2009年12月31日(星期四)
毛毛 : HAPPY NEW YEAR....
回望今年...毛毛有好多開心嘅事同唔開心嘅事,當然開心嘅事佔多數啦....
今日係2009年最後一日...希望唔開心嘅事今日都係一個終結...
毛毛祝毛爸、毛媽、家姐、姑姐、銅表姐、銘表哥、Coffee妹妹、各位好朋友、Sunny Sir、Blog友、師兄、師妹.....
"新年快樂、身體健康"...
- 留言者: F
- Email: F
- 網址:
- 日期: 1970-01-01 08:00:00
2009年12月31日(星期四)
毛毛 : HAPPY NEW YEAR....
回望今年...毛毛有好多開心嘅事同唔開心嘅事,當然開心嘅事佔多數啦....
今日係2009年最後一日...希望唔開心嘅事今日都係一個終結...
毛毛祝毛爸、毛媽、家姐、姑姐、銅表姐、銘表哥、Coffee妹妹、各位好朋友、Sunny Sir、Blog友、師兄、師妹.....
"新年快樂、身體健康"...
2009年12月30日(星期三)
呢幾日朝早同傍晚都落雨,地下好濕 (毛毛會坐低咖)...所以冇打算帶毛毛出街散步,毛毛梗係好失望啦 (因為冇得玩水)...
我地轉左帶毛毛落停車場兜圈鬆一鬆,毛毛初初都唔係好習慣,每次行到入口都想兜番轉頭返屋企,後尾我放繩任佢跑...咁就有啲唔同...
毛毛宜家鍾意喺停車場喪跑,其實停車場都有車出入有危險性咖(晨早就好少車出入),不過都係偶然一兩次...OK啦...
毛毛 : 喺停車場毛爸俾我自由行(放繩)...好爽呀...
2009年12月29日(星期二)
今日經過管理處嘅時候,俾個管理員大聲叫住...哥哥、哥哥你有封大信...
原來係喺香港寄黎俾毛媽,用公文袋裝住嘅郵件...
返到屋企我放低左俾太太,當太太拆開...肥仔...係blog友肥寶family寄俾我地嘅座枱年曆仲有年曆咭同聖誕咭...好靚呀。
肥寶好有心,呢份禮物係令我地驚喜嘅禮物...多謝肥寶Family。來緊新一年祝肥寶、肥寶Family新年進步、身體健康、心想事成、幸福愉快...
毛爸 : 入面啲相好靚同好得意呀...
毛毛 : 多謝你呀肥寶...啲相好靚呀...
2009年12月29日(星期二)
年中應承幫契媽屋企安裝一套視聽組合,宜家已經年尾...
雖然老人家一直都冇催我,我知我好過份,所以安排左呢兩日上契媽度開工。
其實我去完台灣返黎就應該去探契媽,無奈忙到爆 (三個得力助手同時離職)。
喺台灣我買左個工夫茶壺做手信送俾契媽,我知契媽見到我上去探佢仲開心過送野俾佢...
毛爸 : 契媽好鍾意飲功夫茶咖...
毛毛 : 契婆啲禮物黎咖...毛爸好緊張咖...
2009年12月28日(星期一)
今朝好凍...天文台話得7點幾度...係入冬以來最凍嘅一日。
放左兩個星期大假今日要開工喇(喺屋企瞓覺),真係有啲唔慣,毛媽好擔心我會Lam個傷口要我帶住個喇叭...毛爸話成日帶住個喇叭好辛苦咖,後尾唔使我帶...
今日開始日頭要一個人喺屋企喇...天色咁灰天氣又凍感覺好淒涼呀...
毛毛 : 好唔想開工...
毛毛 : 唔....都係要開工...
毛毛 : 快啲到收工就好喇...
2009年12月27日 (星期曰)
今日大家都瞓到黃朝百晏先起身...
聽毛媽講,毛毛拆線之後喺屋企通屋跑,仲周圍跳特別生猛,啲飛仔行為又發作...
今朝恢復同毛毛出街散步練習,毛毛返到屋企仲撩我地玩,又通度跑,睇黎我地嘅毛大少已經康復得七七八八...
呢個星期以黎屋企人輪流咁全日陪住毛毛,來緊嘅星期一個個都返工,毛毛就要一個喺屋企喇...真係有啲擔心...
毛毛 : 我件新衫...靚唔靚呀....係毛媽送嘅禮物...
毛毛 : 今朝毛媽帶隊...梗要執正啲啦...立正...
毛毛 : 嗱...嗱...又有野食獎喇...
