懷念哥哥（張國榮）當年情

2014年4月1日子（星期二）

 

 

已經十一年⋯每次提起Leslie哥哥我就會想起「當年情」、「有誰共鳴」呢兩隻歌嘅歌詞⋯輕輕笑聲在為我送溫暖，你為我注入快樂強電⋯當年情，再度添上新鮮，聽極都唔厭。（有誰共嗚）不信命，只信雙手去苦拼，矛盾是無力去暫停⋯明白是得失總有定，去或留輕鬆對應⋯呢啲歌詞仲成為我宜家處事嘅金句，哥哥喺我心中係位超級明星⋯

 

 

我最喜愛嘅電影

一種可怕嘅眼神

2014年4月1日（星期二）

人與人同寵物之間其中一種內心深層溝通係「眼神」接觸，有人講「眼神」反影個人心內嘅世界，你係唔係「講大話」喺眼神度睇得出。

有一種⋯絕望、恐懼、無奈嘅眼神係我最害怕（30年前醫生當我同細佬面前講：確診細佬有惡性骨癌只有18月命，嗰陣細佬就用呢種眼神望住我）我會選擇逃避、冇勇氣去接觸呢種眼神。

今早一直都落雨，我唯有帶毛毛落停車場散步，當我推開度門嗰陣⋯毛毛坐喺門口用呢種「眼神」望住我⋯

 

毛毛：毛爸，又係行停車場？可唔可以....

 

毛爸：我知喇...乖仔...咁...你快啲便便尿尿喇...

 

毛爸：毛毛小朋友嗰種「眼神」令我難過...

毛毛心聲…惡心反感嘅地方（屋企樓下停車場）

2014年3月31日（星期一）

雨季開始喇⋯由上星期尾一直斷斷續續咁不停落雨⋯時大時細，本來星期六有得去沙灘玩星期日去行山⋯但都係因為落雨冇得去。

實情呢啲都係小事⋯令我反感嘅係每逢落雨都要去又焗又臭嘅停車場散步，唔知聽日使唔使去呢⋯

 

毛毛：毛爸，唔去得唔得呀？

 

毛爸：傻仔，你要便便同尿尿丫 ma...好天就帶你去玩...好唔好...乖啦...

 

毛毛：好天？去玩？...出太陽你就掛住出去踩單車...點會理我丫...

 

毛爸：嘩～哀仔，宜家係唔係玩爆大獲先？

草莓族嘅毛毛少爺

2014年3月31日（星期一）

我哋新一代嘅小朋友都俾長輩稱為「草莓族」，呢班小朋友乜都由父母安排⋯衣、食、住、行、玩、學習⋯都係最好，唔使受任何壓力咁長大⋯佢哋受唔到俾人話同冇禮貌。

毛毛小朋友都承繼咗呢啲行為，前晚食飽飯之後⋯我好忙咁準備第二朝早踩單車嘅裝備⋯檢查燈、輪胎氣、相機⋯我喺廳房之間行出行入，毛毛亦都出出入入跟到我實⋯由於毛毛不時搞搞震⋯我就大聲鬧咗佢幾句⋯毛毛就好「招績」咁走返入籠仲叫極都唔彩人⋯

 

毛爸：毛毛唔好嬲啦...出嚟陪毛媽啦...

 

毛毛：你道歉啦仲要獎零食喎...咁...

單車誌…是雨？是汗？

2014年3月30日（星期日）6：15 天陰有雨 微風 20度

 

 

今朝嚫落完雨就出去踩單⋯自從驗身報告出咗同聽醫生建議之後⋯呢十日狀態都唔穩定（創咗最佳時間同破咗最慢時間）。

醫生們都提議我可以為持正常操練⋯更提醒我要改變飲食習慣同減肥。

過去好多時落微微雨都出去踩單車，水氹同濕地令減速剎停都有難度，冇風同暖加快出汗⋯又雨又汗好快全身濕晒。經驗話俾我知雨中踩車係會令單車好污糟，以往污糟都係水漬，但今次成架單車都係黃泥⋯返到屋企洗車仲辛苦過操練⋯

 

毛爸：「狀態」呢樣野除咗操練同健康之外仲會受情緒影響...

