第一時間搵毛媽

2014年11月29日（星期六）

平日朝早毛毛散完步返屋企第一時間會走入洗手間跳上屎塔上面等梳洗。

自從我哋去完旅行返嚟之後⋯毛毛就有所改變，一入門口就會衝入睡房搵媽咪（要同毛媽打個招呼先安心），噚日朝⋯毛毛返到屋企走入睡房⋯跟住好緊張咁走返出嚟⋯之後就書房、洗手間、廚房地氈式搜尋⋯但都搵唔到毛媽⋯表現焦急同失望，最後仲要喺洗手間門口等咗一陣先肯去梳洗。

今朝情況毛毛表現極端⋯入到睡房見到毛媽仲瞓緊覺⋯開心到爆，睇嚟毛毛仲未走出我哋離開佢短時間去旅行嗰種恐懼感⋯

毛毛：弊喇！媽咪唔見咗呀...

毛爸：你媽咪去咗做運動呀...好快返嚟咖喇...傻瓜

毛毛：噢～原來係咁咋...嚇屎我...咁都冇咁驚...