Coffee媽嘅投訴

2011年8月31日(星期三)
今日中午同阿妹去食飯順便探吓Coffee，Coffee見到我不停咁吠，我就開始同佢玩、抱吓佢...阿妹就開始向我投訴...阿哥Coffee自從度完假返黎就唔係好食狗糧，宜家仲廋左，Coffee梗係鍾意左食雞柳餐對狗糧冇曬興趣，就算餓都唔肯食狗糧。Coffee喺食方面好 "大小姐"咖，唔係求其俾野佢就食，啲新野要佢媽咪餵先至肯試食...所以Coffee黎住嗰陣食餐都要出吓蠱惑對付佢咖...

令人唔識反應嘅毛毛

2011年8日31日(星期三)
今朝早帶毛毛散步嗰陣...同平時一樣遇到好多狗狗，但毛毛嘅行為反應就唔係十分緊張...直至遇到小白(好乖純嘅金毛狗)，毛毛行為就好奇怪...首先一啲都唔覺毛毛緊張，一直向住小白嘅方狗行過去，到面對面大家聞鼻打招呼嗰陣...毛毛突然同小白打交(毛毛咬左小白個鼻一啖)，我地身為主人啲動作反應就好似食左豬油糕咁慢，未能夠即時分開佢地，好彩小白冇受傷亦都冇還擊同吠毛毛，當事情發生得一剎間咁快...人就唔知點反應，好幸運地毛毛、小白都冇事，而小白主人同我係＋分要好嘅朋友...所以當冇事發生過...

我和尋回犬的十個約定...襪仔

2011年8月28日(星期日)
今日因為唔舒服留喺屋企休息煲劇集...無意中轉台就發現TVB台播緊 "我和尋回犬的＋個約定"，故事係講一個家庭同一隻金毛犬(狗狗個名叫襪仔)...一個三人嘅家庭爸爸、媽媽、女女，媽媽揾左隻金毛犬黎陪女女成長仲定左同 "狗狗嘅＋個約定"事關佢好快就離開呢個世界，而爸爸為左陪伴女女成長亦都放棄自己嘅理想。
套戲最感人嘅一幕係講襪仔離開主人(死)同主人讀出＋個約定...其中兩個約定 "主人妳會有自己嘅好多朋友，而我嘅朋友只有妳一個" "我離開呢個世界嘅時候請妳留喺我身邊"嘅感動情景，令人流淚...套戲帶出父母對子女、主人對寵物偉大嘅愛...
而我地身為寵物嘅主人或家長...我地會唔會對佢地..

---

• 留言者: Momo
• Email: momo090608@yahoo.com.hk
• 網址:
• 日期: 2011-08-30 12:30:18

毛爸,你知嘛?呢套戲我睇到喊呀!!有時我都會諗...佢（MOMO）真係會好悶，如果許可我都會盡量去陪佢，　無錯．．．係佢地心目中就只有我地～～所以要好好地珍惜個十年～～
[版主回覆08/31/2011 07:05:02]寵物有佢地本身嘅獸性同個性，當佢地成為我地嘅家庭成員我地就要包容佢地嘅行為，其實你錫佢地佢地知咖，喺佢地嘅角度睇~好希望主人陪伴左右，咁係佢地心目中喝望嘅幸福...........By毛爸

小姐與流民

2011年8月27日(星期六)
照顧左Coffee兩日就發覺Coffee好有個性，尿尿同便便要人提先去咖，仲要靜係喺個籠度先至大小便，出街唔會週圍放底啲。
食...Coffee好咀刁零食要食 "風乾牛肉"唔鐘意食餅乾類(唔會喺地下執野食)，正餐要食雞柳仲鐘意左飲肉湯，生果就唔係好鍾意食。
Coffee性格文靜鍾意嗲人，行為、表現同毛毛相比...Coffee係乖乖女斯斯文，毛毛係壞孩子搞搞震...

慘喇！唔舒服添...

