2011年5月31日(星期二)
部鈴木汽車已經陪左我地好多年,近黎經常發生問題,到今次維修技師話部車唔可以再維修,亦都冇新零件更換...但短時間內揾番部新車係有難度....
毛毛 : 毛爸話買新車呀~好野...
- 留言者: SkyBlue
- Email: asb_dummy_user_hk1@yahoo.com.hk
- 網址:
- 日期: 2011-06-01 22:39:00
[版主回覆06/02/2011 08:10:00]想買嗰啲型號又冇貨又貴,或者求其揾架頂住先.....By毛爸
2011年5月31日(星期二)
部鈴木汽車已經陪左我地好多年,近黎經常發生問題,到今次維修技師話部車唔可以再維修,亦都冇新零件更換...但短時間內揾番部新車係有難度....
毛毛 : 毛爸話買新車呀~好野...
2011年5月29日(星期日)
今日放假...但週身骨痛...
前日知到巴斯皮膚病復發...真係一個極壞嘅消息,天氣又熱又濕係長毛狗狗嘅大敵。毛毛都有前科...我地都好驚,記得吳醫生講過多啲曬太陽係對皮膚有一定嘅幫肋,所以今朝專登晏啲先帶毛毛去散步曬吓太陽。至於巴斯又要捱打啲好痛嘅針,仲要成個月先好番...慘喇...巴斯加油呀~
毛爸 : 曬吓太陽防皮膚病呀毛仔... 毛毛 : 曬吓太陽都幾舒服咖...
2011年5月29日(星期日)
今日星期日,毛爸又放假,應該有得出去玩...
點知毛爸又話架車壞左又話週身骨痛...都唔知啲大人會咁多借口嘅,可能係毛爸吹牛,唉...今個星期又冇得出去跑喇...
毛毛 : 點解啲大人咁鍾意吹牛呢?
2011年5月28日(星期六)
"mo媽整餅"又開工喇,今次係整蕃薯曲奇...因為毛毛呢排冇得出去跑顯得悶悶不樂,上次南瓜曲奇毛毛好捧場...今次唔知個百厭毛毛會唔會鍾意呢?...
毛爸 : 原材料紫色蕃薯好貴咖,成品味道帶甜,比上次硬但都係唔脆...
毛毛 : 哈...哈...又有好野食...
2011年5月27日(星期五)
炎夏天氣勁熱....溫度變化莫測,闊大嘅空間另人生活得舒服啲。上個星期日我的起心肝整過個新圍欄擴充毛毛嘅活動空間.......
毛爸 : 毛毛都好落力幫手...
2011年5月26日(星期四)
呢個5月份成個月要趕工程...星期日都要返工,好耐冇同屋企人出去玩,毛毛都開始有意見...
而且以激烈嘅行動黎表達不滿,屋企嘅洗衣籃、枱上嘅單同紙巾、毛媽嘅拖鞋都成為目標,一唔留神...毛毛就大搞破壞.....
毛毛 : 我會考慮張行動升級....
2011年5月25日(星期三)
由於毛爸話工程要趕工所以連星期日都要開工,幾個禮拜冇出去玩喇...
對上一次去冇星星公園玩,毛媽就陪我玩毛爸同我影相,勁開心....唔知幾時先可以出去跑草地呢?
毛毛 : 一睇就知我係幾咁開心喇....
星星公園啲錦里魚宜家好大條....
呢張學生相係唔係好靚呢?
每次去親星星公園都要影一張指定動作嘅相....
時間過得好快玩一陣就話要走....
2011年5月23日(星期日)
今朝由於一直都落雨...咁...唔洗返工放假...心想原本今晚去大三巴睇 "光影大三巴"可能要取消,今日係最後一日唔知之後會唔會仲有機會睇...
下晝開始冇落雨,我地照原定計劃19:45去到大三巴,嘩....人山人海想霸個靚位影相都好難,到節目開始做5分鐘就開始落大雨...我一路避雨一路走位一路影相直到節目完,惨喇...人濕到淋部7D濕晒......
