毛爸毛媽毛毛豬: 4月 2011

2011年4月29日星期五

毛毛新玩具

2011年4月29日(星期五)

今朝晨早我喺廚房準備早餐嘅時侯...見毛毛鬼鬼祟祟咁行左入房，跟住就有啲怪聲...當時我不以為意，以為毛少番入房歎冷氣。一直到毛媽起床...跟住毛媽鬼殺咁嘈...唔見左隻拖鞋...原來...原來毛毛擔左隻拖鞋呢埋玩...

毛爸 : 毛毛從來都唔玩拖鞋咖...但宜家唔知點解...

2011年4月28日星期四

好忙嘅復活節

2011年4月28日(星期四)

四月二十二復活節假期開始...本來安排左好多節目，但接到老闆通知有個8000尺嘅寫字樓機房要檢查冷氣機同清洗所以星期六、日都要開工。

由於咁就改...今朝早全家一齊去街市買餸，毛毛去到生果擋VIP位...

有好多客行過都同老闆娘講 : 妳隻狗好乖喎...

有個客仲話 : 灰色好少有對眼仔圓咕碌好精靈呀...

老闆娘答 : 梗係啦佢食藍莓咖，你都買番盒試吓今日啲藍莓又大粒又靚...

老闆娘仲同個客講 : 毛毛係我地嘅藍莓"代言狗"黎咖...

毛毛 : 各位朋友我呢個做型得唔得呀?..

留言者: panchi❤
Email: pankunchi@ymail.com
網址:
日期: 2011-05-01 20:32:00

momo is soooo cute ah~

留言者: Kurumi Shiro
Email: nikully@yahoo.com.hk
網址:
日期: 2011-04-29 15:07:00

毛毛個樣好似俾人點咗穴。
[版主回覆05/01/2011 07:04:00]佢係望住盒藍莓呀....By毛爸

留言者: SkyBlue
Email: asb_dummy_user_hk1@yahoo.com.hk
網址:
日期: 2011-04-29 11:37:00

藍莓"代言狗" 真係眼仔Look Look!
[版主回覆05/01/2011 07:05:00]為食狗就真...By毛爸

2011年4月26日星期二

蘇梅島不一樣的旅程之接通外界

2011年3月30日(星期三)

尋晚一點幾又停電...我同太太都熱醒左，外面雨仲未停仲好大風一直到朝早。早上大家出去餐廳食早餐同時到接待處收風...結果係壞消息，機場跑道水浸所有航班全面停飛，有成千幾人滯留喺機場。

由於市區水浸情况好轉，大家就約定出街揾嘢食、掃貨...但大停電有好多舖頭都冇開門做生意。中午飯就喺街邊檔食...食物質素一啲都唔差...

大家食飽飯行街，遇到一檔流動「特式班戟檔」大家就好似發癲咁...梗係狂食啦...朱古力班戟、加蛋、加香蕉、加煉奶每人一份...又再加一份，呢個甜品大家食得非常滿足開心 (旅遊書介紹必食)。

返到酒店大家就留喺房傾計，講起上黎都好奇怪...呢啲情况之下先有機會大家坐埋一齊傾心事。我帶銅銅準備落泳池游水影相....

個Canon G12專用嘅潛水盒終於有用喇...

喺水底影人我都係第一次...

銅銅嘅作品...

游水運動係BB嘅強項...

水中花...

啲水好凍我地好快就上水。

又到晚飯時間，大家去接待處收風...好消息...機場重開已經有班機升降，大家心情即時轉好。酒店仲安排專車帶我地出街揾嘢食，大家個心願係食「海南雞飯」...咁...司機哥哥兜左好耐...終於車左我地去"Big C"超市，連日黎大家第一次見咁多野買咁多野食...梗係發狂啦...

更重要嘅係有免費WiFi，大家開心到失常...不停咁上網同打電話報平安，通知公司如果聽日走唔到要請假同安排工作。我就好忙咁幫大家買嘢食海南雞飯、魚蛋粉、牛肉粉、果汁、汽水...咁多日黎大家最滿足嘅一晚，重頭節目...掃貨、上網...大家玩到超市閂門都仲依依不捨...

2011年4月25日星期一

肥毛

2011年4月25日(星期一)

尋日咁啱要去診所買毛毛食嘅杜蟲藥，順便磅下毛毛體重...嘩...5.45Kg(11.99磅)，毛毛肥左仲就黎達標(目標6Kg)，毛媽梗係好開心喇...

但係我返而有少少擔心，短短3個月就重左1Kg達標嗰陣都唔知點保持，睇黎毛毛係健康嘅肥我地應該鄧佢開心...

毛毛 : 哈..哈..我肥左又醒左...

毛毛 : 我個新 "朵"叫肥毛...咁就叫我 "肥毛"喇...

