今日係父親節…都唔知點解今日特別悶熱、特別曬…
聽到尋日新聞講中午温度高有狗狗行山中暑死亡…好得人驚…
本來中午豐富嘅行程改到傍晚先開始,先去星星公園散步影相…再去食父親節大餐。
今日公園好熱鬧…毛毛去到就引起一陣騷動,有好多人要同毛毛影相…
影完相我同毛媽帶埋毛毛去一間美式餐廳食大餐 (我地問准老闆娘帶狗狗入餐廳食飯) 一齊慶祝父親節…
咁啱見到阿妹一家都黎餐廳食飯…咁…餐飯又有人請喇 (阿妹爭住俾錢埋單)…
毛毛 : 父親節...好野...又有得去街...
毛毛 : 好多草呀...
毛毛 : 啲花我見過...但又唔記得乜野名...
毛毛 : 唔使講...又叫我擺個 "招牌Look"啦... 快啲喇毛爸好攰呀...
毛毛 : 餐廳老闆娘特准毛毛可以入去食野...銅表姐同姑姐都黎左食飯呀...
毛毛 : 呢啲係銅表姐最鍾意食咖...毛毛就冇得食...
毛毛 : 姑姐、銅表姐我地走啦...拜拜啦... 仲有多謝餐廳老闆娘...
- 留言者: F
- Email: F
- 網址:
- 日期: 1970-01-01 08:00:00
沒有留言:
張貼留言