2018年1月31日 星期三
2018年1月30日 星期二
難忘的...2018臺北渣馬
2018年1月30日(星期一)
2018年1月28日臺北渣打馬拉松...係一日難忘嘅日子,當日凌晨四點已經起床準備...同隊友會合、影團體合照、寄存行李、熱身......
今年賽事總共有超過 2萬幾人參加...熱鬧場面令人興奮到失控,起跑開始...差不多花成10幾分鍾所有跑手先至能夠跑上賽道,而賽道中段有民眾、啦啦隊為眾跑手打氣、加油...
能夠參加臺北渣馬多得「魂跑團」幫我報名,我能夠完成賽事多得眾隊友嘅鼓勵同太太嘅照顧...實在感激。
今次路跑嘅經驗...緊張、興奮、爆汗、飢餓、寒冷、疲累...但所有嘅一切都令我感動、難忘、非常享受。
臺北渣打馬拉松我都係第一次參加...
好幸運能夠成為「魂跑團」嘅一份子...
另一誇張嘅場面排隊去廁所...排咗15分鐘
15分鐘之後先起跑,眾跑手已經上線,起跑點...只能遠觀
跑道其中一段路係架空斜坡路...跑得很吃力
尾段路...裝B
我嘅動力來自一班正能量隊友嘅鼓勵...
不放棄、盡努力...就是勝利。
好期待下一次...
2018年1月26日 星期五
毛毛...呢幾日...令人憂心嘅毛毛
2018年1月26日(星期五)
每次我哋出門焦點就會落喺毛毛身上,因為毛毛平日嘅生日習慣就會改變。
跟住幾日毛毛冇得落行散步,便便同尿尿毛毛都習慣落街解脫...所以大小便係難題,幸好我哋有位識照顧毛毛家務助理。希望冇乜太大影響...
唔知點解...呢兩日毛毛特別聽話...
2018年1月21日 星期日
放空眼神嘅毛毛
2018年1月21日(星期日)
每逢我哋放假...毛毛嘅行為就會變得懶洋洋同好安心,對圓碌碌眼仔好似監視住我哋咁,當日又會瞓得特別甜同特別耐...毛毛會表現出嗰種安逸嘅感覺...真係令我哋好羨慕。
毛毛望住人嘅眼神非常可愛...
2018年1月20日 星期六
密香紅烏龍茶
2018年1月21日(星期日)
舊年太太同事(沙沙)到臺灣宜蘭旅行時...幫忙買茶葉帶返澳門俾我。其中有一種「密香紅烏龍茶」我非常喜歡,茶湯色似紅酒、帶有淡淡密香同果香、茶味甘甜香醇,品一口...齒甲留香,一飲難忘。
感激沙沙,今年初又幫忙入貨...多謝!
2018年1月18日 星期四
十分自動自覺嘅毛毛
2018年1月18日(星期四)
毛毛每日落街散步兩次,每次返到屋企要...抹身、洗腳、吹乾、梳毛。
毛毛以前對衛生梳洗嘅過程非常擴拒,每次散完步返屋企大家就開始角力,毛毛就通屋跑,我哋就周圍追......
唔知由幾時開始嘅改變...毛毛一入門口 (除咗揾毛媽) 自己行入洗手間等除頸帶同梳洗,然後好乖咁行入書房等吹乾腳仔....
毛爸:毛毛好乖仔...好叻...
毛毛:我幾時都咁醒咖啦...
2018年1月17日 星期三
2018年1月16日 星期二
我對「籠」嘅新觀念
2018年1月17日(星期三)
毛毛個性係非常活潑又好動⋯勁跑、跳、用雙後腳企高⋯等等,更有好多時因過份熱情而行為失控,所以毛媽有將毛毛不定時咁「困籠」,自己對困籠睇法好負面等於....罰。
有次睇到臺灣訓狗師熊爸嘅一編報道:狗狗由BB開始應該訓練習慣困籠。
我哋將毛毛困籠時候就形做一個好嘅聯想⋯入籠會有零食獎,現時毛毛非常接受,經常自己走入籠休息,由其係食餐前會自動自覺咁走返入籠好乖坐喺度⋯等開餐⋯⋯
毛毛其實好聰明...只係有時好百厭...