留言者: SkyBlue
Email: asb_dummy_user_hk1@yahoo.com.hk
網址:
日期: 2011-04-27 21:57:00

毛毛：哈，我都係叫肥毛呀!
[版主回覆04/28/2011 08:10:00]肥得健康最緊要....By毛爸

留言者: 圓咕碌
Email: bottle312@yahoo.com.hk
網址:
日期: 2011-04-27 16:47:00

圓咕碌 : 肥啲咪仲好 , 睇落健康啲呢~!!
[版主回覆04/28/2011 08:08:00]肥毛唔係問題,但過肥減糧就大問題喇...By毛爸

留言者: Kurumi Shiro
Email: nikully@yahoo.com.hk
網址:
日期: 2011-04-27 13:16:00

唔係"肥毛"係"標準毛"先岩。
[版主回覆04/28/2011 08:06:00]E+就黎達標OK喇,可以叫標準毛...之後就...By毛爸

2011年4月22日星期五

蘇梅島不一樣的旅程之體驗原始生話(下晝)

2011年3月29日(星期二)

中午飯就喺酒店餐廳度食...侍應攞左兩本餐牌俾我地，但同我地講今日只有炒飯買，客人可以選擇雞、豬或者蝦炒飯，侍應好無奈嘅表情真係令人好想笑...

我揀左雞炒飯...份量雖然少啲但非常好味...

去我地房間必經過嘅走廊...好靚..

太太嘅傑作...

我地住房嘅門口...

酒店附設嘅Spa入面好靚好舒服...我做左個泰式「馬殺雞」位技師好大力好重手，差啲斯開我，但做完之後好舒服。

到旁晚我地一齊出去街口嗰餐廳食飯，食飽飯返到酒店已經有番電...咁大家都攞晒啲電話、電腦、MP3出黎充電，大家都有啲擔心聽日唔知會點，啲電話仲未打得通...

留言者: Angcat
Email: angelachan98@yahoo.com
網址:
日期: 2011-04-24 22:48:00

你的遊記十分十分精彩啊，我密切期待你的update!!!
很欣賞你們遇到壞天氣也沒有抱怨，而是依舊開開心心的享受旅程﹗
想起上次我的蘇梅島之旅十分倒楣，本來direct flight，但因天氣太壞而轉飛曼谷，去到當地又是遇上水浸，哈哈﹗但最後也享受了很快樂的假期!
[版主回覆04/26/2011 22:55:00]多謝支持...By毛爸

蘇梅島不一樣的旅程之體驗原始生話(上晝)

2011年3月29日(星期二)

大雨一直落到深夜，第朝起身發覺停左電又冇水，去廁所同梳洗係一個問題...由於我地房間外面就係泳池，咁...我就用嗰啲水黎衝廁所，梳洗就用礦泉水(好富貴呀)，至於通訊網絡全部都停晒。行出酒店餐廳...好彩仲有豐富早餐食。

我地一開製就有水有電好似係必然嘅...原來冇嗰陣係咁難涯...

早餐有好多野食...

太太嘅至愛...食飽早餐我地就行出街，嘩...街頭街尾都水浸根本就行唔倒出去

水浸到橋嘅扶手浸得好犀利，狗狗差啲俾水衝走...

海灘好大浪...啲浪有成3米高咖...我地只係喺附近士多買左好多礦泉水返酒店

呢個重頭節目...都係取消喇...失望...

2011年4月21日星期四

一家人好 "齊心"

2011年4月22日(星期五)

我有個習慣 ...就係無倫幾早一醒左就要起床再瞓唔番。呢兩日都瞓得唔好，雖然由轉工開始身體己經慢慢適應睡眠嘅節奏...

今朝5:00點幾就醒左起床，仲嘈醒左毛媽同毛毛...咁...大家就輪流去尿尿(我地好齊心)，毛毛仲領埋獎先返番入房再瞓...

毛毛 : 毛爸咁早嘈住晒都唔知搞邊科...人地好眼瞓咖ma...

2011年4月20日星期三

俾毛毛整蠱

2011年4月20日(星期三)

今日一早完成手頭上嘅工程就收工...去街市買埋餸返屋企都係16:00...

入到大廳...毛毛己經狂吠，絛尾好似裝左摩打咁，撲出黎迎接我，跟住就自己出騎樓尿尿，咁...梗係有得獎喇...。

我入左廚房煮餸...但我發覺毛毛喺廚房門口行黎行去，仲發覺地下有"嚿"唔知乜野，我梗係嗱嗱林執起佢研究吓，一執上手就知到自己中左招...係毛毛"嚿屎"，原來毛毛今日特別開心興奮，嚫我唔為意嘅時候喺廳放低一粒...

毛毛 : 毛爸你執到 "金"喇...

毛毛 : 我冇心咖，對唔住呀毛爸...

留言者: Mobear
Email: morrisamkl@yahoo.com.hk
網址:
日期: 2011-04-22 00:01:00

毛毛鐘意同你玩驚喜…
[版主回覆04/22/2011 17:48:00]毛少嘅作風係你估佢唔到...By毛爸

2011年4月16日星期六

人類嘅好朋友 "狗"

2011年4月16日(星期六)

今日參加左由動物福利會舉辦有關 "輔導犬幫肋自閉兒童康服"嘅講座，大會請左好多專業人士兒童專科博士、醫生、獸醫、狗醫生、家長、義工...參加分享經驗，好榮幸大會請左我幫手做義工 "影相佬"...

