毛毛靜雞雞走上「禁地」瞓覺

2014年3月12日（星期三）

今日傍晚毛毛散完步返屋企梳洗咗之後就⋯失蹤，平日呢一段時間毛毛就等食晚餐，毛毛會聊我陪佢玩，仲周圍搞搞震。

但今晚⋯超靜，點解？周圍嗌：毛毛你喺邊？出嚟啦⋯叫極佢都冇應我。

終於喺我想唔到嘅地方⋯我張床⋯毛毛「禁地」發現毛毛好悠閒咁瞓喺度，唔知點解毛毛會咁「夠膽」試我哋嘅「底線」呢⋯

 

毛爸：毛毛，有相為証...你有乜嘢解析？

 

毛毛：嗱～毛爸，你唔好吾會呀...我瞓暖張床等你唔怕凍嚫咋...

 

毛爸：嘩～百厭星，咁都俾你兜得咁好...有孝心...使唔使獎你呀？衰仔死撐...