毛爸毛媽毛毛豬: 11月 2014

2014年11月30日星期日

京都…銀閣寺

2014年11月30日（星期日）

續2014年⋯已被列為世界文化遺產嘅「銀閣寺」又名「東山慈照寺」日本幕府時代開始興建，前身為退休將軍嘅別墅同文化中心，係由傳統「東山文化」同「禪宗文化」結合而成，清雅又華麗日式亭園建築。

銀國寺內嘅主角係觀音殿「銀閣」，最令人印象深刻嘅係「銀沙灘」、「向月台」⋯由於遊客眾多參觀同影相都走馬看花⋯

總門

呢座係銀閣寺嘅主角「觀音殿」...

呢度係好出名嘅「向月台」...

「銀沙灘」啲白沙係有專人做型咖...

偏殿小亭園...

國寶「東求堂」

園林小徑...

前面係「洗月泉」...

我哋喺「展望所」望向「本堂」...有人講呢個景落雪仲靚...

銀閣寺另一景特色園景，花園周圍全部都俾綠色嘅苔蘚包圍...

園中最紅嘅紅葉樹...好多人等緊同佢影相...

傳統日式花園布緻精雅...

用高竹做圍牆...銀閣寺入口...

路邊嘅銀杏樹葉開始轉黃...到時又係一幅靚景...............待續

灰色的早晨

2014年11月30日（星期日）

今朝天色灰灰暗⋯毛毛雖然一早喺大廳等裝身出街玩，但就冇咗平時星期日嗰種興奮開心（毛毛小朋友擔心天氣唔好冇得去玩），出到去澳門科學館泊好車落車⋯毛毛表現完全改變⋯開心又狐叫。

實情我哋都好明白毛毛係好倚賴我哋，所以我哋嘅情緒同一舉一動對毛毛有極大影響⋯

毛爸：科學館別一邊嘅廣場...毛毛玩到癲晒...但影相就痴實毛媽...

毛爸：旁邊嘅小徑落花帶出淡淡幽香...

單車日誌...爭扎

2014年11月30曰（星期日）5：45 天灰灰微風 22度

近日工作清閒⋯只係休息工作再休息，身體狀態良好⋯但感覺好攰，大賽倒數一星期⋯今早凌晨四點幾⋯爭扎好耐先起到床，常規20公里踩單車操練又開始，為咗完成自己目標先有咁堅定嘅堅持...

現代人因為工作同精神壓力關係⋯我開始明白點解太太經常抗操練⋯真係情有可原...

毛爸：今朝連個天都係灰色...充滿變幻...

毛爸：好快就要停止操練...等大賽...

2014年11月29日星期六

平日朝早毛毛散完步返屋企第一時間會走入洗手間跳上屎塔上面等梳洗。

自從我哋去完旅行返嚟之後⋯毛毛就有所改變，一入門口就會衝入睡房搵媽咪（要同毛媽打個招呼先安心），噚日朝⋯毛毛返到屋企走入睡房⋯跟住好緊張咁走返出嚟⋯之後就書房、洗手間、廚房地氈式搜尋⋯但都搵唔到毛媽⋯表現焦急同失望，最後仲要喺洗手間門口等咗一陣先肯去梳洗。

今朝情況毛毛表現極端⋯入到睡房見到毛媽仲瞓緊覺⋯開心到爆，睇嚟毛毛仲未走出我哋離開佢短時間去旅行嗰種恐懼感⋯

毛毛：弊喇！媽咪唔見咗呀...

毛爸：你媽咪去咗做運動呀...好快返嚟咖喇...傻瓜

毛毛：噢～原來係咁咋...嚇屎我...咁都冇咁驚...

2014年11月28日星期五

家常便飯

2014年11月28日（星期五）

前兩日請咗老友蘭茜同湯太返屋企作客，一齊食一餐家常便飯，氣氛溫馨愉快⋯內心嘅開心非金錢可以買到。

現今社會時間等於金錢⋯人人忙碌搵食，如果能夠同知己相聚談心、花時間飯局係幸福嘅事，我能夠憑友情同平庸嘅廚藝請到兩位老友返屋企作客真係我嘅榮幸。

Peter ：十分多謝湯太帶俾我嘅手信「雲霧茶」，呢種茶來頭不小...

連祖國十大元帥嘅朱德元帥都大讚呢種茶係好野...

Peter：更多謝蘭茜同湯太帶來嘅美味糖水做飯後甜品...令飯局更完美...

2014年11月25日星期二

毛毛患初期白內障

2014年11月24日（星期一）

今年三月份毛毛滿六歲⋯六個月前⋯主診吳醫生幫毛毛做咗全身檢查，其中有關眼睛報告：毛毛有初期嘅白內障。醫生解釋：狗狗年紀慢慢成長⋯視力就會出現某程度嘅問題，咁係好普遍。當時我反應只有接受。

今日晏晝我見毛毛曬住太陽瞓覺⋯我即時聯想起⋯好耐之前曾經睇過一輯電視紀錄片係講住喺高山嘅一個部族⋯成員長時間喺太陽強光下工作同生活⋯好多後生嘅成員出現唔同程度嘅眼疾⋯由其係白內障，我睇毛毛眼神嘅問題多多少少都同佢鍾意曬太陽有關⋯

毛毛：凍凍哋嘅天氣...曬住太陽瞓覺係最爽咖...