毛爸 : 第一次見大三巴牌坊咁靚...
完場走嗰陣遇到契媽同咪姐,遇到佢地真係好難得...十分開心...
2011年5月21日(星期六)
自從 "mo媽整餅"開工之後...我就大飽口福,每次我地食餅嘅時候毛毛都表現唔開心同失望,因為冇佢份....
好耐之前毛媽同麥粉整過一次但唔算成功,所以 "南瓜曲奇"係第一次整俾毛毛食....
個樣好靚...毛毛有口福...
俾毛毛試左一塊,毛毛表現瘋狂...似係好鐘意食嗰隻...
2011年5月14日(星期六)
啱啱嗰個星期六同太太過左香港...我地喺銅鑼灣翠華食飽午餐...就行過對面街間寵物店睇野。
有所發現...太太一直都想買俾毛毛用嘅 "水兜"。原來呢個水兜好特別,成個水兜分兩件主件,一件係兜一件係浮板。浮板中間有個窿可以控制水位,功能係浮板隔開啲毛同塵,滲出適量嘅水俾狗狗飲,好處係狗狗飲水唔會全個咀啲毛都濕晒...
個水兜好實淨,都幾貴吓成$130蚊咖...
2011年5月18日(星期三)
毛毛自從生左粒濕疹瘡瘡之後...夜晚要去尿尿嗰陣就會扒埋床叫醒我,開房門俾佢出去騎樓(因為個喇叭頸圈頂住),由於咁呢幾晚都冇覺好瞓。
毛毛宜家傷口好番唔洗帶喇叭頸圈,我都唔洗夜嘛嘛起身開門喇...真係好消息大家開心...
毛毛 : 叫你開吓門都咁多意見....宜家唔洗喇...
毛爸 : 嘩...毛毛你....我....。吓~少爺大晒.....
2011年5月12日(星期五)
由於毛毛改變飲食習慣增磅成功,見醫生嗰陣...
Dr吳順便平估毛毛增磅之後嘅健康情况,醫生非常滿意毛毛宜家嘅體型,patpat同後腳肌肉結實有力,上身圓潤...
Dr.吳健議毛毛體重應該要保持喺5.3Kg以上6Kg以下作為目標,而強烈更正毛毛體型係 "標準"唔係肥...
毛毛 : Dr吳話我體型好標準,唔怪得知樓下個阿嬸都話我呢倫靚仔左好多啦...
2011年5月10日(星期二)
毛毛經Dr.吳檢查...証實係急性濕疹,傷口中間仲有啲潰爛,好彩發覺得早...Dr.吳話係小問題,只需要搽藥等佢慢慢好番,但要剪左傷口d毛, 一日搽三次藥、仲要帶喇叭頸圈...毛毛慘喇,佢最大嘅得着係今次冇同狗打交真係乖仔...
可以平反喇...帶喇叭頸圈好慘...真係Down...
2011年2月20日 (星期日)
日式芝士蛋糕
份量: 兩個長方形焗盤(每個大小 11.5cmx22cmx6cm)
材料:
牛奶 250毫升
忌廉芝士(cream cheese 切粒,置室溫軟化)250克
牛油(奶油 butter 置室溫軟化)60克
蛋黃 6隻
低筋粉 55克
粟粉(玉米粉)20克
檸檬皮蓉(只黃色部份) 1個
蛋白 6隻
塔塔粉 (cream of tartar) 1/4茶匙
幼砂糖 130克
做法:
(食譜來源: 簡易食譜)
2011年2月5日 (星期六)
今日外甥女Nala話要黎學整蛋糕, 於是教左佢整呢個簡單嘅香蕉磅蛋糕...