2011年8月28日(星期日)
前晚開始...週身骨痛、咳、鼻塞流鼻水...尋日即刻去見中醫，食左第一劑藥，到今朝情况好似越黎越嚴重咁...遇啱放假陪家人嘅日子...可能所有節目都要取消，真係令家人失望。
事關上星期做野嘅地方温差太大，室外氣温32度而室內機房就得20度，我企喺出風口做野，俾冷氣狂吹2個鐘...所以...

年紀大...身體己經發出警告...唔可以學後生嗰陣咁亂黎...

---

• 留言者: Q-Baby
• Email: shadowcatcat@yahoo.com
• 網址:
• 日期: 2011-08-30 12:46:05

而家好番晒未呀? 但都要小心身體喎......以免....明啦.
[版主回覆08/31/2011 17:23:38]星期二仲發燒,瞓左成日星期三就好番好多喇,多謝Q-Baby關心,天氣唔好你地都要小心保重呀......By毛爸

---

• 留言者: 毛爸毛媽毛毛豬
• Email: peterchee1012@yahoo.com.hk
• 網址:
• 日期: 2011-08-29 06:41:41

多謝毛之家關心..........By毛爸

---

• 留言者: 毛之家
• Email: leungmomobaby@yahoo.com.hk
• 網址:
• 日期: 2011-08-29 00:16:54

保重身體，重要照顧毛少 KA ^^^

好乖嘅Coffee

 

2011年8月26日(星期五)
各位朋友你地好！呢幾日都冇時間寫日誌，好忙咁搞緊Yahoo Blog嘅備份...今日終於都有啲時間...
啱啱嗰個星期日阿妹黎接番Coffee走，當Coffee見番阿妹同阿Sam嘅時候...嗰種情景，真係好難想像到Coffee小朋友係幾咁掛住媽咪。聽阿Sam講Coffee返到屋企就跳上床大覺瞓，瞓到第二朝都唔願起身。Coffee平時好少落街玩，亦都好少見咁多狗狗朋友，可能Coffee當時好緊張唔係好放胆去玩，所以表現得好文靜，贏得好多狗狗家長話佢乖。

又有好、壞消息！

2011年8月22日(星期一)
先講好消息...自從毛毛改變飲食習慣之後，健康改善左體重慢慢咁增加，毛毛宜家體重6kg...增磅成功！壞消息係...毛毛增肥速度好似冇停落黎即象，咁...即係又要重新修改餐單同食量，毛毛有可能要減零食，對毛毛黎講真係壞消息！

---

• 留言者: 毛爸毛媽毛毛豬
• Email: peterchee1012@yahoo.com.hk
• 網址:
• 日期: 2011-08-26 18:48:08

momo點解會咁嘅?你好慘呀~.......................By毛毛

---

• 留言者: Momo
• Email: momo090608@yahoo.com.hk
• 網址:
• 日期: 2011-08-26 09:10:40

Momo : 毛毛你就好啦~~有零食...食....我好耐都無食零食啦~~>.<

可憐嘅Coffee

2011年8月21日(星期日)
由於阿妹全家去旅行所以我接左Coffee番黎度週末，Coffee同毛毛相處都冇問題，但奇怪嘅係佢地都當對方唔喺度，大家都冇吠對方。到夜晚Coffee開始揾媽咪...每格兩個鐘就出廳，每次都要抱佢返入房同抱佢一陣先肯安靜，機本上我冇諗到發生呢啲問題，因為Coffee晏晝玩得、食得(由其是牛肉乾同雞抑)好開心，可憐嘅Coffee......

---

• 留言者: 奶茶麥皮mami
• Email: kit_kit829@yahoo.com.hk
• 網址:
• 日期: 2011-08-23 19:53:39

會唔會係coffee 習慣半夜會出廳~ 因為我兩個都要半夜去廁所~ 所以都會出出入入... 麥皮有時仲會自己出廳瞓
[版主回覆08/25/2011 08:20:06]Coffee應該係唔習慣,因為Coffee未試過離開屋企....By毛爸

