單車日誌...約騎單車、掃興

2016年7月24日（星期日）晴天 微風 一線陽光 29度

上星期喺電梯遇見準備出去跑步嘅小兄弟阿東，原來大家都係喜歡踩單車呢様運動，咁⋯就約定今早出去踩單...

凌晨五點⋯一齊出車⋯只係踩咗大約兩公里，阿東架公路車因路面某啲情況下前輪＂爆胎＂，好彩冇意外發生，最後決定下次再約騎⋯現在各自各走⋯⋯

隻身乘騎...感覺另一種自由

迷人嘅早晨景色....

太陽升起...新希望嘅開始...車

驟雨中的陽光

2016年7月20日（星期三）

近呢兩星期天氣變幻莫測每日朝早都會落一陣大雨，之後就會陽光普照...

對毛毛嚟講係一件開心嘅事，因為毛毛鍾意玩水。大雨對我嚟講照顧家人會添麻煩，對浪浪狗狗大雨係一件辛苦嘅事。

但我相信⋯變幻嘅雨天終會過去到時候陽光再現，不如意之後就會有新希望。

毛毛：外面落雨？好嘢...

毛爸：出猛太陽落大雨...呢種天氣少見...

放縱時刻

2016年7月17日(星期日)

又到家庭樂嘅日子…可惜今早天氣太熱毛毛冇得出去行山、玩...

但今早毛媽準備特別嘅玩具「鹿角」俾毛毛玩，毛毛似乎好鍾意呢個新玩具，由梳化凳上玩到地下…玩到夠時間沖涼都唔還返俾毛媽。

我見毛仔玩得咁開心就有得佢繼續玩…有時適當時候…應該係得到放縱咖…

毛毛一有得玩就零舍開心醒神...

單車日誌…滿足自己嘅心態

2016年7月17日(星期日)

2016年7月16日(星期六) 17：50 陽光普照 微風 31度。雖然身體極累但…心入面有極強嘅聲音：出去踩單車輕鬆下啦…，近期己經減少好多課體能操練(可能年紀大體力跟唔上) ...

為咗滿足自己今日下晝出車…落到街心感不妙，路面交通非常煩忙…原因係政府一到暑假就會大虧模修路而封路，我兜路踩咗6公里先到西環橋單車徑(正常路程1.5公里) ，而路面太多車對單車友嚟講…非常危險...

澳門氹仔區嘅新地標...鐵塔

夏天太陽先生加班...日照時間好長...熱到人都癲...

難忘嘅 2010年6月

2016年7月16月(星期六)

六年前嘅六月份…當時毛毛皮膚病發作，帶毛毛去見醫皮膚病有口碑嘅醫生，醫生開咗啲藥…其中係沖涼液，由毛毛用藥開始…體重下降、精神差…，家人非常擔心，每日觀察…但冇好轉嘅情況，一至轉睇吳醫生…毛毛健康慢慢好轉...

毛爸：家人一放工返屋企都會輪流抱毛毛...俾毛毛有安全感...(六年前嘅舊相)

毛爸：據吳醫生對毛毛用藥分析...專科醫生開嘅藥過猛。

由其係沖涼液藥力強到(巨犬份量)...令毛毛承受不了而產生反效果...

今次事件令毛毛受盡痛苦...令家人十分難過難以忘記...

對不起...毛毛

幸福時刻…開餐

2016年7月15日(星期五)

家人好注重同好緊張毛毛嘅伙食，飲食絕對影響狗狗嘅健康，家人認為狗狗生病係一件痛苦嘅事，因為狗狗唔能夠清楚表達俾人知佢哋邊度唔舒服...

因為咁…家人好嚴格管理毛毛常餐嘅食材、種類、份量、煮嘅方法…，只求毛毛食得健康…

毛爸：每日毛毛感覺最開心嘅時刻...食野喇...

陪我一起奮鬥

2016年7月14日（星期四）

以前⋯喺屋企睇電視、踩踏步機或者踩單車操練嗰陣⋯毛毛就會周圍咁搞破壞，令我操練好唔專心。

唔知幾時開始⋯毛毛有好大改變，現在我睇電視、操練⋯毛毛都會坐喺旁邊陪住我，我仲會習慣咗。

多謝你陪我一起奮鬥。

毛毛陪我（監察）做單車操練...

毛仔陪我睇歐冠杯...

包容

2016年7月12日（星期二）

今日毛毛嚫我唔為意⋯擔咗我正在充緊電嘅相機電去玩，仲咬爛咗（1D專用＄1050）報消，經毛毛破壞嘅⋯相機、鏡頭、相機電、清潔布、單車部件、頸巾、手套⋯等等，雖然令我損失慘重，但我從來都冇上心，仲完全忘記晒。

實情⋯毛毛同其他小朋友一樣行為只係想我哋注意佢或者係想同我哋玩，百厭係毛毛嘅本性，我深信毛毛冇心引發破壞⋯好可能呢種事件會一直發生落去，做家長態度就要＂包容＂

毛毛做咗錯事就會坩嘅表情...而且特別聽話

風雨不改的堅持

2016年7月11日（星期一）

記得毛毛六個月大嗰陣⋯有日我第一次帶毛毛落街散步⋯嗰日就俾毛媽大鬧一場，原因係毛毛未打晒防疫針毛媽擔心毛毛抵抗力唔強會病，咁啱第日發現毛毛患皮膚病⋯於是我就順理變成大罪人。到毛毛打晒防疫針⋯毛媽又擔心毛毛年紀太細最好唔好落街，直到毛毛受訓⋯

由嗰陣開始我每日早晚一次帶毛毛落街散步，假期仲有得出去玩同行山⋯風雨不改...一直至今。

今日毛毛特別開心...有得玩水...

我每天愛他多一些2016

2016年7月10日（星期日）

凌虐狗狗嘅事件⋯日日都有，唔知點解 五、六、七月特別多，每當見到或者聽到呢啲不幸事件⋯感覺心痛難過。

由於咁⋯全家人對小動物狗狗特別寵愛⋯由其係毛毛，佢望住我哋嗰種帶服從同可憐嘅眼神⋯令全家人都對毛毛十分寵愛，仲有啲過份⋯現在已變成＂百厭星＂。毛毛雖然變成壞孩子，但全家人仲堅持對毛毛＂每天愛他多一些＂.......

毛爸：呢一望令家人更愛錫毛毛...

共進晚餐

2016年7月2日（星期六）

好耐冇陪過太太食泰國餐⋯近期因工作付出極大體力太辛苦、天氣太熱極速消失體力，平日花好多時間休息，連體能操練同陪伴家人嘅時間都少咗。

今日陪太太一齊去咗一間泰國餐廳食晚飯⋯感覺上好滿足同好溫馨⋯但食店環境、食物都一般，實情我懷疑可能我自己對泰國菜要求太高⋯⋯

令人會食得足嘅泰式豬手...好大份呀...