一個好自然嘅安排

2014年3月29日（星期六）

 

 

今日同星期日打算完成一星期內踩單車100公里嘅計劃（呢個星期只係踩咗40公里多啲），今日凌晨當我準備裝身執野出門嘅時候⋯外面除咗好大霧之外仲落緊微微雨，咁就取消踩單車⋯留喺屋企煲湯同煮早餐，煲落湯先發覺呢種湯要煲3個鐘⋯即係要花時間睇火。

晏晝大雨過後又準備出動⋯但個天又黑晒仲行雷閃電。又要留低...多咗嘅時間就幫毛毛檢查同沖涼，咁就發覺毛毛腳板底毛過長之外更發現隻右後腳紅晒仲好臭⋯清洗、修剪毛、洗白白、吹乾⋯又花我3個鐘。

我問自己平日要抽3個小時用嚟煲湯又或者幫毛毛護理係一件艱難嘅事，今日⋯天就幫我安排咗⋯而呢種安排簡直完美⋯

 

毛毛：今日好開心呀～成日有毛爸陪...有三文魚餐食，全身「馬剎雞」又修甲修毛...

 

洗白白成身爽晒...好C服呀～呀～呀～

 

毛爸：毛少你就爽得過喇

水族…阿妹屋企用"水池"養魚咖

2014年3月27日（星期四）

續⋯我屋企用個魚缸仔養魚⋯同阿妹屋企比較⋯我簡直係＂小兒科＂，妹夫阿森養觀賞魚係個中高手非常專業，除咗客廳嘅大魚缸之外露台仲建咗個大水池用嚟養唔同品種嘅魚，大魚缸用嚟養「龍吐珠」水池用嚟養「錦鯉」。

好多人講養呢啲魚唔難⋯但養到條條咁靚每條都長過手臂就一啲都唔簡單，要去到咁嘅級數就要用上先進配置⋯大型濾水器、大型打氣機、恆溫發熱管⋯為咗器材運作可靠全部都接上後備電源（停電都可以繼續操作），為咗保證水嘅「質數」仲要種啲植物用嚟過濾水質作為平衡水中嘅潔淨⋯

有人會話"咁誇張"？呢種情況可以咁講"如果你哋唔係對養魚有濃厚嘅興趣你哋唔會明白"⋯

 

毛爸：嘩～個水池有成張單人床咁大呀！

 

毛爸：呢啲錦鯉身價不非...成萬蚊一條...咁...成池魚$$$$$$

 

毛爸：濾水器同打氣機體績有成個櫃咁大...認真唔講得笑...

 

 

毛爸：我最鍾意嘅...鴻運同白雪...

 

因你有能力改變

2014年3月26日（星期三）

 

 

今朝又見到阿寶（牧羊狗）家長帶住新成員樂樂（雪橇狗）散步，毛毛嘅反應都幾奇怪⋯只係吠咗幾聲就同對方＂互啤＂。

同阿寶家長傾開⋯先知樂樂係收養番嚟咖，見樂樂表現開心活潑⋯咁就知佢有個「幸福嘅新屋企」。

有人講過：握剎狗狗嘅生存機會甚至毀滅，對於我哋嘅世界冇乜影響、但你拯救佢哋俾一個幸福的家佢哋⋯咁⋯就改變狗狗嘅一生⋯

 

毛毛：好靚仔嘅樂樂，佢主人講樂樂好聽話好乖...但"爭寵"...

狗狗唔便便唔食野係大件事呀

2014年3月26日（星期三）

呢兩日帶毛毛散步嗰陣都遇到Boyboy（住喺付近嘅黑色貴賓朋友仔），毛毛一見Boyboy梗係狂吠打招呼啦，但Boyboy反應援慢好似唔舒服咁⋯經過向佢家長了解原來Boyboy便便唔到仲唔肯食野，而因為咁Boyboy已經打咗幾日「吊針」⋯情況改善緊，實情係Boyboy年紀大身體機能轉差引至⋯呢個時候家長嘅「角色」係最重要，希望Boyboy快啲復原好番⋯

 

毛毛：嘩～冇便便都咁大件事？唔怪得知我便便尿尿完毛爸會獎我零食啦...