---

• 留言者: 毛之家
• Email: leungmomobaby@yahoo.com.hk
• 網址:
• 日期: 2011-08-22 20:59:12

小朋友一到瞓覺就要搵亞媽，好正常，不過好過去狗酒店好多 LA ^^
[版主回覆08/23/2011 06:52:37]Coffee唔慣住酒店咖,應該話佢唔鍾意住籠..............By毛爸

Coffee心聲...度週末

2011年8月20日(星期六)

今日晏晝舅父黎接我去佢屋企度週末，初初我以為媽咪唔要我...所以好驚。

去到舅父屋企仲周圍便便，搞到舅父舅母踢晒腳，後尾佢地獎我好多零食，又帶我出去威，又整雞柳晚餐俾我食，仲有肉湯飲生果食...唔...真係有度假Feel...

Coffee : 初初好掛住媽咪...

Coffee : 毛毛哥帶我出去威呀...

Coffee : 好開心呀...仲識到好多朋友仔呀...

毛毛 : 好歡迎妳呀~Coffee妹妹...

---

• 留言者: Momo
• Email: momo090608@yahoo.com.hk
• 網址:
• 日期: 2011-08-22 11:54:37

毛毛我關註左你啦~~
毛毛你好開心呀!!!有COFFEE 妹妹陪你度週末^^
[版主回覆08/22/2011 16:04:11]我同Coffee妹妹玩左好多次咖喇,不過今次係第一次黎我屋企度迥末。

晨操

2011年8月17日(星期三)

啱啱過去嘅星期日...一早就叫醒哂全家人準備出去晨運同影相，毛毛梗係好興奮啦...但毛媽就半夢半醒，我執齊影相 "架生"出發喇...去到橋頭公園毛毛一落車就搶繩狂跑，我熱身跑左一轉...今朝大家都玩得好開心。

我同自己講就算點都好一定要揪時間出黎陪屋企人...

毛爸 : 早晨！陽光第一線...

毛毛 : 有野食啦...

毛爸 : 跑一陣就索晒氣 "年紀大冇貨賣"...

毛毛 : 擺番個招牌 "Look"先...

毛毛 : 咁快就要走真係有啲失望

 

阿妹，生日快樂呀！

2011年8月15日(星期一)

今晚阿妹約左我地、瑤瑤同偉麟去" 四季火煱"慶祝生日...今晚一行七個人好熱鬧，小朋友大朋友...野任食汽水任飲(汽水高糖，平時飲要申請咖)，仲有太太特別整嘅綠茶生日蛋糕同偉麟送嘅黑森林蛋糕，小朋友同大人都勁開心，我地所叫嘅野食全部食晒，汽水飲左20支，2個蛋糕差唔多食晒...真係唔係講笑...

呀~講漏左好重要嘅野就係...阿妹祝妳 "生日快樂、身體健康、心想事成....."

阿妹，生日快樂...

偉麟送嘅生日蛋糕....

太太親手整嘅生日蛋糕

各位準備好未？開餐喇.....

最尾嘅一嚿...梗係由主角搞掂啦...

媽祖文化村

2011年8月14日(星期日)

自從路環媽祖文化村開幕以黎未正式上山頂參觀過媽祖像，其實呢幾年都有上山到媽祖廟上香，但冇上山頂...尋日因工作(到媽祖文化村山頂天線塔做更換天線)有緣參觀媽祖像，白色好高嘅媽祖像面相慈祥裝嚴，望住媽祖...心裏面有種靈靜平和嘅感覺...

毛爸 : "緣"就係咁不可思義....

毛爸 : 媽祖

食藥遇到難度

2011年8同13日(星期六)

食藥對毛毛黎講係冇乜難度，BB個陣到而家餵佢食藥都好順利。

毛毛又到期食杜蟲藥...今次...

以往習慣張啲藥撈埋啲食物一齊食，今日毛毛食餐嘅時候...食吓又停吓好奇怪，後尾先發覺毛毛簡哂啲藥出黎唔食...

毛毛 : 啲藥超難食...

毛毛 : 原來呢粒野作怪，好彩俾我簡出黎....

毛爸 : 真係俾佢激死...唔知讚佢 "叻仔"定鬧佢 "衰仔"好...