香蕉磅蛋糕
材料:
100g 無鹽牛油
90g 砂糖
2隻雞蛋
120g 低筋麵粉
1/2茶匙梳打粉
1/4茶匙泡打粉
200g 香蕉泥
做法﹕
1. 牛油、雞蛋置室溫約2小時至完全退冰, 低筋麵粉和發粉過篩備用
2. 預熱焗爐180oC、香蕉用叉壓爛
3. 牛油加砂糖用電動攪拌器打勻至奶白色軟滑忌廉狀
4. 逐隻雞蛋加入,每次要完全拌勻才加另一隻
5. 加入已篩好的麵粉和發粉
6. 加入香蕉泥拌勻
7. 倒入已鋪好焗爐紙的焗盆中, 用180oC焗約50-60分鐘至金黃色, 用牙籤插入蛋糕中央, 取出時牙籤乾淨, 不會黏上麵糊便可
8. 放上鐵架待涼
2011年5月10日(星期二)
尋晚差唔多十點我啱啱瞓着...俾毛媽嘈醒聽到大叫...
毛媽 : 呀~毛毛你幾時整親咖?你同人打交?傷得好深喎...傷口仲流血添,肥仔你快啲起身睇吓毛毛個傷口...
咁...我就起身同毛毛檢查傷口、清洗、搽藥、帶喇叭頸圈。毛毛嘅傷口近住條尾左大脾上面,好似牙窿又好似毒瘡...唔知幾時整親...真R頭...
聽日都係帶毛毛去見吓Dr吳...
傷口好深吓...應該好痛...
2011年5月9日(星期一)
今朝行到天橋附近...毛毛表現緊張,聽到啲聲天橋上傳黎有人叫...BB...BB...跟住有隻放繩小狗女走落黎...冇吠冇任何攻擊嘅表現...衝過黎咬毛毛搞到我都手忙腳亂...
我自然反應咁推開隻小狗,毛毛似乎嚇親垂晒尾一路退後,我抱起毛毛但隻小狗好惡咁窮追猛打,我隻手臂都俾佢咬左一啖,我順手執住小狗女嘅頸帶的起佢...
宜家倫到阿嬸衝過黎大聲咁嗌 : BB妳做乜打交仲咬人...我要打死你至得,哥哥你有冇事呀?對唔住對唔住,我以為BB同你地玩咋...阿嬸抱番隻狗女...想打隻狗女...
我同阿嬸講我冇事唔好打隻狗狗,阿嬸一聽到我話冇事就抱住隻狗女九秒九消失左...好奇怪今朝毛毛啲飛仔皮氣全部消失晒...
毛毛 : 喺自己地頭俾人打真失威,其實我壤佢咋,毛媽話唔打交嘅小朋友先叫乖仔...但我俾人話係 "群腳仔"...
2010年12月23日 (星期四)
以往每年農曆都會訂蘿蔔糕應節, 今年諗住自己試下整。趁住仲未到農曆年, 先預早實習下先。
蘿蔔糕
材料:
粘米粉 300g
粟粉 2湯匙
雞粉 1湯匙
麻油 少許
胡椒粉 少許
臘腸 、蝦米 隨意
白蘿蔔 2.5斤 = 1512g (我自己會用夠3斤)
做法:
1. 先將蝦米浸軟、臘腸切粒加少許蔥白炒香加半茶匙酒及豉油秒香
2. 將粘米粉、粟粉加12安士水開成糊狀,加少許麻油、胡椒粉、生油、雞粉
3. 白蘿蔔刨絲後煮5分鐘,然後將已混合(2)加入稍煮至重身,再加入炒香的蝦米及臘腸
4. 糕盤(塗上生油)盛載,後蒸約50分鐘即成。
· 浸蝦米既水及刨蘿蔔時既蘿蔔水留起,代替步驟(2)既水份
· 步驟(3)蘿蔔絲加粉漿時,煮到重身,感覺就快拎唔起隻鑊剷既感覺就OK
· 倒入糕盤時要分幾次,每次倒入時要輕輕壓實,完成品就唔會鬆散
(食譜來源: 大少奶)
2011年5月8日(星期日)
今日係記念偉大媽咪嘅節日"母親節"...
毛毛祝全世界偉大嘅母親喺 "身體健康、事事如意"母親節快樂...
毛毛 : 祝毛媽 "母親節"快樂...