家務助理無故曠工

2014年3月24日（星期一）

 

 

我請"家務助理"照顧家人已經十幾年，自從毛毛嚟咗屋企⋯我請"家務助理"入職第一個條件係要對小動物有愛心同要識得照顧毛毛。

近排...家務助理遲到次數越來越密，有時仲到返工時間先通知我哋病咗要請假...真係冇責任感。

基本上家務助理唔返工對於我嚟講都冇乜影響，屋企煲湯煮飯煮餸、帶毛毛散步、幫毛毛梳毛、梳洗、整餐都係由我親自照顧。

但⋯當工作上趕工程加班遲收工同一年兩次出門去旅行嘅時候⋯咁，就會好依賴個家務助理好有愛心咁照顧毛毛。

宜家呢個家務助理工作表現上毫無進步，佢可以留低嘅主要原因係毛毛好鍾意佢...

 

毛毛：講真位助理都幾錫我咖...

 

毛爸：揾個識照顧毛毛又錫毛毛嘅工人真係幾難

綠化週

2014年3月24日（星期一）

 

 

由澳門民政總署主辦一連九日嘅第三十二屆澳門「綠化週」於16日（星期日）喺塔石廣場開幕，綠化週活動係嘉年華型式，有遊戲攤位、有花卉設計、濕地地姿釆景觀設計比賽⋯。

今年濕地姿釆景觀設計比賽有8個攤位，比賽規則⋯由 4～8人隊伍型式報名、盤景、植物、花花、園藝裝飾都由大會供應，由參賽隊伍自由發輝，參賽者更可以自備裝飾物粉飾同美化攤位。

今年有5隊花藝學校隊伍同3隊獨立單位隊伍參賽，今年阿妹第一次組隊參加而且得到第一名嘅好成績⋯恭喜妳呀！阿妹，妳要繼續努力繼續加油呀⋯

 

毛爸：緣花週規摸一年比一年大

 

毛爸：濕地姿采景觀設計比賽...阿妹團隊嘅冠軍作品...

 

毛爸：官方（用金錢砌出嚟嘅...)作品...

 

毛爸：花冇乜特別但砌得好靚...

毛爸：全場最靚嘅花...

長跑準備…放棄了！一個艱難嘅決定

2014年3月21日（星期五）

2014年第一季驗身報告已經出咗⋯幾日前去咗見專科醫生同家庭醫生，報告指出我肝臟有小問題、血糖指數唔正常升高、中年肥胖身體過重⋯等等。

而兩位醫生都異口同聲咁唔建議我做長跑（馬拉松）運動，專科醫生聲言：你就算要跑⋯一次跑唔好超過 5公里，家庭醫生更反對我長跑。

長跑會令肝臟消耗極大嘅能量⋯咁係會對我肝臟做成損害性嘅負荷（跑跑下爆肝），醫生們都指出由於我年紀大又身體過重亦會令腳部關節做成極大損耗⋯

醫生唔係嚇我，呢個係事實。馬拉松⋯我真係要放棄了！

毛爸：我要掛跑鞋了...

單車日誌…英雄（木棉花）開花了

2014年3月20日（星期四）

2014年3月19日（星期三）17：15分 陽光普照 微風 20度
下晝出咗去踩單車⋯經過西環橋入囗海洋花園付近見到兩棵木棉樹開花喇，仲係啱啱開花，所以好多「花蕾」好少「落花」，啲花開到令成棵木棉樹係陽光下變成血紅色，場面令人激動。

今日係近排見到太陽嘅第一日⋯氣溫唔算高但冇風又好悶焗，踩單車踩咗10公里已經感覺到身體有過熱嘅現象⋯心跳去到140⋯快爆炸了！

 

毛爸：樹頂大部份嘅花啱啱花晒...

 

毛爸：每技花頭都有好多花蕾...

 

毛爸：影木棉花有一個難度...好難影到花心...

 

毛爸：花蕾...俾人一種感覺即張會有一個美麗嘅型態...

 

毛爸：開得靚嘅花永遠都高高在上...

 

毛爸：年年都影木棉花...唔識解析點解啲花有咁大嘅吸引力...

 

毛爸：「爆計」喇......