2009年12月26日 (星期六)
今日係拆禮物嘅日子,又咁啱星期六...朝早要買餸、約左醫生同毛毛拆線...好忙...
毛毛今日一定好開心,有好多禮物...有阿Sir送嘅細碼聖誕衫同大包小食、阿美送嘅神秘禮物包、我同毛媽就送大包牛肋骨、藍莓小食、靚外套俾毛毛做禮物...至於囡囡嗰份就買左部KITTY即影即有相機...
今朝毛毛檢查拆線...姑娘話毛毛個傷口埋得好好...醫生同毛毛拆完線就話毛毛逢線針口有少少血水...毛毛要帶多兩日喇叭...
毛毛 : 嘻...嘻...有好多禮物...有排拆喇...
毛毛 ; 人地都未拆完.....
毛毛 : 估唔到除左拆禮物仲要 "拆線"添...
2009年12月25日 (星期五)
今朝一起身發現出面非常大霧,連對面街都望唔倒...
毛毛成晚都瞓得唔好 (因為戴左個喇叭)...
今早我同毛毛出街散步又遇倒嗰隻放繩黑色貴婦狗,黑貴婦走過黎同毛毛打招呼,毛毛表現冷靜冇吠,真乖仔…呢幾日以黎毛毛第一次見倒狗。
由於我要泊番好架車就順便車毛媽毛毛過橋兜左轉,嘩…大霧到乜都睇唔倒,連觀光塔都喺霧中消失...
今日係“聖誕節”...真係好特別嘅“白色聖誕”...
毛毛 : 毛毛祝各位好朋友、哥哥、姐姐、叔叔、嬸嬸、毛媽毛爸聖誕快樂...
毛毛:我地見過幾次架喇...過我同佢唔係好熟...
毛毛 : 嘩...好大霧呀...
毛毛 : 毛爸大霧都叫白色聖誕...
2009年12月25日 (星期五) 聖誕節
聖誕大節日...梗係諗起家人同身邊嘅好朋友啦...祝大家聖誕快樂...
前兩日帶左毛毛去覆診,先知道威信醫生返左英國渡假 (姑娘話唔會再返黎),接手嘅係位女醫生。
檢查結果毛毛個傷口有少少濕,其他就大致上冇問題,建議喺屋企帶番個喇叭,唔好著尿片褲仔...星期六返去拆線。
毛媽帶毛毛返屋企途中,有個姐姐走過黎問毛媽:「你隻狗仔啲尿片褲仔係邊買架??我見寵物店嗰啲又貴又唔fit...」毛媽:「係用初生嬰兒尿片加工整架,你試吓...效果幾好架...」。咁個姐姐就好開心咁走左...
毛毛 : 我要去覆診喇...唔知會點...
毛毛 : 慘啦...醫生叫一定要帶番個喇叭...
毛毛 : 個喇叭頂住好唔舒服呀,都唔知幾時先可以除...
2009年12月24日 (星期四)
一年之中最重要嘅夜晚 "平安夜"...
喺呢度毛爸毛媽毛毛祝各位好朋友 "平安夜" 平安幸福、聖誕節開心快樂...
毛毛 : 我等緊平安夜倒數呀...9..8..7..6..5..4..3..2..1......
毛毛 : 聖誕節喇....祝各位 "聖誕節"...
2009年12月22日(星期二)
今日係冬至,係我地中國人傳統嘅大節日,好多人都會返屋企同家人食飯...
公司都編左好多同事收早,而我....好彩我有個好拍擋宏兄返黎公司接手,等我可以早啲收工...
喺屋企毛媽已經整定湯丸俾我食,我就用生果整左啲湯丸俾毛毛食...
毛毛:毛爸整啲湯丸好正呀...
毛毛:全家人都有湯丸食真好...可惜家姐去左大陸做野要過左聖誕節先返黎...
2009年12月22日(星期二)
毛媽特別請左大假照顧手術後嘅毛毛...
呢幾日毛毛瞓到好晏先起身,今朝毛毛好生猛,毛媽做足準備功夫帶毛毛落街散步,好多途人對毛毛指指點點...
毛毛有個習慣,到門口、電梯口、斑馬線都會好乖咁坐低 (有得獎野食咖),毛媽擔心毛毛會整親傷口,所以幫毛毛著左條尿片褲仔...
不過出左小小問題,因為條尾個位開得唔夠大,毛毛一部份嘅便便屙左喺褲仔度,搞到成個Pat Pat都臭晒...
毛毛 : 望乜野喎...我著左條尿片褲仔啫.......
毛爸 : 喺呢區著尿片褲仔散步嘅狗狗,你都係第一隻喇,毛毛又創紀錄喇...