---

• 留言者: mui mui
• Email: muimuimui620@yahoo.com.hk
• 網址:
• 日期: 2011-08-16 19:25:00

我就係怕佢地揀左粒藥出黎唔食，所以都係"丫"大佢個口餵佢食藥
[版主回覆08/17/2011 06:32:00]咁樣食藥係最保正成功....By毛爸

---

• 留言者: Wood Wood G 大聲公
• Email: howoodwood@yahoo.com.hk
• 網址:
• 日期: 2011-08-16 11:54:00

Hahaha, 原來個個小朋友都係揀野高手
毛爸, 你下次可以試吓用芝士包住粒杜蟲藥, 睇吓得唔得, 我就係用呢招對付 Wood Wood G ga 喇 !
[版主回覆08/16/2011 18:29:00]我諗一定掂,毛毛好鍾意食芝士咖.....By毛爸

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-15 20:40:00

毛之家之中食藥最難係家家，佢會炸吞左，我一放手，佢就會吐返出黎
[版主回覆08/16/2011 18:27:00]嘩~家家咁蠱惑...叻... ...By毛爸

---

• 留言者: 圓咕碌
• Email: bottle312@yahoo.com.hk
• 網址:
• 日期: 2011-08-15 16:10:00

圓咕碌 : 我媽媽依家聰明咗 , 每次餵杜蟲藥都係買罐濕糧返嚟.............切一粒濕糧將粒藥放入去 , 咁我就唔會發覺呢 , 因為啲濕糧好香 , 以前用麵包包住粒藥餵都唔work  , 比我發覺又吐返粒藥出嚟呢~!!
[版主回覆08/15/2011 17:39:00]咦~好計,圓咕碌你媽咪好咖呀,等我都試吓先 ...By毛爸

---

• 留言者: 小bu
• Email: siubb119@yahoo.com.hk
• 網址:
• 日期: 2011-08-15 11:13:00

佢地最叻就係揀野架！我次次想同佢轉糧時，佢真係一粒新既糧都同我揀番晒出黎！！激死呀呀
[版主回覆08/15/2011 17:41:00]真係估佢地唔到,佢地好鬼叻咖... ...By毛爸毛媽

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-15 09:18:00

毛毛你真係叻啦~~識揀藥~~我阿媽係咁捉住我食呀!!!搞到我無得逃走~~~
[版主回覆08/15/2011 17:45:00]呢個係最後剎着,今次毛毛都係咁搞掂 ....By毛爸毛媽

真的習慣了！

2011年8月13日(星期六)

毛毛BB嗰陣...為左訓練佢自己去騎樓便便同尿尿、食餐之前要坐正、入、出電梯，入屋企大門前要坐低(等我地入屋先)，聽話同做得好就有零食獎勵。

久而久之...毛毛變成左做所有動作都要獎勵，有時毛毛莫名其妙自動走埋黎問我攞野食...原來佢喺我唔為意出騎樓尿尿左，個衰仔真現實....

毛毛 : 尿尿完要坐正先有獎咖...

毛毛 : 食餐前要坐正...

---

• 留言者: 三水媽
• Email: remrem129@yahoo.com.hk
• 網址:
• 日期: 2011-08-15 16:25:00

個頭 cool 係唔係用人o個 d 架?
[版主回覆08/15/2011 17:48:00]係呀~係毛媽用開咖,毛毛用落又幾啱用所以....By毛爸

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-15 12:53:00

good boy 呀! 抵錫~
咁做岩左真係要獎勵下~好開心架~
[版主回覆08/15/2011 17:52:00]小朋友做啱有得獎勵佢地會好開心咖,而且下次又會聽話d....By毛爸

---

• 留言者: 小bu
• Email: siubb119@yahoo.com.hk
• 網址:
• 日期: 2011-08-15 11:23:00

毛毛你真係好乖，抵鍚呀！
[版主回覆08/15/2011 17:54:00]毛少貪食咋...By毛爸

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-15 09:20:00

毛毛你真係乖仔啦~~我家momo佢唔識呢d架~~正一衰女包黎~~
[版主回覆08/15/2011 17:59:00]教小朋友要有耐性慢慢教咖,而且你要包容佢地,因為佢地本身就係百厭星,要佢地學乖要花啲時間咖... ...