大會仲請左電視台做訪問同專題報道...

兩位出色嘅醫生

呢位醫生好靚仔...

要做一位出色嘅醫生...仲要有特別技能咖...

毛毛 : 唔知我幾時先可以....

2011年4月12日星期二

蘇梅島不一樣的旅程之降落蘇梅島(第二日旁晚)

2011年3月28日(星期一)

其實大家食飯嗰陣一直都落大雨仲水浸...所以冇得自駕遊，後尾有人提去做腳底按摩...咁就消磨左一個下晝。大家約定時間出街食晚飯...

本來陽光海灘...宜家就雨水木板...

呢間就係今晚晚飯嘅鋪頭...裝修好有特式...

...

嗰度好旺咖時時都冇位咖...

舖頭酒吧係俾客等位咖...實木吧枱同間格、古董風扇、懷舊風格擺設...令人好舒服

嘩...古董「飛髮椅」都出埋...

呢餐晚大家食得好豐富同好開心...

留言者: mycloset
Email: hkcloset@yahoo.com.hk
網址:
日期: 2011-05-28 14:23:00

hello, i am planning for my trip in Samui next mth. Is this restaur. good? could you provide me the address for ref? thx a lot!
[版主回覆05/28/2011 16:34:00]this restaurant is good but i dun have the address. we were stuck in the hotel for the entire trip due to the storm and flood and this restaurant is just a few minutes walk from our hotel (Samui Resotel). you can google the hotel website and find their location.

不安嘅毛毛

2011年4月12日(星期二)

由深夜到零晨...毛毛都好似冇瞓過，由廳到房行出行入，有幾次叫醒我地...當時擔心毛毛唔知發生乜事？經檢查同觀察冇發覺有特別事。

到天光...我帶毛少出街散步，返屋企食早餐...少爺仔都表現非常生猛，毛媽放心晒仲話可能尋晚好熱毛毛瞓唔着...

毛毛 : 毛爸毛媽掛住瞓覺唔理我...由其是毛爸瞓到好似隻豬咁...

毛毛 : 其實我冇事咖，好熱瞓唔着咋...

留言者: SkyBlue
Email: asb_dummy_user_hk1@yahoo.com.hk
網址:
日期: 2011-04-14 19:08:00

毛毛好無心機呢!
[版主回覆04/15/2011 06:28:00]少爺仔又發皮氣....By毛爸

留言者: 圓咕碌
Email: bottle312@yahoo.com.hk
網址:
日期: 2011-04-14 14:53:00

圓咕碌 : 依家天氣咁熱 , 開冷氣瞓會好瞓啲呢~!!
[版主回覆04/15/2011 06:27:00]你講得啱係時候開冷氣瞓喇....By毛爸

2011年4月11日星期一

銅銅，祝妳生日快樂

2011年4月11日(星期一)

尋日四月十日係我寶貝外甥女銅銅嘅生日...

屋企人幫佢喺黑沙水厙搞左個BBQ同佢慶祝佢生日，請左好多長輩、親朋好友、同學仔參加(約30幾人)，場面非常熱鬧開心...

毛爸 : 轉下眼...銅銅己經長大...時間過得真快..

毛毛、Coffee : 祝銅姐姐生日快樂...

毛爸 : 銅銅今日勁開心...如果日日係咁就好喇...

2011年4月9日星期六

毛毛心聲...參加動物福利會燒烤樂

2011年4月9日(星期六)

今日下晝毛爸毛媽帶左我去參加動物福利會嘅燒烤樂，去到嗰陣先知全場只有我一隻狗狗參加...

雖然我好高興見番黎太、薜Sir、義工哥哥姐姐同同學家長，但係冇朋友仔部我玩...

毛毛 : 我啱啱先跑完跑草地...真爽...

毛毛 : 嘩~好熱鬧呀...

毛毛 :好多好多野食呀...

毛毛 : 我就冇份燒野食...我宜家先知啲同學仔點解冇參加...

留言者: Wood Wood G 大聲公
Email: howoodwood@yahoo.com.hk
網址:
日期: 2011-04-13 09:41:00

毛毛, 去水塘狗公園要注意防蝨呀
[版主回覆04/13/2011 16:57:00]多謝提醒...不過我地暫時冇諗過要帶毛毛去o個度, 一來驚多蝨, 二來費事毛毛亂咁吠人吠狗啦.

留言者: SkyBlue
Email: asb_dummy_user_hk1@yahoo.com.hk
網址:
日期: 2011-04-11 23:40:00

毛毛，請問邊度有草地跑又安全吖，我亞媽成日都驚我地跑出街，所以只係去單車徑咋!
[版主回覆04/12/2011 07:25:00]我地都想知呀... 呢度以前都有得俾會員帶狗狗黎跑草地架, 不過宜家冇lu. 我都係趁今次bbq跑下咋...
聽講水塘開放左個狗公園可以俾狗狗跑架, 不過毛爸毛媽未帶過我去呀. 不如你叫你亞媽帶你地去跑下啦.