毛毛放左一個長假期…要開工喇 !
喺呢個假期毛毛經常同Coffee銅表姐玩，又經常去街、去行山、去公園…好開心。今日第一日開工…毛毛表現好不安...
傍晚我收工返到屋企…毛毛就發左癲咁狂Lam我，一定要我抱住佢... 連我入房換衫、去洗手間沖涼都跟到實…
百厭仔毛毛真係唔慣開工…
毛毛 : 毛爸...今日...都要...開工呀...
毛爸 : 係呀...我放假再帶你出去玩啦...笑吓啦毛毛
今日襯毛媽放假…我計劃帶毛媽同毛毛去行松山輕鬆吓...
松山亦都係出名嘅地標，山上有燈塔、天文台分站、博物館同健康徑。
今朝落過雨…停雨之後出太陽，天氣唔算好熱但係好曬。毛毛有街去就超開心，同埋毛媽一齊去就更加生猛。
毛毛周圍走，玩到手仔腳仔濕晒，全程都伸晒脷仔…猛咁飲水。
見到毛媽同毛毛開心番我都…
毛毛 : 毛爸…你帶我出街？唔好呃毛毛呀…真係嬲毛爸你咖
毛毛 : 呢度就係 "松山燈塔"...
毛毛 : 隔離就係 "博物館"入口喇…
毛毛 : 呢度就係 "燈塔瞭望台" ，望見半個澳門咖
毛毛 : ~嘩~好高呀~~靜雞雞話你知啦…毛毛畏高咖
毛毛 : 喺度影番張相先…毛毛未見過咁大個 "船錨" 咖…
毛毛 : ~嘩~好熱好曬呀…毛毛冇車大炮咖…
毛毛 : 要入樹林唞吓先…
毛毛 : 返到屋企毛媽同我洗白白…毛媽忙到好攰，毛毛就玩到好開心好攰
毛爸一早就起床…好似心情特別好，抱我出騎樓尿尿…
跟住我地就揸車出公園大草地散步同影相，毛爸仲讚我擺“甫士”擺得好，獎我好多零食。
毛爸今日有啲怪怪地但毛毛講唔出，不過冇乜關係啦，最緊要毛爸變番以前咁錫我…好開心呀…
毛毛 : 有得去公園...好開心呀...
毛毛 : 走入樹林都唔驚...我同毛爸成日去打 "war gam"咖
毛毛 : 毛爸過黎啦...
毛毛 : 毛爸必影動作...
毛毛 : 毛爸啲草好拮腳呀...
毛毛 : 有啲風吹住好舒服呀...毛爸話打緊風喎...
毛爸 : 唔好以為我睇你唔到，快啲出番黎啦...
毛毛 : 好快又到返屋企時間...但好開心呀...
老豆 (外父) 經過幾日嘅治療…出左報告。結果回復正常…安排出院回家休息。我地大家都鬆一口氣，有覺好瞓喇…
過去嘅幾日分幾班去陪老豆、早班阿媽 (外母) 、中午伴姨、傍晚我同太太仲有姨仔同襟兄。老豆返到屋企大家都唔使咁辛苦，今日下晝先去睇老豆…
今朝一早就同毛毛出去橋頭公園散步，晏啲就陪太太飲茶…
毛爸 : 橋頭公園隔離...
毛毛 : 公公好番...好消息呀...好野...
呢幾日忙住出入醫院陪老豆 (外父)…返到屋企已經超攰…冇乜心幾陪毛毛、同佢玩。
毛毛一見到我返到屋企…就非常熱情咁歡迎我，一定要我抱佢 (平時會草草了事) 。
呢排發覺毛毛成日都跟出跟入，就算係開左冷氣嘅睡房.. 我行出睡房去飲水或者小便，毛毛都跟住 (平時哩左入房就唔出廳) 。
睇黎毛毛小朋友好想我地注意佢同陪佢玩…
毛毛 : 毛爸你去邊呀?
毛毛 : 使唔使毛毛陪你呀 ?
毛爸 : 毛毛你快啲覺覺豬啦...
呢兩日毛爸毛媽都好忙…一係就出左去一係就入房瞓覺…
好少同我玩，又唔帶我去姑姐度。
自從公公入左醫院之後…毛爸毛媽就好忙好少理我。
如果唔理毛毛…毛毛會唔開心咖….
毛毛 : 毛爸毛媽好忙唔得閒理我...毛毛好唔開心...
由腳傷、炒車、外父入院，啲唔好嘅事梗係接二連三咁黎。講緊嘅野係三個禮拜內發生嘅事...啲好嘅事就唔會連續咁發生，真係唔公平...
呢兩日我同太太都好擔心外父嘅事瞓得唔好，外父經過一日治療同觀察之後，就要等檢查結果...再決定點做...
“等”... 總係覺得時間過得好慢...呢種感覺好難過...好唔開心...
尋晚夜麻麻…
毛媽接到姨姨嘅電話…話公公有事入左醫院，毛媽好擔心咁即刻叫醒毛爸換衫出去...去左好耐好耐...
至到就黎天光先返黎，毛媽毛爸冇講係乜野事，我睇得出佢地好擔心…今朝好早毛爸就帶埋我去揾姑姐…毛爸仲同姑姐…吱吱噚左好耐…
我問過毛爸公公乜野事…毛爸話小朋友唔准多事喎…
毛毛 : 公公...你要...快啲...快啲好番呀 ! !
