2018年11月6日(星期二)
2018年11月7日 星期三
2018年11月5日 星期一
毛毛、狄狄清晨嘔吐
2018年6月28日(星期四)
幾日前嘅清晨⋯俾啲奇怪嘅聲音驚醒,毛毛作嘔⋯而嘔嘅動作持續半分鐘,好辛苦咁嘔咗一啖「帶黄色泡沫嘅口水」,之後毛毛就一切正常番好似乜嘢事發生過咁。毛毛好似知道咁如果佢再嘔吐⋯毛媽就會下令要毛毛「禁食」。
呢個情況隔日又再發生,為咗呢件事毛媽搜集資料結果⋯狗狗胰臟發生問題會係咁嘅症狀,現在只有細心留意觀察。
狄狄:哈佬喂
2018年10月31日(星期三)
每年嘅萬聖節我都會幫毛毛裝扮,影一輯鬼怪嘅相應節。
今年比較特別⋯攝影器材壞晒,電腦又壞咗、照顧狄狄仔好忙分唔到身⋯⋯所以冇做仼何應節嘅事,以上嘅事都係借口,實情係忘記咗。
至於真係特別嘅事就係狄狄第一年同我哋一齊過萬聖節,狄狄小朋友唔使裝扮已經係似隻魔鬼⋯⋯萬聖節快樂呀!
狄狄:哈佬喂!祝大家萬聖節快樂呀!
2018年10月21日 星期日
2018聯賽第三回合
2018年10月21日(星期日)
每年本地四個回合嘅聯賽又係老友、隊友相敍嘅盛會,今個回合自己嘅表現實在令人咀喪⋯賽事途中因右腳不斷出現「抽根」而放棄比賽,非常感謝中途兩位交通警員嘅幫忙...十分感激,棄權了⋯⋯真係一個艱難嘅決定。
唯有留侍下一個回再戰⋯⋯
2018年10月16日 星期二
2018年10月14日 星期日
2018年10月12日 星期五
2018年10月11日 星期四
2018年10月8日 星期一
狄狄小朋友 10個月大喇!
2018年10月7日(星期日)
喺家人特別關注同特別照顧之下⋯狄狄小朋友今日已經十個月大,托賴狄狄健健康康咁成長。
狄狄行為個性同毛毛相比⋯狄狄係嗰㮔「超級破壞皇」同「超級大少爺」,平日經常挑食同要餵食、同毛哥哥爭玩具玩同打交、經常咬爛放喺椅上啲衣服、喜歡跳起咬人Patpat.......
雖然係咁⋯但好奇怪家人同工人都好照顧狄狄,我自己好難理解⋯⋯。
狄狄行為個性同毛毛相比⋯狄狄係嗰㮔「超級破壞皇」同「超級大少爺」,平日經常挑食同要餵食、同毛哥哥爭玩具玩同打交、經常咬爛放喺椅上啲衣服、喜歡跳起咬人Patpat.......
雖然係咁⋯但好奇怪家人同工人都好照顧狄狄,我自己好難理解⋯⋯。
狄狄小朋友...要開心成長呀!
2018年9月23日 星期日
中秋節2018
2018年9月24日(星期一)
一年容易又中秋......
祝大家…人月兩團圓、快樂幸福、豐衣足食、中秋節快樂!
今年可以話又驚又喜嘅一年, “驚”嘅係超級颱風「山竹」吹襲,幸運哋大家平安。
“喜”嘅係余家添多一名外孫女「Q-Bo」、亦都添多一名家庭成員「狄狄」、能夠同三表姐、四表姐、雪女相見…….
毛毛代表毛家祝各位中秋節快樂!
2018年6月18日 星期一
端午節2018
2018年6月18日(星期一)
心中一直都有兒時嘅深刻記憶「端午節」即係有烚雞蛋食同有得去海灘玩水,細個嗰陣媽媽經常咁講:有雞蛋食係幸福嘅事,寓意衣食無憂,去海邊玩水,寓意洗浄心靈去除病魔。今時今日同大家咁講會覺得有啲古怪,無論係點長輩都係希望家人幸福健康咁成長⋯⋯端午節快樂!
