2015年5月31日(星期日)
2015年5月31日 星期日
2015年5月22日 星期五
2015年5月19日 星期二
2015年5月17日 星期日
2015年5月12日 星期二
Queen后座的午餐
2015年5月12日(星期二)
今日向公司請一日假去醫院做常規身體檢查,中午到老友開嘅「Queen后座」食飯。
我點咗...食店推薦由店主親自煮嘅 “叉燒飯” ,份餐十分精緻有兩件叉燒、蛋、菜、炸物…對於我嚟講非常有驚喜,由其係好軟熟一層肥一層瘦嘅叉燒…好住家菜嘅味道,令我好滿足。
最可惜係老闆曾先生唔喺舖頭,如果唔係…以我同曾生嘅交情關係可以將份餐升級為土豪版。
毛爸:今日唔使勞動...餐嘅份量啱啱好...
毛爸:要食住家飯嘅味道...后座係一個選擇...
2015年5月9日 星期六
嬲怒嘅阿伯
2015年5月8日(星期五)
今朝行經天橋低由於修路⋯路邊加咗圍欄⋯只能緊緊讓兩個人通過,毛毛就喺通道中間便便⋯當指令毛毛坐好我執緊便便嘅時候⋯有位阿伯一手拎著麵包一手拎著報紙擦身咁行過,毛毛就突然狂吠阿伯,我除咗拉實毛毛之外即時向阿伯道歉,雖然冇任何身體或物件上接觸⋯阿伯就十分嬲怒及不滿。
2015年5月4日 星期一
2015年5月3日 星期日
2015年5月2日 星期六
嵐山.竹林之道
2015年4月28日(星期二)
續2014年11月10日⋯我同太太現在就好似行入時光隧道⋯陰暗有啲恐怖、非常舒適清涼、好多講唔同語言嘅旅客⋯,雖然外面陽光普照⋯但都俾小徑兩旁三、四層樓高密集嘅竹樹林全部阻擋⋯令人感覺呢條小徑係通往美麗世界嘅隧道,呢度就係日本嵐山出名嘅旅遊景點「竹林之道」…待續
呢一段50米嘅竹林小徑令人有莫名其妙嘅震撼...
每支竹都有幾層樓咁高...
走入竹嘅懷抱...
呢度係竹林景點,人力車夫每到此處就會停車為車上乘客拍照...
竹林中難得見到嘅天空...
竹林另一角...
高高嘅籬笆用料都係就地取材...手工非常精緻...
影呢張相花咗我20分鐘(等冇人)...
竹林中嘅神宮...
竹林之道有講唔出既吸引力...,,,,,,,,,,,,,,,,,,待續
2015年5月1日 星期五
訂閱:
文章 (Atom)