2018年1月14日 星期日
毛毛兩星期嘅適應...令人憂心嘅毛毛
2018年1月15日(星期一)
毛毛轉食脫水生肉糧已經兩個星期...經細心觀察...毛毛好快就適應食生肉糧,健康亦都冇太大變化。
有所改變嘅係...毛毛好快就覺得肚餓、啲便便軟身咗、有時啲便便偏爛、健康大致上良好、一切都令家人滿意。
家人都準備花多啲時間觀察毛毛轉糧嘅變化...
準備「生肉」糧比「自家煮」糧簡單好多...
我女兒的生日 2018
2018年1月13日(星期六)
天下嘅父母都有一種心態⋯將自己所有⋯最好嘅都留給兒女,仲會擔心是否足夠?以前好難想象,到我當上父母先明白原因係點解。
我準備一餐簡單嘅晚飯,一個小型蛋糕,為慶祝女女重要日子...
親愛嘅女女...我愛妳,生日快樂!
希望將來妳每一年嘅生日都能夠同妳一齊慶祝...我愛妳
2018年1月11日 星期四
向前走、向後走
2018年1月12日(星期五)
早晨呀...今早帶毛毛落街散步...一出大廈門口...毛毛就開始狐叫,原因係喺好遠有位姨姨拉住隻大雪橇狗向毛毛方向行過來。
毛毛開始好衝動搶繩向前衝,我指令毛毛冷靜坐低...當迎面相會一刻...毛毛狂吠對方,雪橇狗就表現貪玩開心...
姨姨強調:唔使驚,我隻狗狗好乖唔咬人咖...唔使怕。
而我回應:我隻狗狗好百厭咖,經常挑戰狗狗同對方打交咖。
當時大家都即時拉實自己隻狗狗,互相打招乎,最後...大家狂笑咁行開...
姨姨強調:唔使驚,我隻狗狗好乖唔咬人咖...唔使怕。
而我回應:我隻狗狗好百厭咖,經常挑戰狗狗同對方打交咖。
當時大家都即時拉實自己隻狗狗,互相打招乎,最後...大家狂笑咁行開...
毛毛本身係乖嘅小朋友...但俾我寵壞咗...唉~
零食嘅魔力
2018年1月11日(星期四)
呢幾日天氣凍...毛毛一直都霸住梳化瞓覺,盡管周圍凍冰冰...都改變不了毛毛貪食嘅個性。
每逢有開膠袋聲響...無論何時何地毛毛就會喺你面前出現,非常神奇...
毛毛趕住出嚟等食零食呢個樣就令家人笑爆咀...
2018年1月8日 星期一
輕輕鬆鬆的操練(TRX)
2018年1月8日(星期一)
寒流突襲...呢幾日不斷落雨、氣溫下降,所有戶外做嘅體能、踩單車、物理治療操練...全部都要暫停。
唯有喺室內進行下簡單嘅熱身運動...拉根、室內單車、TRX操練...保持身體狀態穩定,其中係因為要準備迎接月尾舉行嘅臺北馬,今年我第一場賽事...
物理治療師冇反對我做TRX操練...
2018年1月6日 星期六
極霸氣嘅毛毛
2018年1月7日(星期日)
今早天灰灰、毛毛雨...帶毛毛落街散步...行過巴士站...
毛毛突然「扎恆馬」搶繩向前標狂吠,原來離遠有隻黑唐狗迎面行緊過來,當黑唐狗見到毛毛咁兇悍嘅表現...就停止繼續向前行...仲慢慢轉向行出馬路避開毛毛繞道行開,當時好彩馬路上冇任何車輛經過...真係好擔心黑唐狗會俾車撞倒...毛毛咁霸道嘅反應唔係第一次...
毛毛變得咁霸道...係細個有次俾3隻黑、白唐狗圍攻受傷有關...