毛毛:好野,今日有雞蛋食
2018年5月12日 星期六
無品嘅大叔
2018年5月12日(星期六)
今日下午毛毛喺同一位置便便完轉身⋯時間嘅巧合有位大叔喺街角出現行過毛毛身邊⋯與毛毛相遇,咁突然嘅情況令毛毛受驚自然反應咁衝向大叔狂吠(毛毛有上狗帶,而且同大叔冇任何身體接觸),大叔只係俾毛毛吠叫而嚇到跳開兩步。
當時我即刻制止毛毛吠叫同時第一時間向大叔道歉:對唔住對唔住,唔好意思對唔住。
但大叔反應好嬲好火爆⋯雖然冇損傷亦都好唔份氣同好無奈,行開嘅時候向我回敬一句"我 X(吊)X(九)你呀!你 X(老)X(味)丫⋯"...
只係一件人狗吳會嘅小事啫,嗰位大叔認真小氣冇教養同無品⋯⋯
毛毛:毛爸話嗰位大叔教壞細路...叫我仟其唔好學佢...
2018年5月11日 星期五
母親節 2018
2018年5月13日(星期日)
今日係「母親節」。
祝天下偉大嘅媽媽...身體健康、事事順心、母親節快樂!
唔知點解細個嗰陣係咁諗...媽媽一定要煮我鍾意食嘅餸俾我食、一定要買玩具俾我玩、我返學一定要俾零用錢...咁係理所當然嘅事。
但當自己慢慢成長同有自己兒女之後...先感受到媽媽無私嘅愛心、耐性、犧牲...一直承受住嗰種無止境嘅壓力,唔係一般人可以做到。
每逢「母親節」就特別思念媽媽...
(借用偶像黃家駒嘅歌詞)再次泛起心裏無數的思念,已往片刻歡笑仍掛在臉上,願您此刻可會知是我衷心的說聲 ......想念您。
媽媽我愛您,母親節快樂!
2018年5月6日 星期日
狗狗行為訓練及生活分享會
2018年5月6日(星期日)
噚日我同太太一齊參加咗由「毛孩守護舍」聯合其他單位喺聖若瑟大學舉辦嘅「狗狗行為訓練及生活分享會」,重量級導師有~由美國專業認可訓犬師Sunny Sir及專業寵物美容師Fei Fei 主講、示範有關狗狗行為及寵物美容資識,更即場為大家解答問題。
今次分享會近百人參加,場面非常熱鬧,自己獲益良多,除咗溫固知新之外更開心嘅係能夠見番一班老友,Sunny Sir、大介媽、格格家長⋯⋯
今次參加為支持「毛孩守護舍」大介媽...
訓犬師Sunny Sir係我認識多年嘅老友亦都係毛毛嘅行為訓練導師
多謝Sunny Sir帶俾毛毛嘅禮物...
毛毛:風乾青口...正,多謝Sunny Sir...
2018年4月30日 星期一
狄狄轉食脫水生肉糧
2018年5月1日(星期二)
狄狄回家第三日~2018年3月3日(星期六)今日要做義工幫彿光中心元宵節活動做影相佬,全日都開工...難免對小朋友們掛心。
觀察咗兩日...狄狄對新環境充滿好奇,怕孤獨、活躍又要同毛毛大哥哥玩,但毛毛就覺得狄狄好煩經常狐吠警告佢。狄狄返嚟屋企第二日就開始轉糧,有啲擔心狄狄會唔會唔習慣?我雖然全日都外勤但都想抽時間返屋企照顧毛毛、狄狄,今日一直忙到傍晚(代我照顧毛毛、狄狄嘅工人姐姐因為要慶祝生日而提早放工,令我更擔心),幸好得到督導、師兄、師姐們體諒可以早啲走。
返到屋企啱啱趕及工人姐姐收工,小朋友們見到我就開心狂吠,抱狄狄到騎樓便便同尿尿...狄狄已經識喺尿板方便,但便便同尿尿都好少,算正常,有可能受新糧影響...轉糧希望狄狄腸胃盡快適應...
