氣溫急降⋯凍了

2015年11月27日（星期五）

今早起床感覺⋯凍咗好多，毛毛瞓喺床仔郁都唔郁，自己都係因為暖暖嘅床遲起身。

落到街人流好少冷清清，連平日回收場啲狗狗都唔見，想起啲流浪狗狗要面對冷冰冰嘅環境⋯難過。

毛爸：凍冰冰...毛毛都唔願起床...

單車日誌...吃力的早上

2015年11月15日（星期日）5 ：30 密雲 強風 27度

凌晨五點⋯今朝起床有驚喜⋯毛毛好快就跟住我出大聽，睇嚟毛毛狀態唔錯⋯但佢只係跳上梳化望住我做野，一直到我推架單車出門口⋯毛毛冇郁過⋯雖然係咁⋯已經令我非常高興。

今朝天色好灰空氣好濕又有強風，涼風唔會令身體過熱⋯但強風、濕空氣令爬斜坡同平踩平都非常索氣又吃力，雙手發麻情況繼續出現令我憂慮⋯係一個辛苦嘅早上⋯

毛爸：天色好灰又好辛苦...感覺令人情緒傷感...

毛爸：毛毛呢個表情...令我忘掉所有傷感...原來毛毛一直喺度等我返歸...

毛毛：毛爸，我等著你回來（國語），但我好眼瞓...瞓住等...

令人憂心嘅毛毛...靜靜的清晨

2015年11月12日（星期四）

今早⋯梳洗、準備早餐、煮毛毛餐食、做家務⋯毛毛都冇跟出跟入，令周圍都好靜，我估毛毛仲係腰椎痛。

情況已經比噚日好咗，因為呢兩日散步時間少咗，停咗玩執波波遊戲，日日做熱敷治療⋯但復原進度好慢⋯令家人著急。

毛爸：雖然未全部好晒...毛毛比前日開心咗好多...又百厭番...

令人憂心嘅毛毛...寵物診所中午先開診

2015年11月11日（星期三）

毛媽見毛毛表現失常⋯即時請假帶毛毛見醫生，打電話去寵物診所卦號⋯但幾乎好多診所都冇人聽電話，最後打通要約到下午四點半先有得見醫生。

經醫生幫毛毛檢查肚、腸胃、腳仔、腰部⋯結果確診腰椎部分出事。

醫生長細了解毛毛每日生活情況後指出⋯毛毛極有可能經常企、跳、急停同家長抱毛毛姿勢唔正確以至令腰部出事。

醫生開咗止痛藥俾毛毛⋯腰部仲需要熱敷...手尾長...

毛爸：毛毛小朋友見到啲藥己經冇晒心情，又唔準企又唔準跳...唉...

令人憂心嘅毛毛...毛毛行路寒背

2015年11月10日（星期二）

今早六點幾⋯毛毛落街散步、玩遊戲、食餐⋯一切都正常，七點半⋯毛毛開始瞓喺地下唔願郁，有零食獎勵都冇興趣，行起路會寒背⋯行兩步就坐低⋯冇晒心機⋯座立不安，抱佢嗰陣會⋯狐叫咬人，毛毛好明顯係唔舒服⋯而且係十分痛⋯咁突然唔知發生乜野事...

毛爸毛媽：未見過毛毛咁冇心機...非常擔心...

令人心煩嘅裝修躁音

2015年11月9日（星期一）

呢幾個月隔離屋裝修⋯日日傳來令人心煩嘅躁音，近排發覺毛毛由朝到晚經常對著大門口狂吠⋯近乎失常，我細心了解之後⋯結論⋯毛毛受驚、毛毛細膽。

其實毛毛都幾陰功⋯平日晏晝一段時間只係剩低毛毛單獨喺屋企⋯真係好慘⋯

毛爸：估唔到毛毛係咁細膽...

到龍爪角行山

2015年11月8日（星期日）

噚晚⋯太太不斷追問今早係唔係去行山，行山⋯係非常有益健康嘅活動⋯實情⋯行山係需要體力同耐力嘅運動⋯只怕太太應付唔到。

今朝帶太太到龍爪角海岸徑及家樂徑行山，全程用咗50分鐘雖然路程有好多石級上上落落⋯還好太太可以應付自餘。

好靚大海...

難得太太咁有興趣行山...

 

望海...令人心境平靜...

由零開始...