氹仔新嘅狗狗公園

2014年3月20日（星期四）

位於氹仔西環橋入口新單車徑旁邊嘅狗狗公園⋯已經開始啟用，狗狗又多一個社交場所。

而場地分為兩個，左邊個場係俾「小形犬」右邊個場係俾「大形犬」入場玩，由於新開放草地仲未完全長滿草但地方好「企理」，設備好齊有水龍喉（洗手用）、糞便收集箱（放便便用）、提供免費糞便袋（執便便用）、有清楚中、英、葡文嘅規則指示牌，整體地方清潔乾淨⋯暫時嚟講係一個好去處⋯

 

毛爸：狗狗公園入口...有中、英、葡文規則指示牌...

 

毛爸：有垃圾桶、有水洗手同沖尿尿...

 

毛毛：等我嚟驗收先...

 

毛毛：嘩～草都未出齊喎...

 

 

毛爸：外國狗公園免費派「狗糞袋」係「常規」設施，我哋澳門都好先進喎...要激讚...

 

毛爸：鐵閘有鎖安全可靠...

 

毛爸：指示規則長細清色...

 

 

用家心聲：地方唔錯...毛爸毛媽又放心放繩任我跑...有埋小食同飲品就完美喇...

 

 

 

毛毛真搗蛋

2014年3月19日（星期三）

今日下晝⋯我準備出去踩單車，除咗執齊裝備之外仲要準備定毛毛嘅鴨肉雜菜晚餐，當我喺廚房整緊餐嘅時候⋯毛毛冇喺身邊陪住我（平日會入嚟廚房搞搞震）。

奇怪⋯大㕔都好靜⋯我整好餐出到大廳睇到⋯嘩嘩～太遲喇，毛毛喺飯抬擔咗我對手套去玩⋯仲咬到爛晒，以我以前嘅脾氣我一定會發大火同體罰毛毛，對手套係我97年考到電單車牌我助手送俾我嘅限量版真皮手套⋯

以今時今日嘅思維呢件事我咁睇⋯我係應該防止呢事發生（毛毛係寵物唔識分啱與唔啱），唔應該怪毛毛咬爛手套而發火體罰佢（毛毛擔到任何都會當玩玩具咁咬，咬野係佢哋嘅本能）…

毛爸：見毛毛咬到對手套爛晒...咁投入、咁開心...我都唔知點反應好...唔通要同佢打氣？

 

 

毛爸：對手套係我嘅寶貴回憶(一直斷斷續續咁用咗 17年)見証住友情同考牌合格...

毛毛心聲…生日節目

2014年3月16日（星期日）

 

 

今朝一早毛爸已經執齊「架生（我啲玩具）」⋯準備同毛媽帶我出街玩，我哋去咗小廣場喪跑。

今朝小廣場冇人⋯咁我哋就⋯"包場"⋯雖然經常嚟呢度玩，但今日（我生日大晒...所以）玩得特別開心。

中午媽咪特別整咗兩個南瓜雞肉蛋糕俾我做生日，下晝毛爸、媽咪同我開生日會⋯唱生日歌許願，夜晚食駝鳥、雞肉餐，小食有鴨肉乾、䒦士，甜品有藍梅、士多啤梨⋯今日好攰（係食到攰）⋯

噢～正到癲～好幸福呀！

 

毛毛：好多謝各位姨姨、叔叔、哥哥、姐姐、朋友、老友嘅祝福...我毛毛錫晒你哋...

 

 

毛毛：今日生日大晒...包場...

 

毛爸：毛毛今日玩得特別投入...

 

毛毛：噢～勁爽、勁開心呀...

 

 

毛毛：媽咪嘅傑作...南瓜雞肉蛋糕...

 

 

毛毛：我許咗個願...願毛爸毛媽...呀！唔講得俾你哋聽咖...講咗唔靈咖...

 

毛毛，生日快樂呀！（毛毛六歲生日）

2014年3月16日（星期日）

 

 

毛毛，今日你牛一⋯你又大一歲喇，毛爸、毛媽祝你：生日快樂、身邊健康、開心幸福⋯

今日係毛家要感恩嘅日子，我家狗狗毛仔 6歲生日，呢兩年毛毛過生日⋯我除咗開心之外仲有恐懼感...

感恩嘅係⋯能夠有緣同毛毛一齊生活，睇住毛毛快樂健康嘅成長...