狄狄:我毛爸去咗邊?
2018年4月28日 星期六
我上學去⋯從新學習
2018年4月20日(星期五)
細個嗰陣⋯爸爸經常對我講:萬般皆下品 ,惟有讀書高。當時我唔明爸爸嘅意思,出到社會做事先發覺知識對事業係非常重要。
今時今日有學習支助,當時間許可又遇心怡學科(犬隻訓練及行為矯正課程)咁⋯就去報名⋯返學。我哋嘅課堂導師包Sir 為人健談風趣又係一位出色嘅犬隻訓練師。
2018年4月25日 星期三
毛毛、狄狄身上發現蚤屎⋯
2018年4月25日(星期三)
毛媽幫毛毛、狄狄做日常親子檢查發現⋯身上有蚤屎,今次估計狄狄先惹上蚤患再傳俾毛毛,因狄狄有個惡習每次散步到唔願行或受驚⋯嗰陣就會瞓喺地下唔肯行⋯好大機會係咁惹上蚤患。
實情⋯毛毛、狄狄每日早晚都會落街散步,而防蚤程序包括金牌、蚤帶、防蚤噴霧、醋開水抹淨身體手腳,幾乎應做盡做(所以每日每次散步同散完步我就好忙),但都係難免中招...真係好無奈。
現在屋企人已經嚴陣以待⋯準備同蚤開戰⋯⋯
實情⋯毛毛、狄狄每日早晚都會落街散步,而防蚤程序包括金牌、蚤帶、防蚤噴霧、醋開水抹淨身體手腳,幾乎應做盡做(所以每日每次散步同散完步我就好忙),但都係難免中招...真係好無奈。
現在屋企人已經嚴陣以待⋯準備同蚤開戰⋯⋯
兩兄弟好難得齊影相...
2018年4月14日 星期六
肯定⋯毛毛係乖寶寶
2018年4月12日(星期四)
狄狄嚟到余家已經6個星期六,家人互相之間毛媽、毛毛、家務助理⋯都產生好多磨擦,呢個情況令我出乎意料之外。
毛毛嘅行為亦都好大變化,變得更乖巧更聽話,以往要用指令提醒毛毛嘅事⋯現在嘅毛毛變得自動自覺⋯照紅外線燈、裝身、抹身、洗腳、吹乾⋯⋯等都非常合作,行為更有規律,家人好肯定毛毛係超級乖仔(現在有咗狄狄做比較更顯得毛毛自律),更對毛毛大少寵愛有加...
有比較先覺毛毛係超級乖...叻寶寶
2018年4月12日 星期四
令毛毛受驚了...
2018年4月12日(星期四)
2018年4月3日(星期三)狄狄越來越反叛,經常亂跳、亂跑、橫衝直撞而且極高速,實情係狄狄百厭活潑,無時無刻要同毛毛玩,挑戰毛毛大哥地位,而毛毛就忍受唔到狄狄不斷嘅纒繞好不耐煩咁狐吠狄狄。
為阻止狄狄過火嘅行為,所以家人對狄狄時時大聲發出指令、警告、甚至用報紙棒來威嚇⋯要狄狄停止百厭行為。
但係⋯咁亦都產生連鎖反應,同時連累毛毛都無孤受驚,家人亦都發覺毛毛唔多願意同狄狄交朋友⋯經常瞓喺角落悶悶不樂。
毛毛:毛爸好惡好大聲鬧狄狄...連我都驚驚
2018年4月11日 星期三
2018年4月9日 星期一
嚇我一驚嘅狄狄…令人憂心嘅狄狄
2018年4月9日(星期一)
今早我操練完返屋企⋯一入門口就見到滿地報紙碎(已經習慣了),今次又見到有新嘢,除咗紙碎仲有一噠噠紅色醬染滿地磚,當時我冇特別注意⋯準備抱起狄狄時候我就好肯定嗰啲係⋯血,狄狄受咗傷?整嚫邊度?嗰陣開始識驚,即刻幫狄狄檢查⋯⋯係後右腳掌檫損咗出血,而後左腳掌都發紅,我估有兩個可能... 1. 係今朝落街散步狂跑唔覺意整嚫受傷,2. 係俾尿扳界損...