毛毛 : 今日專登陪毛媽去散步咖...
呢個係舊年11月整俾亞妹嘅生日蛋糕...
2010年11月14日
藍莓芝士凍餅
材料 : (6吋餅模)
餅底:
消化餅 5塊
淡牛油 30g
飾面:
鮮藍莓 適量
藍莓果醬 適量
芝士餡料:
忌廉芝士 250g
糖 60g
淡忌廉 220g
魚膠粉 2茶匙
水 2湯匙
藍莓果醬 60g
步驟 :
1. 牛油放軟加入馬利餅碎攪拌
2. 把餅底壓進餅模內放進雪櫃
3. 忌廉芝士加入糖打至軟身
4. 加入藍莓果醬攪拌
5. 淡忌廉打至6分備用
5. 拌入已座溶的魚膠粉 (加入適量的水, 隔熱水座溶, 待涼)
6. 加入已打起的淡忌廉攪拌
7. 倒 入模, 雪約3小時
小貼士 :
1. 忌廉芝士在使用前半小時於室溫放軟
呢個凍餅唔駛焗架, 雪完出黎就係咁嘅樣
跟住喺上面加藍莓果醬
再加埋藍莓同士多啤梨做裝飾, 咁就完成喇
多左出黎嘅mixture就整左呢個mousse杯俾老公
(食譜來源: http://www.rthk.org.hk/elearning/dessert/cake_bbcheesecake.htm)
2011年5月6日(星期五)
今朝提早帶毛毛出街散步...毛毛啱啱便便完...我執緊便便嘅時候唔為意...有隻白色放繩貴婦仔突然出現...咁...毛毛就衝上前同佢打交,毛毛仲咬左佢嘅右前肩一啖,好彩對方冇事(我地大家相識嘅)道歉了事...
跟住就遇到位阿嬸拉住隻小牧...小牧同毛毛一樣衝向前大家互吠...
阿嬸用上海話大聲咁 : @#$%^...貓貓Sit...跟住發生左奇怪嘅事兩隻狗狗就乖乖咁坐低。原來隻小牧個名都係叫 "毛毛"...
唔怪得知毛毛吾會左...不過毛少點解又識聽上海話嘅?
毛毛 : 我仲識好多嘢未話你知咋毛爸...
2010年11月1日 (星期一)
又有朋友生日, 整左呢個健康嘅蛋糕送俾佢...
藍莓雪芳蛋糕
16.5cm模
材料:
A) 蛋黃糊
蛋黃 3個
砂糖 20g
莓類果醬 60g 可用任何味
果汁 40g 可用水或牛奶代替
沙拉油 40g (我用芥花籽油)
低筋麵粉 70g
泡打粉 1.5g
B) 蛋白霜
蛋白 120g (約4個)
砂糖 50g
準備 :
1) 將粉類混合過篩 2 次,可使用前再過篩.
2) 焗爐預熱 170 度.
做法 :
蛋黃糊
1) 蛋黃打勻加入砂糖攪拌成淡黃色後, 放入果醬拌勻.
2) 沙拉油、果汁加入(1)拌匀. 然後粉類過篩拌入,直至完全勻稱沒有粉粒為止.
蛋白霜
3) 先用慢速打起蛋白,見到有泡之後,就轉用高速繼續打發起泡.然後慢慢分幾次加入糖打到企身為止.
4) 將少少企身蛋白加入蛋黃糊內攪勻,然後再將混合物慢慢倒入蛋白糖霜內,快手及輕手用fold-in 方法拌勻所有材料
5) 麵糊倒入模,用刮刀整平雙手提起模在桌上輕敲消除麵糊間空隙.
6) 170 度焗25-30 分鐘,出爐後倒扣之冷卻即成.
包裝後...