毛爸：毛仔，眼睛長時間曬住強光係會有問題咖...

毛毛：以後曬太陽係唔係要咁呀...毛爸

毛爸：毛毛，你好醒呀...

2014年11月23日星期日

狗狗朋友⋯阿寶「走了」！

2014年11月23日（星期日）

今朝喺超市門口⋯遇到樂樂（雪橇狗5歳）由家長帶住散步，但就唔見阿寶（牧羊狗12歳），毛毛第一時間衝上前狂吠打招呼，記得上星期都淨係見樂樂喺街散步。

同阿寶樂樂嘅家長傾計⋯先知到阿寶上星期因重病「走咗」，係令人心痛嘅消息。

聽講阿寶病得好急⋯到後期阿寶唔食野同失禁⋯最尾醫生都冇辦法⋯直到上星期⋯阿寶就離開呢個世界，我對呢個消息感覺好突然同難過⋯

樂樂：早晨毛毛哥，你好嗎？

樂樂：我哥哥阿寶...己經走咗喇...

毛毛：我哋狗狗嘅生命時間係遞減式....過一日少一日...好多人都知...

偏偏好多人唔識珍惜...但我會用盡一分一秒愛我啲家人...

毛毛：願阿寶哥一路好走！

2014年11月22日星期六

去澳門科學館玩

2014年11月23日（星期日）

由於我哋去旅行、太太唔舒服⋯已經一段時間冇帶毛毛出去玩，今朝我同毛媽帶毛毛去科學館前地玩，近海邊一幅好大嘅石板地⋯好闊好空擴⋯好適合帶狗狗去玩或者散步，毛毛一到步就興奮到失控⋯見到跑步同散步人就狂吠⋯仲差啲咬嚫人。

過去⋯印象中科學館則邊只有一個小公園，草地又唔俾人行所以冇考慮去玩⋯但我哋忽略咗海邊嗰塊闊大嘅廣場⋯係個好地方...

澳門科學館

廣場闊大...好少行人...

毛媽同毛毛玩到癲....大家冇面俾...

毛毛好鍾意玩「頂頭錘」...

去廣場野餐...

毛毛好乖咁坐喺度等開餐...

單車日誌...左右為難

2014年11月22日(星期六) 17 :30 夕陽西下微冷風 20度

老新常談⋯運動會令身體勞累肌肉酸痛⋯令人感覺辛苦而放棄，運動同樣令身體放鬆使腦部產生神秘化學物質⋯令人振奮愉快而堅持。

倒數 15 日就係大賽所以近期幾乎每日或者隔日就踩單車練氣備戰，太太就因旅行返嚟攰、又感冒⋯休息近 10 日⋯更麻怨體重上升（言語充滿錯敗感）。

有專家講要堅持到底咁做運動⋯係要心中有遠大嘅目標（身體健康啲或者身材靚啲）同家人嘅無限支持。太太減磅成績唔理想我有好大責任，我日日都親自下廚⋯煮太太啱口味嘅餸菜，有好多正確態度、長期堅持、錯誤觀念、重要時刻⋯都冇即時兜口兜面指出⋯為咗太太好下台而輕輕帶過⋯

呢期熱爆嘅潮流係運動...但有恆心人就唔多...

京都…哲學之道

2014年11月22日（星期六）

續2014年11月8日…好佩服日本人對大自然嘅專重同理念嘅堅持，「哲學之道」可以話係一條步行健康徑，小徑周圍種滿紅葉樹同各式各樣嘅花，旁邊有引水坑，水坑嘅水出奇哋清淨，有好多水草丶大魚丶小魚羣、落葉⋯以上種種嘅配合形成一幅美麗嘅畫面，聽當地人講濃冬季節成條哲學之道會通紅⋯由其係清晨。

見到咁靚風景嘅步行徑...突然好想跑步...

行一段路就有石橋相連

引水道有好多魚...有啲魚大到有50公分...

成條小徑有內外之分，內～用平嘅麻石砌成，適合慢步散心。外～係立青路，可以踩單車。

路邊有啲好特別嘅花...非常靚...

呢種花好得意...

附近居民嘅居屋旁邊亦都種滿好多靚花...

令我難忘...係小徑嘅落葉...行喺上面會...索索聲...大自然嘅樂章

呢啲細細粒紅色果實...佢本身棵樹係好大棵咖...有成兩層樓咁高咖...

呢間COFFEE喺小徑旁邊...佢哋有度好出名嘅甜品「蘋果蛋糕」...電視台有介紹咖...

呢啲小白花開到處都有...喺一群綠色樹葉中就好似閃亮嘅星星......待續

京都…永觀堂禪林寺

2014年11月22日（星期六）

續2014年11月8日…永觀堂唔係我哋目標參觀嘅景點，太太臨時加策…因為收到消息永觀堂寺園嘅紅葉有超過50％已經紅了，咁⋯我哋就過咗去影相。

永觀堂系由一共十幾個…殿丶堂、院丶塔丶樓丶洞、閣⋯等組成，面積佔咗成座山，傳單講喺 1082開始興建。

嘩嘩～千年古蹟，今次因為趕時間只係參觀咗釋迦堂同唐門⋯