)
過去嘅一星期真係忙到抖唔到氣…今日終於靜落嚟可以寫吓Blog睇吓相帶毛少去行吓公園。上星期到而家已經績咗好多相等我處理,睇番星期日開派對啲相非常精彩…由其係家庭合照充滿幸福感覺,所以我自己揸主意曬成相片及配合相架做成小禮物送俾各位朋友,只可惜有三個家庭嘅合照我影唔到…應成你地下次啦。
2012年6月17日(星期日)
今朝我一早起身(毛爸比我更早起身)…陪毛爸去星星公園晨運,咦 ~ 落雨喎,唔知使唔使出去呢?如果唔使出去我就繼續去瞓喇(懶瞓豬)。今日係「父親節」我係特別早起身陪毛爸咖,順便祝各位狗狗朋友、師兄師弟、粉絲嘅爸爸同家長父親節…勁樂!….注 : 毛毛温馨提示多啲陪爸爸會有好多好野食。
2012年6月16日(星期六)
近呢十幾年…好多新一代越嚟越注重「父親節」。唔知係唔係同現在嘅生活方式有關呢?個個都唔想俾人管、個個都講錢、個個都話好忙冇時間,咁…到父親節嗰陣先至向爸爸奉獻殷勤,我地嗰一代永遠對爸爸恭恭敬敬,心目中爸爸係超級英雄…祝天下嘅爸爸「父親節」快樂!
2012年6月15日(星期五)
啱啱過咗嗰個星期日…我地成班家長同狗狗喺 “狗狗會所”開派對,當日Mad Mad同May May就行下水禮,Mad Mad對游水好有興趣而May May就好驚,成班狗狗喺人做草地度開心狂跑,最活躍係 Momo B有兩次玩到跳出欄 、荳B、Mad Mad、格格、洋葱…都好乖因為有家長睇實晒,毛毛就成個下晝都痴實我,嗰日家長們都帶備靚相機幫狗狗影相,我就幫大家影全家合照…
毛爸 : 狗狗團體相係好難影咖...
毛爸 : 三師兄弟...
2012年6月14日(星期四)
尋日因為阿妹屋企請客所以我接咗Coffee返黎屋企玩,唔知點解Coffee最近鍾意對抱佢嘅人會狐叫同咬佢地(連毛媽抱都咬)。Coffee嚟到屋企就一直跟住我…跟出跟入,毛毛梗係唔高興Coffee霸住我啦,仲狂吠Coffee(以前唔會咖),毛毛係好呷醋…估唔到狗狗都會…
2012年6問13日(星期三)
今朝早發覺毛毛好密咁猛R頸後…經過檢查後頸嘅手術傷口…原來傷口嘅線有兩針鬆咗有一針甩咗,應該同毛毛猛R傷口做成。咁我同毛毛個傷口拆線同剪線頭(一共四針),宜家先發現佢個傷口係分兩層聯針咖,上下層一共聯咗九針…
2012年6月12日(星期二)
前日朝由於踩車中途落雨所以去左紅街市買餸,經過東南亞食店見啲炸魚片好靚…靈機一觸…整個泰式醃魚片小食下晝帶去 “狗狗好友聚會”請家長們食,呢味小食酸酸辣辣非常野味開胃。材料 : 炸魚片、乾葱、蒜溶脆、莞茜、辣椒、檸檬或青檸、魚露。做法簡單容易,將魚片乾葱切絲、莞茜辣埱切成小粒、蒜溶妰脆,然後將所有材料撈埋…完成…
2012年6月11日(星期日)
尋日朝一早起身出去踩單車…當我將單車運到西環湖嘅時候…個天好似開始落毛毛雨,感覺上個天都好光唔會落大雨…但係…大自然難以估計,結果自己就變咗一隻識踩單車嘅 “落湯雞”……………
2012年6月9日(星期六)