狄狄仲係扎扎跳,所以我估佢無大外...
一入門口...滿地紙碎,一啲都唔奇怪...
咁嘅情況...你哋話係唔係嚇一跳...
2018年3月30日 星期五
帶狄狄落街
2018年3月31日(星期六)
對嘈雜環境聲好驚青嘅狄狄小朋友...
狄狄連續三日食早餐都嘔吐⋯令人憂心嘅狄狄
2018年3月30日(星期五)
今早狄狄餐後又嘔吐⋯將所食嘅糧全部嘔返晒出嚟,令人擔心狄狄身體出現毛病,回想問題所在,其中一個原因係⋯自己太冇記性,唔記得狄狄第一餐要減量同慢食,結果好負面⋯除咗搞一輪大清潔衞生之外⋯仲好擔心狄狄小朋友...
狄狄你食餐食得太急喇...
2018年3月27日 星期二
毛毛凌晨嘔呀!...令人憂心嘅毛毛
2018年3月27日(星期二)
凌晨兩點幾...毛毛突然由憩睡變不安仲嘔吐,嘔吐物中有...蘋果、藍梅、木瓜、香蕉...,由其蘋果粒數量最多,仲係未經消化...
照我哋觀察估計引發毛毛嘔吐係與食材無關,可能份量太多不能消化導致...
毛毛:毛媽,我聽朝係唔係要禁食呀?
毛媽:你話呢?
毛毛:慘慘慘....
2018年3月25日 星期日
2018聯賽第一回合
2018年3月25日(星期日)
今日聯賽第一回合,路程跑 10 k,自己由於近日梳於練習對完成賽事都欠缺信心。
比賽開始...當跑到 3 k...右腳就開始抽筋...勁痛...跑道上邊行邊跑,經過身邊嘅隊友、對手、工作人員不斷為我打氣加油,實在好唔容易跑完全程,路程上心中不斷出現成千成百個放棄借口...腳抽筋好痛、右膝關節痛、操練不足、睡眠不足......等等,但我還是堅持到最後...衝線嗰一刻...更得到旁邊一位外籍女士幫我一把一齊過終點...
多謝攝影師
多謝所有為我打氣嘅隊友,由其係團長 JOE
2018年3月22日 星期四
行為失控嘅狄狄
2018年3月22日(星期四)
2018年3月2日(星期五)今日有工程要開工,今朝狄狄要暫時隔離喺廚房,臨出門要餵狄狄食餐同飲水...要做嘅事太多,在準備不足嘅情況下又趕住返工......要等到中午放飯時間先返得屋企餵狄狄。
到屋企門口只係準備開門...入面毛毛同狄狄已經興奮狂吠(大家互相鬥大聲),一入屋...先抱毛毛、獎勵,再抱狄狄、獎勵,毛毛就好開心好自覺咁走出騎樓尿尿(叻仔),我入廚房準備餐...狄狄就行近廚房門口跟住回頭望實我...噢~太遲了...狄狄就地尿尿咗。
當時令我手忙腳亂,要備餐又要搞衛生,我分神忙緊嘅時候...狄狄就玩失縱?我又忙住周圍揾佢。原來狄狄走咗去隔離洗手間便便,我喺門口望到咁嘅情況都呆咗,唉~又要搞衛生喇。到我冷靜落嚟...想下想下...發覺狄狄好神奇同聰明...識得去洗手間便便.....好搞笑。
狄狄係醒目嘅小朋友...
真係擺個靚堆...
2018年3月21日 星期三
我毛家新成員⋯余狄狄(迪迪)
2018年3月21日(星期三)
2018年3月1日(星期四)重要日子⋯下午...
