今朝要陪太太去買餸同買早餐。今日我買左好多生果(食一個星期),有橙、蘋果、芒果、西梅、藍梅、啤梨、火龍果、迷你奇異果…
毛媽特別買左盒韓國黎嘅士多啤梨俾毛毛食,毛毛今日自由行,又有士多啤梨食一定超開心啦…
毛毛:毛爸,你講緊我呀?
毛毛:其實乜野生果我都鐘意食架...
- 留言者: 圓咕碌
- Email: bottle312@yahoo.com.hk
- 網址:
- 日期: 2009-03-02 14:51:00
今朝要陪太太去買餸同買早餐。今日我買左好多生果(食一個星期),有橙、蘋果、芒果、西梅、藍梅、啤梨、火龍果、迷你奇異果…
毛媽特別買左盒韓國黎嘅士多啤梨俾毛毛食,毛毛今日自由行,又有士多啤梨食一定超開心啦…
毛毛:毛爸,你講緊我呀?
毛毛:其實乜野生果我都鐘意食架...
由於妹妹出門,銘銘、銅銅就由我住喇。雖然有工人ANITA照顧,但我都有啲唔放心(我太錫佢地喇)。
尋晚10點幾收左工就上去屋企佢地,一去到Anita就投訴 : 我由9點叫佢地兩個沖涼瞓覺到宜家都唔肯旭…真係冇佢地收。
我只係問左佢地點解…兩兄妹馬上去沖涼換衫瞓覺。
臨走順便睇吓啲錦里,出到露台先知前幾日魚池玻璃爆左,宜家做緊維修。
銅銅話:啲魚搬左屋喇…
銅銅:我去沖涼先...
我係新黎架...
尋日下晝本黎想帶毛毛出去行山或者去妹妹度,過毛毛成個晏晝都喺度開工(瞓覺),我見毛毛瞓到咁甜…有得佢喇。
今朝去散步,毛毛吠到隻小狗狗要匿入樓梯底,便利店啲哥哥話毛毛係惡霸黎架…
傍晚毛毛食飽飯就係廳尿尿,俾太太體罰同罰坐…毛毛就驚到疴軟便便,仲疴到尿板啲格仔度…
對上一次放假已經係十幾日之前,今日放假本黎過香港買野,但因為妹妹夫婦今日中午起程飛台灣,留低銘銘、銅銅等我照顧。另外要安排錦師傅上老豆屋企修理電視(部電視尋晚壞左),唯有留喺屋企休息、執頭執尾、煮飯仔、陪毛毛…
黎最開心係毛毛(成日都自由行)、太太(又有好野食喇)、工人阿美(今日又唔使做)…
其實 應該係 太太、毛毛、阿美同我講…我地今日又可以放假喇…
毛毛自從星期日冲完涼返黎之後就成日R頸,次數越黎越密。我同毛毛詳細檢查過冇乜野特別發現,我懷疑毛毛喺街野到啲蚤。
其實我都幾擔心架,不過咁啱今日例行滴蚤水日,問題應該解决…
尋日blog友圓咕碌提醒我地唔可以俾雪梨狗狗食架,太太就積極上網揾料…原來狗狗唔一定需要食水果架,如果俾狗狗食就要好小心選擇種類。好多謝圓咕碌提醒我地…
毛毛:頸同下爬好痕呀...冇呃你架...
經過商量,今年去旅行嘅目的地喺台灣。本來打算台灣環島遊,又或者台南、高雄。又聽人講嗰啲地方係風景咋。
今次我想去台北行街野食野,唔知太太想點樣安排呢?今次又要 辛苦 太太計劃行程喇…
好幸運有份咁好嘅工(瞓覺),好上司(毛爸、毛媽)。
我份工每日要返朝9晚6,每個星期返5日,有年假、例假、有薪假,包食、住、醫療、美容、服裝、玩具同零食。
我同毛爸毛媽一樣每日都要返工架,毛爸話為左生活同責任要頂硬上呀。雖然有時我唔想返工,好想毛爸毛媽都唔好返工陪我,咁係唔得架...
今日毛爸9點半出門返工,我都要開工喇 (瞓覺)...
我毛毛都要 “做好呢份工”... 開工...
開工喇...
開工中...
等開飯...
終於收工...