2018年1月5日 星期五
毛毛改食脫水生肉糧...令人憂心嘅毛毛
2018年1月6日(星期六)
家人認為狗狗食生肉糧係會健康啲,毛毛細個嗰陣已經嘗試食「生肉糧」,由於當時自己對生糧食用情況認識唔深、對食糧份量錯誤理解...不幸當時毛毛患上嚴重嘅皮膚病,轉糧令毛毛健康更差,體重瘦弱到見骨...亦都係令自己為毛毛最擔心嘅一次。
今次毛毛改食生肉糧都係為改善年紀大健康開始走波著想而改變,今次要提醒自己,不斷提高警覺、嚴密監察毛毛嘅健康、精神、食欲、體重、便便、尿尿...慕求轉糧成功....
毛毛一直都食「自家煮十狗糧」作為正常餐...
今次作出改變希望毛毛快啲適應,做個健康快樂嘅毛毛...
2018年1月4日 星期四
毛毛有點喜歡「肥」
2018年1月4日(星期四)
我家家務助理(肥姐姐)放完長假期...消假返工,咁巧合同我一齊搭𨋢上屋企,我哋去到大門口已經聽到毛毛開心狂吠狐叫...
入屋之後...毛毛狂跑、跳、企...有啲失控...咁係歡迎家務助理(肥姐姐)返屋企,令我好意外...更令我有啲啲吃醋。
我估毛毛對肥姐姐有情意結...回想當年毛毛BB嗰陣...好痛錫同照顧毛毛起居飲食嗰位家務助理係位「肥姐姐」。
毛毛腰椎病復發嗰陣...肥姐姐餵食餵湯咁照顧毛毛...難怪毛毛鍾意肥姐姐。
2018年1月3日 星期三
2017年回顧
2017年12月30日(星期六)
十號風球~天鴿颱風重創澳門,大停電、交通停頓,巿民搶買食糧及食水,情況令人恐懼,更令我擔憂嘅係喺冇水冇電下一個人生活嘅外甥女(銅銅)⋯⋯
毛毛腰痛病發~短時間受傷2次,未試過咁嚴重,入夜毛毛腰部痛到坐立不安不能入睡,深夜要到急診求醫(大家都擔心到成晚失眠)⋯⋯
毛毛右邊大牙爆開~要做手術拔牙,因為牙齒壞死了,連牙根都發黑,仲發出臭味。
阿女,孫女QQ~上嚟屋企食飯次數最多(大家開心相處...幸福)。
工作時數~今年最少。
受傷次數~多到破紀錄(手、頸、腰、腳⋯)到現在都還要繼續做物理治療。
做義工次數~攝影師、物流、音響控制員⋯今年做得最少。
參加跑賽事~田競總會聯賽(兩季)、明愛慈善賽、銀馬⋯雖然自己長時間都在受傷狀態,參賽次數都比過去嘅多。
總結2017年係對自己處事作風、忍耐、決心、平常心⋯係極度考驗。
毛毛腰痛病發~短時間受傷2次,未試過咁嚴重,入夜毛毛腰部痛到坐立不安不能入睡,深夜要到急診求醫(大家都擔心到成晚失眠)⋯⋯
毛毛小朋友腰痛到狐叫,到急診照X光、打止痛針
阿女,孫女QQ~上嚟屋企食飯次數最多(大家開心相處...幸福)。
工作時數~今年最少。
受傷雖然因工作而起...其中係自己大意同唔小心
做義工次數~攝影師、物流、音響控制員⋯今年做得最少。
參加跑賽事~田競總會聯賽(兩季)、明愛慈善賽、銀馬⋯雖然自己長時間都在受傷狀態,參賽次數都比過去嘅多。
能夠結識到一班熱愛跑步志同道合嘅隊友...係緣
展望2018年...
為實現夢想而加陪努力、進取、活出精彩嘅一年...
2018年1月2日 星期二
從新提筆寫日誌
2018年1月2日(星期二)
2017年4月份開始......減少寫日誌,其中原因腰部受傷、物理治療、頸椎間盤出事、物理治療、康復體能操練、情緒低落...最後部手提電腦更新而暫停日誌寫作。
實情...自己記性好差...記憶力仲一直走坡,寫日誌係為留下紀錄,為自己做一個備忘錄。
人其中最珍貴嘅財產...記憶
訂閱:
文章 (Atom)