2014年3月14日(星期五)
續⋯毛毛走上我張床「禁地」瞓⋯係因為床鋪下面有張「黃色毛巾被」⋯
呢個原因好難講明白俾大家知⋯話說⋯張「黃色毛巾被」我夏天用嚟當冷氣被,冬天喺㕔用嚟䄛住睇電視,天氣好凍嗰陣毛毛好鍾意用嚟墊梳化,每晚毛毛陪毛媽睇電視就會瞓喺毛巾被上面,毛媽亦都習慣咗每晚攞定毛巾被俾毛毛墊住⋯久而久之⋯「毛巾被」就成為毛毛私人物品。
嗰日我將條「黃色毛巾被」擺咗上床⋯所以毛毛⋯
毛毛:嗱~毛爸,我都有相為証咖...黃色毛巾被係我咖...
毛毛:毛爸,我都係唯護我嘅「主權」啫...係唔係正確先?
毛爸:真係俾毛仔吹漲~
咁毛毛真係無錯WOR!
回覆刪除係呀...等我仲鬧佢係"衰仔"添...真係對唔住毛毛...
刪除