開心嘅係⋯毛毛為我哋家同生活帶來無比嘅歡樂...

恐懼嘅係⋯時間過得太快，快到好似閃電咁就 6 年，唔知我哋仲會有幾多次機會同毛毛一齊慶祝生日呢？

 

毛爸、毛媽：毛毛小朋友，祝你"生日快樂"呀！錫晒你....

 

毛毛：多謝多謝...毛爸，咁係唔係食餐勁嘅先？

 

毛爸：毛仔，今日梗係你話事啦...

單車日誌⋯新嘅20公里最佳時間

2014年3月15日（星期六） 5：45 天陰 微風 15度

 

 

今日凌晨四點幾就醒咗⋯點都瞓唔番，其實今日我放假。

講出嚟⋯大家都未必相信，已經唔記得幾時開始⋯每逢放假就會一早起身，我都好想學其他人咁瞓到日上三竿太陽曬住Pat Pat咁自然醍(近年都未試過）。

凌晨時間...由於無所事事就出咗去踩單車⋯但估唔到今朝踩20公里創咗個新最佳時間53分鐘，呢個情況令我勁開心又好意外⋯

 

毛爸：呢個成績令我意外...真正值得高興嘅係我回復狀態...

 

毛爸：單車徑又搞新野...呢啲圖象係用膠紙痴出嚟咖...好藝術...

毛毛闖「禁地」真相

2014年3月14日（星期五）

續⋯毛毛走上我張床「禁地」瞓⋯係因為床鋪下面有張「黃色毛巾被」⋯

呢個原因好難講明白俾大家知⋯話說⋯張「黃色毛巾被」我夏天用嚟當冷氣被，冬天喺㕔用嚟䄛住睇電視，天氣好凍嗰陣毛毛好鍾意用嚟墊梳化，每晚毛毛陪毛媽睇電視就會瞓喺毛巾被上面，毛媽亦都習慣咗每晚攞定毛巾被俾毛毛墊住⋯久而久之⋯「毛巾被」就成為毛毛私人物品。

嗰日我將條「黃色毛巾被」擺咗上床⋯所以毛毛⋯

 

毛毛：嗱～毛爸，我都有相為証咖...黃色毛巾被係我咖...

 

毛毛：毛爸，我都係唯護我嘅「主權」啫...係唔係正確先？

 

毛爸：真係俾毛仔吹漲～

今次剪嘅裝令毛毛唔舒服

2014年3月13日（星期四）

呢排毛毛經常「典」梳化、擦Pat pat同Lam手Lam肚⋯我發現呢種行為係同毛毛嘅「裝」有關。

毛毛對眼仔周圍啲毛好長⋯撻住眼球令對眼流眼水同好多眼屎，對後腳由腳掙到腳版啲毛過長⋯尿尿嗰陣經常濕晒，Pat Pat周圍啲毛過長⋯以往呢啲部位都係我操刀小修，通常剪完裝兩星期後沖涼前我先幫毛毛修剪，今次個裝一星期就「走晒樣」⋯

我嘅睇法⋯小朋友「剪裝」係好重要咖，除咗令小朋友「靚仔醒神」之外仲要「衞生舒服」。

 

毛爸：剪咗個裝只係一星期...毛毛個樣就謝晒...

毛毛靜雞雞走上「禁地」瞓覺

2014年3月12日（星期三）

今日傍晚毛毛散完步返屋企梳洗咗之後就⋯失蹤，平日呢一段時間毛毛就等食晚餐，毛毛會聊我陪佢玩，仲周圍搞搞震。

但今晚⋯超靜，點解？周圍嗌：毛毛你喺邊？出嚟啦⋯叫極佢都冇應我。

終於喺我想唔到嘅地方⋯我張床⋯毛毛「禁地」發現毛毛好悠閒咁瞓喺度，唔知點解毛毛會咁「夠膽」試我哋嘅「底線」呢⋯

 

毛爸：毛毛，有相為証...你有乜嘢解析？

 

毛毛：嗱～毛爸，你唔好吾會呀...我瞓暖張床等你唔怕凍嚫咋...

 

毛爸：嘩～百厭星，咁都俾你兜得咁好...有孝心...使唔使獎你呀？衰仔死撐...