2009年12月21日(星期一)
毛毛經過近18個鐘頭嘅休息,慢慢生猛番...
但係又產生另一個問題,就係藥力過左傷口開始痛,毛毛仲成日都想Lam個傷口...
毛媽就攞BB用嘅尿片自家製左尿片褲仔俾毛毛着,保護傷口。
聽毛媽講今日毛毛成日都攤喺度瞓覺,我諗可能天氣凍同傷口痛...
我收工返到屋企,毛毛歡迎完我之後又走返入籠瞓覺,但係當我食生果嘅時候...毛毛即刻衝出黎變番隻百厭星...
毛毛 ; 帶住個喇叭講野都大聲啲...
毛毛 : 吓...又俾毛爸玩...
2009年12月20日(星期曰)
今朝天氣仲係好凍...約左11:00帶毛毛去診所做手術,經過威信醫生詳細檢查,毛毛一切正常不過又輕左啲...
醫生講解手術風險,毛毛要開始準備。首先同毛毛打鎮靜劑瞓覺,醫生准我地抱到毛毛瞓左先送入手術室...
醫生叫我地放心14:30就可以接毛毛走。
等左好耐先夠鐘接毛毛,男護士抱住毛毛出黎...毛毛帶住個喇叭,一見我地就搏命掙扎,條尾好似裝左摩打咁好開心,姑娘講毛毛咁精神應該好快好番。
宜家毛毛都仲好似飲醉酒咁暈佗佗...毛毛已經禁食左15個鐘,姑娘話要等啲麻醉藥過左先可以飲水同食野 (18:00後),三日後返去覆診...
返到屋毛毛好唔習慣個喇叭...瞓唔到,咁我就抱住佢瞓,連我都瞓着左,因為我放下心頭大石...
毛爸 : 毛毛情況良好,精神唔錯...
毛毛 : 個喇叭搞到我好唔舒服,瞓都瞓唔到...
毛毛 : 毛媽幫我除左個喇叭等我可以瞓陣先...
毛毛 : 好眼瞓呀....................
2009年12月19日 (星期六)
聽日毛毛就要做手術,按醫生指示夜晚10點之後唔可以食野...
今日星期六...毛毛有最鐘意嘅生果食,但係因為返大貨我今日好遲先收工返屋企...咁毛毛就冇生果食喇...
毛媽一早買定紙尿片俾毛毛手術後用,又同毛毛沖涼修甲修毛...
其實全屋企人好擔心毛毛聽日嘅手術...
毛毛 : 唔知點解呢兩日屋企人特別錫我...
毛毛 : 毛爸仲破例抱我添呀...我真係咁乖 ????
2009年12月17日(星期四)
今次廣場展出嘅作品都超大型,隻“兔仔”簡直超想象咁大。
上到二樓廣場又見到一座大型作品“木馬”,其他人形作品比例 1比1,豐富色彩同精緻嘅作品真係令人大開眼界。
我仲買左今次大會主題作品長型Puzzle俾太太做禮物…
毛爸 : 嘩呢度都好多人呀...
毛爸 : 隻木馬係唔係好大呢....
毛爸 : 有冇見過咁大隻嘅兔仔呀...
毛爸 ; 小朋友你爬咁高危險呀...
吓...咁多人...都唔知幾時先收得工...
埋黎影相...埋黎影相...每位10蚊咋...
唔該借借...唔該...唔該...
呢度呀...影相唔收錢....
毛爸 : 佢玩踩波雜技叻過毛毛喎...
呢個小朋友梗係同家長失散左喇...
喂...我喺呢度呀....
喂...小朋友排好隊...我地收工喇...
2009年12月17日(星期四)
今日太太約左去香港check眼,係每年例行檢查,一早我就同太太出發...
今次亦都順便陪太太行街散心,我地喺時代廣場買野同食野。
我地去到廣場...嘩...人山人海,原來係 "幾米" 作品展,我地黎得真合時。今次嘅作品同上次有啲唔同,今次色彩好華麗,太太見到梗係開心到飛起啦...
毛爸 : 我等左好耐先影到呢張相...最少行人
毛毛 : 嗰班樂隊係歡迎我地呀....
毛爸 : 上面有野睇喎...
...唔......好凍呀....
... 嘩......好暖呀.....
...喂...手足我地仲要頂幾耐....有排...
...唔...要睇實啲...
今日好似冇乜太陽喎...
毛爸 : 毛媽最愛....
毛爸 : 咦...佢地好似毛毛咁識爬樹喎....
吓...為兩餐...頂硬上...
...沉默是金...