今朝帶毛毛散完步返屋企等電梯嗰陣…電梯到門一打開裏面有位外籍人士(黑人),毛毛當時見到即時縮一縮,然後慢慢行入電梯仲一直望住嗰位外籍人士,跟住坐低,唔知點解毛毛再起身兜去我身後面坐,仲唔敢同外 籍 先生對望。好奇怪毛毛一向好霸道,無論任何情況下同人地一齊搭電梯都表現唔滿意或者狂吠人地,因為大部份次數毛毛都係包咗部電梯上落…所以…今次睇嚟強者都會有退縮嘅時候喇…
2012年6月5日(星期二)
手術後醫生話毛毛短期內因傷口都唔可以冲凉(毛毛每兩個星期冲一次凉),由於咁毛毛行山、跑草地嘅節目通通取消(通常行完山跑完草地就冲凉),近期咁百厭嘅毛毛除咗太縱佢之外可能同精力過盛有關,前日就因毛毛冲凉問題毛媽影咗傷口電郵俾姑娘,回覆就係… “遲多一個禮拜先啦”。
2012年6月4日(星期一)
今日係 農曆四月十五日 ,逢初一、十五屋企人都有食齋嘅習慣,所以今日中午就返咗屋企食飯,由於天氣太熱我選擇食麵…咁…就諗起太太前排去韓國旅行帶返嚟嘅即食烏冬…又滑又彈牙真的不一樣咁好食…加啲菜加啲蟹肉更好食,估唔到韓國除咗電子產品出色之外即食麵都唔錯,不過今日食齋..何況我份即食烏冬己經食晒…宜家諗吓啫…
2012年6月4日(星期一)
尋日下晝將部單車裝上前後防沙板(因為上晝落咗一陣雨)準備出去踩車,臨出門口發覺有陽光地下仲冇濕…咁又拆番晒啲防沙板先出去。踩車經過星星公園…入口同路邊擺滿一盤盤蓮花做裝飾,嘩…好靚呀~我攞部相機出嚟(踩單車會帶部G12喺身)影靚花,影咗幾張先知…自己大頭蝦唔記得入記憶卡落部機度…
2012年6月3日(星期日)
人年紀到咗咁上下…甜品同糖就係你嘅敵人,所以「mo媽整餅」嘅出品每每係我至愛甜品嘅時候…甜度就會作出適當地調教。今次「芒果椰奶布甸」非常精彩,布甸係我至愛無論生果、朱古力、木糠…布甸我都好鍾意食由其毛媽整嘅雞蛋布甸,今次嘅布甸除咗濃濃椰香仲有好甜嘅鮮芒果鋪面…撈埋一齊食又香又甜…講唔出嘅超好味…
2012年6月3日(星期日)
毛毛手術後由於唔適宜做用力嘅動作所以執波波、掙繩仔嘅遊戲通通停止,而毛毛都可能傷口痛都冇心機玩。毛毛呢排開始百厭咗仲好唔定性,尋晚出街嗰陣興奮過龍R傷毛媽,今朝毛毛嚫我裝身嗰陣…喺大廳玩擔紙巾碎紙遊戲(情緒高漲嗰時就會係咁),成地都係紙巾碎…激死…
2012年6月3日(星期日)
都唔知喺屋企呆咗幾多日…總知好多日啦。尋日毛爸一早帶咗我出去橋頭散步,真係爽啦!終於可以出去鬆一鬆喇,草地、陽光、海風…真舒服。毛爸可能見我呢幾日朝早悶悶不樂…所以揪時間帶我出去玩…毛爸我係好….
呢個星期毛毛都表現冇乜心機…可能因為我嘅工作段癲倒冇時間陪佢玩同散步有關。毛毛做咗手術已經12日,醫生叫影毛毛傷口嘅情況電郵俾佢睇,醫生回覆結果話 : 毛毛兩個傷口都埋得好好,唔使拆線…大約20日啲線就會溶晒傷口就會好番,醫生仲講笑咁話 : 毛毛傷口埋得咁靚個手術係邊個醫生做咖?仲有10日毛毛就會完全康服,過去嘅兩個禮拜大家都辛苦喇,由其係姬詩。
毛爸毛媽 : 兒童節快樂呀毛毛豬...
毛爸 : 個傷口好齊冇紅冇血水啲線頭開始脫落...