尋晚毛毛尿尿喺正尿板中間(一個叻)。
今朝同毛毛去散步又撞到黑唐狗,毛毛狂吠但隻黑唐狗冇走開。毛毛除左吠,仲坐喺度唔肯走…擾攘左一輪就尿尿同便便。去到便利店無端端吠個姐姐,仲嚇親人。
返到屋企玩左遊戲就食野,期間好乖咁走去尿板中間尿尿(兩個叻)。如果以後都喺正尿板尿尿就好囉…
尋日毛爸收工返屋企,我冇睬毛爸因為我同毛媽玩緊執波仔(有零食獎)。仲有毛爸又叫我 “臭豬”…後尾毛媽唔知同毛爸講左啲乜野之後,毛爸就走黎抱我,叫番我做 “毛毛” ,仲問我乖唔乖。
既然係咁…我就睬番毛爸啦。之後毛爸切雪梨俾我食…仲有藍梅…毛爸好野…
聽太太講尋日帶毛毛去沖涼,到現場已經有好多狗狗喺度排隊等。毛毛一去到就俾啲狗狗圍佢,毛毛就走埋牆角好似 “鵪鶉” 咁唔敢吠。太太臨走見到毛毛好似好陰功咁扒喺個欄杆度要跟太太走…
美容院到下晝2點幾先 通知 太太接番毛毛,毛毛返到屋企就好似好攰咁,夜晚仲好早就返入屋仔瞓覺…個百厭仔肯定喺美容院玩到攰啦…
今朝7點幾先起身,同毛毛落到街…“嘩”好大風呀!毛毛俾風吹到耳仔都豎起,又大霧又濕,毛毛搶繩向前跑…好遠見到寶寶同兩隻白松鼠,毛毛好似裝左turbo咁衝過去,見到阿叔又喺度搖頭…
可能天氣潮濕,毛毛成身啲毛都好立。
毛毛今日約左時間去美容院冲涼…
毛毛自從夜晚自由行之後,開始習慣我地嘅生活方式。我地瞓覺,毛毛會自己返入屋仔度。夜晚亦都少左出廳行黎行去,朝早亦都唔會晨早走埋床邊叫你起身。至於尿尿就唔係好穩定,有時喺尿板、有時喺報紙度…激壞毛媽。
表姐全家移民美國唔經唔覺十幾年,基本上每隔幾年就返黎澳門探我地。舊年年中,表姐夫返黎辦証順便同我地見面食飯。喺表姐夫口中知道表姐跌親都幾嚴重,3個月唔行得,要日日做物理治療。之後情况好轉,但宜家表姐每行路15至20分鐘就要坐一陣,因為腳痛…令我好擔心同好掛住表姐。
前幾日表姐夫婦過黎澳門探我同妹妹,見到表姐已康復仲同我講,宜家我行得特登黎你兩兄妹架。表姐同我擁抱,大家都眼濕濕…
返到澳門,表姐夫因為時差水肚不服,空氣唔好…曾經暈倒…好彩冇乜事…
平時每日毛媽會同我抹身,每隔兩個禮拜就冲涼。但自從打咗防疫針,聽醫生話最少一個星期唔可以沖涼 (對上嗰次係2月5號)…
都唔知點解近排個身好大陣味,毛媽就好勤咁幫我洗咀仔、手仔同腳仔(毛媽超錫我),毛爸就呢排改口叫我做 “臭豬”…
毛媽話黎緊星期日會帶我去剪毛同洗白白喎…好快唔使做 “臭豬” 喇…
毛毛:毛爸,你叫我臭豬...你歧視我...
毛毛:嗱...唔好再叫我臭豬,我嬲你架...
毛毛就黎一歲,體重成10磅。近排發覺毛毛好為食,連紙巾、報紙都食,好似食極都唔夠…
每日朝早傍晚各一餐正餐、平時便便或者尿尿有零食獎(水泡餅兩粒)、喺屋企玩執波波有零食獎(水泡餅10粒狗量10粒)、生果就每日四份一個梨或者十幾粒藍梅,有時毛媽會俾條潔齒骨佢食…
毛媽話毛毛食得太多野喇…會變肥仔架…第日要毛毛減肥,毛毛仲辛苦…
尋晚係貨場見到隻杏色嘅貴婦狗,個樣同毛毛好似。個主人係一對後生仔女,隻狗狗俾男主人抱住,好乖咁個頭伏喺主人個膊頭度好靜…
後尾我同個狗主傾偈,知道隻狗狗個名叫 “邦邦” ,係女仔黎架得6個月大咋,係隻好乖好靜嘅bb狗…
前日全日都陪住太太同毛毛,我地去左威尼斯人影相,之後喺購物大運河嘅美食廣場食午餐(日本菜)。
下晝就帶毛毛去橋頭大草原玩…毛毛本色,見到小朋友同狗狗就狂吠,但玩到好開心…
另外就要煮大餐俾毛毛食。至於同太太食晚餐,已經喺間出名嘅傳统餐廳(葡菜)訂咗位…
葡腸炒雜菜
馳名燒乳鴿
焗鴨飯
最後嘅驚喜係架車泊喺屋企樓下,俾警察叔叔抄牌,要罰6百大元…鳴鳴鳴…
今日係一個大日子,除左毛毛11個月大嘅生日之外 仲係 太太西曆生日。
我 祝 太太 “生日快樂”、“身體健康”… 係…仲有毛毛 “生日快樂” 呀…毛毛…