---

• 留言者: 薯仔b&薯muimui
• Email: littlelittlepotato@yahoo.com.hk
• 網址:
• 日期: 2011-08-15 00:11:00

hello毛毛~你食野時紮住對耳仔好cute呀~
[版主回覆08/15/2011 06:25:00]多謝！係呀！我剪左新裝之後就要紥住耳仔食餐咖喇，因為耳仔啲毛太長............By毛毛

幸福嘅飯局

2011年8月12日(星期五)

前日...阿妹叫我帶毛媽同毛毛上佢屋企食飯同試食佢煮嘅兩度新菜式...

大家相敘，大人傾偈閒話家常，小朋友銅銅、毛毛、Coffee玩到忘晒形勁開心...呢啲情景俾我心裏面覺得好幸福。

而家部份嘅新一代唔會投入呢種飯局敘會，佢地淨係專注吃、喝、玩、樂、新科技生活，慢慢咁淡化大家庭親情關係...而我地對新一代嘅了解亦越來越陌生...

皇牌新菜式 "醉手"酒味濃香，爽口彈牙，全枱人都大讚、味道口感一試難忘...

第二度皇牌菜 "秘汁豬頸肉"香軟多肉汁，最啱小朋友食，仲有鮑片、雞、菜花....

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-15 09:23:00

毛爸毛媽你地好幸福呀!!!!
[版主回覆08/15/2011 17:33:00]多謝！ ................By毛爸

肚仔...咕咕聲

2011年8月11日(星期四)

尋日早由於毛毛晏起身...為有親自入房抱阿少爺仔出廳，當我抱起毛毛嘅時侯就聽到佢嘅肚仔咕咕聲...臨出去散步俾肉湯佢飲佢都冇興趣...

大件事喇...毛毛個樣好似謝晒咁，腸胃有問題 ? 落到街便便同尿尿都正常...由其是便便完之後就生猛番.....

毛毛 : 我肚仔唔舒服...想屙屎啫...唔使咁緊張....

 

---

• 留言者: Wood Wood G 大聲公
• Email: howoodwood@yahoo.com.hk
• 網址:
• 日期: 2011-08-12 14:34:00

毛毛, 你今年有冇去游水水呀 ?
 
[版主回覆08/12/2011 15:05:00]冇呀... 澳門宜家都冇地方俾狗狗游水水啦. 你有冇好地方介紹呀?

巴樂、鳳梨、水晶梨

2011年8月9日(星期二)

毛媽旅行完返黎之後... "毛媽生機飲品"又開工喇，今次係最啱我飲嘅番石榴汁仲加埋水晶梨，除左加料之外仲有車厘子食.....

毛爸 : 好味呀~

35度高温下的約會

2011年8月7日(星期日)

今日星期日又係帶毛毛出去同狗朋友玩嘅日子...

唔講都唔知今日嘅氣温最高有成35度幾真係熱得可怕，今日好朋友都算齊腳...大家都傾吓講吓真係好開心，好快又到大家一齊散步嘅時間。

今日嘅高温連啲狗狗小朋友都投降，Mad Mad同毛毛行到一半就唔肯行，扭計要返屋企...咁熱真係鄧班小朋友辛苦...

九隻狗狗小朋友...

毛爸 : 呢位小朋友好對唔住我唔記得你叫乜名....

小師弟大介...

毛爸 : 好偶然影到...夜晚嘅橋...

毛爸 : 好鍾意咁嘅天色...好似夜晚又好似清晨，觀光塔...

毛爸 : 靜夜...

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-09 09:38:00

嘩~~d夜景好靚呀!!!
[版主回覆08/09/2011 18:11:00]多謝Momo.............By毛爸

歐洲帶番黎嘅禮物

2011年8月7日(星期日)

每年太太總會同姨仔出外旅行一次，臺灣、日本、星馬。今次歐洲...帶左兩部相機影左差唔多5000張相，分次旅行有小小可惜嘅係...行程中有幾日落大雨...