(食譜來源: 雪芳蛋糕 作者 曾美子)
2010年11月1日 (星期一)
綠茶紅豆慕思蛋糕
餅底
材料:
消化餅碎 70g
牛油 (座溶) 30g
綠茶紅豆慕絲
材料:
綠茶粉 2湯匙
熱水 40ml
魚膠粉 2茶匙
凍水 40ml
淡忌廉 200g
砂糖 80G
紅豆粒 40G
1. 綠茶粉加入熱水中攪勻,魚膠粉加入凍水隔熱水坐溶,並將兩者混合。
2. 淡忌廉加砂糖打至8成企身。
3. 將綠茶魚膠溶液加入淡忌廉攪勻加紅豆粒。
4. 將綠茶紅豆慕絲倒入模,雪2小時即可。
送俾好友嘅生日蛋糕
2010年10月24日 (星期日)
尋日整雪芳蛋糕剩左一個蛋黃,今日加多隻蛋黃整左呢個 "焦糖牛奶雞蛋布丁" 。
呢個布丁嘅食譜我係喺網上參考唔同嘅食譜而得出黎嘅...焦糖牛奶雞蛋布丁
(約3-4個份)
焦糖汁
糖 80g
水 10ml
熱水 15ml
做法:
1. 在厚一點的鍋中裡倒入砂糖,水之後,開火加熱;
2. 開始冒出細小的泡泡之後,必須不時將鍋子前後搖動,讓顏色均勻一致;
3. 轉變成理想的顏色,焦糖的泡沫也出現黏稠的時候,加入熱水;
4. 用木杓迅速拌勻,趁熱及快速倒進模型裡,否則焦糖很快凝固變硬;
布丁蛋漿
高鈣低脂 (或普通) 淡忌廉125克
高鈣低脂牛奶125克
糖20克
蛋黃兩隻
雲呢拿油1/4茶匙
做法:
1. 忌廉加蛋拌勻,然後加入少許牛奶
2. 將餘下牛奶加熱(不用滾),加糖加雲呢拿油煮至糖溶
3. 將忌廉蛋奶液拌勻,將熱奶慢慢加入,但要攪得快手,否則蛋會變熟
4. 將以上蛋液倒回煲內加熱 (不用滾)
5. 將蛋液過篩
6. 倒入模中蓋上錫紙放入焗爐,隔水以180度焗50分鐘即成 (中間格, 上下火)
2011年5月3日(星期二)
尋日知到阿妹整親隻左腳(腳掌有三嚿骨移位),今朝特登帶毛毛同毛媽愛心蛋糕探阿妹。
阿妹腳傷情况好轉但行動都唔係好方便...毛毛同Coffee就玩到狂開心到喺平台花園周圍跑,今年阿妹嘅花園大豐收人心果、檸檬、蘭花...
Coffee剪左個新裝非常靚女....
毛毛 : 姑姐留俾毛爸嘅 "人心果"好大個呀,姑姐話要等樹上熟喎...
啲蘭花好靚好多花蕾...
兩隻小朋友玩到癲,Coffee直頭唔舍得我地走...
2010年10月23日 (星期六)
芒果乳酪雪芳蛋糕
材料:(1個6吋中空模)
蛋黃 2 pc
砂糖 15g
菜油 25ml
水 15ml
芒果乳酪 75g
低筋麵粉 45g
泡打粉 2g
蛋白 2pc
砂糖 30g
做法:
1. 焗爐預熱至170C
2. 蛋黃及糖打至奶白色
3. 分次加入菜油,芒果乳酪,水,拌勻
4. 發粉及低筋麵粉一同篩入(3)中,輕手拌勻
5. 打發蛋白
6. 等到起泡後分三次加入糖,做成有光澤厚實的蛋白霜
7 在(4)中分兩次加入蛋白霜混合輕手拌勻
8. 倒入中空模內,以170C焗25-30分鍾
9.蛋糕出爐後倒轉放涼即成
個蛋糕升得好高,但由於火力猛左啲所以燶左,不過唔緊要,呢個係蛋糕底黎嘅,可以片走佢。
蛋糕倒扣中...
甩模後...都幾靚仔
但略嫌味道比較淡...食唔出芒果乳酪嘅味
(食譜來源: Dar's Cookery)