我親自到朋友家接毛家新成員「余狄狄」。
現時狄狄三個月大黑色男仔,排行第三,喺兄弟中算係弱者,個性⋯怕事、細膽、文靜、聰明⋯返到毛家狄狄對新環境非常害怕,加上大哥哥毛毛施下馬威⋯狄狄只有瞓喺枱底角落遠離毛毛,一直到晚飯時間...毛毛嘅反應只係對黑嘛嘛嘅狄狄產生好奇。
雖然過咗半日受驚嘅狄狄連口喝都唔敢去飲水,可憐。傍晚⋯我用手餵水餵糧好彩狄狄還願意合作接受,到瞓覺⋯又係另一個問題,由於要同毛毛隔離,狄狄要臨時瞓喺洗手間,呢個小朋友安靜到令我哋擔心⋯一直到凌晨四點,我終於忍唔住過去睇狄狄,狄狄小朋友坐喺門口用渴望嘅眼光望實我,主動問我攞野食、玩玩具,自己行去門口邊便便同尿尿⋯⋯狄狄咁嘅行為係好開始,加油呀小朋友...
狄狄:大家好,我個名叫余狄狄,男仔,三個月大...
2018年3月15日 星期四
2018年2月16日 星期五
毛毛向司機拜年
2018年2月17日(星期六)
今早(5:50分)帶毛毛落街散步,天色白茫茫灰灰暗...
我同毛毛行經隔離地盤停車場...突然同暗處行出嚟嘅司機叔叔相遇,我哋相方都嚇一跳,毛毛更加驚到狂吠對方:旺旺旺旺旺旺...
我連忙向叔叔道歉:對唔住對唔住...
叔叔雖然驚魂未定...但反應出人意表...
叔叔:唔緊要,冇事冇事,佢(狗狗)同我拜年啫...旺旺旺...一早就旺旺旺...今年我一定好旺...哈哈哈。
好彩大家冇事,叔叔就好開心咁行開咗...(搞到我都O咀...哈哈哈)
毛爸:毛毛,新年期間就唔好亂咁吠人...聽話喇。
毛毛:我冇呀!我同佢哋拜年咋:旺旺旺、旺旺旺。
太太,生日快樂呀!
2018年2月16日(星期五)
今日係大年初一又係太太生日嘅日子。
首先同太太拜年,祝願太太身體健康、龍馬精神、如意吉祥、萬事勝意...恭喜。
今年冇幫太太特別慶生,連生日禮物都欠奉...實在覺得自己嚴重失職同過份(但我一定會補送)...
毛毛:媽咪,生日快樂呀!
2018年2月14日 星期三
2018情人節大餐
2018年2月14日(星期三)
今日本應準備好禮物同親自下廚...但處處不順...附近所有ATM都冇錢提,挑選嘅禮物冇現貨...最後只有準備簡單而太太鍾意嘅餸菜、甜品、水果...一齊共度結婚週年同情人節...
節日快樂!
2018年2月13日 星期二
兩個紀念日(情人節、結婚週年)
2018年2月14日(星期三)
今日係 "情人節"祝願各位有情人...開開心心、快快樂樂...
今日亦都係我同太太結婚週年紀念日...
感恩~感激我太太心兒、我女女文文、我百厭星毛毛...
感恩~感激你哋過去倍伴我一齊走過不平凡嘅路...
我愛妳哋(由其係心兒)。情人節、結婚週年快樂...
情人節快樂!
2018年2月9日 星期五
期待時刻
2018年2月9日(星期五)
過去嘅十日氣溫一直攝氏10度以下...毛毛早晚落街散步都要著衫,平日毛毛對要 "著衫"已成習慣,仲非常合作。
近日毛毛對著衫有反常表現...每當裝身去散步時刻就會爆發 "追逐戰",而我感覺上毛毛喺追逐中玩得好開心同唔願意著衫。我想咗好多可能性...我估件衫有少少緊身同唔舒服...因為毛毛肥咗...
平日我攞起件衫毛毛就會好興奮自覺咁行過嚟...
毛毛換完衫之後就會坐定定等落街...
訂閱:
文章 (Atom)