毛爸 : 太太帶俾我嘅禮物...多用途軍刀......多謝........

發左癲嘅毛少爺

2011年8月7日(星期日)

尋日毛媽返到大門口...毛毛己經吠到爆，毛媽入到廳毛毛就興奮到不得了，R到個欄就黎爛條尾就好似裝左摩打咁唔停咁轉，一定要媽咪抱...

尋晚毛毛好乖咁瞓得好好，今朝仲籟床.......

毛毛 : 媽咪我啲禮物呢?

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-09 16:44:00

SWEET!!
[版主回覆08/09/2011 18:14:00]少爺仔咋嬌............By毛爸
 

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-09 09:36:00

毛毛你有無錫毛媽呀?!!!
[版主回覆08/09/2011 18:17:00]毛毛痴實毛媽搞到毛媽成個下晝唔得嫻.........By毛爸

毛媽返黎喇！好野...

2011年8月6日(星期六)

今日係好特別嘅日子...毛爸話毛媽今日旅行完番黎喇，今朝爸幫我洗白白迎接毛媽，唔...毛媽梗係帶好多禮物俾我咖喇。

毛爸等陣出去接毛媽...好緊張呀...

毛毛 : 好開心呀...

毛毛 : 好緊張...好緊張...

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-09 09:35:00

毛毛唔駛緊張,毛媽都好掛住你既呢...
[版主回覆08/09/2011 18:09:00]毛媽日日都同毛毛視影像通話咖....By毛爸

太熱喇...

2011年8月5日(星期五)

呢個夏季真係熱到唔正常，毛毛都改變佢嘅活動習慣，玩執波波佢就會擔個波入房玩一陣...叫佢先擔番出黎俾我，散步番黎、食飽野都會第一時間走番入房...歎冷氣...

毛毛 : 我係唔係過份左D呢 ?????

毛爸、毛爸...我...

2011年8月3日(星期三)

零晨五點幾...毛毛走黎床邊叫我，我抱番佢入籠冇理佢...

朝早我起床整早餐、準備毛毛嘅餐同返工嘅裝備...俾肉同菜湯毛毛飲(今日特別啲有兩種湯)，毛毛飲左肉之後格一陣我就俾菜湯毛毛飲...但毛毛就行黎行去好求其咁飲晒啲菜湯(平時係會等飲湯咖)，轉個頭就走出騎樓屙督好大督嘅尿(我啱啱搞好衛生鋪好報紙)...

原來毛毛一早就好尿急(係死忍嗰隻)等緊我帶佢落街...有時真係俾少爺仔吹漲...

毛毛 : 對唔住呀毛爸...我唔想咖...你又俾咁多湯我食，真係忍無可忍喇...

 

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-04 21:20:00

毛爸，請問你有無去過一些轉左新版 ge blog友度留言，唔知點解，所有轉左版 ge blog，我都找不到留言位。
[版主回覆08/09/2011 18:06:00]我未試過但好多人都咁講...By毛爸

捉毛少

2011年8月1日(星期一)

由毛毛左剪新裝開始，毛毛每次食餐都要帶頭帶...而每次食飽之後就會自動自覺行去洗手間跳上廁所板等清潔咀仔(點會自覺丫，其實係有零食獎)。今日毛毛反常除左唔自覺之外仲通屋走，捉都捉唔到佢，用零食引佢都費時彩我(搞到我好R頭)，我用波波引佢玩左一陣...咁終於.....

毛毛 : 俾毛爸捉住添...惨喇............

毛毛 : 咦~唔駛罰？嘩~仲有零食獎...毛爸你梗係癲左....

 

---

• 留言者: SkyBlue
• Email: asb_dummy_user_hk1@yahoo.com.hk
• 網址:
• 日期: 2011-08-04 21:18:00

自已跳上厠板抺咀，咁乖，咁又抵獎勵吓
[版主回覆08/05/2011 07:12:00]平時係咖,但呢幾日就唔同............By毛爸